تبيقي من رأس المال 30الف دينار

[الهامي]

اخواني الاعضاء

من خسارة الي خسارة ومن سهم الي سهم وكلها خسارة

وتبيقي من رأس المال 30الف دينار

ابي تعطوني سهم اوسهمين اعوض فيهم خسارتي

تقبلوا تحياتي

 

[خسران جداً]

انا قبل يومين شايف واحد حاط موضوع يذمك فيه ويدعي عليك لانك وهقته......سبحان الله يمهل ولا يهمل

 

[متداول مبتدئ]

اخذلك ايفا بسعر 1.040/ 1.060

رايحة 1.200 / 1.300

 

[حفار قبور]

الله يعوض عليك خسارتك وتقر بها عينك بإذن الله تعالى

الصبر زين

 

[ميكانيكي]

بيتك

الصناعات الوطنيه

ونام على بطيخه صيفي

 

[Cha3bar]

السلام عليكم

إطلع من السوق وحط باقي رأس مالك بصندوق إستثماري .. ويفضل يكون التخارج منه سهل لأن واضح من كلامك إن قراراتك في التداول لا تصيب

في نفس الوقت إذا مازلت مولع بالتداول تداول بشكل وهمي لفترة لا تقل عن ستة اشهر .. تعلم خلالها قراءة البيانات المالية للشركات وحاول تعرف معلومات بسيطة عن التحليل الفني للأسهم مو شرط تحلل لكن عشان لما تقرأ تحليل فني لأحد الإخوان تعرف إن كان صائب أم لا

ترى التداول الوهمي مو عيب وتميت أكثر من سنتين أتداول بشكل وهمي لين الحمدلله صارت عندي القدرة والجرأه بإتخاذ القرارات وأتحمل مسؤولية كل قرار أتخذه

والله يوفقك ويعوضك خير

 

[الساهر_qt]

الله يعوض عليك ان شاء الله ...

 

[أشتروبيع]

ياكثرماتفتح مواضيع هامشيه 00000000مالهاداعى؟

 

[بوزييز]

انا اقول حط فلوسك بالشمس واقعد تحت جينكوا
مالك الا سهم الهواتف المتنقله ويت التمويل الكويتي​

 

[الساهر_qt]

السلام عليكم

إطلع من السوق وحط باقي رأس مالك بصندوق إستثماري .. ويفضل يكون التخارج منه سهل لأن واضح من كلامك إن قراراتك في التداول لا تصيب

في نفس الوقت إذا مازلت مولع بالتداول تداول بشكل وهمي لفترة لا تقل عن ستة اشهر .. تعلم خلالها قراءة البيانات المالية للشركات وحاول تعرف معلومات بسيطة عن التحليل الفني للأسهم مو شرط تحلل لكن عشان لما تقرأ تحليل فني لأحد الإخوان تعرف إن كان صائب أم لا

ترى التداول الوهمي مو عيب وتميت أكثر من سنتين أتداول بشكل وهمي لين الحمدلله صارت عندي القدرة والجرأه بإتخاذ القرارات وأتحمل مسؤولية كل قرار أتخذه

والله يوفقك ويعوضك خير

يعطيك العافيه اخوي جعبر على النصائح الحلوه ...
ان شاء الله كل الاخوان يستفيدون منها ...

 

[ALMFJR]

انا قبل يومين شايف واحد حاط موضوع يذمك فيه ويدعي عليك لانك وهقته......سبحان الله يمهل ولا يهمل

كلامك وطريقتك تحر اللى يقرأ كلامك فمابالك بصاحب الموضوع ياخى فلتقل خيرا او فلتصمت

 

[محتار شلون أربح]

انا قبل يومين شايف واحد حاط موضوع يذمك فيه ويدعي عليك لانك وهقته......سبحان الله يمهل ولا يهمل

لا ونا خوك مايجوز هالكلام
حرام تشمت بخوك،،،، يمكن الرجال وصى وماضبطت وياه أو سمع خبر ونقله بحسن نية وطلع غلط بس أكيد الرجال ما يقصد يضر أحد
وأكيد انت ما تقصد تجرحه بس خانك التعبير وفقلبك تدعيله الله يعينه

أخي الهامي
الله يصبر على مصابك ويعوضك خير
أنا أنصحك بمتابعة الإخوان ( ليو - شامبر - واو نون - الجارح ) وإن شاءالله تشوف الخير

 

[fen6as]

الهامي انت تكتب بمنتدى النوادي باسم
هده خله يتحدى؟؟؟؟؟؟؟؟؟؟؟؟؟

 

[jeme_E]

الله يعينك ويصبرك ويعوضك خير

ماعندي شي اضمنه لك اكيد

ولكن انصحك بمتابعة اخونا ليو والاستفسار منه عن اي سهم
قبل تدخل عليه
وكذلك اخونا واو ون
ومتابعة التداول اليومي لانه فيه تنبيه على اسهم صاعده او نازله
وفيها كويت ستوك مو مقصر

حط عينك على جم واحد وراقب تحليلاتهم وكلامهم
وشوف
انا عن نفسي في كذا واحد بالمنتدى حيل حيل متابعهم
لاني اعتبرهم ثقات ومع هذا لو اسمع منهم شي هم اراقب السهم

