إقرار الـ50 ستؤثر على مشاريع التنموية ......!

[nokia70]

جريدة الوطن 7-مارس-2008
الصفحة الأولى

"إقرار الـ50 دينار ستؤثر سلبا على مشاريع الدولة التنموية"

شرايكم بهالكلام ؟؟

وهل فعلا الـ50 دينار راح تعفسهم وراح تأثر على مشاريعهم الي نسمع عنها و مانشوفها ؟؟

أترك لكم التعليق على هذه النكتة الغبيــــــــــة

 

[ســــوا]

هو اصلا فيه مشاريع تنمويه للاسف

 

[السور]

بس البوق ما يؤثر على المشاريع التنموية !!

مانبى شى ذليتونا عدلوا المستشفيات احنا ما نبى شى منكم !

 

[ALSERHAN]

بــــل مشاريع الدولة التنموية....!!!!

لايبه دام جذي عيل ما نبيها..

 

[الامبراطور]

الا نبيها ونبيها ونبيها وما نبي المشاريع التنموية ..اوقفت علينا المشاريع التنموية وغيرنا بدلات ومكافآت بالآلاف..أحسن شي لا يبطلون هالموضوع ويوافقون على الخمسين و الا الفضايح بتطلع وعلى عينك ياتاجر احنا مو قاعدين نطر هذا حق من حقوقنا هالخمسين ولو تصير 100 بعد وايد زين و الله لا يهينهم يخفضون الاسعار الى ماكانت عليه قبل سنة وشي..

 

[kndor]

والله اذا فيه مشاريع مثل الناس ليش لا نتنازل عنها يعنى لازم يسنعون المستشفيات ولازم بكل مكان يكون فيه مراجعه للكويتيين خاص فيهم معاملهvip
الحين الواحد يروح الطبيب يبيله ثلاث ساعات لازم يميزون الكويتييين بكل شى
وذيك الساعه احنا نزيدهم خمسين

 

[المرزوق]

هههههههه مشاريع شنو تنمويه فعلا فعلا عشان اروح الدوام اطلع خمس عشان اطلع الاهل ادور مكان والقي كل مكان يمكله شخص ولو بروح للاماكن العامه الله يزيد النعمه فعلا تنمويه لو حبو يسوون قار ولا شارع يقعد 22 سنه لو حبو يضفون خلق الله من الشقق ومصاريفها ولده يصير طوله ويمكن يقولون له تفضل ولا البيت الله يكرمكم يبيله بيت يشيله ,,, الله يحب يتكلم ويقول مشاريع لا يقرا ورقه يكتبها له ويقرق .... قسم بالله الله ساترها قولو الحمدالله وراعو شعبكم .... وعلي فكره ودى اوضح ضررررررررررررررررررررررررر ال 120 دينار اللى قروها ميخالف اخذوني علي كبر عقلي


قبل لا يقرون هالمبلغ الكل لاحظ ارتفاع الاساعار بنسه تقريبا مختلفه مابين 20-55 بالميه علي السلع الاستهلاكيه وغيره جميل جميل جميل

كان اى شخص متوسط الراتب او غيره الفايض وياه تقريبا من 20-30 بالميه من راتبه او اقل
لحين عطونا 120 دينار نسبه بسيطه جدا مقابلها كمل علينا وخله نسبه الارتفاعع تقريبا 80-115 بالميه يعني والله العظيم لو يمنعها ويردنا مثل قبل صدقني بتحس بفرق وماتبي شي
بس علي قولهم عولمه ارتفاع اسعار وماكو فايده

 

[السعد محمد]

الحمد لله

بالشكر تدوم النعم

وليس بالتحلطم

صراحة السالفة مسخت


__________________--


تخيلوا التالي

كل ما نطلب الحكومة توافق

نطلب خمسين يوافقون

نطلب 10 لكل طفل زيادة يوافقون

نطلب زيادة العلاوة الزوجية يوافقون

نطلب بونص سنوي
10 الف يوافقون

نرد نطلب خمسين
زيادة يوافقوان

نطلب اسقاط القروض

يوافقون
شراح يصير

راح يصير الجنية المصري

افضل من الدينار الكويتي

 

[q8_oil]

أول شي وين المشاريع ؟؟

آخر مشروع سويته الدولة الجزيرة الخضراء !!

