من قنابل شركة ((شين)) للاتصالات !!

[mosawi83]

السلام عليكم ورحمة الله وبركاته

على ما يبدو أن شركتي الاتصالات في الكويت ((الوطنية)) و((زين)) كل منها

أصبح يتحدى الآخر في كيفية سرعة التخلص من عملائه والتفنن في كيفية

التطفيش والتصريف..

ففي نهاية العام 2007 شاهدنا نزول مستوى السرعة لدى شركة الوطنية

وتذبذب سرعة الانترنت فمنها الضعيف جدا حيث لم يعد باستطاعت الشخص

حتى انه يفتح بريده الالكتروني وأما أن تكون سريعة جدا ولكن لمدة لا تتجاوز

ال10 دقائق من ثم يعود الحال المأساوي..

وحينها كانت مشكلة عملاء شركة ((زين)) أيضا مع نظام الاشتراك ال16

دينار المحدود ب5 جيجا شهريا..حيث قامت الشركة بقطع اشتراكات

العديد من المشتركين بحجة الضغط الزائد على الشبكة.. من ثم حذت

زين حذو الوطنية بوضع نظام الاشتراكين ال13 و ال27 التي وحسب ماوردني

سرعة ال13 لا تختلف عن سرعة اشتراك ال27 سوى باختلاف المبلغ

المدفوع للاشتراك ؟؟؟!!!!

واليكم اللي صار معي البارحة حيث أنا أحد المشتركين في نظام الاشتراك

القديم المفتوح والغير محدد ال20 دينار.. حيث تم قطع خدمة الانترنت

فقمت بالاتصار مباشرة بالشركة واذا بالموظف الحبيب يعطيني تصريحه

الخطير الا وهو : إن أخوي خلاص الشركة وقفت نظام هالاشتراك هذا ولازم

تمر أحد أفرع الشركة عشان يتم تفعيل نظام الاشتراك الجديد بعد اختياري

اما 13 دينار أو 27 دينار .. وقلت حق الموظف ان عقدي سنتين شلون

هالكلام ما يصير ويرد علي شنسوي قرار اداري وقرار بطيخ !!!

مادري شقول بعد لكن كلنا أمل بالشركة الثالثة الجديدة..والله يفكنا من

هالتخبطات والسياسة الغريبة العجيبة لدى شركة ((شين)) وشركة

(( الوطنية القطرية )) !!!

أعتذر عن الإطالة..

شكرا

أخوكم / بوحسن

 

[السهم الامريكي]

السلام عليكم ورحمة الله وبركاته

على ما يبدو أن شركتي الاتصالات في الكويت ((الوطنية)) و((زين)) كل منها

أصبح يتحدى الآخر في كيفية سرعة التخلص من عملائه والتفنن في كيفية

التطفيش والتصريف..

ففي نهاية العام 2007 شاهدنا نزول مستوى السرعة لدى شركة الوطنية

وتذبذب سرعة الانترنت فمنها الضعيف جدا حيث لم يعد باستطاعت الشخص

حتى انه يفتح بريده الالكتروني وأما أن تكون سريعة جدا ولكن لمدة لا تتجاوز

ال10 دقائق من ثم يعود الحال المأساوي..

وحينها كانت مشكلة عملاء شركة ((زين)) أيضا مع نظام الاشتراك ال16

دينار المحدود ب5 جيجا شهريا..حيث قامت الشركة بقطع اشتراكات

العديد من المشتركين بحجة الضغط الزائد على الشبكة.. من ثم حذت

زين حذو الوطنية بوضع نظام الاشتراكين ال13 و ال27 التي وحسب ماوردني

سرعة ال13 لا تختلف عن سرعة اشتراك ال27 سوى باختلاف المبلغ

المدفوع للاشتراك ؟؟؟!!!!

واليكم اللي صار معي البارحة حيث أنا أحد المشتركين في نظام الاشتراك

القديم المفتوح والغير محدد ال20 دينار.. حيث تم قطع خدمة الانترنت

فقمت بالاتصار مباشرة بالشركة واذا بالموظف الحبيب يعطيني تصريحه

الخطير الا وهو : إن أخوي خلاص الشركة وقفت نظام هالاشتراك هذا ولازم

تمر أحد أفرع الشركة عشان يتم تفعيل نظام الاشتراك الجديد بعد اختياري

اما 13 دينار أو 27 دينار .. وقلت حق الموظف ان عقدي سنتين شلون

هالكلام ما يصير ويرد علي شنسوي قرار اداري وقرار بطيخ !!!

