خصم 1 % من رواتب الموظفين اعتبارا من الشهر القادم

[جاد جدا]

راتب الموظف يستقطع منه 5 % للتأمينات
وتم اضافة خصم 1 % لصندوق زيادة رواتب المتقاعدين ليصبح الخصم 6 %

الحين الخصم صار 2 % لصندوق المتقاعدين ليصبح الاستقطاع من الراتب الشامل 7 %
اللي ما يصدقني يروح يطلع شهادة راتب بعد اسبوعين لما يهل شهر اغسطس

 

[Master-Leo]

عدل كلامك وراح تزيد النسبه الى 8% أيضا اذا ماني غلطان السنه القادمه

أو اللي بعدها ... زمن أول المتقاعدين يصرفون علينا الحين العكس

 

[Solid_investor]

الموضوع في صالحنا عشان يزيدون السقف الاعلى للرواتب لا سيما بعد زيادات الرواتب الاخيرة في القطاع الحكومي والمؤسسات التابعة له مما يجع السقف الاعلى يزداد

والله أعلم

 

[ميكانيكي]

اي صح اليوم دازيلي ايميل الدوام

 

[فؤاد]

راتب الموظف يستقطع منه 5 % للتأمينات
وتم اضافة خصم 1 % لصندوق زيادة رواتب المتقاعدين ليصبح الخصم 6 %

الحين الخصم صار 2 % لصندوق المتقاعدين ليصبح الاستقطاع من الراتب الشامل 7 %
اللي ما يصدقني يروح يطلع شهادة راتب بعد اسبوعين لما يهل شهر اغسطس

شغلهم سكاتي...التامينات ...هاذي عادتهم ...مو اول مرة........الظاهر القانون معاهم في هالمسألة...
.
عموما ...لايوجد امامهم خيار الا زيادة القسط التأميني أو رفع مدة العمل
.
او العجز عن سداد معاشات التأمينات في وقت من الاوقات.
.
يقال ان الكويت فيها نظام سخي جدا للتقاعد مقارنة بكل دول العالم..من ناحية القسط او مدة الخدمة المنخفظة للمرأة بالذات...
البداية كانت غلط ....عموما الحريم يعملون 15 سنة ويقبضون 40 سنة.واكثر..معمرات ماشاء الله..
.
خلي بالك ان المؤمن عليه يدفع 6% وجهة عمله12% والحكومة 12% او اكثر...فعليك الحساب....

 

[خبره بالسوق]

يستاهلون العجايز

 

[UNIX]

اي والله يستاهلون اهم اللي ربوا و كبروا بعد الله سبحانه، و اليوم يومنا نرد لهم الدين و هم راح نكون مقصرين.

 

[حفار قبور]

تم التأكذ من الخبر

دقيت على صاحبي يشتغل بالتأمينات وقالي الكلام صحيح

للأسف

 

[خسران جداً]

اي صح اليوم دازيلي ايميل الدوام

laish za3lan 3ad? lool

 

[خبره بالسوق]

تم التأكذ من الخبر

دقيت على صاحبي يشتغل بالتأمينات وقالي الكلام صحيح

للأسف

آفا عليك يا خوي ,, كلها عشر دنانير

وين بتروح حق ابوك او امك

 

[Master-Leo]

آفا عليك يا خوي ,, كلها عشر دنانير

وين بتروح حق ابوك او امك

نعطيهم عن طيب خاطر يستاهلون آبائنا وأمهاتنا بس عاد لانشوف الشياب

يروحون تايلند ولا لندن على ظهورنا

والشغل مو سكاتي ترى ياجماعه من آخر زيادة تمت وهم قايلين ان بزيدون كل سنة 1%

( كنت مشتغل بتعديل التأمينات والرواتب للموظفين ومن وقتها والتأمينات لهم نية الزياده)

 

[Sniper Stock]

يستاهلون شيبانا..

بس الحكومه يقولون مايستاهلون...اخذ من جيبه وعايده..

البرميل وصل 68 دولار..والحميضي يقول عجز عندنا ثلاثه مليار..والفايض وين يروح ماتعلمني..يابو التبولة..لبنان تتكفلون بمحطات كهرباء..واحنا نشغل الكهرباء بروبن بو 5,500 شمعه..السعوديين يقولون شفيكم يا اهل الكويت حاطين عداد للكهرباء ديرة عندها فوائض ماليه ضخمه وماعارفين شيسوون فيهاا..

الله كريم نوم الحوش والسطح بيرد

 

[TAKE-OVER]

يستاهلون

هم السابقون

ونحن اللاحقون

 

[(واحد من الناس)]

توم وجيري

 

[احمد العازمي]

الموضوع ليس بجديد

تم الاتفاق على تعديل نسب الاستقطاع بقانون من مجلس الامة واعتقد القانون قبل 3 او 4 سنوات وكانت على زيادة 4% على ماأذكر وتم زيادة الاستقطاع خلال الفترة السابقة 2 % ودفعتها الحكومة اظن

على ان يتم استقطاع 1% من اول شهر 8 سنة 2007 على ان يتم استقطاعها من المؤمن عليه

وهناك 1 % اخرى سوف تتم استقطاعها كذلك من المؤمن عليه بسنة 2009 او 2010

وسلامتكم

الا اذا بعد حطو قانون بزيادة الاستقطاع مره اخرى

 

[yoyo1983]

يستاااااااااااااهلللللوووووووووووووووون

 

[سهم استثماري]

راتب الموظف يستقطع منه 5 % للتأمينات
وتم اضافة خصم 1 % لصندوق زيادة رواتب المتقاعدين ليصبح الخصم 6 %

الحين الخصم صار 2 % لصندوق المتقاعدين ليصبح الاستقطاع من الراتب الشامل 7 %
اللي ما يصدقني يروح يطلع شهادة راتب بعد اسبوعين لما يهل شهر اغسطس

وليه مره ثانيه (

يبه هذا بوق عيني عينك !!

تدرون 1% بالميه شهريا مني ومن أخواني تعادل 40 دينار
ويعطون الوالد 20 دينار يعني 20 رايحه بمخابيهم !!!

يا يبه حنا وكل ما نملك لوالدنا بس فكونا من صندوقكم


صاحب هالقانون حرامي وما يخاف الله لو نقيس حالتنا مع أغلب الموظفين يطلعون حاطين ملايين ببطوهم شهريا
تحت غطاء صندوق المعاشات للمتقاعدين اللي أصلا ما يمثلون 20 % من نسبة الموظفين حاليا .

 

[ahmad2]

ليش ما تحاسبون أعضاء مجلس الأمه اللى وافقو على هالقانون أعتقد سنة 2001 كان هناك مطالبه لزيادة رواتب المتقاعدين 50 دينار وكل ثلاث سنوات زياده 20 دينار والتأمينات قالت بشرط ترفعون نسبة الاستقطاع من 5% إلى 8% كل ثلاث سنوات ترفعون 1% يعنى سنة 2010 راح يصل الإستقطاع 8% .

 

[النائب]

مسكين هالمعاش
كل من جاه انتفه

البنك ينتف
والحكومه تنتف
والبيت ينتف
والضيف ينتف

والظاهر انك يا معاش
منتهي قبل المعاش
والغني فينا ما عاش
والفقر عشعش وعاش

الله يغنينا بطاعته الرحمن
يارب
بس ليش القرين
حد ادني​

 

[s man]

يستاهلون العجايز

ماعندنا عجايز متقاعدين , ليش ادفع حق عجايزكم