كاكا
عضو نشط
- التسجيل
- 12 مارس 2006
- المشاركات
- 83
صباح الخير...
أخواني الأعضاء الكرام... بصراحة أحس بالإستغراب من المشاركة في مساعدتي خصوصاً أن قراءة الموضوع وصلت ل116 قارئ للموضوع ما جاوب على تساؤلي غير شخصين وشخصين عرضوا المساعدة؟؟!!
هل السؤال من أجل شخص لا يعنيك أمره شئ صعب...المسلم أخوا المسلم يا جماعة ...
عموماً كيوت وبو راس يابس ما قصروا ولكني كنت أبي أجمع أكثر قدر ممكن من المعلومات..جزاكم الله خير والله يسخر لكم من في الأرض ...
أختي بنت الكويت والله ودي اساعدج لكن ماعندي اي خلفية عن الموضوع بس عندي ربعي يشتغلون في بنوك غير بيت التمويل سألتهم تقريبا كلهم اختباراتهم متقاربه من بعض وعلى نفس النمط واعتقد بيت التمويل نفس الشي ومثل ما قالت اخت كيوت حسب ماقالولي ربعي واللي فهمته الاسأله الرياضية كذا نوع
جمع وطرح وقسمه وضرب من 3 و 4 خانات بس لاتفكرين بالسؤال بعمق لأنه اجابته بتكون حيل سهله وعشان جذي حاطيله وقت قصير كثر ما تتعمقين بالتفكير تضيعين الاجابه حطي في بالج دايما ان الاجابه سخيفه وجدامج بس يبيلها نباهه
طبعا الجمع والطرح والضرب والقسمه المطوله تتدربين عليها بسهوله
النوع الثاني المتتاليات
مثال
1 3 5 .. 9 11 (الاجابه طبعا 7) لانه المتتاليه تزيد بمقدار 2
2 4 8 ... 32 64 (الاجابة طبعا 16) لانه المتتاليه عبر عن مضاعفات الرقم 2
وهكذا.....
بس لازم تفكرين بسرعه والاهم سرعه البديهه مثل ماقلت من قبل
النوع الثالث
عباره عن اشكال متتاليه لازم تتخيلين من خلال التغير اللي حاصل بينهم شنو الشكل الرابع او الخامس شلون راح يكون وطبعا راح يكون عندج اختيارات وتختارين من بينهم
هذا اللي حبيت افيدج فيه وان شاء الله الاخوان ممكن يفيدون اكثر وبأختصار الاختبار جدا سهل وبسيط واسأله سهله بس شوية تركيز وبتشوفين الاجابه جدامج
طبعا بعد ماتنجحين ان شاء الله بهالاختبار راح يسوولج مقابله اذا صار وقتها
اقولج شنو نوع الاسأله وشنو الاجوبه