البراك يرد على المشككين في نتائج زين .. إنهم يهرجون

[هزيم]

بصراحة مراح نخلص من نجرتكم،، كل واحد فيكم يشتري سهم واحد من زين من سوق الكسور علشان يحضر الجمعية العمومية و وقتها ناجروا البراك، ترى البراك فاشل و ما يعرف يتكلم و الدكتوراة مالته يايبها من تنزانيا

انا كنت اتمنى اشوف ايماءات الدكتور سعد بمؤتمره الاخير ومن حسن حظي شفت لقطة منه اليوم اعرضتها الـ cmbc عربية ، وتبين لي ان الدكتور لا يجيد لغة الايماءات التي هي مدخل الاقناع ..

واذا تبون اتعرفون من افضل من يجيد لغة الايماءات ؟ هو الرئيس بوش الابن ..

عموما الدكتور سعد عليه كاريزما جيدة بس ماعرف يوضفها صح بخطاباته ..

 

[هزيم]

المأزق اهوة الخازوق السعودى ادفعوا زيادة 2مليار بصفقة ماتسوى لعبوها عدل السعوديين مع المصرى نجيب سويرس كان ودى تشوفون ويه سعد البراك بعد الصفقة وهذا احد اسباب نزول السهم !!

يقولون الذيب ما يهرول عبث .. هالمليارين الزيادة اللي اخذناها بنردلكم اياها 32.25 مليار ريال <<< كيفنا دلوخ .. على هيئة راسمال 14 مليار زايد قروض بنكية بـ 18.25 مليار .. اخصم منها بس 3 مليار تكاليف تاسيس الشركة عندنا والباقي حلال على قلوبكم

ما راحت بعيد

 

[رومنسيات]

انا كنت اتمنى اشوف ايماءات الدكتور سعد بمؤتمره الاخير ومن حسن حظي شفت لقطة منه اليوم اعرضتها الـ cmbc عربية ، وتبين لي ان الدكتور لا يجيد لغة الايماءات التي هي مدخل الاقناع ..

واذا تبون اتعرفون من افضل من يجيد لغة الايماءات ؟ هو الرئيس بوش الابن ..

عموما الدكتور سعد عليه كاريزما جيدة بس ماعرف يوضفها صح بخطاباته ..

يجماعة ترى فى صفحة خاصة بسهم زين
مانبى المشاركات تتشتت منى ومناك
انا ماكنت ودى اشارك وقلت اكتفى بالقراءة ولكن لقيت هزيم مرة ثانية
العدو اللدود للشركة واللى دايم مشاركاته ضد الشركة..
بقولك انت يبوالأيماءات ياللى صرت محلل نفسى بعد
الحين صار كلام الدكتور البراك مافيه اقناع وتبى حضرتك تحدد ايماءات
البراك صاحب العقلية التجارية والعقل المفكر والمخطط لزين..
فى حلقة راح تعرض على تلفزيون الكويت فى برنامج اسمه الدوانية
يطلع كل اثنين الساعة 10 بالليل...روح راقب حركاته واسمع كلامه
انا حضرت حلقة التسجيل الرجل يتكلم من فكر واسع ويعرف السوق
شنو يبى وحتى قال كلام قوى وكبير ومايقوله الا هو...هذا دليل على
قوة حضوره وشخصيته وعقليته...
وحط بالك انا مرة حضرت هم لقاء للبراك وتكلم عن الوضع الأقتصادى للبلد
وتكلمو عن ززيادة الرواتب وكان معارض للسالفة ومن يومها وانا ماحب الشخص هذا...انا قلت الملاحظة هذى علشان لاتقول انا ادافع عنه
ولكن كلمة الحق تنقال...البراك عقلية خطيرة جدا جدا وخير رجل يقود
دفة زين الى بر الأمان

 

[جمبازي]

زمان غايب يابوحسين11

ترى نزعل اذا غبت عنا


لك وحشة بالغالي



الفهلوي

يعطيك العافيه بومشعل


ناسى نقطه طال عمرك ...

 

[هزيم]

يجماعة ترى فى صفحة خاصة بسهم زين
مانبى المشاركات تتشتت منى ومناك
انا ماكنت ودى اشارك وقلت اكتفى بالقراءة ولكن لقيت هزيم مرة ثانية
العدو اللدود للشركة واللى دايم مشاركاته ضد الشركة..

