هل لديك مشكله مع سيارتك ؟؟ تفضل واعرضها وان شاء الله تنحل

[q82007]

ياجماعه تكفون ابى حل

انا عندي مرسيدس موديل 95

اذبحتني الحراره ما ترتفع الا اذا ماشي على الخط ترتفع بشكل ملحوظ (فترة الظهر)
لاكن بالليل الحراره طبيعيه
مرات اقول من الجو بس الغريب انها توصل فوووول علشان جذى مشاوري قريبه حيل

الخطوه الاولى تسوي صيانه للراديتر تشيش مع دواء الراديتر واذا مانفعت احتمال المشكله من المروحه فيها عطل توقف مع ضغط الهواء وانت ماشي
يسمى كلتش المروحه والله العالم والاسباب كثيره بس هذي اقربها

 

[sanad2007]

عندي فورد ماركيز مكسوره الجام الاماميه
ابي ابدلها ومالقيت غير الصيني لانه الاصلي بس بالوكاله اشرايكم ابدل صيني
ولا في مشاكل ناطر الرد ضروري جدا

اخوي الغالي : انا برمضان اللي فات رحت لمحلات جامات وافتريت ولقيت محل عنده جامه اصليه قالي بـ35 د.ك قلت لا يبا ركب صيني بـ 17 د.ك كلها جامه وما اهتميت ولكن يوم جانا الشتاء حسيت بالفرق لان الجام الصيني في تعرجات وبالمطر في اماكن بالجام ماتحوشها المساحه تحسفت ليتني مركب اصلي

للمعلومه سيارتي فكتوريا و المحل بشارع كندادراي اسمه الخالديه بجانب محطة المغرب العربي

للافاده

 

[sanad2007]

اخواني عندي فور ماركيز 2006 لما تكون السيارة واقفة فترة طويلة واشغلها احس فس خشونة بالماكينة شالسالفة .. علما بان السيارة بحالة شبه جديدة

نفس سالفة اخوي بالضبط

وتبين بالشتاء لما تكون السيارة شغاله بدون مكيف وبمكان هاديء

رحنا للوكاله قالوا هذا عيب مصنعي لازم نركبلك ربلات تحت بلف الهواء ونطلبهم لك وخرطي ماطلبوا ولا شي عاد طنشنا

لا تحاتي اخوي انسااااهاااا بس اذا تحس الصوت زاد لا تسكت

وترا عدلوا هالعيب بموديل 2008

 

[sanad2007]

ياجماعه تكفون ابى حل

انا عندي مرسيدس موديل 95

اذبحتني الحراره ما ترتفع الا اذا ماشي على الخط ترتفع بشكل ملحوظ (فترة الظهر)
لاكن بالليل الحراره طبيعيه
مرات اقول من الجو بس الغريب انها توصل فوووول علشان جذى مشاوري قريبه حيل

اتوقع راديترك مسكر يبيله تشييش وتاكد من الثرموستات اذا شغالين اوكي وتأكد من كلتش المروحه والمراوح الكهربائيه


هذي اول شغلات لازم تتاكد منها واذا مو منهم الله يعينك

بس ان شاء الله شغله بسيطه

 

[kuwait225]

الله يعطيكم العافيه

انا مجيك على كل شى الا تشييش الراديتر بروح اجرب واشوف
والله يعطيكم العافيه

 

[bahry_y]

السلام عليكم اخواني عندي كابرس ال تي زد موديل 2000 مشكلتهاا اذا كنت ماشي مثلا 80 وضغطت البانزين حده مرات تفز وتروح ومرات لا اهي وبمكانهاا تحن السياره ويرتفع الضغط الاربي ام ؟؟؟ ماني عارف شنوو المشكله ارجووو الرد ؟؟؟؟؟

 

[q82007]

اخوي بحري الحاله اللي ذكرت بوادر ان القير قرب يطق ويحتاج تجفيد والله يستر

 

[Death match]

نفس المشكلة عندي وخصوصاً بالضهر لما ادوس الضغط يلعب وما تفز السيارة سألت عن المشكلة قالو من الديلكو بدلت الديلكو والسيارة على حالتها وواحد قالي المشكلة بانزين من الطرمبة بس الله اعلم لان الاخ اللي رد يقول قير اذا قير ليش تصير هالحالة بس بالضهر ؟ وشكراً

 

