لجميع استفساراتكم عن الرخص التجاريه

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
مستعد للاجابه فقط عن جميع الاستفسارات والنصايح عن الرخص التجاريه بجميع انواعها ومساعده الشفهيه بالخطوات والامور الي يجب القيام فيها والاخذ بها عند شراء الرخصه سواء شركه أو مؤسسه .
وشكرا
 

بومناور

عضو نشط
التسجيل
24 يونيو 2004
المشاركات
769
الإقامة
الكــويـت الغالية
مشكور لو انا موظف مع الوالدة طبعا ربة بيت اقدر اسوى شركة ؟ ما قصرت مقدما
 

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
مشكور لو انا موظف مع الوالدة طبعا ربة بيت اقدر اسوى شركة ؟ ما قصرت مقدما

تقدر تكون صاحب شركه انت خلك 99% وامك الله يحفظها 1% والاداره بعقد الشركه تتولاها الوالده (لان مايصير تكون موظف حكومي وتتولى اداره شركه) وانصحك باعتماد التوقيع (المفوض بالتوقيع عن الشركه ) تكون انت
وللعلم صلاحيه المفوض بالتوقيع اكثر بوايد من المدير العام الي مذكور بعقد الشركه (يعني اداره امك للشركه صوريه بالنسبه لاعتماد توقيعك انت)

وجذي فدتك وشكرا
 
التسجيل
22 أبريل 2003
المشاركات
1,065
الإقامة
kuwait
الحين انا بافتح صالون حلاقة
وخلصت الرخصة التجارية

وباقى رخصة الاطفاء والاعلان شنو اسوي بالضبط ويحتاجون فلوس
 

Boreem

عضو نشط
التسجيل
22 مايو 2006
المشاركات
246
رخصة طبيه (مساج +علاج طبيعي)

احوي انا مهندس بالقطاع النفطي مالي علاقه بالطب ,ولكن عندي 5 وافدين عرب اصدقاء لي نبي نفتح spa بس يكون للمنازل يعني يداوومون بالمكتب والزبايين تدق تلفون والسائق يوصل هم!


بس موعارف الحطوات الرخصه من الصفر


يريت تفيدني
 

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
الحين انا بافتح صالون حلاقة
وخلصت الرخصة التجارية

وباقى رخصة الاطفاء والاعلان شنو اسوي بالضبط ويحتاجون فلوس

بالنسبه للاطفاء والاعلان بس تحتاج مندوب عادي يقدر يسويها لك وعلى فكره مايبي لهم وايد مجرد اجراء روتيني ورسوم المطافي بسيطه جدا اما بالنسبه للاعلان يجب على المندوب تصوير الاعلان من الصالون بكاميرا وياخذ الصوره للبلديه ويقولون له كم الرسوم السنويه على حسب حجم الاعلان (يحسبونها بالمتر) وتقدر تتصل على اي مندوب بالجريده أو هل مكاتب ويسونها لك وتكاليفهم مع الرسوم مو وايد .
وانا اترك لك انت تقيس التكلفه يعني شي مادخل عقلك قوله غالي وان شي تقبلته دفعه
 

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
احوي انا مهندس بالقطاع النفطي مالي علاقه بالطب ,ولكن عندي 5 وافدين عرب اصدقاء لي نبي نفتح spa بس يكون للمنازل يعني يداوومون بالمكتب والزبايين تدق تلفون والسائق يوصل هم!


بس موعارف الحطوات الرخصه من الصفر


يريت تفيدني

شغلتك ماتحتاج تكون رسميه يعني لو ماتشتغل برخصه احسن لك لان شغلك كله بالتلفونات مبدئيا بلشوا الشغل بالتلفونات وان ضبط اموركم حزتها افتح رخصه وخذ مكتب بأردى مكان لان محد راح يي لك بس بعرف منك انت تبي رخصه شركه (مجموعه شركاء 2 و أكثر) ولا رخصه فرديه مؤسسه (فرد واحد) وان شالله افيدك بس مثل ماقلت لك لا تدخل بقوه
 

Boreem

عضو نشط
التسجيل
22 مايو 2006
المشاركات
246
شغلتك ماتحتاج تكون رسميه يعني لو ماتشتغل برخصه احسن لك لان شغلك كله بالتلفونات مبدئيا بلشوا الشغل بالتلفونات وان ضبط اموركم حزتها افتح رخصه وخذ مكتب بأردى مكان لان محد راح يي لك بس بعرف منك انت تبي رخصه شركه (مجموعه شركاء 2 و أكثر) ولا رخصه فرديه مؤسسه (فرد واحد) وان شالله افيدك بس مثل ماقلت لك لا تدخل بقوه
تسلم عل رد

بي انا ابي رخصه عشان احول الاخصائيين علي واكن بالسليم .

ومشكور ياخوي عل رد

وعلى سؤال الرخصه انا اللي اسئلك رخصه العلاج الطبيعي اي رخصه تصير ؟
 

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
تسلم عل رد

بي انا ابي رخصه عشان احول الاخصائيين علي واكن بالسليم .

