بنك الخليج يزيد قيمة الاقساط

[salem1144]

زاد بنك الخليج قيمة الاقساط المستحق علي العملاء اكثر من ثلاثين بالمئة علي اقساط القروض

حتي الي راضي علي قسط قرضة ماخلوه بحاله؟؟؟؟

 

[البواردي]

لا حول ولا قوة إلا بالله
والله شي يحزن بصراحه اذا وصلت فيهم هالمواصيل
والغريب ان اهل البنوك من اهل الكويت يعني منا وفينا ليش يسوون جذي ما ادري
طيب لي وين بوصلون المواطن
ما طيحو القروض قلنا امرنا لله وما فيها عداله وراح يصير عندنا عجز اكتواري بالعلم ما ادري شنو يعني اكتواري
زادو الاسعار في المواد الاستهلاكيه والمواد الغذائيه والاعلاف وقلنا هذي ازمة اسعار عالميه لان الدولار نزل والنفظ ارتفع كله على الله
الحين الي قسطه 200 صار 260 دينار اذا على كلام اخونا سليم
يعني هل يريدون المواطن يغسل سيارات عند الجمعيات يا الله يرتاحون ؟


الله لا يبارك فيهم اذا كان هدفهم تكسير ظلوع المواطن

 

[khaled3030]

لا حول ولا قوة إلا بالله
والله شي يحزن بصراحه اذا وصلت فيهم هالمواصيل
والغريب ان اهل البنوك من اهل الكويت يعني منا وفينا ليش يسوون جذي ما ادري
طيب لي وين بوصلون المواطن
ما طيحو القروض قلنا امرنا لله وما فيها عداله وراح يصير عندنا عجز اكتواري بالعلم ما ادري شنو يعني اكتواري
زادو الاسعار في المواد الاستهلاكيه والمواد الغذائيه والاعلاف وقلنا هذي ازمة اسعار عالميه لان الدولار نزل والنفظ ارتفع كله على الله
الحين الي قسطه 200 صار 260 دينار اذا على كلام اخونا سليم
يعني هل يريدون المواطن يغسل سيارات عند الجمعيات يا الله يرتاحون ؟


الله لا يبارك فيهم اذا كان هدفهم تكسير ظلوع المواطن

انا علي قرض ببنك الخليج ومازادوا شي على قسطي يمكن ناس وناس ما ادري

 

[buffan75]

زاد بنك الخليج قيمة الاقساط المستحق علي العملاء اكثر من ثلاثين بالمئة علي اقساط القروض

حتي الي راضي علي قسط قرضة ماخلوه بحاله؟؟؟؟

يا الطيب مشاركتك مو مفهومة... ممكن توضح؟!

 

[ابودخيل2006]

صح كلامك اخوي ........انا قصدي 305 اسحبوه بعد نزول الراتب 305

تفاجات بالعيد بمسج تم سحب قصد 360 ...على طول دخلت النت

والا العمليه 305 موموجوده ..........تم اخفاءها ....وبالعيد تم سحبها 360 القصد

اتصلت بخدمه العملاء شلي صاير ...قالي اخوي احتمال مابايبون يمددون المده فزادو عليك القصد ..... قتله متى اخر قصد علي الان
قالي تاريخ س ........
- هذا نفس تاريخ اخر قصد امبلغني عليه من ايام
- شوف فرع وراح يقولولك

 

[salem1144]

اذا عندك قرض علي بنك الخليج دق علي 805805 وسأل الموظف علي زيادت الاقساط وخذ الاخبار الاكيدة اناعلي قسط 160 صار 205 زاد 45 وكل ماكان اقساطك اكثر يزيد اكثر علي حسب كلام الموظف ؟؟؟؟ وسلامتك

 

[نوط بو 1000]

شهالمهزله..؟!

 

[وحش السوق]

السلام
هذا يعايدك من مخباتك
وسوف ترى بعد كم يوم

 

[الـشــاهـيـن]

مساكم اللة بالخير
اولا اللة ايعين كل مسلم ويفرج عنه
- هذا المشاكل كلها من بركات البنك المركزى بادارته الفاشلة !
لما البنك المركزى الامريكى يرفع الفائدة رفع البنك المركزى الكويتى رفع الفائدة بناء على الربط بالدولار !
ونقرأ فى الصحف تصريح مدير البنك المركزى رفع الفائدة حماية من التضخم- اى حماية تضخم يا حضرة المدير وكرتون البيض وصل دينار ونص.

- لما البنك المركزى يتواطئ مع البنوك على انتهاك قانون (بازل 2) اى البنوك تعطى قروض اكثر من 8 بالمئة من راس مالها

- لما البنك المركزى يصدر قرار (غير مدروس ) الغاء تأمين القرض وهذى مصيبة يعنى الشخص الى ماخذ قرض (فنقش) يروحون فيها الورثة هم من يتحملون القسط غير عن السابق.

