شركة الاتصالات المتنقلة - ش.م.ك (زين) ...3

[المانع]

يا اخوان هل زيادة راس المال الي قالت عنها الشركه راح اتأثر على سعرالسهم

اكيد اخوى مايعطيط نمو مثل قبل والله اعلم

 

[xerox]

يا اخوان هل زيادة راس المال الي قالت عنها الشركه راح اتأثر على سعرالسهم

هذا احد اسباب النزول الطارئ

لزيادة عدد الاسهم

خل نخلص من هالامور هذه وبنهاية شهر 5 وقبل اعلان الربع

الاول سيرى ملاك السهم ما يسرهم

 

[Q8Sun]

شرايكم بالاستثمار فيه على هالسعر 2.060 لغاية الربع الاول ؟
فيه 100 فلس ؟

 

[رومنسيات]

سؤال

سم زين راح يتفصخ بعد زيادة راس المال

ولا بس التفصيخة اللى صارت وخلاص


اتمنى الرد

وشكرا

 

[مضارب شجاع]

زين صارت مو زين بسبب الاكتتاب وكثرة الاسهم وهذا سوف يأثر على الارباح وحتى فى المستقبل احتمال ما راح يوزعون مثل هذه التوزيعه 50 % منحه .
الظاهر البراك خايف من الاتصالات الثالثه السعوديه راح تخسرهم واكثر الوافدين راح يسجلون فيها وحتى الكويتيين لان مميزاتها راح تكون اكثر من شركة زين . انشاء الله
والله اعلم .

 

[anar]

سؤال

سم زين راح يتفصخ بعد زيادة راس المال

ولا بس التفصيخة اللى صارت وخلاص


اتمنى الرد

وشكرا

السهم تفسخ وخلاص

وتم إحتساب زيادة رأس المال بالتفسيخة

 

[ivvvi]

والله يا شباب كأني رح أشتري كمية من أسهم ( زين ) بأدنى سعر ممكن نصيده وأحط راسي على المخده وأرتاح يعني بلا أجيليتي يللي جابت أجلي واكتتاب يللي خلتنا في حالة اكتئاب ولا غيرهم ولا شرايكم ؟

 

[Q8_2004]

هل السعر الحالي مغري للشراء؟

 

[ahmed6]

الصراحه اللي ياخذ زين مو خسران حتى لو خذاه ونزل فيه مو مشكله راح يرد لسعره ويدبل معاه سهم استثماري قوي وارباحه في نمو وتشغيليه والله حتى لو تصحيح ماخاف بس للاسف ماكو فلوس ادش عليه بس اتوقع ينزل هاليومين تحت دينارين واللي يحكم التحليل الفني بالنهايه

 

[al7mly]

عل حسب نشرة الاكتتاب
البعض يسمح لك بالاكتتاب بزيادة
وبعض الشركات تقيدك بما تملك

شكر علي الرد والتوضيح مستثمر وعساك علي القوه

 

[IMSE]

لان الي قاعد يسونا مو شطارا .....كل سنة يسويلك زيادة راس مال ( ويدفع المساهمين ) وياخذ الفلوس ويشتري فيها شركة اخرى .........بعدين اييك نهاية السنة يقول ارباحنا زادت

أخوي سبيعي نمو الشركات ينقسم لنوعين، نمو عضوي يعني الشركة من نشاطاتها الحالية تنمو، و هذا شي قاعد تشوفه زين من خلال نمو نشاطها و أرباحها في الكويت مثلا. و في نمو الاستحواذات و الي هم قاعد تسويه زين. و في الحقيقة جزء لا بأس فيه من استحواذات زين حتى الآن ما جنت ثماره.

 

[IMSE]

زين صارت مو زين بسبب الاكتتاب وكثرة الاسهم وهذا سوف يأثر على الارباح وحتى فى المستقبل احتمال ما راح يوزعون مثل هذه التوزيعه 50 % منحه .
الظاهر البراك خايف من الاتصالات الثالثه السعوديه راح تخسرهم واكثر الوافدين راح يسجلون فيها وحتى الكويتيين لان مميزاتها راح تكون اكثر من شركة زين . انشاء الله
والله اعلم .

كثرة الأسهم ما تاثر على أداء الشركة. أسهم المنحة ما لها أي تأثير اقتصادي سواء على قيمة السهم أو على أداء الشركة. كل الي تسويه أسهم المنحة إنه قاعد تعطيك عدد أسهم زيادة حق نفس نسبة الملكية.

يعني فرضا عندك 1000 سهم يشكلون 1% من أسهم زين الي عددهم 100,000 بسعر 1 دينار. لو عطوا أسهم منحة 100% راح يصير عندك 2000 سهم و مجموع أسهم الشركة 200,000 بسعر 500 فلس. لو تحسب نسبتك راح تلقاها ما تغيرت، 1%.

 

[كويتى وبس]

شباب زين شرايكم متى الدخول على السهم للمستثمر مع تحياتى

 

[كوادر]

افضل دخول عقب ما يستقر السوق بس خلاص النقاط الاتى

1. استلام المنحه
2. اسهم زياده راس المال
3. حركه البورصه التصحيحيه

 

[معشي الجن]

احسن وقت الحين يا خوي اذا كان استثماري لشهرين ثلاث

 

[IMSE]

من وجهة نظري إنه الدخول يكون على مستوى 2,060 أو أقل، إذا أعلى من جذي لأ. طبعا أخبار يديدة تطلع على الشركة أو نتايج الربع الأول لا شك لها تأثير على سعر الدخول.

 

[دربك خضر]

إذا صارت أسهم زين بعد زيادة رأس المال عددها 4 مليارات يعني يبيله 8 مليارات دينار إذا كان السهم دينارين علشان يستوعب الكم المهول من هالأسهم ،، والله مشكله 4 مليارات سهم شيلمهمن شيلمهمن
بعتقادي إذا السهم باجر نازل يعني راح ينزل تحت 1,8 ونشالله يخطأ ظني آآآآآآآمين يارب العالمين​

 

[اباالخيل]

دخلت اليوم علي زين وخذيتها 2200 ونفسيتي تعبت يوم وصلت 2060 شباب شنو تحليلكم خسران وايد

 

[بصرك]

يجماعه منو يذكر نسبة الخرافي مو جنها نازله ابي الاخوان عندهم النسبه القديمه يتاكدون

 

[al7mly]

دخلت اليوم علي زين وخذيتها 2200 ونفسيتي تعبت يوم وصلت 2060 شباب شنو تحليلكم خسران وايد

ماخذ زين وتتعب
من صجك انت ارقد وامن سهم استثماري طوييل الامد راح يجيبلك اعلي من سعرك ان شاء الله