ما هو مصير طلبة الفلبين بعد إلغاء اعتماد شهاداتهم نهائيا؟

الحالة
موضوع مغلق
التسجيل
9 فبراير 2009
المشاركات
760
زبدة الكلام اللي مايبي لوية ومحاكم لايكمل ويروح جامعة معتمدة ويفتح ملف بالتعليم العالي ويبتدي صح

هذا اللي احنا سويناه رحنا التعليم العالي وسألنا عن الجامعه قالو معتمده والديوان كانت دازه عليها بعثات بس من شافو ان الناس راحت قالو لا في ناس فقاره بيدرسون وباجر يبون مناصب لا خلاص كنسل
واذا سكتنا ورحنا جامعه ثانيه وبدينا من اول ويديد لان حتى موادنا اللي خلصناها مو محسوبه وماراح تتعادل وخلصنا سنه او سنه ونص وقالو جامعتكم الغينا الاعتراف فيها شنسوي وبتكون حالتنا من جامعه لي جامعه ؟؟؟؟؟
الحين العيب منا ولا من التعليم العالي؟؟؟؟؟
ابيج تجاوبين بالحق وانا بصراحه لما سجلت بهالجامعه ماأدري شنو الوضع بس حسبتها وشفت المصاريف ووقت اختباراتهم تناسبني ورحت سألت التعليم العالي قالو الجامعه معترف فيها ووضعها تمام ولما سألت زياده عرلافت ان الحكومه ادز بعثات يعني انا سويت اللي علي وزياده
 

شيل و مشي

عضو نشط
التسجيل
11 يناير 2008
المشاركات
379
الحمدلله من طلقت النسرة صار عندي خبرة بمحاكم الاحوال الشخصية ولا امانع من الاستفادة من خبرة المحاكم الادارية الزبدة اللي مكمل عالدبلوم وباجيله كورسين غير كورس شهر 10 مثل حالتي يكمل واللي مكمل عالثانوية يفكر زين قبل لا يكمل
رشا الصباح راح تطلع هالشهر وماظنيت ان مجلس الوزراء راح يجددونلها وان جددولها 5 سنوات خيره وان ما جددولها هم خيره لنا المهم ان القرار مافيه رجعية
واعرف ناس تخرجوا من هالجامعة والحين تم معادلة شهايدهم وموقعة من الوزيرة موضي الحمود والوكيلة رشا الصباح ما بقى الا يعدلون اوضاعهم وواحد منهم يعمل بالخارجية
واللي الله كاتبه يصير
ترا اللجان اللي يسوونه بس تخدير للنواب المؤيدين لقرار ست نورية وكذلك الحساد من هنا وهناك
واعضاء اللجان محتارين كل الطرق امامهم مسدودة ما يقدرون يحولونهم لجامعات اخرى بالكويت لانهم لم يوافقوا باستقبال الطلبة ولا حتى بمعادلة شهاداتهم وكذلك يعلمون بان الدستور الكويتي لا يعترف برجعية القرارات الا بموافقة اغلبية اعضاء مجلس الامة يعني اعضاء اللجنة ضايعين بالطوشة ويجدون هؤلاء أنفسهم في الأخير يدورون في حلقة مفرغة :)
 

simple23

عضو نشط
التسجيل
14 أكتوبر 2007
المشاركات
365
انا مكمل على دبلوم محاسبه
للحصول على بكالوريوس وباجي اخر سنه على 2010 واجيب الشهاده
بس تدري وين الغمنده انه ما فتحت ملف بالتعليم العالي لانه العموم يقول معترف فيها والناس سألت عن الجامعه
زين اخت فيونا انا ابي لويه ومحاكم بس اهم شى انه انتي تضمين الشىء هذا لي
علشان اكمل للاخر واتعااب المحاماه ماعندي مشكله انتي تستاهلين
واتمنى انج تتبنيين قضيتي
ولا يرضيج امتياز مع متربه الشرف واخر شى يقولون ما راح نتعرف بشهادتك ونا ادرس من ناحيتي بس خذيتها لانه الكوست اقل
 
التسجيل
9 فبراير 2009
المشاركات
760
مساكم الله بالخير
ياشباب ترى اليوم جلسة المحاميه فوزيه الصباح ماتدرون شنو صار؟؟
لاني اذكر اجلو القضيه لي تاريخ 9/9 نبي احد يبشرنا ولا ننطر لي تاريخ 14
 

كويتي08

عضو نشط
التسجيل
12 مايو 2008
المشاركات
54
قرار اعتراف التعليم العالي بتلك الجامعات هو خطأ ارتكبه التعليم

العالي في حق الطلبة....ومن حق الطلبة رفع دعوى تعويض ضد التعليم العالي

على ما لحقهم من ضرر وما فاتهم من كسب....
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
اخوي سمبل غالي والطلب رخيص بس انا ماعندي مكتب عشان اتبنى قضيتك لكن اذا اخترت طريق المحكمة فتستند الى ان قبولك كان قبل صدور قرار عدم الاعتراف واذا عندك مستندات تثبت ان الجامعة كان معترف فيها بيكون موقفك اقوى واذا ماعندك ممكن يطبقون عليك البند المتعلق بانطباق شرط المعايير الاكاديمية والعلمية على الجامعة اللي حاليا تدرس فيها فاذا كانت جامعة قوية ومعترف فيها عالميا انشالله بتكسب القضية اما اذا الفلبين والهند وغيرها ممكن تربح وممكن ماتربح يعني 50%
واذا ماتوصلت لنتيجة بالاعتراف بشهادتك ممكن تلجأ لطلب تعويض مثل ماقال اخونا كويتي بالتوفيق
 