- حسد حتى على الزيادة الى صارت ( بيض الصعو)


اللة ايعينكم اخوانى ويفرج عنكم ويبعدكم عن الحرام

 

[SMoOoKY]

هههههههه بيلحق يجمع الي يقدر عليه علشان راح ياكلها عدل مخالفات وتصحيح....

 

[marlboro]

صحيح انا زاد قسطي 45 دك

بس بنك الخليج الي زادة أقساطه؟؟
____
يقولون عشان الفايده زادت

(شخبط شخابيط)

 

[aadm1]

سؤؤال انا قرضي شهر 8 سنه 2005

ليش ماردو لي التامين

بنكي الوطني

اللي عندة معلومه يفيدنا عشان اشتكي عليهم

 

[الوسيم]

تصدقون قسطي 426 ماقصوه للحين كل مااسالهم يقولون باجر مع العلم انهم حاجزين 500 دينار ياخوفي يطلع الكلام صحيح الله لايبارج بالمحافظ الزلمه واللي حطه بالمكان

 

[الاحرش]

زيادت الاقصاد وزيادت الاسعار ورفض زيادت الرواتب


كل شي وضح وضوح الشمس ببونا نهاجر من الكويت

 

[s man]

زيادت الاقصاد وزيادت الاسعار ورفض زيادت الرواتب


كل شي وضح وضوح الشمس ببونا نهاجر من الكويت

يبيله درس نحو ,

 

[نقوشي]

السبب الرئيسي هو البنك المركزي

لسبب بسيط

هو انه لم يستطع ان يجبر بعض البنوك مثل """ برقان """ والأوسط والاهلي بتطبيق شروطه ولم يطبق عليهم عقوبات

فليش بنك الخليج يلتزم دام البنك المركزي موملتزم بتطبيق قوانينه

مع حمد قلم

 

[baselko]

في شيئ قاعد يخطط خلف الكواليس شنو الله يعلم ؟

 

[khaled_y]

رب ضاره نافعه .....صحيح تم زيادة القسط...بس يمكن زينه لناس معينه ...الناس الي قسطهم كان اقل من 50% من الراتب ..الحين اكيد صار اكثر من 50% وبالتالي يشملهم صندوق المعسريين لوووووووووووووووووووووووووووووووووووووووووووول
شي يضحك يبجي والله

 

[The Lion]

على حد علمي عن طريق شخص قريب يعمل في أحد البنوك الكويتيه بأن البنك المركزي أمر البنوك بتحمل المبالغ الزائدة عن 15 سنه, وكذلك دفع الفرق لمن يزيد قسطه عن 50% من الراتب, فقامت البنوك بتنفيذ الأمر ولكن, ولكي لا تتضرر البنوك, قامت بزيادة قيمة القسط للمقترضين دون 50% من إجمالي الراتب إلى أن أوصلوا قيمة القرض إلى 50%.
مثال: شخص معاشه 1000 دينار أو قسطه 350 دينار, قام البنك أو وصل قسطه إلى 500 بزيادة فعلية 150 دينار على القيمه الأصليه من القسط. وبهذه الطريقه تكون البنوك قد قللت من وطأت الخسارة عليها وبنفس الوقت لم تخالف أوامر البنك المركزي. وفي النهاية المقترض هو المتضرر الأكبر.أما بالنسبه للأشخاص اللذين لم يتغير مبلغ القسط لديهم فذلك لأنهم مطلوبين إلى جهات أخري غير البنك (أقساط سيارات مثلاً) مما نتج عنه بأن يكون قسطهم 50% من إجمالي الراتب مع قيمة القرض. لذلك لا يستطيع البنك أن يزيد أقساطهم حتى لا تتجاوز ال 50%.
والله حرام إذا ما تصرف المركزي في هذا الموضوع وأوقفه. حتى اليهود ما يسوون جذي إبشعبهم أو أهلهم
الله يرحمك يا جابر الأحمد يا تاج راسنا لو إن راسك يشم الهوا جان ما تجرأ ولا بنك أو أقدم على هذا العمل الشنيع بحق الكويتيين. لنتابع بماذا سيرد نوابنا ((الأشاوس)) على هذا القرار الجائر بحق الكويتيين.

 

[sarheed]

السلام عليكم

الخطوه اللي قام فيها بنك الخليج خطوه صحيحه ويبون اسقاط القروض وقاعدين يساعدونكم علشان تكبر المشكله

همتكم مع نواب منطقتكم علشان الحكومه تشتري القروض