ذوي الدخل المحدود.. أعانكم الله

[شرياص العديلية]

بو عبدالمحسن يسأل بوفوزي ​

بوعبدالمحسن : طال عمرك بوفوزي ... مو قاعد تلاحظ ان الكويتيين

هاليومين امبحلقين عويناتهم على اخوانا (القطريين والامارتيين) !!؟

بوفوزي : يا حبيبي ... لا تقارن الكويت فيهم ... القطريين تعدادهم

السكاني 280.000 والاماراتيين كلهم عايشين في أبوظبي واذا

ذبحوا عمرهم كلهم على بعضهم 400.000 ... بس احنا ياخو قلبي

مليوووووووووووون كويتي ... والغزو خلانا نغرز وتعطلت التنمية عندنا

بوعبدالمحسن : ولو يابوفوزي .. الكويت كانت سويسرا الخليج قبل الغزو

وبامكانها تصير الحين بروناي الخليج بعد .. ديرتنا تسبح فوق محيط نفطي

والبرميل سعره مشهلل صوب ال100$ واستثماراتنا الخارجية ( مدرسة )

يتعلم منها كل دول الخليج بشهادة محمد بن راشد آل مكتوم وشيوخ فطر

بو فوزي .. الكويتيين ورب الكعبة ( امخوخ ) تمشي على التراب وتحوله

فلوس ..! بس للأسف .. ما عاد فيه مجاديف عشان نقول عنها تكسرت

بو فوزي : بوعبدالمحسن انت الحين اشتبي ؟؟؟

بوعبدالمحسن : الكويتيين قاعدين ياكلون ( تبن )

بوفوزي : والله العظيم ... أجل زيد سعر التبن وبوس الواوا​

[l]


http://www.indexsignal.com/vb/showthread.php?t=89525