شيل و مشي

عضو نشط
التسجيل
11 يناير 2008
المشاركات
379
اخواني مثل ما قال المحامي الشرقاوي في مقابلة معاه في برنامج صباح الوطن على قناة الوطن بخصوص سالفة عدم اعتراف جامعات البحرين يقول القضية سهلة يتبناها اي محامي ومضمونه حيث ان اغلبية الطلبة المتخرجين من الجامعات اللي مو معترف فيها اكسبوا القضية واغلبيتهم خذوا تعويض وقال عندي ملفات ناس قضيتهم كسبانة وفوقها تعويض 10 الاف دينار
وتذكرون سالفة الاكاديمية البحرية والمعادي وجامعة لبنان وكلهم اعترفوا بشهادات خريجيهم بقوة القانون
انا متفق مع ربعي اول ما نتخرج اذا حطينا اوراقنا بالتعليم العالي ناخذ منهم ورقة افادة بعدم اعتماد الشهادة وعلى طول ناخذها ونفتح ملف عند المحامي نواف ساري المطيري وهو يتولى القضية والتعويض ما نبيه نبي بس يعترفون بالشهادة ونعدل اوضاعنا
هذا اذا حصل عناد من التعليم العالي وما يبون يعترفون فينا بس الحين خايفين من المحاكم عشان ميزانيتهم ما تكفي حق التعويضات الهائلة للخريجين من كافة الجامعات التي تم اصدار قرارات عدم الاعتراف بها
حاليا اغلب اللي تخرجوا خلصوا اوراقهم وبعضهم عدلوا اوضاعهم بدون محاكم!
 

ابوشروق

عضو نشط
التسجيل
18 يوليو 2009
المشاركات
577
الإقامة
الكويت
السلام عليكم

ياشباب احد عنده خبرعن جلست المحاميه فوزيه الصباح

اشصار عليها شنو الحكم اذا في حكم

وسلامتكم
 

engineeriah

عضو جديد
التسجيل
11 سبتمبر 2009
المشاركات
7
الله يعينكم ويفرجها عليكم
 
التسجيل
9 فبراير 2009
المشاركات
760
انشالله اليوم الجلسه ونبي الكل يدعي والحساد مانبي منهم شي
والله يوفقنا ياشباب ويبعد عنا الحساد اللهم امين
ولاتنسونا بأخر الاخبار
 

عبد المعين

عضو نشط
التسجيل
24 مايو 2009
المشاركات
372
شصار عليكم ياطلبه الفلبين اليوم بجلستكم

الله يوفقكم ونشوفكم مهندسين تعمرون البلد

والله يعينا على وزيرتنا اللى كل يوم قرار
 

وليد السعيدي

عضو نشط
التسجيل
24 سبتمبر 2006
المشاركات
1,089
الإقامة
الكويت
ما في اخبار جديده
 

شيل و مشي

عضو نشط
التسجيل
11 يناير 2008
المشاركات
379
المشكلة ان بعض الحساد يدشون تحت اسم البنك المركزي يعني شوفوني اشتغل واجزم انه حده سيكيوريتي هناك والله قمة المهزلة انك تيي وتدس بانفك بما لا يعينك ياخي انت شكو بكل شي تدرعم على موضوعنا وتقط حجي وتمشي وطبعا ردودك سمجه لا تسمن ولا تغني من جوع ياخي احترم نفسك وقل خيرا او انطم او شوفلك اي ديوانية تهايط فيها وبتلقى ناس نفس مستواك الواطي وطبعا يأيدونك بكلامك والله يحاسبك على كل كلمة مو احنا بس فارقنا ولا ترد بهالموضوع عيب عليك ويا ليت المشرفين يشوفون صرفة مع هالعضو
 

CENTRALBANK

عضو نشط
التسجيل
8 أغسطس 2005
المشاركات
1,656
المشكلة ان بعض الحساد يدشون تحت اسم البنك المركزي يعني شوفوني اشتغل واجزم انه حده سيكيوريتي هناك والله قمة المهزلة انك تيي وتدس بانفك بما لا يعينك ياخي انت شكو بكل شي تدرعم على موضوعنا وتقط حجي وتمشي وطبعا ردودك سمجه لا تسمن ولا تغني من جوع ياخي احترم نفسك وقل خيرا او انطم او شوفلك اي ديوانية تهايط فيها وبتلقى ناس نفس مستواك الواطي وطبعا يأيدونك بكلامك والله يحاسبك على كل كلمة مو احنا بس فارقنا ولا ترد بهالموضوع عيب عليك ويا ليت المشرفين يشوفون صرفة مع هالعضو

بجم شاري شهادتك...وكل اناء بالذي فيه ينضح
 
الحالة
موضوع مغلق
أعلى