لجميع استفساراتكم عن الرخص التجاريه

[ليكود]

السلام عليكم الله يعطيك العافيه اخوي بوعقيل انا عندي الوالد متقاعد وابي اسوي شركه
حقه للملابس والجناط النسائيه بس مادري منين ابلش وشلون ابدا وهل اقدر اخلصها انا
بروحي بدون مناديب ؟ او انها صعبه ياليت تفيدني وتنورني وشنو الاوراق المطلوبه
والله يطولنا بعمررك يالغالي

 

[ليكود]

نسيت انا ابيها ذات مسؤوليه محدوده لانها الافضل حسب كلام الناس وشكرا

 

[general]

السلام عليكم الله يعطيك العافيه اخوي بوعقيل انا عندي الوالد متقاعد وابي اسوي شركه
حقه للملابس والجناط النسائيه بس مادري منين ابلش وشلون ابدا وهل اقدر اخلصها انا
بروحي بدون مناديب ؟ او انها صعبه ياليت تفيدني وتنورني وشنو الاوراق المطلوبه
والله يطولنا بعمررك يالغالي

اخوي العزيز , افضل تطلع للوالد رخصه فرديه وليس شركه دام انه متقاعد واعتقد هذا جدا مناسب له , والرخصه تحت نشاط (ملابس جاهزه للسيدات) ورقم النشاط 6126 , وتقدر تتداول في ملابس النسائيه والاحذيه والحقائب والهدايا والكماليات , ولايمكنك تدمجها مع ملابس الرجاليه .

وبالنسبه للتأسيس تحتاج أول خطوه شهاده رصيد بإسم والدك بقيمه 15 الف دينار ومن بعدها تروح لوزاره التجاره وتقوم بباقي الاجراءات ولو كنت نشيط اعتقد ماتحتاج مندوب لكن لو تتكيسل اقولك من الحين سلم الامور بإيد مندوب (لاتسألني عن المناديب) .
والاوراق المطلوبه
1- بطاقه المدنيه للوالد . 2- شهاده الرصيد 3- شهاده لمن يهمه الامر من التأمينات ,
بعد ماتخلص روح لوزاره التجاره وعبئ الطلب واتبع التعليمات الى ان تشوف نفسك انتهيت من الرخصه .
موفق خير

 

[general]

إخواني الاعزاء مسافر لمده 15 يوم ولا استطيع دخول المنتدى الكريم, لذلك اعذروني ان تأخرت على إجابه استفساراتكم , اخوكم المخلص بوعقيل

 

[general]

للرفع

 

[WSM]

مرحبا اخوي جنرال اذا ماعليك امر بغيت اعرف اذا بسوي رخصه ملعب كره قدم وجم اتكلف الرخصه واشلون اطلعها واكون شاكرلك يا بعد راسي وانت ما قصرت وعساك على القوه

 

[nawafooooooo]

هل يمكنني تجديد رخصة تجاره عامه ومقاولات علما انها منتهيه من سنة 1999 تقريبا الرجاء الافاده
واذا اقدر اجددها شنو اقدر اشتغل فيها كنصيحه منك

 

[general]

مرحبا اخوي جنرال اذا ماعليك امر بغيت اعرف اذا بسوي رخصه ملعب كره قدم وجم اتكلف الرخصه واشلون اطلعها واكون شاكرلك يا بعد راسي وانت ما قصرت وعساك على القوه

تاج راسي مافي شي اسمه رخصه لملعب كره قدم شوف لك ارض ملك اشخاص (ليس ملك دوله) اجرها و سورها وثيلها وأجرها

 

[general]

هل يمكنني تجديد رخصة تجاره عامه ومقاولات علما انها منتهيه من سنة 1999 تقريبا الرجاء الافاده
واذا اقدر اجددها شنو اقدر اشتغل فيها كنصيحه منك

نعم تقدر تجددها ونصيحه جددها الحين وقبل ماتفكر شنو تشتغل فيها (عشان ماتروح عليك الرخصه) لان رخص تجاره عامه ومقاولات وقفوها نهائيا للي يبي الحين يسويها

 

[Business Woman]

يعطيك العافيه ع المجهود .. وعساك ع القوه

 

[general]

شكرا جزيلاً واتمنى تكونين فعلا بزنس ومان

 

[كنز المعرفه]

سؤال للأخ بو عقيل

إن شاء الله ناوي افتح مطعم

وتابعت من خلال مشاركاتك إنك تنصح بمؤسسه فردية محددة النشاط

والسؤال هل استطيع افتح فرع آخر لنفس المطعم على نفس الترخيص ؟​

 

[general]

سؤال للأخ بو عقيل

إن شاء الله ناوي افتح مطعم

وتابعت من خلال مشاركاتك إنك تنصح بمؤسسه فردية محددة النشاط

والسؤال هل استطيع افتح فرع آخر لنفس المطعم على نفس الترخيص ؟​

للاسف لايمكنك بأي شكل من الاشكال فتح فرع من مؤسسه بعكس الحال مع الشركه . وان كان لديك توجهات بفتح افرع فالافضل حينها تفتح شركه

 

[K.O.C]

يعطيك العافية الجنرال

اخوي انا ودي آخذ رخصة استيراد وتصدير وعندي جم سؤال:

1- شنو الاجراءات وجم شهادة الرصيد المطلوبة ,, ابي الرخصة الارخص بشهادة الرصيد حتى لو استيراد بس ,,ابي استورد فيها ملابس