ومشكور ياخوي عل رد

وعلى سؤال الرخصه انا اللي اسئلك رخصه العلاج الطبيعي اي رخصه تصير ؟

اخوي رخصه العلاج الطبيعي لها مسمى خاص بوزاره التجاره وبامكانك تروح لهم وتشوفه تحت أي بند (مسمى)
وتقدر تفتح مؤسسه احسن لك انت تكون صاحب الطلب (شرط ماتكون موظف حكومي) او خل والدتك او ابوك وانت استلم الاداره واتكون المفوض بالتوقيع
وعلى فكره قلت لك مؤسسه احسن لك بوايد شغلات مو مهم اذكرها
والاجراءات ماراح تكون صعبه كل ماعليك تشوف مندوب من هل جرايد وتطلب منه هل رخصه وقوله من وين تبتدي والى اين ستنتهي دورك (ودزلي رساله على الخاص وقولي شقالك وجم قالك وحزتها انا اقولك اوكي ولالا) والامور بسيطه ترا ماعليك سوا تأسيس الرخصه وعمل ملف بالشئون وتحط اقامات العماله الي ماتطول اكثر من اسبوع وعقبها تشتغل
 

الاكاديمية

عضو نشط
التسجيل
4 يوليو 2009
المشاركات
160
انا احتاج رخصة معهد تدريب يعني نشاط تدريب موارد بشرية عن بعد يعني معهد مسجل بالانترنت ويعلم عن بعد ---------- ادري صعبة قالولي افتح معهد عادي وافتح موقع بالنت علم ودرب عن بعد شنو بالضبط يحتاجون :)
 

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
انا احتاج رخصة معهد تدريب يعني نشاط تدريب موارد بشرية عن بعد يعني معهد مسجل بالانترنت ويعلم عن بعد ---------- ادري صعبة قالولي افتح معهد عادي وافتح موقع بالنت علم ودرب عن بعد شنو بالضبط يحتاجون :)

يا اخوي هذا مشروع صعب لكن عشان ماكون فضولي واجاوبك على قد سؤالك اقولك ماعليك سوى فتح مؤسسه أو شركه تحت مسمى رخصه تدريب وتأهيل والرخصه عاديه جدا ومافيها أي صعوبه ولا لها متطلبات

لكن انصحك تعرض مشروعك تفصيلا في موضوع انا كاتبه (لدراسه مشاريعكم التجاريه) وهناك بنفيدك اكثر
 

الاكاديمية

عضو نشط
التسجيل
4 يوليو 2009
المشاركات
160
اخوي المشروع واضح عبارة عن معهد يعطي دورات خاصة في مجالات عليمة ودورات مثلا دورات اللغة الانجليزية عن طريق النت تعليم عن بعد
 

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
اخوي المشروع واضح عبارة عن معهد يعطي دورات خاصة في مجالات عليمة ودورات مثلا دورات اللغة الانجليزية عن طريق النت تعليم عن بعد

من ناحيه الترخيص مثل ماقلت لك اجراءاتها عاديه وحالها حال اي نشاط اخر
اما عن فكره المشروع انا اشوفها حلوه لكنها تحتاج الى موارد بشريه لها تجربه وطاقم فني يدير الموقع الالكتروني على مدار الساعه وبحاجه الى اجهزه وسيرفرات لكن على ما اعتقد لازم تحصل على اعتراف كذا جامعات عشان لمن تصدر شهاده للمتدرب تكون على استناد شي واقعي (يعني مو تعطي الشهادات مني والطريج) لكن تشائمي من هل مشروع ان لك منافسين وايد بهل مجال وهم اصحاب خبره و رؤوس اموال ودعايات وانت اغلب الظن راح تبلش بطريقه بدائيه مقارنتا معاهم (مهما كنت حاط افكار وتعتقد انك راح تمتاز عنهم هم اقولك طريقتك بدائيه مو لان السبب أو التقصير منك لا بالعكس السبب هو عن عدم خبره في المشروع وتعتبر الصعوبه وعدم اثبات وجودك من البدهيات
وتقبل مروري
 

Boreem

عضو نشط
التسجيل
22 مايو 2006
المشاركات
246
اخوي رخصه العلاج الطبيعي لها مسمى خاص بوزاره التجاره وبامكانك تروح لهم وتشوفه تحت أي بند (مسمى)
وتقدر تفتح مؤسسه احسن لك انت تكون صاحب الطلب (شرط ماتكون موظف حكومي) او خل والدتك او ابوك وانت استلم الاداره واتكون المفوض بالتوقيع
وعلى فكره قلت لك مؤسسه احسن لك بوايد شغلات مو مهم اذكرها
والاجراءات ماراح تكون صعبه كل ماعليك تشوف مندوب من هل جرايد وتطلب منه هل رخصه وقوله من وين تبتدي والى اين ستنتهي دورك (ودزلي رساله على الخاص وقولي شقالك وجم قالك وحزتها انا اقولك اوكي ولالا) والامور بسيطه ترا ماعليك سوا تأسيس الرخصه وعمل ملف بالشئون وتحط اقامات العماله الي ماتطول اكثر من اسبوع وعقبها تشتغل

