سؤال مهم جدا بخصوص ارض قديمة ..

[fayoona74]

ماشالله عليك عيني عليك باردة رحالي باشا

 

[Business Man1]

صباح الليل شكرا على الثقة رحالي وتطبيقك لمبدأ ladies first

الجواب اذا كانت هذي الارض من ضمن التصرفات التي لغاها الشيخ جابر وعطى فرصة للي عنده اثبات يروح البلدية ويقدم مستنداته فكان وقتها يا اما تتحول باسمه او ترجع للحكومة ووايد ناس راحت عليهم الاراضي فالارض خلص راحت على الوالد
اما اذا كانت الارض ملك خاص فيكون الرد ان دام الورقة متسجلة وموثقة عند كاتب العدل ولو من زمان فالحمدلله الوضع بيكون اسهل باذن الله بس قول يارب ان الواهب مو متصرف بالارض لاحد ثاني لان هني بندش بموضوع تنازع واسبقية التسجيل ومتى متصرف وشروط الجوع بالهبة وووو يعني فيها لوية

نعم تقدر تطلع وثيقة من العدل بملكية الوالد يطول عمره للارض لو افترضنا ان الوضع طبيعي والواهب مو متصرف بالارض وان لما وهبها لوالدك كانت ملكه يعني تفاصيل مانبي ندش فيها بفترض ان الوضع طبيعي وكل شي قانوني
اول خطوة تروح لادارة التسجيل العقاري والتوثيق بوزارة العدل مجمع الوزارات واخذ معاك الوثيقة وبيانات الارض بالضبط وشوف شنو الوضع القانوني للارض هل متسجلة باسم الشيخ اذا اي قدم لهم وثيقة الهبة واطلب تسجيلها باسم الوالد يعني يطلعولك وثيقة اثبات ملكية للارض بس ترا لازم يكون عندك توكيل من الوالد او يروح بنفسه معاك عشان تتحقق الصفة وانصحك تروح عند المستشار رئيس ادارة التسجيل العقاري والتوثيق ( الهويدي) عشا مو كل واحد يفتيلك براي هذا عنده مستشارين على مستوى زينين

يالله الحين النصوص القانونية عشان رحالي
مادة 524

الهبة عقد على تمليك مال في الحال بغير عوض.

مادة 525 مدني

لا تنعقد الهبة الا اذا اقترنت بقبض الموهوب او وثقت في محرر رسمي.

وهذا الشرط متوفر بحالة الوالد الحمدلله


ترا حاليا التسجيل العقاري والتوثيق اذا الموهوب له مو من الاقارب حتى الدرجة الرابعة مايوثقون عقد الهبة يصير بيع مو هبة بس شنو استنادهم مادري صراحة بس دام عندك مستند موثق انشالله ماتواجهون هالمشكلة معاهم


اكرر ان جوابي فوق اذا كانت الارض ملكية خاصة يعني مو تصرف من حكومة لان التصرف باملاك الدولة لغاها الشيخ جابر الله يرحمه مثل ماقلت لك فوق

مشالله مشالله مشالله عليج فيونة عيني عليييج باردة

كفيتي ووفيتي وانا اقترح يحطونج مشرفة بامتياااز

 

[rahaly]

لاحظي ان البيع بالريال .... طبعا مو سعودي لان ما ظهر ذاك الوقت

الريال .... يسمونه ريال فرانسة ... وهو اعتقد اصله نمساوي او هولندي ... نسيت بس الارجح انه نمساوي

عشان فائدة المعلومة فقط ....
سألت شايب (الله يطول عمره)
عن ريال فرانسة ... هو مو ملحق عليه .. بس كان معروف انه نمساوي واسمه الرسمي دولار ماريا تيريزا ... بس يسمونه ريال فرانسة ومستعمل في اغلب الدول العربية لحين استعمال الروبية الهندية .. بعدها اختفى

ياريت احنا للحين نستعمل روبية .. كان الراتب (لك) روبية

 

[fayoona74]

شكرا عزيزي بزنس مان على الاطراء شجعتني صراحة
ورحااااااالي ماننحرم منك بس مو معاك بان تكون عملتنا روبية مو حلو الاسم لو العشر دنانير الخضر ترجع اي اقولك اي وقتها كانت تييبلك من السوق الاكو والماكو خاصة المباركية

 

[rahaly]

شكرا عزيزي بزنس مان على الاطراء شجعتني صراحة
ورحااااااالي ماننحرم منك بس مو معاك بان تكون عملتنا روبية مو حلو الاسم لو العشر دنانير الخضر ترجع اي اقولك اي وقتها كانت تييبلك من السوق الاكو والماكو خاصة المباركية

زعلانة عشان روبية ؟؟

عيل شنبي نقول عن العملة الموحدة ؟؟
بيسمونها خليجي !!!!

يعني اذا بتزفين واحد ... تقوليله " كلك ما تسوى ربع خليجي "

 

[الـكويـتي]

انا اسف على التاخير لسبب انقاطاعي عن النت ولكن سالت اخوي ومعاه بعد محامي ثاني فالبلديه لكن للاسف قالولي يغسل ايده لانه القانون واضح وانهم عطوهم فرصه قبل كم سنه وماتقدم بذلك الوقت يعني راحت عليه فانا اعتقد بما انهم محامين للدوله يدافعون عن اراضي الدوله يمكن ان اهم مايبون يخسرون قضايا لانها محسوبه عليهم اعذروني على التاخير