2- هل أقدر آخذ عليها وكالة منتج معين ,, ملابس مثلا ؟

3- لو عندي رخصة بيع ملابس أقدر استورد بضاعتي بالكميات اللي أبي بناءا على الرخصة وهل أقدر آخذ وكالة على رخصتي ولا بس استيراد وتصدير اللي اقدر اخذ عليها وكالة

4- انا موظف بالقطاع الخاص ,, بس ودي أسوي شركة لان احتمال بالمستقبل انتقل لوظيفة حكومية ,, رايك واقتراحاتك

لك جزيل الشكر مني وعظيم الأجر من الباري عز وجل اخوي بوعقيل

 

[nawafooooooo]

نعم تقدر تجددها ونصيحه جددها الحين وقبل ماتفكر شنو تشتغل فيها (عشان ماتروح عليك الرخصه) لان رخص تجاره عامه ومقاولات وقفوها نهائيا للي يبي الحين يسويها

للاسف اخوي رحت اجددها قالولي انتهت من زمان وما تجدد
في طريقه ثانيه وله خلاص ماكو امل؟

 

[general]

يعطيك العافية الجنرال

اخوي انا ودي آخذ رخصة استيراد وتصدير وعندي جم سؤال:

1- شنو الاجراءات وجم شهادة الرصيد المطلوبة ,, ابي الرخصة الارخص بشهادة الرصيد حتى لو استيراد بس ,,ابي استورد فيها ملابس

رخصه بيع الملابس قيمه شهاده الرصيد 15000 دك
2- هل أقدر آخذ عليها وكالة منتج معين ,, ملابس مثلا ؟
يصير

3- لو عندي رخصة بيع ملابس أقدر استورد بضاعتي بالكميات اللي أبي بناءا على الرخصة وهل أقدر آخذ وكالة على رخصتي ولا بس استيراد وتصدير اللي اقدر اخذ عليها وكالة
يصير مو شرط استيراد وتصدير ووكيل بالعموله , حتى لو احتجت استيراد وتصدير ووكيل بالعموله شهاده رصيدها 20 الف دينار

4- انا موظف بالقطاع الخاص ,, بس ودي أسوي شركة لان احتمال بالمستقبل انتقل لوظيفة حكومية ,, رايك واقتراحاتك
فكره ممتازه لكن 99% حصتك وحصه شريكك او شريكتك 1% والي يتولى الاداره بعقد التأسيس مو انت خل شريكك او احد من اهلك . لكن المفوض بالتوقيع (اعتماد التوقيع ) انت وحزتها زمام الامور كلها بإيدك حتى المدير الي يتولى اداره الشركه بعقد التأسيس يشرب ماي بإن منك

لك جزيل الشكر مني وعظيم الأجر من الباري عز وجل اخوي بوعقيل

حياك الله واحسنت

 

[general]

للاسف اخوي رحت اجددها قالولي انتهت من زمان وما تجدد
في طريقه ثانيه وله خلاص ماكو امل؟

انت ذكرت لي بالبدايه ان رخصه شركه ورخصه الشركه تجددها وماتنلغي نهائيا والموظف الي قايل لك هذا الكلام غشيم لكن لو كانت رخصه فرديه نعم ربما ماتقدر تجددها . حاولت تتصل على اكثر من مكتب معاملات واعرض عليهم الموضوع وشوف شيقولون لك

 

[binduaij]

يعطيك العافية أخو بوعقيل على المعلومات القيمه وعساك على القوة وعندي استفسار ان شاء الله اجد له اجابة
عندي رخصة مؤسسة ** التجارية
النشاط إستيراد وتصدير ووكيل بالعموله
السؤال: هل اقدر اضيف نشاط تجارة عامة ومقاولات؟
او يتم تغير النشاط إلى تجارة عامة ومقاولات؟ وهل التجارة العامة والمقاولات تشمل الاستيراد والتصدير ووكيل بالعموله؟
هل يتم الاحتفاظ باسم المؤسسة كما هو (مؤسسة ** التجارية) والنشاط تجارة عامة .... ولا لازم تتغير إلى (مؤسسة ** للتجارة العامة والمقاولات)

وشكرا لك أخي الكريم لاتساع صدرك

 

[general]

اخي العزيز بإختصار تم توقيف اصدار رخص تجاره عامه ومقاولات للأبد (لجميع الحالات دون إستثناء)

 

[ابوحمزه]

اخوي ذكرنا مشاكل تأجير الرخصه بهل موضوع لكن دام مالك خلق تقلب الصفحات خلاص اعيد لك
تأجير الرخص : يتحمل صاحب الرخصه جميع المسؤوليات القانونيه ومافي شي اسمه انا مؤجر الرخصه (لان تأجير الرخص غير قانوني واي شي مبني على باطل فهو باطل) يقوم المستأجر وياخذ بضايع من السوق ويوقع فواتير وسندات قبض وكلها انت المسئول واي اقامات يحطها 4 و5 اقامات وباجر يسبهم بالشارع ويصيدونهم يصكونك رمز بالشئون تاجر اقامات وتعال فجج بالنيابه , اي مديونيه تترتب على المستأجر انت تتحملها واي مخالفات من غش تجاري وحمايه مستهلك وشكاوى كلها انت المسئول طبعا ادخال بضايع من الجمارك مخدرات وغيرها هذا يتلونك ويصكونك مدى الحياه على الماشي , وووووووو الخ,,, الحذر

السلام عليكم، كيف حالك يابوعقيل
هذه المشاكل تحدث لمن يؤجر الرخصه، فهل تحدث لمن يبيع الرخصه...نرجو التوضيح؟