رحم الله والديك وجزاك الله خبير


سؤالي لك انا موظف قطاع نفطي ويعطوني رخصه بس شنو اول اجراء اسويه ساميحني انا وايد غشيم :(
 

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
رحم الله والديك وجزاك الله خبير


سؤالي لك انا موظف قطاع نفطي ويعطوني رخصه بس شنو اول اجراء اسويه ساميحني انا وايد غشيم :(

اول شي عليك تتصل بمندوب وتعطيه توكيل خاص (مايقدر يسوي اي شي غير تأسيس الرخصه فقط) وتحط مدته شهرين وتنتهي الوكاله .
لاتخاف مايقدر يستغلك بأي شي وهل اجراء إلزامي ومثل ماقلت لك كل صلاحياته استخراج ترخيص تجاري لك فقط .
وان بغيت رقم مندوب شاطر وأمين بلغني ادز لك رقمه بالخاص
وعلى فكره ماكو احد يقدر يستخرج رخصه من نفسه لان بالنهايه تحتاج مندوب لان الشغله مطوله شوي واجراءاتها محد يعرفها
وشكرا
 

ساحل الليل

موقوف
التسجيل
4 أبريل 2008
المشاركات
258
السلام عليكم
اولا مشكور يالغالي على موضوعك المفيد
ثانيا انا موظف بالقطاع الخاص
وابي افتح بقالة وافتح مصبغة
فممكن اعرف اخوي منك شنو نوع الرخص اللي لازم اخذهم وبعض التفاصيل لو سمحت
وشكرا لك
 

Boreem

عضو نشط
التسجيل
22 مايو 2006
المشاركات
246
اول شي عليك تتصل بمندوب وتعطيه توكيل خاص (مايقدر يسوي اي شي غير تأسيس الرخصه فقط) وتحط مدته شهرين وتنتهي الوكاله .
لاتخاف مايقدر يستغلك بأي شي وهل اجراء إلزامي ومثل ماقلت لك كل صلاحياته استخراج ترخيص تجاري لك فقط .
وان بغيت رقم مندوب شاطر وأمين بلغني ادز لك رقمه بالخاص
وعلى فكره ماكو احد يقدر يستخرج رخصه من نفسه لان بالنهايه تحتاج مندوب لان الشغله مطوله شوي واجراءاتها محد يعرفها
وشكرا

مشكور ياخوي

وكم تكلف كل العمليه ؟ وكم عمولة المندوب؟
 

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
مشكور ياخوي

وكم تكلف كل العمليه ؟ وكم عمولة المندوب؟

استخراج الترخيص من النوع الي انت طالبه مفروض يكون من 200 الى 300 دينار (شامل الاتعاب والرسوم) بس اهم شي مثل ماقلت لك تتفق مع المندوب تقوله لي وين راح تسلمني الرخصه (البعض يقط عليك الرخصه ويمشي) انا ابيه يطلع الرخصه ويسوي ملف بالشئون والخ ,,,
ومثل ماقلت لك لازم تكلم مندوب
 

general

عضو نشط
التسجيل
1 أغسطس 2009
المشاركات
1,510
الإقامة
بلاد الله الواسعة (الكويت)
السلام عليكم
اولا مشكور يالغالي على موضوعك المفيد
ثانيا انا موظف بالقطاع الخاص
وابي افتح بقالة وافتح مصبغة
فممكن اعرف اخوي منك شنو نوع الرخص اللي لازم اخذهم وبعض التفاصيل لو سمحت
وشكرا لك

اخوي الي بمكاني راح يقول افتح شركه وطلع فرعين واحد للمصبغه وواحد للبقاله بس انا انصحك تفتح مؤسسه (انت موظف قطاع خاص ويامكانك هل شي) تأسس رخصتين مستقلين يعني رخصه لبيع مواد الغذائيه (بقاله) ورخصه للمصبغه . (مثل ماقلت للاخ بوريم التكلفه على كل رخصه 200 الى 300 وبما ان لك رخصتين يمكن يسوون لك خصم .)

والكلام موجه لك انت و بوريم تبون مندوب امين وصادق عندي رقمه تقدرون تستفسرون منه كل شي وللامانه والله شاهد علي مابيني وبين المندوب أي شي لكن فادني بوايد شغلات .
والي يبي رقمه بالخاص ادزه
 

Boreem

عضو نشط
التسجيل
22 مايو 2006
المشاركات
246
استخراج الترخيص من النوع الي انت طالبه مفروض يكون من 200 الى 300 دينار (شامل الاتعاب والرسوم) بس اهم شي مثل ماقلت لك تتفق مع المندوب تقوله لي وين راح تسلمني الرخصه (البعض يقط عليك الرخصه ويمشي) انا ابيه يطلع الرخصه ويسوي ملف بالشئون والخ ,,,
ومثل ماقلت لك لازم تكلم مندوب

ممكن توضحلي اكثر ياخوي , ليش الملف بالشؤوون ؟
 
أعلى