اخر اخبار زيادة المعاشات

[بوسعود66666]

جزاك الله خير ..انا فعلا كنت افكر في هالمشكله ...والله الافضل تكون الزياده على الدرجه الوظيفيه ويفكونا ..يعني درجه خامسه زيادته اعلى من درجه رابعه ..والرابعه اعلى من الثالثه ..وهكذا ..مو اسهل ويمكن اعدل ..لانه اللي يتوظف على الدرجه الخامسه يكون في وضع اسوأ من اللي يتوظف على الدرجه الرابعه....ادري انه هناك تفاوت بين معاشات الموظفين في نفس الدرحه ..بس اتوقع احسن من حل الشرائح اللي تكلمون عليها ...وسلامتكم

 

[م. سعد]

اي ديمقراطيه ياخوي اللي يبونه الجماعه يصير يعني يصير


اخوي العزيز ارجع وقول اللي يبونه يصير واللي مايبونه يحطولك
امية عذر ويقول مايصير

لا دراسات ولا بنك دولي ولا غيره

وعلى قولة الشياب الشيوخ ابخص

الله يعز ديرتنا وشيوخنا

اميييين

اكيد ان حبو شغلة طيروها السماء و ان كرهوها طلعو فيها مليون عذروب و اخر شي ممكن يتهمونك بعدم الوطنية او بالجهل و و و و

عشان جذي ما يحطون مستشارين فاهمين وايد اهم شي ناس تعرف تتحجى و ترصفصف حجي و اكتواري و عجز و هالكلام.

 

[abu.omar]

مــا يشوفون زياده قطر والامارات

اول شي

وخل يستحون علي وجوهم 75 / او / 100 دينار


يكفي الحين الميه دينار ما تملي لك حتي سله بالجمعيات ...!​

 

[BMW2007]

يااجماااااااااعه الله يوفقكم بالزيااااااده

.............بس اتمنه يقروووووون كااااااااااادر الشركااااااااااات مااااتتغير

 

[على قاسم على]

يا جماعة مو كل شي تخبطون فية يكون صح الرواتب القليلة قد تكون اقل شهادة واقل تعب ومجهود ------- على سبيل المثال انا واعوذ بالله من كلمة انا عندى بكالريوس وراتبى كلة بدلات بدل طعام ومنطقة نائية وطريق وشفتات وطبيعة العمل --خطر وضوضاء وغيره الى عنده متوسطة وراح تتطبق علية الزيادة الحالية راح يكون تقريبا نفس راتبي----- احول صباحى ونفس المعاش بعد الزيادة وشلى بالشهادة والتعب والسهر الزيادة غير منصفة واكون بين عيالى بالليل والعطل الرسمية

 

[دواس]

يا جماعة مو كل شي تخبطون فية يكون صح الرواتب القليلة قد تكون اقل شهادة واقل تعب ومجهود ------- على سبيل المثال انا واعوذ بالله من كلمة انا عندى بكالريوس وراتبى كلة بدلات بدل طعام ومنطقة نائية وطريق وشفتات وطبيعة العمل --خطر وضوضاء وغيره الى عنده متوسطة وراح تتطبق علية الزيادة الحالية راح يكون تقريبا نفس راتبي----- احول صباحى ونفس المعاش بعد الزيادة وشلى بالشهادة والتعب والسهر الزيادة غير منصفة واكون بين عيالى بالليل والعطل الرسمية

والله كلامك عدل لكن الله المستعان هذا مستوي المسؤلين عندنا مايفكرون بطريقه شامله ومجرده

 

[على قاسم على]

لابد ان تكون الزيادة بالتساوى حتى الكل يتأقلم مع زيادة الاسعار الحالية والحد من الزيادة المقبلة

 

[دواس]

لابد ان تكون الزيادة بالتساوى حتى الكل يتأقلم مع زيادة الاسعار الحالية والحد من الزيادة المقبلة

