فيونه + رحال + اهل العلم (الاكيد) الله يبارك فيكم الدخول

[T.M.H]

السلام عليكم
بالاول اعتذر من الاخوان الي عندهم الخبر الاكيد وماذكرت اساميهم لاني ماني منتبه للمواضيع كلها
عموما
موضوعي باختصار
كمبياله خذيتها على شخص
واسه بالكمبياله غير البطاقه المدنيه
مثال (واتمنى ما يكون احد معانا بنقس الاسم العشوائي)
خالد اسماعيل السيد عمر هذا اسمه بالبطاقه
بالكمبياله اسمه
خالد السيد عمر
الموضوع عند المحامي انه قاعد يحاول انه يعدل الاسم
وطلب مني طلب غريب وهو اني اخذ ورقه من عنده واروح للحكمه واطلع معاي مندوب لعنوان الشخص المطلوب علشان تتأكد المحكمه ان ما في استدلال على العنوان
السؤال هل انا مكلف اني اروح واراكض واخذ المندوب معاي وللعلم انه اخذ مني نص قيمه الاتعاب من البدايه
والسؤال الثاني اني كل ما ادخل على موقع وزاره العدل علشان اتأكد من القضيه يطلعلي شخب الدعوى وما ادري شنو
هذا الكلام الي تحت منسوخ من موقع وزاره العدل واتمنى الافاده وشكرا
------------------
2009-11-03 جلسة محكمةالاحمـــدى - قرار بشطب الدعوى - الجلسة القادمة (15-12-2009)
2009-10-27 جلسة محكمةالاحمـــدى - قضية محجوزة للحكم - الجلسة القادمة (03-11-2009)
2009-10-06 إعلان بجلسة
2009-09-08 جلسة محكمةالاحمـــدى - قرار بشطب الدعوى - الجلسة القادمة (27-10-2009)
2009-06-22 إعلان بجلسة
2009-06-18 سجلت القضية في دائرة تجارىومدنى جزئي في محكمةالاحمـــدى برقم --- سنة 2009

 

[fayoona74]

عزيزي الخطأ بالاسم لايعدو أن يكون خطأ مادي وزلة قلم لاتؤثر في المعنى شيء وله اجراء بتصويب ذلك الخطأ المادي ويفترض ان اللي يقوم بالاجراء المحامي اللي وكلته
ثاني شيء شطب الدعوى معناه ان الدعوى قيدت ولم يحضر المدعي للجلسة فتشطب وايضا ها اجراء تجديد من الشطب خلال مواعيد قانونية معينة يفترض في محاميك القيام بها واجرائها

 

[T.M.H]

بارك الله فيج اختي وتحمليني شوي اذا ممكن ولج مني دعوه بغيابج
الحين كل هالضجه الي صايره بالقضيه على تعديل الاسم صارلي 3 سنوات من محامي لمحامي بس علشان تغيير الاسم شلون تقولين انها عاديه
وجزاج الله خير فهمت موضوع شخط الدعوى

 

[rahaly]

والله ياخوي هذه الغلطه فعلا مشكلة !!

لو خصمك يحضر ما عندك مشكلة .. بس مشكلتك تتعقد في عدم حضوره !!

لاني اتوقع ان محاميك بيستخرج معلومات مدنية لعنوان خصمك .. طبعا الاسم يظهر مغاير
فيضطر لاستخراج شهادة بالاسم الصحيح .. القاضي يعتبر انه شخص اخر غير الذي حرر الكمباله

واتوقع هذا سبب الشطب المتكرر .. لانهم مو قادرين يعلنون الخصم لهذا لسبب وهو اختلاف الاسم !!

اما سؤالك عن الارشاد ومن يقوم به .. نعم انت المكلف بالارشاد
لانك يفترض ان تعرف عنوان خصم وترشد المندوب اليه .. ولا يوجد محام يقوم بهذا العمل

صراحة .. الله يعينك .. قضيتك معقده جدا .. بسبب عدم القدرة على الاعلان بسبب اختلاف الاسم في الكمبيالة عن الاسم الصحيح ................................ مشكلة

على الله محاميك يجد لها مخرج ويتصرف

موفق

 

[T.M.H]

والله ياخوي هذه الغلطه فعلا مشكلة !!

لو خصمك يحضر ما عندك مشكلة .. بس مشكلتك تتعقد في عدم حضوره !!

لاني اتوقع ان محاميك بيستخرج معلومات مدنية لعنوان خصمك .. طبعا الاسم يظهر مغاير
فيضطر لاستخراج شهادة بالاسم الصحيح .. القاضي يعتبر انه شخص اخر غير الذي حرر الكمباله

واتوقع هذا سبب الشطب المتكرر .. لانهم مو قادرين يعلنون الخصم لهذا لسبب وهو اختلاف الاسم !!

