فيونه + رحال + اهل العلم (الاكيد) الله يبارك فيكم الدخول

الحالة
موضوع مغلق

T.M.H

عضو نشط
التسجيل
19 أكتوبر 2009
المشاركات
253
بالضبط نفس ما قلت اخوي رحالي بخصوص الاسم
اخر تطورات القضيه :)
رحت بنفس اليوم الي قالي عليه ان لازم اراجع محكمه الاحمدي واسوي الاعلان
وصلت عندهم ولكن مندوب منطقه الفنطاس ما داوم ونطرنا انا ومعاي كم واحد (طبعا مصريين مندوبين لمحاميين الا انا الكويتي معاهم :) )
وبعد ما نطرنا 3 ساعات قال واحد من الموظفين ان ماراح يداومون الا بعد الساعه 12 الظهر فخلو الاوراق واكتبو ارقام جوالاتكم عليهم
كتبت رقمي على الاوراق انا وغيري وعطيته وسألته اذا دق علي شيبي بالضبط قالي توصفله البيت وشاف الاوراق ولقى صوره البطاقه مالت الرجال وفيها العنوان (بيت جده) وقال خلاص ماراح يدق عليك
فهمت المحامي وقالي خلاص انتهى الموضوع :)
طبعا للمره المليون انتهى الموضوع وهو اساسا للحين ما ابتدأ
وللعلم اني طلعت للمحامي عنوان ورقم الشخص الجديد (من كمبيوتر التنفيذ المدني) ولكن قال لازم القاضي يطلب بكتاب او شغله نفس جذي وانا مطلع هالمعلومات بطريق معرفه
في شغله مهمه نسيتها بالبدايه

انا كنت موكل محامي قبل الحالي والمحامي الاولي رفع قضيه على شخص( الي اسمه مكتوب غلط)
ولا انتبه ان الاسم غلط ولا شي واخذ فلوسه بعد ما سكر مكتبه وقالي انت كمل القضيه (طبعا اول مره محامي يسكر مكتبه ويعلق البشر كلها)
اخذ فلوس على اساس انه حط منع سفر والقاء قبض على الشخص وبالاخير طلع كل شغله غلط في غلط
علشان هالشي المحامي الحالي يحاول انه ما يتعب نفسه بقضيه جديده مع العلم ان اخذ نص اتعابه وبعدها بشهرين جاب مستشار جديد عنده واخذ مني (25 دينار رسوم قضيه جديده)
وللحين نقول
يجيب الله المطر :)
 

rahaly

مستشار قانوني
التسجيل
13 أبريل 2005
المشاركات
7,455
الإقامة
الكويت
ممكن سؤال ؟

انت ليش متضايق ؟؟

ياخوي تجربة جديدة قاعد تمر فيها .... ابتسم فانت في الكويت :)

الله يعينك صراحة .. ومشوار الالف ميل يبدأ بخطوة ... وانت ما ابتدأت الخطوة الاولى طبعا :)


بس اعتقد بالاخير راح تاخذ حكم .... لكن ما اعتقد نهائيااااا .. انك راح تقدر تنفذه اذا صاحبك المدين نصاب


والله اعلم ... موفق
 

T.M.H

عضو نشط
التسجيل
19 أكتوبر 2009
المشاركات
253
تكفا لا تأيس فيني زياده رحالوه
كل ما تدخل الموضوع تقولي ماراح تاخذ دامه نصاب
طيب اوكي يعني نصاب فلوسي تروح علي :)
فلوسي بترجع هذي ما يلحقني فيها شك
ولكن القهر ان اجراءات المحكمه يبيلها واحد فاضي والشكله مالنا الا الله والمحامي والمحامي :( ..... لا تعليق والله يعطيه العافيه بكل الاحوال
اذا في تطورات راح ابلغكم هني بس لا تسكرون اجهزتكم الله يخليكم :)
 

rahaly

مستشار قانوني
التسجيل
13 أبريل 2005
المشاركات
7,455
الإقامة
الكويت
بالعكس طال عمرك مو قاعد احبطك

انا قاعد احطك امام امر مار علي بتجارب كثيره واكثر مما تتصور

عشان اذا حصلت فلوسك كما اتمنى تفرح كثيرا واذا ما حصلتها تكون واضع هذا الاحتمال في حسبانك

وعشان ابعدك عن حساب ام البيض :)

الله يوفقك ويرجعلك حقك
 

T.M.H

عضو نشط
التسجيل
19 أكتوبر 2009
المشاركات
253
تسلم يالغلا واهم شي لحد يخلي احد
اذا في جديد برجعلك وابي رايكم
تحياتي
 
التسجيل
21 يونيو 2009
المشاركات
26
السلام عليكم

أنا قريت قصتك من إلى وحوستك بين المحاميين والمحاكم وهالنصاب أذا صدق عليه، في حلقه مهمه جداً جداً في قضيتك مفقوده ولاتضحك فعلا من تجارب لي بس مو بمحاكم الله يكفينا شرهم ودوختهم، يأمور الحياة تتسكر بوجهي وتتعقد أمور وأقول خلاص مالها حل فأقعد (((أستغفر الله ))) مايقارب ال500 تقريبا في اليوم إلا وأرى العجب من فارج الهم والكربات الله عز وجل والعقد تنفك وتنحل مشكلتي لا إله إلا الله أوصيك بكثرت الإستغفار وسترى الحل لمشكلتك بأذن الله .