افضل طريقه اخوي علي هو التوزيع بنسبه معينه من الراتب الاساسي حتي تكون هناك عداله وعدم ظلم لاصحاب الشهادات والخبره وكذلك الخدمه الطويله

 

[just_a_guest]

انا اقترح يتركون زيادة الرواتب بس ...يفرضون على التجار تقليل نسبة ربحهم من البضايع الاساسيه بحيث ما تتعدي 10% (الاكل والملبس)..شرايكم بالاقتراح مو لطيف ..هههههه اتحداهم يسوون جذي

 

[الفال الطيب]

أنا من رأيي أن يلغون فكرة الشرائح هذه .. لأنها ماراح تفيد الموظفين بالمستقبل .. فعلى سبيل المثال الى راتبة حالياً أقل من 750 دينار .. وبعد سنة والا سنتين تعدى راتبة هذا الرقم .. شراح يصير معاه .. هل الزيادة راح تنقص؟ .. أعتقد أن الحكومة كان عندها تجربة سابقة مع بدل الايجار الي كان يصرف للي راتبة أقل من 900 دينار .. و ينقص بدل الايجار مع أي زيادة فوق ال900 .. يعني يقعد الموظف كم سنة بدون زيادة في راتبة لأن كل مازاد راتبة قل بدل الايجار.

هذا بالاضافة الى العاملين في القطاع الخاص .. من الصعب تحديد كم راتبهم الي يستلمونها من جهة عملهم ..

فالأفضل أن تكون الزيادة مقطوعة للكل .. خل نقول على سبيل المثال 100 دينار للكل + 25 دينار زيادة لكل طفل.

في هذه الطريقة .. بأعتقادي الشخصي .. قدرنا نعالج مسألة الغلاء بطريقة عادلة للكل .. فمبلغ ال100 دينار للموظف الأعزب أو الذي ليس لديه أولاد أعتقد بأنها كافية لسد زيادة الاسعار التي أثرت عليه في هذه الايام الاخيرة ..

أما بالنسبة للموظف الي عنده أولاد .. فأذا قلنا أن عدد أولادة على سبيل المثال أربعة .. فراح تكون زيادته 100 + 100 (25 لكل طفل) = 200 دينار .. هذا المبلغ أعتقد بأنة راح يكون مماثل للزيادة التي أثرت عليه نتيجة لزيادة الاسعار لكونة يعيل أسرة مكونة من ستت أشخاص (هو ،وزوجته، و أولادة)

يمكن الكلام الي قلته ما يعجب البعض بس من وجهة نظري الشخصية هي أكثر طريقة عادلة لمعالجة غلاء الاسعار على المواطنين.

كلامك 100 %.
وهذه الحسبه تتحقق فيها العدالة ..
لكن وين العدالة مع التجار اللي زادوا من هامش الربحية اضعاف مضاعفة ( ارتفاع جنوني ).
يا ليت الحكومة تنصفنا منهم , وتفتح المجال اكثر للشركات الاجنبية حتي تتوازن الاسعار .

 

[م. سعد]

كلامك 100 %.
وهذه الحسبه تتحقق فيها العدالة ..
لكن وين العدالة مع التجار اللي زادوا من هامش الربحية اضعاف مضاعفة ( ارتفاع جنوني ).
يا ليت الحكومة تنصفنا منهم , وتفتح المجال اكثر للشركات الاجنبية حتي تتوازن الاسعار .

افضل حل و الله ضرب التاجر بالتاجر و بروحهم يتنافسون على وضع سعر مناسب للسلعة مو جم عايلة محتكرة عدة ماركات و تضغط عالسوق غصب طيب و تحدد اسعارها.

غيره من الحلول يعني مجرد ارهاق للميزانية و ملاحقة للتجار لن نغلبهم فيها مهما فعلنا و كل سنة بنرد نعاني من التضخم من جديد.

 

[kwt.to.kwt]

هل تم التأجيل؟

 

[دواس]

هل تم التأجيل؟

تأجيل شنو يا مستثمر كويتي

 

[lubr02]

نسيتوا قانون الضريبه