دورة المؤشرنت للتحليل الفني
50 دينار كويتي
خوووش موضوع اخوي
الله يسلمك هذا موقف محرج جدا وطريف جدا بنفس الوقت وتقدر تسميه مسلسل (طاش ما طاش) الكويتي :d _والله ينفع ترى_ لأن من بطولة اثنين (انا وواحد من الربع) طال عمرك ذيك السنة صار عندي شغل بالأردن واول مرة اروح لها المهم حجزت على الكويتية الساعة 9 الصبح وسبحان الله ذيك الليلة ما نمت عدل وقعدت متأخر وباقي ساعة وربع على الطيارة المهم وصلت الكاونتر باقي ساعة الا ربع وماكو احد شفت موظف سالته قال سكرت البوابة قلتله لازم اروح اليوم لأن باجر الصبح عندي شغل ضروري قالي مو مشكلة في طيارة العصر تقدر تحول التذكرة الحين قلتله على ايدك يا معود شوي وحب راسه سبحان الله صدفة واشوف واحد من ربعي (ايام الثانوية) الحبيب ياي متأخر بعد على نفس الرحلة قلتله شعندك بعد قالي قعدت متأخر قلتله تعال خلنا نحول التذكرة في طيارة العصر والحمدلله خلصنا قالي شرايك نروح البيت واتغدى عندي اليوم قلتله توكل على الله بس اهم شي نطلع مبجر المهم رحنا البيت وخذتنا السوالف لين أذان الظهر صلينا وتغدينا وبعدها على طوووووول المطار الحين الساعة 1.30 والطيارة 3.30 المهم خلصنا وصعدنا الطيارة (الأردنية) وقعدنا يم بعض الحين احنا داااااايخييييين ما نمنا عدل وتونا دابينها يعني ما يبيله بعد نووووم :d وفعلا نمنا وما قعدنا الا على قرقعة الناس بطلنا عيونا ولا الناس تشيل اغراضها قلنا الحمدالله على السلامة وصلنا وما حسينا بالوقت المهم شلنا اغراضنا وصفينا بس الغريب ان في ناس قاعدة اللي يقرا جريدة واللي يشرب قهوة قلنا اكيد ينطرون الزحمة تخف المهم نزلنا ختمنا الجوازات ووقفنا على السير ننطر الجناط وننطر وننطر وننطر الناس مشت وين جناطنا لييين فظى السير لا وفظت الساحة اللي واقفين فيها بعد وماكو الا احنا الثنين شسالفة؟ ولا الضابط ياي السلام عليكم وشعندكم قلنا سلامتك بس الجناط ما وصلت قال ممكن التذاكر والجوازات قلنا تفضل ويطالع التذاكر ويطالعنا قال انتوا فين رايحين قلنا عمّان طال عمرك قال حياكم الله بالدمام قلنا الدمام قال يا حبايبي هذي الرحلة ترانزيت الكويت-الدمام-عمّان قلنا انزين والحل؟؟ قال المشكلة انكم ختمتوا قلنا يعني شلون؟؟ قال لازم موافقة المدير قلنا يا معود تكفه دبرنا لا تروح علينا الرحلة قال ان شاءالله بحاول والله ما قصر الخال الله يسلمه طاااار على مكتب المدير واحنا ننطر يارب تسهل الأمور والله قاعدين نضحك على روحنا صج دايخين المهم وصل البطل المغوار ها بشر؟ قال ok كفو :d بس بسسسسررررررعة عجلوا على بوابة مادري جم نسيت ترى الطيارة متأخرة ثلث ساعة علشانكم وركض على البوابة ولا جدامنا اربع موظفين قالوا انتوا اللي قلنا اي احنا اللي (الصراحة احراااااج) قال بسرعة لحقوا وركض ليييين باب الطيارة ولا الجماعة واقفين عالباب واحنا كأن مو مسوين شي عااااادي ترى تصير وايد :d
والى اللقاء في الحلقة القادمة
واااااااااااو يـــا سبحــان الله
والله كان هالموضوع ع بالي امس قلت بفتح الموضوع اليوم
بس ماشاءالله عليك فتحت انت
اشكرك على هالموضوع
اشكرك على فتح موضوع كنت اتمنى اشوفه في الاستراحه
يسلمووووو
لاعدمنــــــــاك
ساعود وساكتب مواقف ان شاءالله
موقف ماراح انساة بطلت الجريدة الصبح وعلى صفحة الوفيات كالعادة ولا واحد من الجماعة متوفي ضاق خلقى قلت لامى وقمنا نترحم علية المهم رحت لبيت المتوفى ماحصلت احد رحت لبيت ولدعمة ومن زين الحظ ولد عمة ديوانة بعد صلاة الفجر مريت والا السيارات واجد دشيت الديوان وعلى راس وخشم ولد عمة هات يابوس مع كلمة عظم الله اجرك انا قلتها وجة الرجال عطى الف لون فنجال قهوة مع سكانة شاهى حسيت انى سويت مطمة اهل الديوان سكتو والرجال دش داخل انا بهالوقت فكرت بالنحشة قطع تفكيرى دشت راعى الديوا ن وقولتة لى انت غلطان فيى رجال نفس الاسم الثلاثي الفرق بالاسم الرابع ومن محاسن الصدف انهم بنفس المنطقة ومقارب لعمرالرجال رحت لعيالة وتعذرت وهو تاسفت منة وذبحتة بالبوس بس المشكلة صار لها اكثر من عشر سنين واحس انة يكرهنى صراااااحة ما الومة بغيت انقلة للعالم الاخر ودمتم واسف عالاطالة
دورة المؤشرنت للتحليل الفني
50 دينار كويتي