و بعدين البوق و إللي تحت الطاولة هذا ما يأثر

 

[خبير النفط]

تحمدوا ربكم الحكومه لما احسبت ال.....120 دينار كانت حاسبه للشعره فى الدقه لو زايدين الحسبه الى 120,250 ( يعنى لوزايدين الزياده ربع دينار فقط ) جان اخسرت الماليه واضطروا يسحبون من احتياط الاجيال القادمه وجان اوقفوا الدعم عن المواد التموينيه و خلوا الكويتيين يدفعون رسوم كل ماراحوا الطبيب و المدارس تبيع الكتب ولازم رسوم شهريه للمدارس ...............الخ

 

[كويت2]

سلملي.. عالمشاريع التنموية

 

[Rotary]

ياجماعة شفيكم شبيتوا على الحكومه , الحكومه قصدها المشاريع التنموية للدول الأخرى مثال جامعات ومصحات فى اليمن, مطارات وخطوط سريعه فى مصر وأفريقيا رواتب لأخوانه الفلسطينيين, ومساعدات لبناء البنيه التحتيه لأخواننا فى لبنان ولأردن... الخ...شفت شلوووون الحكومه خلت لنا أخوان خارج البلد....

 

[على قاسم على]

ياجماعة وين فلوس الاجيال القادمة وحنا يهال نسمنع فيها!

 

[المرشد1]

المشاريع موجوده
ولكن للاسف علي الخرائط
عندك اهم قضيه وهي الاسكان تبني بالقطارة والاعداد شهر بعد شهر يتضخم
وصل العدد80.000 والايجارات ولعت نار
عندك المستشفيات سيئه جدا جدا والدليل شوف منو يتعالج برا
الطرق من سنة جدي ايام الثمانينات
المدارس المعاهد الجامعات اكثرها تعبان جدا
مشكلة الكهرباء من سنة 2006 الي اين واحنا علي ابواب الصيف ؟؟؟
مشكلة البطاله الي اين ؟
وهلما جر مشكله تجر مشكله والمشاريع شغاله علي الخرائط والطاولات فقط اما علي ارض الواقع فشئ لا يرضي الطموح


واخيرا زيادة الاسعار بشكل جنوني
قلنا زياده معلش حالنا حال الدول المجاورة
اما تجار الكويت فحدث ولا حرج جاتهم فرصتين
ارتفاع اسعار المواد الاساسيه والمواطن جاته زياده فاستغلوها فرصه
ولا رقيب ولا حسيب عليهم

ولا نقول الا لاحول ولا قوة الا بالله
يا حكومتنا الرشيده
نبي شي واحد ولا نبي ال 120 ولا 5
نبي ترخصون الاسعار وتعطونا بيت مثل الاوادم

 

[ChuCky]

ماشفتوا برنامج توى الليل امس ؟؟
اذا ما شفتوه شوفوا الاعاده اليوم على الوطن تقريبا الساعه 2 او 2.30

" يدخل على دوله الكويت 76 مليار دولار سنويا على سعر 80 دولار للبرميل !! فقط !!

 

[Pivotrend]

أستغرب مثل هذة التصريحات
أن زيادة ال 50 دينار للمواطن البسيط تؤثر على المشاريع التنموية
بينما زيادة كل وزير 100,000 ألف دينار لا تأثر على المشاريع التنموية

هل هذة نكته أم ماذا ؟

 

[eezee_q8]

السؤال.....؟؟؟؟

فلوووووس هالنفط وين قاعد يروح.....!!!!

 

[kwt.to.kwt]

يحدثني احد الاصدقاء وهو مهندس بوزارة حكومية يقوم بالاشراف على مشروع تنموي
وان قيمة العقد لصالح الشركة ضعف القيمة الحقيقية لتكلفة المشروع !!!!

الحر تكفيه الإشارة

 

[الامبراطور]

أحد الوزراء السابقين أخبرني أنه استلم شيك بمبلغ 100 ألف دينار لما راح لمؤتمر بالبحرين لييييييييش؟؟؟

مصروف جيب..هذا لو رايح جنيف جم يعطونه..

قلنالكم خلوني ساكته ..وو افقوا على الخمسين وخفضوا الاسعار..

 

[نجم الراية]

بصراحة قولوا الحمد لله
خلوا عنكم الشماتة والتهكم
شوفوا الي اقل منكم شوفوا الدول الي يمكم والشعوب الي عندكم
قولوا الحمدلله