اما سؤالك عن الارشاد ومن يقوم به .. نعم انت المكلف بالارشاد
لانك يفترض ان تعرف عنوان خصم وترشد المندوب اليه .. ولا يوجد محام يقوم بهذا العمل

صراحة .. الله يعينك .. قضيتك معقده جدا .. بسبب عدم القدرة على الاعلان بسبب اختلاف الاسم في الكمبيالة عن الاسم الصحيح ................................ مشكلة

على الله محاميك يجد لها مخرج ويتصرف

موفق

بارك الله فيك اخوي وماقصرت على التفاعل والرد
وتحملني
موضوع القضيه الحين كله تغيير الاسم والخصم مو راضي يحضر (لانه نصاب) ونصب على 11 واحد غيري وخلص منهم وبقيت انا ومعاي 4
فصعب انه يحضر
وبالنسبه للعنوان معروف ان بالكويت حتى البنغالي تلقى عنوانه بالبطاقه غير والفعلي غير
شنو الحل

 

[rahaly]

عزيزي ..

انت موضوعك غير ..

عادة اذا ما نعرف العنوان ... نستخرج عنوان الخصم من المعلومات المدنية .. ومثل ما انت قلت راح يطلع غير العنوان على الواقع .. فاما انك ترعف العنوان وترشد عليه بالخروج مع مندوب المحكمة .. او يتم الاعلان في مواجهة النيابة العامة على اسا س انك ما تعرف غير هذا العنوان ..

اما مشكلتك .. فالاسم مغاير .. والمحكمة راح تعتبر ان الاسم الوارد في المعلومات المدنية لشخص غير الشخص المطلوب اعلانه ... وهنا المشكلة


اما تفاصيل قضيتك فلست ملم فيها وكيف اقامها محاميك

انا لا اعرف من هو محاميك ... لكن من مجريات قضيتك وفقا لوصفك .. اعتقد جازما انه غير مقصر في الدعوى .. لكنه يواجهة مشكلة معقدة ... والله يعينك


ملاحظة :

يبقى قولك ان قضيتك اصلا تصحيح الاسم !!!

اذا كانت تصحيح الاسم (( فقط )) ... ممكن تمشي القضية

بس شلون يرفعها لتصحيح الاسم فقط ؟؟؟

اعتقد انه اقام الدعوى للمطالبة بالمبلغ .. مع ذكر ان الاسم الوارد خطأ .. وصحته كذا .. ومن هنا بدأت المشكلة

(( همسة ))

بحكم خبرتي .. واحد مثل خصمك النصاب ومطلوب من 11 شخص .. حتى لو حصلت حكم ضده ... ما اعتقد راح يسدد لك وخاصه ن حكمه مدني ... (اسف بس خبرتي تقول جذي)


الله يوفقك

 

[T.M.H]

تسلم يالغلا وما قصرت على الرد
ونفس ما قلت الموضوع متعلق بتغيير الاسم للاسف ولا لو الاسم صحيح كان خلصنا من زمان
وان شاء الله ربك يحلها
وهو الحين للامانه صار نصاب شبه محترم لان سدد حق كذا واحد وتوظف في جهه حكوميه وعلى الله
اشكركم جزيل الشكر على التكرم بالرد والمشاركه وعسى الله يكتبها في ميزان حسناتكم

 

[fayoona74]

جم المبلغ اللي بالكمبيالة

 

[rahaly]

جم المبلغ اللي بالكمبيالة

لج نصهم بس طلعيهم

 

[T.M.H]

والله تستاهلون كلكم مو بس هي
المبلغ 130 + 000

 

[fayoona74]

بيييييه ولا مو شوي اله يرجعهم لك
في فكرة في الي بس مادري تنفع لو ماتنفع
باول جلسة تحضر وتييب معاك شهود ان الاسم بالكمبيالة اهو نفسه للشخص اللي بالبطاقة المدنية وتاخذ تصريح منه انك تطلع عنوانه عن طريق البطاقة المدنية
ها شرايكم الو رحالي تنفع لو ماتنفع

 

[rahaly]

بيييييه ولا مو شوي اله يرجعهم لك
في فكرة في الي بس مادري تنفع لو ماتنفع
باول جلسة تحضر وتييب معاك شهود ان الاسم بالكمبيالة اهو نفسه للشخص اللي بالبطاقة المدنية وتاخذ تصريح منه انك تطلع عنوانه عن طريق البطاقة المدنية
ها شرايكم الو رحالي تنفع لو ماتنفع

طبعا ما تنفع

اولا القاضي ما يحيل الدعوى للتحقيق الا بحكم ..

واول شئ لازم يكتمل الشكل .. واول الشكل الاعلان .. فلا يسمع الخصوم قبل اتصال علم المدعي عليه بالدعوى ..