الحين صار كلام الدكتور البراك مافيه اقناع صاحب العقلية التجارية والعقل المفكر والمخطط لزين..
فى حلقة راح تعرض على تلفزيون الكويت فى برنامج اسمه الدوانية
يطلع كل اثنين الساعة 10 بالليل...روح راقب حركاته واسمع كلامه
انا حضرت حلقة التسجيل الرجل يتكلم من فكر واسع ويعرف السوق
شنو يبى وحتى قال كلام قوى وكبير ومايقوله الا هو...هذا دليل على
قوة حضوره وشخصيته وعقليته...
البراك عقلية خطيرة جدا جدا وخير رجل يقود

البرنامج مفتوح والا انتقائي ؟

واذا مفتوح بشارك بهالسؤالين :-

الست معي سعادة الدكتور سعد في ان 14 مليار ريال كرأسمال لشركتكم زين بالسعودية مبالغ جدا فيه اذا ما علمنا بان منافستكم موبايلي راسمالها 5 مليار ريال واذا ما علمنا ايضا بان شركتكم تتساوى مع موبايلي بالمميزات ؟

وهل حقيقة ما سمعناه وقرأناه بان شركتكم زين ستقترض مبلغ 4.8 مليار دولار او ما يعادل 18 مليار ريال واذا كان حقيقة هذا القرض ممكن تنور اخوانك المتلقين اين ستتنفق 32 مليار اذا ما علمنا بان تكلفة تاسيس شركتكم بالسعودية لن يتجاوز 5 مليار ريال ونتعهد للجميع بتاسيسها بهذا المبلغ ؟

 

[مستثمر فقير]

تذكرون لمن الشركه كانة محتكره الخدمه

(خدمه تعبانه) ... (اسعار جنونيه ) هذي خدمتنه وهذي اسعارنه غصبا
عنكم ترضون بالواقع

لمن اطلعة شركه ثانيه الوطنيه... تعدلت الخدمه والاسعار (( عشان عيون العملاء )) لا طبعا لكي لا يهربون الي الشركه الثانيه


لمن تكلمو عن شركه ثالثه ((( الدكتور الكبير سعد البراك ))) قال السوق
عندنه ما يتحمل وقام يزاقط وحاشه صرع
(( انا الي فهمته من كلامه ان الكيكه ما تتحمل ياكلونه ثلاثه ...الله يرحم ايام الي كنت فيه تاكل الكيكه بروحك ))

وبعده كشر عن انيابه وقال انه الكويت لا تصلح لان تكون مركز مالي
والقوانين والتشريعات ما تساعد ... وقال راح ينقل الشركه الي الخارج
(( شنو هالديره الي ما تخلي الواحد ياكل علي راحته ))

(( الي اعرفه انه القوانين والتشريعات اهيه نفسه من سنين وما كو شي تغير بس الضاهر انه البراك كان نايم وتوه يصحه وله الشركه الثالثه خلته يفتر علي روحه ))

وبالنهايه يبي يرد علي المشككين .... والله ضحكني
مشكله اذا الانسان صابه جنون العظمه... الله يشفيه

لحد يقول اني حاقد علي البراك او الشركه ((لم اساهم بالشركه
ولم اشتري السهم من السوق اطلاقا وما عندي اي تعامل مع
الشركه لاخط تلفون ولا هم يحزنون ))

والي قلته كلام واقعي وفعلي

 

[المستثمر الاخير]

تذكرون ياخوان لمـــــــــــــــا مات البراك على عدم تأسيس الشركة الثالثة
وقال ان الشركة راح تكون خساره
شنو معناتة هلكلام الى يقول مع تقدم اكثر الشركات الاستثمارية وفى مقدمتها بيت التمويل
على الشركة الثالثة
ممـــــــــــــــــــــــــــــــــــا يدل على حسد البراك وخوفة من فشل زين
او غباء عقليته الاستثمارية
او غبــــــــــــــــــاء كل الشركات الاستثمارية المتقدمة على الشركة الثالثة
وانا استبعد غباء الاخرين