أمثله (( أستغفر الله ))
((أستغفر الله وأتوب إليه ))
((أستغفر الله العظيم وأتوب إليه ))
((أستغفر الله الذي لاإله إلا هو الحي القيوم وأتوب إليه ))
(( والأكثار من الصلاة على النبي عليه الصلاة والسلام ))
أرجوا الفائدة للجميع
وشكرا...
 

T.M.H

عضو نشط
التسجيل
19 أكتوبر 2009
المشاركات
253
بارك الله فيك يالغالي والله يكثر من امثالك
والحمدلله ذاكرينه ورسوله والحمدلله على كل حال
باركولي :)
المحامي اخيرا صار ولد حلال وتنازل وتواضع وحلل فلوسي وراح رفع قضيه من جديد :)
الاتفاق كان من البدايه انه يرفع قضيه جديده واخذ ....... مقدم اتعابه و20 فتح قضيه ابو الشباب توه يرفع بعد ما كنسلوا القضيه القديمه من المحكه الي للحين ماني عارف سببها (هو يقول لان محد راح يرشدهم على العنوان مع العلم اني ذاكر الي حصل )
عموما
يجيب الله المطر
 

rahaly

مستشار قانوني
التسجيل
13 أبريل 2005
المشاركات
7,455
الإقامة
الكويت
بارك الله فيك يالغالي والله يكثر من امثالك
والحمدلله ذاكرينه ورسوله والحمدلله على كل حال
باركولي :)
المحامي اخيرا صار ولد حلال وتنازل وتواضع وحلل فلوسي وراح رفع قضيه من جديد :)
الاتفاق كان من البدايه انه يرفع قضيه جديده واخذ ....... مقدم اتعابه و20 فتح قضيه ابو الشباب توه يرفع بعد ما كنسلوا القضيه القديمه من المحكه الي للحين ماني عارف سببها (هو يقول لان محد راح يرشدهم على العنوان مع العلم اني ذاكر الي حصل )
عموما
يجيب الله المطر

اخي الكريم

اقدر افسر اللي صار - انه لم يتم الاعلان
فحكمت المحكمة باعتبار الدعوى كأن لم تكن لانك لم تنفذ قرار المحكمة بالاعلان .. واتوقع ان المحكمة اوقفت لك الدعوى جزاء قبل الحكم باعتبارها كأن لم تكن

فرفع محاميك الدعوى مرة اخرى بذات الرسوم القديمة .. وطبيعي انه محاميك يرفع الدعوى الجديدة بنفس الاتعاب القديمة ... لانها نفس القضية .. والحكم الاول كان بسبب شكلي

الان احرص على اتمام الاعلان .. وجهزوا طريقة للاعلان من البداية

والله اعلم
 

T.M.H

عضو نشط
التسجيل
19 أكتوبر 2009
المشاركات
253
بالضبط نفس ما قلت
اول مره انا رحت المحكمه علشان الاعلان ونفس ما ذكرت وماصار شي وجددو موعد الاعلان والموعد الثاني كنت متفق مع مندوب المحامي انه يروح بدالي حق الاعلان ولكنه ماراح
وحكم القاضي كأن لم تكن :(
 

فوشي1

عضو نشط
التسجيل
8 نوفمبر 2010
المشاركات
27
روح المباحث الجنائيه اذا هو نصاب صج اهم يسوون له كمين وايصيدونه

وبس

واشلون انت اتسجل بيانات مو نفس البطاقه المدنيه !!
 

T.M.H

عضو نشط
التسجيل
19 أكتوبر 2009
المشاركات
253
روح المباحث الجنائيه اذا هو نصاب صج اهم يسوون له كمين وايصيدونه

وبس

واشلون انت اتسجل بيانات مو نفس البطاقه المدنيه !!

المباحث ما يقدرون يتحركون الا بامر من المحكمه
والي قاعد يصير لي هذا كله اجراءات محكمه :(
وبخصوص تسجيل البيانات غلط للاسف ان الي سجل البيانات الشخص نفسه وكانت الثقه شوي زايده
ومشكور على الرد
 
التسجيل
11 أكتوبر 2006
المشاركات
613
السلام عليكم و رحمة الله وبركاته

اخوي تحكم المحكمه بشطب الدعوى لعدم حضور محاميك امام المحكمه في موعد الجلسه

وليس لعدم اتمام الاعلان

اما اذا لم يتم الاعلان فتحكم المحكمه بوقف الدعوى لعدم تنفيذ قرار المحكمه

واذا تم تعجيل الدعوى من الوقف ومره اخرى لم يتم الاعلان تحكم المحكمه باعتبار الدعوى كأن لم تكن
وفي هذه الحاله يجب رفع دعوى من جديد


اما عن موضوع قضيتك فهي بالبدايه لها اجراء بسيط
 
الحالة
موضوع مغلق
أعلى