مادري شقول بعد لكن كلنا أمل بالشركة الثالثة الجديدة..والله يفكنا من

هالتخبطات والسياسة الغريبة العجيبة لدى شركة ((شين)) وشركة

(( الوطنية القطرية )) !!!

أعتذر عن الإطالة..

شكرا

أخوكم / بوحسن

المشكلة اخوي انك الظاهر نسيت انك بالكويت

 

[khalid_geo]

يا جماعة الخير ما يصير اللي قعدين يسوه فينا

لازم كل واحد معاه عقد يروح علي حماية المستهلك وراح يتصلوا بالشركه وتظبيط هالخربيط

 

[يوسفاني]

عليك على باب المحكمه طوالي
روح كتاب العدل و أرفع قضيه و عطهم صوره من العقد و راح تكسبها 1000%

 

[(فزاع)]

عليك على باب المحكمه طوالي
روح كتاب العدل و أرفع قضيه و عطهم صوره من العقد و راح تكسبها 1000%

أذا تقدر تقول لي الخطوات رحم الله والديك ..؟ ووين بالضبط ؟

 

[صحفي]

انا اقترح رفع قضية عند محامي مختص بالتجاري افضل من محامي شامل ونصيحة لا تروحون لخالد عبدالجليل يمكن يبيعكم للطرف الثاني

 

[عازف الجيتار]

ولله حاله الكل قام يقول هالكلام

 

[ابوعامر]

والله السرعه صارت بطيئه حيل ليش مادري
((زين))

 

[دربيل]

الي سووه شركة شين للاتصالات غير مقبول وانا واحد من المتضررين
وتبي تعرف شي اسوء بعد :

امس رحت لهم وغيرت اشتراكي (اجباريا) من بو 20 الى بو 13 دينار ووقعت عقد جديد وخذو صورة البطاقة المدنية وكل شي تمام

اليوم انقطع اتصال الانترنت نهائيا ...

يعني لا بو 20 دينار ولا حتى بو 13 دينار
يعني رضينا بالهم والهم ما رضى فينا

وللاسف ما ني قادر اسوي شي غير اني اتصل واشتكي وماكو نتيجة
قالو لي روح مره ثانية راجع اقرب فرع لشركة شيييين للاتصالات وصف بالدور
وانا رايح لهم اليوم وبصف بالدور غصبا علي
وامري لله

 

[a7med911]

الساكت عن الحق شيطان اخرس ..

والله ياشباب مفروض تشتكون هالشركتين .. بس اهم شي مايكون مذكور بالشروط ان للشركه الحق في قطع او تبديل الاشتراك ومن هذا القبيل .. او شوفولكم محامي شاطر (غير خالد العبدالجليل طبعا)

 

[mosawi83]

الي سووه شركة شين للاتصالات غير مقبول وانا واحد من المتضررين
وتبي تعرف شي اسوء بعد :

امس رحت لهم وغيرت اشتراكي (اجباريا) من بو 20 الى بو 13 دينار ووقعت عقد جديد وخذو صورة البطاقة المدنية وكل شي تمام

اليوم انقطع اتصال الانترنت نهائيا ...

يعني لا بو 20 دينار ولا حتى بو 13 دينار
يعني رضينا بالهم والهم ما رضى فينا

وللاسف ما ني قادر اسوي شي غير اني اتصل واشتكي وماكو نتيجة
قالو لي روح مره ثانية راجع اقرب فرع لشركة شيييين للاتصالات وصف بالدور
وانا رايح لهم اليوم وبصف بالدور غصبا علي
وامري لله

لا حول ولا قوة الا بالله

انزين بو هشام ليلحين مو شغال الاشتراك ولا اشتغل ؟؟

 

[دربيل]

لا حول ولا قوة الا بالله

انزين بو هشام ليلحين مو شغال الاشتراك ولا اشتغل ؟؟

هلا اخوي بوحسن

قبل ربع ساعة (الساعة 5:45 مساء) اشتغل الاشتراك بو 13 دينار

طبعا بعد ما رحت لهم وتناجرت وياهم

السرعة بطيئة والداونلود بحدود 30 كيلوبايت بالثانية

 

[عازف الجيتار]

انا الحين وطنيه 14 الدانلود 30 بالثانيه ومرات 25 حده والله يستر يمكن ينقطع كل شي يسوون الله كريم

 

[hguadv]

