رؤية لبعض الأسهم المرشحه للصعود .. 3

[Master-Leo]

ليو ولا عليك امر
الميادين

وشكرا

الميادين : اخترق حاجز 112 فإن شاءالله يكون سعر جديد للدعم اما الدعم

التالي فهو 106 وحاليا المقاومه 116 في حال اجتيازها فالهدف الأول 120

ومؤشرات السهم ايجابيه ومتماسكه قد نشهد بعض التذبذب مابين الدعم

والمقاومه الى حين كسرها انشاءالله . بالتوفيق

ليو ولا عليك امر تعمير ك مع الشكر

تعمير ك : دعم 130 و 122 ومقاومه 138 و 142 ومؤشراته ايجابيه ومؤشر
الماكد اخترق خط الصفر للأعلى بكميات عاليه

فنتأمل خيرا ان يكسر حاجز 138 على الأقل بالوقت الحالي وبالتوفيق ان شاءالله

 

[Master-Leo]

حبيبي ليو .. مساك ورد وياسمين .. ممكن تحليلك حق سهم كويت انفست ما عليك أمر .
مع ذكر المقاومة والدعم .. وفي حال كسر المقاومة .. ما هي أهداف السهم المتوقعة ولك كل الشكر والتقدير يا عسل مصفى .

ياهلا فيك وصباحك ومسائك الخير

كويت انفست : الدعم 480 و 460 وأهدافه هي مقاوماته : 520 و 540 و 560 و 600 ومؤشراته حاليا سلبيه لكن ممكن تكون فرصه حلوه

للمضارب للشراء بسعر الدعم أو قريب منه بس المشكله بالسهم ان التداول عليه قليل مادري شنو السبب مع العلم ان من جروب البحر اذا ماني غلطان !

العقاريه اذا ممكن

العقاريه : ارتفاع قياسي في فتره وجيزة للسهم ماشاءالله الله يهني ملاكه
وهذا الارتفاع يعتبر نيو هاي للسهم خلال مدة أكثر من سنه .

حاليا الدعم : 190 و 182 والمقاومات القادمه المحتمله 220-222 و 230
المؤشرات ايجابيه وفي مناطق جني أرباح

فممكن يكون في صعود بسيط ويريح السهم شوي بعدها والله اعلم وبالتوفيق

 

[ALMFJR]

ليو الغالى شرايك بأرباح جراند؟؟؟؟؟؟

بلغ ربح جراند 11.408.108 دينار


ربحية السهم 31.41 فلس


المصدر :بورصة دبي

أرباح نفس الفترة العام الماضي 8.869.796 دينار

النمو28.6 %

 

[Master-Leo]

ليو الغالى شرايك بأرباح جراند؟؟؟؟؟؟

بلغ ربح جراند 11.408.108 دينار


ربحية السهم 31.41 فلس


المصدر :بورصة دبي

أرباح نفس الفترة العام الماضي 8.869.796 دينار

النمو28.6 %

الحق ينقال خوش أرباح مدام انها في نمو لكن السؤال هل يتفاعل السهم ايجابيا ويا هالارباح وهل متوقع ان يوزعون توزيع سنع من أرباحهم هذه ؟؟؟

أتمنى الاجابه تكون نعم من أجل صغار المساهمين موفقين ان شاءالله ومبروكين على هالإعلان الجيد

 

[كـــيـــــوت_25]

صبا ح الخيييييييييييييييييير


شلونك ليو


الله يعطيك العافيه على هالمعلومات ​

 

[ALMFJR]

 

[Master-Leo]

الله يسلمك يا المفجر وصباح الورد كيوت والله يعافيج

بالمره نذكر بمؤشرات سهم جراند كنت حاطه من ضمن الاسهم المرشحه في بداية اسبوعنا الحالي لكن ما ارتفع مع الأسف

وقلت خل ننتظر اعلان الأرباح لنقرر ونتأكد من مدى امكانية صعوده للاسبوع القادم :

الدعم 340-345 والمقاومه 370 وفي حال كسرها ممكن يتوجه الى 380 وبعد تجاوزها ممكن يتجه الى 400

المؤشرات : مؤشر الماكد غير واضح الاتجاه وهو فوق خط الصفر ومؤشر الستوكاستك في
بداية تقاطع ايجابي ومؤشر القوة النسبيه متماسك وبقية المؤشرات بعضها متماسك والآخر سلبي

فالسيناريو المحتمل بعد خبر اعلان الأرباح : صعود محتمل الى مستوى 360-370 وطبعا اذا التداول عالي ففمكن نشوفه وأتمنى يكسر 370 ان شاءالله

السيناريو الأسوء هو استمرار التذبذب مابين 345-360 وممكن ايضا يكون فيها لقمة حلوة للمضاربين اليوميين وبالتوفيق للملاك ولمن يحب الدخول عليه

 

[shanab]

يعطك العافيه على التحليلات
وموفق باذن الله

 

[ALMFJR]

مشكور طال عمرك

 

[Q8 Stock]

ليو الغالى شرايك بأرباح جراند؟؟؟؟؟؟

بلغ ربح جراند 11.408.108 دينار


ربحية السهم 31.41 فلس


المصدر :بورصة دبي

أرباح نفس الفترة العام الماضي 8.869.796 دينار

النمو28.6 %

اخوي المفجر

ارباح الربع الثاني = 5.7 مليون دينار
ربحية السهم = 15.95

ارباح نفس الربع السنه السابقه
ارباح الربع الثاني = 7.9 مليون دينار
ربحية السهم = 25.61 فلس


النمو في الربع الاول
اما الربع الثاني غير مشجع ..!!

