شركة رابطة الكويت والخليج للنقل ش.م.ك.م ( الرابطة ) .. 3

[هداف]

البورصة حالها ردي ياجماعة لا أحد يشتري
الناس قاعده ترفع للتصريف لايغركم ارتفاع أمس يقولون فيه موجة هبوط ثانية

 

[barbarian]

السلام عليكم

سبق واني قلت ما راح أتكلم لكن هناك شئ لابد أن أقوله اليوم...

هل اليوم آخر فرصة للهروب من هذا السهم ؟

أم اليوم آخر فرصة للتجميع على هذه الأسعار ؟

هل أرباح الربع الثالث جيده ؟

أولاً: في تاريخ 5/3/07 و 6/3/07 تم تصريف 8 ملايين سهم بالرابطه ونزوله بالحد الأدني اذا تذكرون وهذا يدل على وجود تسريب للمعلومات ان السهم راح يوزع توزيعه تفشل 30% منحه مما يؤدي الى نزول السهم

ثانياً: في تاريخ 21/10/07 تم تصريف 15 مليون سهم بالرابطه بأسعار 700 - 750 فلس بعد ما جمعوا السهم على اسعار 650 فلس وبعدها مثل ما الكل شايف السهم نزل ومو مترقع ونقدر نستنتج من هذا ان هناك نزول آخر للسهم بسبب تسريب معلومات عن ارباح الربع الثالث (تفشل)

أخيراً: في تاريخ 30/10/07 - 1/11/07 كان هناك عملية تبادل صناديق أو محافظ والكل شايف ذلك بسعر الـ 640 فلس قرابة الـ 11 مليون سهم...أنا قلت تبادل مراكز لاني شفت عرض قوي على هالسعر وبنفس الوقت طلب قوي على السعر نفسه

اذن هل اليوم آخر فرصه للهروب من هذا السهم ؟ هل السهم سيشهد نزول أكثر اذا ارباحه تفشل ؟ واذا ارباحه زينه ليش صرفوا على 700 - 750 فلس مع انهم يقدرون يصرفون بأسعار اعلى اذا كانت الربحيه ممتازه ؟ هل هم على علم بوجود تصحيح قادم لذلك صرفوا ؟ هل اللي صار بسعر 640 فلس تصريف أو تجميع ؟ اذا تجميع ليش نزل السهم وما دعمه صانع السوق ؟ اذن الاحتمال الأكبر يكون تصريف ؟

شباب قلت كل اللي عندي وأرجوكم رجاءً...لا تاخذون كلامي وتبيعون بخساره...من وجهة نظري اللي خسارته بسيطه يبيع واللي خسارته كبيره مثلي راح أخللى السهم للعيال وآخذ توزيعة سنتين وبعدين ان شاء الله ما راح أبيعه الا بربح..

 

[barbarian]

بو خماط أتوقع ان بو خمسين داش على الرابطه ما تشوف الطلبات بو 50 ألف سهم يشيلهم ويحطهم ذبحنا

 

[barbarian]

بو خماط تكفه قوللي شنو سالفة صفقة الربع مليون على 560 فلس

وأصلاً اذا يبي يجمع ما يدعم السهم على 550 و 540 و 530 فلس وبعدين يجمع

أتوقع...والا أقولك خلني ساكت أحسن

 

[barbarian]

باقي أقل من 7 دقائق لاغلاق السوق والسهم ما تحرك...

 

[barbarian]

شباب الاجتماع الساعه 12:30

ماكو معلومات تسربت ؟

 

[bo salem]

الله يستر من الاجتماع .
بس التسكيرة تبشر بالخير ان شاء الله .​

 

[أبـو شـهــد]