[bahry_y]

q82007 انا امس رحت سالت بالشويخ وطلع معاي واحد يفحصهاا وقالي نفس كلامك القير بيودع اذا ادوس فيهاا بس اذا ما ادوس فيهااا يمشيني فتره طويله .... وانا الحين ناطره يطق لوووووول مشكور اخوي على الرد

 

[q82007]

حياك الله اخوي بحري نعم مع المحافظه والتسارع بالتدريج ان شاء الله يعمر معاك القير

 

[العقيد]

مرحبا
عندى جيب فورد أكسبلور
مديل 1996 الجير تعبان مادرى أجيبلا من السكراب
ولا أركبلا من الجيرات الى من أمريكه
أو أجفت الجير
وشكرا

 

[stingray74]

يعطيكم العافيه جميعا اخوكم بوخالد عضو جديد بالمؤشر نت وماقصرت يا خوي على البادره الطيبه

وهذا ان دل يدل على حسن اخلاقك وبيض الله ويهك ووويه كل من بادر ويبادر في حل اي مشكله

اويرد على اي استفسار ...

عندي استفسارين اول شي ابي مكان او موقع اومحل يكون بالكويت يبيع جميع قطع غيار

او اكسسوارات الجمس اللي هو الجيمي او الشفر اللي هو البليزر طبعا ال 8 سلندر الحجم الكبير

القديم من موديل الثمانينات الى موديل 91 وتكون اسعاره رخيصه ومعقوله.

وثاني شي هل في محل او كراج يصلح او يصب البلاستك او الربل مال السيارات يعني مثال:

((قيطان الدعاميات الربل-ربل المدقر من داخل......الخ)) وشكرا.

والله يكثر من امثالكم اتمنى انه الرد يكون اهني او على رقمي هذا 9006642 بوخالد.

 

[أبوسلامة]

السلام عليكم جميعا
شباب عندي مشكله اللي يعرف او واجهته نفسها تكفون يبلغني والله يجزاه خير
المشكله وانيت جمس 2500 موديل 2004
مرات القير مايبدل ومرات مايشتغل والمكيف صوب حار وصوف بارد وتعلم علامات بالطبلون مثل الايبي اس والسايد بريك
ولما تفصل البطاريه وتردها ترووح كل المشاكل لي خمس اوست ايام وبعدين ترد
فحصته عند النجم الثلاثي بالكمبيوتر يقول مافيه شي اللي عنده حل يرد علي

 

[kuwaitey]

السلام عليكم جميعا
شباب عندي مشكله اللي يعرف او واجهته نفسها تكفون يبلغني والله يجزاه خير
المشكله وانيت جمس 2500 موديل 2004
مرات القير مايبدل ومرات مايشتغل والمكيف صوب حار وصوف بارد وتعلم علامات بالطبلون مثل الايبي اس والسايد بريك
ولما تفصل البطاريه وتردها ترووح كل المشاكل لي خمس اوست ايام وبعدين ترد
فحصته عند النجم الثلاثي بالكمبيوتر يقول مافيه شي اللي عنده حل يرد علي

وعليكم السلام ورحمة الله وبركاته ..

اخوى انت مشكلتك فى الكهرباء احتمال عندك كف كمبيوتر خربان

او قطعت كتاوة اللى توصل الكهربا لمخ الجير لان الجير كهرباء عندك

ونفس الشى للمكيف

نصيحه اخوى مثل المشكال هذى مانصحك تروح عند اى كراج

انصحك فى الوكاله وبس لانها شغل كهرباء ومتشربكه مع بعض

بتوفيق ان شاءالله

 

[أبوسلامة]

الله يجزاك خير اخوي علا ردك السريع واهتمامك بالموضوع
بس انا رحت الوكاله قالولي مانعرفله شوف بره احد يمكن تحصل

 

[jreea]

السلام عليكم
شباب عندي مشكلة غريبة ،،، عندي فورد كراون فكتوريا 2008 جديد ماشي 15000 الف بس ، والمكيف حشاكم زباله حده ،،، المشكلة انه مو مشكلة غاز لأن ساعات يكون بارد وثلج وساعات حار ويلوع الجبد ،،،، واعتقد اهيه مشكلة كمبريسر ، لأن كل شوي يفصل علي ، وخاصة بالزحمة ، وكل ما اوديه الوكالة يقولولي مافي شيئ ، وما ادري شنو اسوي ؟؟؟
وانا لاحظت عليه ان اذا انا دست بريكات وادوس بانزين واكرر هاذي الشغله تدرون بعد بالزحمة لازم اتسوي جذيه المهم يفصل الكمبريسر ،، والوكالة يجرببون الموتر على الخط فاضي يقولولي : كاهو اشحلاته مافي مشكله ..!!!
والله احترت معاهم .