 

[ALMFJR]

مشكور طال عمرك يامشرفنا الغالى

 

[Dr.F]

عساك على القوه ماستر ليو وبميزان اعمالك انشالله على هالمجهود الطيب..وهذا يدل على معدنك الطيب.

 

[MAB]

جزاك الله خير مستر ليو وحبيت اعرف رايك عن الساحل حاليا

 

[Master-Leo]

اخوي المفجر

ارباح الربع الثاني = 5.7 مليون دينار
ربحية السهم = 15.95

ارباح نفس الربع السنه السابقه
ارباح الربع الثاني = 7.9 مليون دينار
ربحية السهم = 25.61 فلس


النمو في الربع الاول
اما الربع الثاني غير مشجع ..!!

شكرا بوعلي على التوضيح والله يوفق ملاك السهم

 

[Master-Leo]

جزاك الله خير مستر ليو وحبيت اعرف رايك عن الساحل حاليا

قبل لاتفكر تشتريها شوف الهواتف وسلوكه وقرر انت تبي تضارب فيه ولا بتستثمر ؟

أمس قمت بمضاربه سريعه فيه فشريته 420 لما شفت في نشاط وصعود لسهم الهواتف وعرضتها فورا للبيع 430 وحمدلله راحت .

حاليا الدعم على 405 ومقاومه على 440-445 والسهم مؤشراته ايجابيه
ويبيله تداول قوي يكسر شوكة 440 لكن المهم خل عينك

على تداول الهواتف من الصبح وانت ممكن تتوقع سلوك سهم الساحل اما صعودا أو نزولا حسب تداول الهواتف ومؤشر السوق

وبالتوفيق لك ان شاءالله

 

[Master-Leo]

هذا التحليل حق اخونا العزيز الميكانيكي

استثمارات صناعية : دعم 200-202 ومقاومه 210 ومؤشراته ايجابيه بدرجة بسيطه فممكن يتراوح حاليا سعره مابين الدعم والمقاومه وماعتقد فيه صعود قوي الا في حال الاعلان عن ارباح ممتازة .

الشركة احتمال يتم توقيفها في حال اذا ما اعلنت عن ارباح النصف الأول يوم السبت وفي
بورصتنا في مبدأ للسلامه تعلمته أن لاتاخذ سهم ماعندك فكره أو تصور عن أرباحه لأن

مرات تشتريه على سعر الدعم لكن ينزل اعلان أرباح يخسف بالسهم ومايمديك حتى
تبيعه بخساره بسيطه بنفس اليوم فمافي داعي للمجازفات

 

[AL.MOUSAWI]

الله يعطيك الصحة والعافية حبيبي ماستر ليو وأشكرك على التحليلات الرائعة وخاصة تحليل جراند والذي طمنت فيه الكثيرين ممن تخوفوا من هذا السهم وحسب المعلومة اللي ياتني ان الاسبوع القادم هو اسبوع المجموعة وعلى رأسها جراند وبتروجولف .

 

[بورصة جمبزه]

هذا التحليل حق اخونا العزيز الميكانيكي

استثمارات صناعية : دعم 200-202 ومقاومه 210 ومؤشراته ايجابيه بدرجة بسيطه فممكن يتراوح حاليا سعره مابين الدعم والمقاومه وماعتقد فيه صعود قوي الا في حال الاعلان عن ارباح ممتازة .

الشركة احتمال يتم توقيفها في حال اذا ما اعلنت عن ارباح النصف الأول يوم السبت وفي
بورصتنا في مبدأ للسلامه تعلمته أن لاتاخذ سهم ماعندك فكره أو تصور عن أرباحه لأن

مرات تشتريه على سعر الدعم لكن ينزل اعلان أرباح يخسف بالسهم ومايمديك حتى
تبيعه بخساره بسيطه بنفس اليوم فمافي داعي للمجازفات

يا جماعه لا داعي للخوف مع سوق الجمبزة اهم لازم يقولون جذي علساس تبيع السهم ومن بعدها يبدي الصعود الكبير وتقول يا ليتني ما بعت السهم خلك جامد ما يهزك ريح والشركة فيه صعده بس ناطرين الناس تبيع لانه كمية الاسهم في الاستثمارات الصناعية وهم الكميات الموجوده في المستثمر الدولي تم شرائها من قبل متداولين والي سيحتفظون بالسهم عند الارتفاع وهم لازم يعلنون توقيف الشركات هذي علساس انك تبيع بالعربي انت بورصة جمبزه وعلي قولة بوصالح (( بالجمبزة بيصيرون تجار بالجمبزة)) والفاهم يفهم من غمزه والله العالم موفقين

 

[السور]

ماعليك امر اسدنا بغيت سهم المعادن ولكم جزبل الشكر و الاحترام

 

[Master-Leo]

ماعليك امر اسدنا بغيت سهم المعادن ولكم جزبل الشكر و الاحترام

ياهلا اخوي السور

معادن : دعم 790 ومقاومه 850 في حال اجتيازها بسيوله قوية وبتداول عالي فالهدف 890-900 ومؤشرات السهم ايجابيه فيا إما يصل

السهم لسعر المقاومه ويرتد للأسفل أو يجتازها في الطريق الى 890 ان شاءالله وبالتوفيق