13:39:33 بلغ ربح (الرابطة) 8,1 مليون د.ك لل9 أشهر المنتهية في 30-09-07‏
يعلن سوق الكويت للأوراق المالية أن مجلس ادارة شركة رابطة الكويت والخليج
للنقل قد اجتمع اليوم الثلاثاء الموافق 13-11-2007، واعتمد البيانات المالية
المرحلية للشركة للفترات المنتهية في 30-09-2007، وفقا لما يلي:‏
ِ1) الفترات الحالية:‏
البند ال3 أشهر المنتهية في 30-09-07 ال9 أشهر المنتهية في 30-09-07‏
الربح(د.ك) 3,139,438 8,189,867 ‏
ربحية السهم(فلس كويتي) 15,51 40,49‏
علما بان صافى الربح يتضمن:‏
ارباح غير محققة بمبلغ 1,500,000 د.ك .‏
بلغ اجمالي الايرادات من التعاملات مع الاطراف ذات الصلة مبلغ 2,587,605 د.ك
بلغ اجمالي المصروفات من التعاملات مع الاطراف ذات الصلة مبلغ 0 د.ك
ِ2) الفترات المقارنة:‏
البند ال3 أشهر المنتهية في 30-09-06 ال9 أشهر المنتهية في 30-09-06‏
الربح(د.ك) 4,762,976 22,837,473‏
بحية السهم(فلس كويتي) 33,88 149,40‏

 

[bo salem]

الله يعينا على الربحية​

 

[barbarian]

الحمدلله على كل حال...

ربحية الربع الثالث أكثر من ربحية الربع الأول أو الثاني

15.5 فلس الحمدلله يعني ان شاء الله على نهاية السنة 60 فلس الربحيه

 

[RHODIUM]

السلام على الجميع
وعظم الله اجرك يا بوخماط الغالي في مثل ربحية السهم الدايخ,, مع الاسف!!​

 

[bo salem]

انا الي مضيق خلقي السوق بكبره بس الي مهون علي ان السهم ولله الحمد متماسك بالنسبة لنزول السوق .
والي مهون علي بعد اهو ان الاعضاء بدت تظهر عليهم اشارات التفاؤل وعسى دوم وعسى مايطول الحال على ما هو عليه ​

 

[barbarian]

بو سالم...

ليش متضايق من الربحيه ؟

الربع الأول والثاني كانت ربحيتهم 25 فلس وعطاك بالربع الثالث 15.5 فلس

كم كنت متوقع تكون الربحيه ؟ لو تاخذ معدل ربحية الربعين الاول والثاني تكون 12.5 فلس وعطاك 3 فلوس زياده شتبي بعد

 

[لورد ستار]

الرابطه تحقق 40 فلس 9 شهور 2007

اعلنة شركة الرابطه عن تحقيق ربحيه 40فلس ل 9شهور لسنة 2007 اسال الاخوه المحللين عن رايهم بهذه الربحيه -تحياتي

 

[bo salem]

بالنسبة الى ربحية 2006 اكيداقل ---- اما بالنسبة لسعر السهم حاليا وهو 570 فلس فاعتقد ان الربحية جيدة .​

 

[bo salem]

بو سالم...

ليش متضايق من الربحيه ؟

الربع الأول والثاني كانت ربحيتهم 25 فلس وعطاك بالربع الثالث 15.5 فلس

كم كنت متوقع تكون الربحيه ؟ لو تاخذ معدل ربحية الربعين الاول والثاني تكون 12.5 فلس وعطاك 3 فلوس زياده شتبي بعد

انشاء الله خير وخاصة ان سعر السهم حاليا 570 على هذه الربحية تكون جيدة حسب اعتقادي​

 

[barbarian]

انشاء الله خير وخاصة ان سعر السهم حاليا 570 على هذه الربحية تكون جيدة حسب اعتقادي​

بو سالم انا كنت أحاتي أكثر منك لكن الحمدلله تطمنت على الشركه

الربحيه مو هامتني كثر الشركه نفسها لابد من وجود نمو بالارباح ولا تنسى انها موزعه 30% منحه السنه اللي طافت

لا تقارن ربحية الآن بالسنه اللي طافت...السنه اللي طافت كان 1200 فلس والحين نازل أقل من نص سعر السنه اللي طافت...

باجر راقب السهم...اذا صعد خير وبركه واذا نزل نبرد عليه لمن يستقر السوق وبالتوفيق للجميع

 

[اساهيم]

جعلهم للفقر هم وربحيتهم ..

المفروض يتم نقلها الى السوق السعودى حرام مثل هالشركه موجوده عندنا الله لا يبارك فيهم ..

 

[bo salem]

هذا الي بيصير ..... بس ماراح ابرد الا على 510 عشان لا نزل بعدها ينزل 5فلوس بالطقة لين يعدل السوق​

 

[ABO GHANEM]

انا لله وانا اليه لراجعون علي هذا السهم