يالربع انا وغيري نفنس المشكلتكم واي شخص يستخدم الشركتين الوطنية وشين (زين)
المشكلة اني شاري الاشتراك بفلوس مو بلاش ليش يسون جذي ماكو احترام للزبون ماكو قانون يحمينا ندفع مبلغ وقدرة نسكت علي الضلم للاسف ماكو رقابة والدليل زيادت الاسعار علي حساب الشعب يفكرون ان الشعب بنك متنقل التجار نضام يهود


لا حول ولا قوة الا بالله

 

[ضحية المخازن]

والله ياجماعة الخير انا صار لي سنه مشترك باشتراك مفتوح ابو 20 دينار ولا زال شغال معاي والحمد لله سرعته ممتازه ولا اكو احد اتصل فيني من الشركه وقال انها بتنقطع وبصراحه مرتاح مع الاشتراك

 

[BoooArab]

ياجماعة صلــــوا على النبي (ص)

والله الي قاعدين تقووولونه غلط في غلط (أشلوووووووووون) فكرو اشوية ولاتتسرعوون

احسبوها معاي ياحلوين :::: تخيلو ان ماكوا (E-go) وتبون انترنيت طيب وين تروحووون ياحلووووين

اكيد اشتـــراكات البيــــت الي هو (DSL)

اوكي خلونه انشوف الاسعار التقريبة الشركات الثانية مثل (كوالتي فاستلكو زاجل وكيمز اوغيرها)



السرعـه ------ المبلــغ
128----------- 10
256----------- 15
512----------- 25
1ام بي--------- 45
2ام بي--------- 80


فما بالك انك قاعد تستخدم اقل من 7.2MB
((ونقـــــال بعد ))
يجماعة قاعدين تشترون تلفونات بقيمة اشتراك سنة وموعاجبكم
والله موحسد بس حدث العاقل بمايعقل

مـــلاحظات بسيطة

السرعة الحالية لي (زين)
3.1MB قابل للزيادة
--------------
بطئ الاشتراك بسبب الكيبل المضروب في البحر وتمت معالجتها
--------------
اقسم بالله اني مااشتغل لصالح الشركتين الوطنية وزين

 

[الهيئه]

ان شاء الله قريبا جدا

http://www.stc.com.sa/cwsPortal/cws.portal

 

[x24]

ان شاء الله قريبا جدا

http://www.stc.com.sa/cwsPortal/cws.portal

لا تحط أمال كبيرة على هالشركة أو أى شركة ثانية ..!!!

لأنها ببساطة لما تجي راح تشوف خدمات نار + خدمة عملاء سيئة

والناس غصب عنها قاعده تدفع ..!!!

فليش أنا أتعب حالي واشد حيلي والناس راح تدفع سواء كانت الخدمة زينة ولأ شينة ..؟؟؟

اللي راح يصير أن الشركة الثالثة راح تصير نفس زين و الوطنية بغلاء الاسعار والخدمة الشينة

 

[ahmadm]

لا أعتقد اخي العزيز وشركه الاتصالات السعوديه سمعتها طيبه في السوق السعودي والايام هي الاثبات وان شاء الله توقعاتنا تكون في محلها.

 

[bof10]

السلام عليكم

((زين))

بنسبه لشركة زين اشتراكهم للإنترنت 30 دينار السرعه توصل الى 4-5 ميغا
لكن حدك بالشهر 30 غيغا اذا عديتها الله يعينك اسوولك ( قصة سياسة الشركه ) لكن اذا استعملته باليوم من 500 ميغا - 1 غيغا يمشي وياك اوكي لي اخر الشهر الأشتراك زين حق الي ماينزلون وايد بس لازم تدفع الأشتراك اول بأول يعني من ينتهي الشهر على طول ينقطع الأشتراك هذي سياسة الشركه جديده واول ماتدفع يرد الخط نفس الوقت يعني مافي اخلي الفاتوره لي الشهر الياي

((الوطنيه))

اما الشركه الوطنيه اشتراكهم بو 28 دينار السرعه من 512 كيلو بايت - 2 ميغا ومفتوح ولا في شي اسمه حدك بالشهر وانا انزل فيه باليوم تقريبا 2 غيغا ولا قالولي انت تعديت 30 او شي لكن عيبها شبكة تعبانه يعني مو كل مكان يمشي وياك اوكي وماعندهم نفس زين اذا مادفعت الفاتوره ينقطع عادي تقدر تدفع الفاتورة الشهر الي وراه بس ما يطوف اكثر من 3 شهور بس لويعدلون شبكتهم اصير احسن اشتراك

وشكراا