ولاتدخل الا بالدعم وتطلع بالمقاومه
وارضى بالقليل
والتزم بوقف الخساره

موضوع اخونا ميكانيكي نصائح مفيد جدا
http://www.indexsignal.com/vb/showthread.php?t=76617


والحمدلله من قبل ومن بعد
والله يعوضك خير ويباركلك بالباقي

ونصيحه اهتم جدا جدا بتحليل الاسهم يعلم الله لولاه كان انا خاسر كل راس مالي وغيري كثير
ووخر عن كلام السوق والناس اللى ماتعرفهم
مو كل ما نسمعه يقين

وجرب تتصدق كل ماتربح لو 1/100
او اقل او اكثر
وشوف

اخوي خسران جدا
الله يهداك واكيد ماتقصد الصوره اللى طلع فيه كلامه

 

[roads]

يا جماعة الحسبة بسيطة مجموع السالب عادة = مجموع الموجب فتصبح الشحنات متعادة يعني بقدر ما تطلع المحافظ أرباح فجزء كبير منها هي خسائرك وخسائر غيرك........معوضيييييييين!!!

 

[البواردي]

الله يعوض عليك يا رب
اقول الصفوه من زمان ما صعدت وناسينها صارلهم مده
اخذها كاستثمار اشوف انها كويسه

 

[بونور2]

شوفلك شغلة غير الاسهم


اللة يوفقك

 

[fen6as]

الهامي انت تكتب بمنتدى النوادي باسم
هده خله يتحدى؟؟؟؟؟؟؟؟؟؟؟؟؟

اتضحت الرؤيه يا هده خله يتحدى

 

[jeme_E]

اخوي الهامي راح ابين لك سبب خسراتك ويا ريتك تتدارك نفسك
لانك واسمحلي على هل كلمه قاعد تمشي عكس التيار

اولا

ليش تكرهه الاجل اخوي وسلامتك من الامراض والله يعطينا ويعطيك الصحة والعافيه
اخوي قبل اسبوع دخل بحسابي مبلغ خيالي من الآجل والحمدلله عوضت فيه كل خسارتي بسنة 2006 وطلعت فوقها بربح
وبالمناسبة كنت مأخذ السهم أجل بمركز سلطان بسعر 530فلس وبعته بسعر 670 فلس
ممكن توضح لي وين الامراض
تقبل تحياتي

والسبب الثاني

لاني قلت بالسابق ان التحليل الفني كلام فاضي لايقدم ولايأخر(مجرد شخابيط علي جدار السهم ونسبة نجاحها ضئيلة جدا جدا وبالصدفه ولو ان التحليل الفني فيه خير كان تشوف اخواننا المحللين الفنين مليارديرية من ورا التحليل ولكن للاسف غالبية اخواننا المحللين خسرانين بسبب التحليل الفني واكبر دليل علي ذلك صار لنا يومين نطلب تحليل السهم فنيا ولااحد منهم قدر يرد علينا)وصدقني لو علي التحليل الفني جان انا مادشيت علي السهم واخذته ب530 فلس لاني شفت تحليل فني يقول ان السهم رايح لل500 فلس
اخوي كل ماعليك متابعة السهم ومتي ما حسيت انك طلعت رزقتك قطه وانطره ينزل واخذه بالنازل او شوف لك سهم ثاني تشبع بالنزول
بلاتحليل فني بلا بطيخ

راح اكون صريح معاك واتمنى انك تتقبل كلامي بصدر رحب
السوق الحين ولله الحمد من ارتفاع لاحسن
واللى ما يربح بهل فتره صعبه يربح بعدين
والاخبار متوفره والتحاليل الفنيه

فلا تزعل مني بس شلون تبي تربح
1-اجل
2- وما تاخذ بالتحليل الفني وتهاجم المحللين
3-وتوصي بناء على كلمة سمعت اثنين بالبورصة يقولونها بينهم
وتعتبرها يقين
4-خبرتك بالاسهم مما شفته في ملاحظاتك قليله
5- ما تنتبه للمجموعات والارباح والتوزيعات كما يجب
6-مو قاعد تسوي دراسه على الاسهم قبل تاخذها
قوعه مرتفعه دعم مقاومه الكميات
7-اسهمك كلها في بتروجلف وجراند واسمنت الخليج
وكلهم ما استفاد من صعود السوق
وحسب كلامك في النوادي ان خسراتك غير محقق
فصبر عليه وامسك الكاش اللى يمكن تحتاجه
وجاي دورهم بالارتفاع بذن الله

انا اسف بس الصراحه مطلبوه والعبره لي ولك للاخوان
انا متردد مليون مره اخذ اجل وعلى سهم سعره قوعه
وعليه كذا توصيه
وثلاث مرات اروح السوق واقوف عند الدلال واكنسل
لان الاجل مرعب والكاش احسن الف مره

نصيحه اما تغير خط سيرك
او تطبق ما قاله الاخوان تحط فلوسك اسثمار او بمحفظه
وترتاح

والله يوفقك ويستر عليك

 

[yoyo1983]

الى اخر السنه اعيان والله اعلم