هلا بالحلو
كلامك يابوجوري هو الي انه خايف منه ومتى ما الهيئه شوي اغفلت عن ضخ السيوله راح تشوف الحذف ماله والي
هلا بوسليمان, الهيئه ماتغفل عن شيء, الهيئة تخطط, ومرات تتهور من غير تفكير, ولك في استثماراتها في امريكا اكبر مثال
أخ بورش أخ أسد بارك الله فيكم
السوق مليء بالمفاجآت وكل شيء ممكن الحدوث
وأعتقد أنا كذلك النزول بس مو قبل العيد أو قبله يوم يومين
وأعتقد كذلك أن مراح يكون أدنى مما وصله قبل كم يوم
تقبلوا تيحتي
بومصطفى
يعطيك العافيه يابومصطفى
انا النزول اتوقعه للاسباب الي ذكرتها في بداية الموضوع, واذا حدثت فهذي مو مفاجأة, لأنها نفس السيناريو يتكرر, ولكن النبيه الي استوعب الدرس من سنة 2006.
بالنسبه لي الحين 50% من المحفظه مسيلها, وباقيلي كم سهم بس, والحمدالله قاعدين يصعدون, وبسيل 90% من المحفظه, وماني داش لين اشوف السوق متعافي, يعني فوق 13000 يلا افكر ادش مره ثانيه
هذا الارتفاع يسمى الهروب الكبير
ماقدر اعارضك, قالوها في 2006 وماصدقنا, ووقتها تريقنا وتعشينا خبز وجبن
موضوع جدآ ممتاز
فعلآ هذا اللي حصل اليوم في السوق السعودي الصعود اليوم لم يكن في ستوى النزول
وسبب في اعتقادي ان النزول كان متعمد حتى يتم تجميع الأسهم بأسعار منخفضة
واذا صعد السوق بسرعة النزول راح تكون الخسارة عليهم الضعف لأنهم باعو برخص وراح يشترون بلغالي
يمكن من باجر نسمع ان اسواق الخليج غير مرتبطة بلأسواق العالمية وحنا لنا خصوصيتنا من هل كذب وانت ماشي
بارك الله فيك يالراقي, اسم على مسمى, نقطه مهمه في ردك وهي الخساره بالضعف, وهي فعلا تجربه مريت فيها في 2006, وطبعا موضوع تأليف الاخبار اتفق معاك فيه 100%.
مشكور على مرورك يالراقي
الله يسمع منك, بس شنو الاسباب ؟
يعطيكم العافية
احتمال باجر يريح شوى السوق
الله يعافيك, كل شي متوقع حجي
اتوقع الوقت الحالي
تذبذب وحذر حتي
استقرار الاسواق العالميه
والعلم عند الله
استقرار الاسواق العالميه وخصوصا الامريكيه, اذا حصلت وصعد سوقنا, لنا نقاش اخر ان شاء الله, في سؤال في بالي محيرني, وان شاء الله كل شي بوقته حلو
والله دخنا
ناس تقول السوق بيرتفع وناس تقول هبوط وناس تقول انتهى التصحيح وناس ارتفاع وبعدين هبوط ؟؟؟؟؟؟؟؟؟؟؟؟؟!!!!!!!!!!!!
نصيحة لكل جديد في البورصة لا يدش المنتديات عز الله بيقعد على الحديده ويمكن يبيعونه الحديده بعد !
الحين بعرف شغله, انت من منو تستفيد اكثر؟ من الي ينبهك على وقف الخساره ولا الي يقولك باجر السوق صاعد؟ اذا السوق صاعد عادي سهمك واقف, بس اذا السوق نازل, سهمك اول سهم نازل
انا مو قاعد اقول السوق بيصعد وبعدين بينزل, انا قاعد اتوقع سيناريو 2006 يتكرر, اذا انت معارضني حجي قولي, واذكر الاسباب, اذا متفق معاي هم قول
بارك الله فيك
باجر ارتفاع وبعدين العلم عند اللة
ان شاء الله, الله تكتب بهذه الطريقه جزاك الله خير
كل الاخبار تقول ارتفاع وبقوه (اخباريا)
واذا كسرنا 12800 وهى قريبه جدا راح نروح فوق(تحليليا)
والامور جميليى والسووؤؤؤؤؤؤؤءءءء ابخييييير
ان شاء الله, جزاك الله خير
انا حاط دخولي فوق 13000 مع استقرار الامور
حتى لو فاتتني فرص, الفرص موجوده لأنه هذا سوق
لكن مابي اتسرع وفي النهاية لقافتي تخسرني