 

[sanad2007]

مرحبا شباب

اي كمبريسور بالدنيا لازم يفصل ويريح شوي

المشكله بالفكتوريا الجديد 2007 2008 ان هذه الفصله تطول شوي فيصبح الهواء حار شوي وتحس انه في ندا هذا عيب مصنعي لالتعب نفسك وتلف وتدور

للتأكيد :اذا صار المكيف حار بسرعه افتح الكبوت وطالع الكمبريسور تلقاه فاصل


الله يعينك


سيارات اخر زمن

 

[kuwaitey]

السلام عليكم جميعا
شباب عندي مشكله اللي يعرف او واجهته نفسها تكفون يبلغني والله يجزاه خير
المشكله وانيت جمس 2500 موديل 2004
مرات القير مايبدل ومرات مايشتغل والمكيف صوب حار وصوف بارد وتعلم علامات بالطبلون مثل الايبي اس والسايد بريك
ولما تفصل البطاريه وتردها ترووح كل المشاكل لي خمس اوست ايام وبعدين ترد
فحصته عند النجم الثلاثي بالكمبيوتر يقول مافيه شي اللي عنده حل يرد علي

انا بو صف لك كراج وان شاء الله يقدر يساعدك

اول كراج : اسمه كراج الباخره تخصص شفر وجمس
وصفه : بعد مغسلة الصافى ثانى لفه على ايدك اليمين
اول ماتدخل الفه تشوفه على ايدك اليسار ثانى كراج
اسأل عن المعلم اسمه امتياز وان شاء الله يقدر يفيدك

ثانى كراج : ثالث الـلفه بعد مغسلة الصافى على ايدك اليمين
تدخل الــلـفه وتكمل سيده لما يجيك تقاطع .. اول ماتطوف التقاطع
تحصل كراج على ايدك اليسار اسمه ملك الطريق
هذا لبنانى شاطر محمد وخالد مدللى بس عيبهم انهم نصابه يعنى لازم ينصبون عليك يحرقونك بسعر حراق ومستحيل يعلمونك شنو العله
وللامانه انا تركته لسبب هذه

ثالث كراج : نفس التقاطع بس لف يمين لما تشوف عالم الغنام
على ايدك اليمين وان شاء الله اكون قدرت اساعدك بلى اقدر عليه

بتوفيق اخوى

 

[kuwaitey]

السلام عليكم
شباب عندي مشكلة غريبة ،،، عندي فورد كراون فكتوريا 2008 جديد ماشي 15000 الف بس ، والمكيف حشاكم زباله حده ،،، المشكلة انه مو مشكلة غاز لأن ساعات يكون بارد وثلج وساعات حار ويلوع الجبد ،،،، واعتقد اهيه مشكلة كمبريسر ، لأن كل شوي يفصل علي ، وخاصة بالزحمة ، وكل ما اوديه الوكالة يقولولي مافي شيئ ، وما ادري شنو اسوي ؟؟؟
وانا لاحظت عليه ان اذا انا دست بريكات وادوس بانزين واكرر هاذي الشغله تدرون بعد بالزحمة لازم اتسوي جذيه المهم يفصل الكمبريسر ،، والوكالة يجرببون الموتر على الخط فاضي يقولولي : كاهو اشحلاته مافي مشكله ..!!!
والله احترت معاهم .

حبيبى ان شاء الله فيه حل بس الحل هذا يخليك تغير فى عيار المصنع

تروح عند اى كراج متخصص فى كهرباء فور وشرط يكون فنان

اشرح له العله وتركه شوفه اذا طلع فاهم وعرف العله خير وبركه

وذا ماعرف .. انت اطلب منه قول له حاول انك تغير عيار (بلف المكيف الداخلى )

هذا البلف له عيار تغيره تخلى المكيف يطول او بسرعه يفصل

انت ومزاجك وان شاء الله انى قدرت اساعدك

بتوفيق اخوى ..

 

[kuwaitey]

مرحبا
عندى جيب فورد أكسبلور
مديل 1996 الجير تعبان مادرى أجيبلا من السكراب
ولا أركبلا من الجيرات الى من أمريكه
أو أجفت الجير
وشكرا

جفت احسن لان جير الفورد بل اساس ظعيف

ادفع زود وريح بالك