.................... يعني ماكو فايدة


الاخ السائل ..

من صجك 130 دينار ؟
مائة وثلاثون دينار ؟
one hundred thirty dinar ??


اذا المبلغ صح .. ياخوي انتي نرفع عليك قضية .. زاحم المحاكم بقضية معقدة قيمتها 130 .. وزاحم محامين ومستشارين ومحافظة كاملة

موفق

 

[T.M.H]

اخوي 130 ووراها 3 اصفار انت ما انتبهت الظاهر
يعني 130000 مو دينار
اذا بانزين السياره رايح راد للمحامي وللمحكمه وغيرها ياخذ اكثر من 200 دينار والمحامي بروحه اخذ اكثر من 3000

 

[q82007]

اعتقد في تقاعس من مناديب المحامي

 

[T.M.H]

اعتقد في تقاعس من مناديب المحامي

الله العالم ولو اني انا اقول نفس الكلام ولكن ما تقدر تحجه بشي

 

[rahaly]

اخوي 130 ووراها 3 اصفار انت ما انتبهت الظاهر
يعني 130000 مو دينار
اذا بانزين السياره رايح راد للمحامي وللمحكمه وغيرها ياخذ اكثر من 200 دينار والمحامي بروحه اخذ اكثر من 3000

130 الف ..

اممممم .. تسوه

عموما تأكد ان محاميك مو مقصر .. واعتقد يبذل كل جهده
ولا تنسى ان كما هي مصلحتك في تحصيل المبلغ .. فمصلحته في تحصيل باقي الاتعاب .. فبالتالي سيبذل جهده لانهاء القضية (حسب الظاهر من كلامك اللي اقدر اصل له من واقع خبرتي )

والله اعلم ... موفق

 

[T.M.H]

الله العالم وانا قلت ان حتى لو في تقصير ما اقدر احجه بشي وهو اخذ نص فلوسه على روحه ورجعه كم مره للمحكمه اساسها يخلص راجعات ناس غيري فمو خسران شي هو بروحته ورجعته
ويجيب الله المطر ان شاء الله

 

[rahaly]

الله العالم وانا قلت ان حتى لو في تقصير ما اقدر احجه بشي وهو اخذ نص فلوسه على روحه ورجعه كم مره للمحكمه اساسها يخلص راجعات ناس غيري فمو خسران شي هو بروحته ورجعته
ويجيب الله المطر ان شاء الله

والله ياخوي ما اعرف محاميك .. وما ودي ادافع عنه ولا انتقده ..

لكن الواضح من كلامك .. ان هذا اللي يقدر يسويه المحامي

وباقولك شغله .. ترا المحامي مثل صاحب اي مهنه ... يزيد اهتمامه اذا تابعت شغله واستفسرت دائما عن قضيتك ووين وصلت .. وهكذا

عاد او انه يهتم ... والا بيطردك بيقولك اذيتنا

 

[fayoona74]

زين شاللي يمنع ان يعلنه على العنوان بالبطاقة وباول جلسة اذا انكر انه هو الشخص المعني يطلب من القاضي فتح تحقيق لانه عنده شهود
حسب اللي فهمته ان الاسم صح بس فيه نقص يعني مو مثلا ناصر احمد محمد وبالكمبيالة ناصر خالد صالح
اطرق كل الابواب وحاول وانا لو منك اغير المحامي شكله دايخ

 

[rahaly]

زين شاللي يمنع ان يعلنه على العنوان بالبطاقة وباول جلسة اذا انكر انه هو الشخص المعني يطلب من القاضي فتح تحقيق لانه عنده شهود
حسب اللي فهمته ان الاسم صح بس فيه نقص يعني مو مثلا ناصر احمد محمد وبالكمبيالة ناصر خالد صالح
اطرق كل الابواب وحاول وانا لو منك اغير المحامي شكله دايخ

فيونة .. شكلج ما استوعبتي الفكرة ..

خليني اشرحلج ..

اسم المدين في الكمبالية غلط ..
هو لا يعرف مكان لاعلانه ..
لجأ للمعلومات المدنية ..
المعلومات المدنية اذا طلبها بالاسم الخطا .. يكون اعلن شخص غلط .. اذا اعطوه الاسم الصح .. راح يعلن شخص اخر بالنسبة للقاضي . لان امام القاضي اسم في الكمبيالة غير الاسم اللي في المعلومات

وخشب السجن خمس خشبات

مدري عن المحامي ... ولا اعرف مين هو .. بس اعتقد ان المسألة فعلا معقدة .. وليس أمامي الا كلام الرجل دون اية اوراق

لذلك ما ابي اظلم المحامي .. قد يكون يعمل صح .. او هذا حد امكاناته

الله اعلم