حماية المستهلك

el6ayeb

عضو نشط
التسجيل
21 يونيو 2007
المشاركات
752
وعليكم السلام
ابشر بالخير جاري حصر الموضوع بصوره مكثفه ويوميه مع الشركات وتحويلها الى النيابه

هل الشركات اللي تتحول للنيابة .. تتوقف عن نشاطها أو الحد من المبالغة بأسعارها و ارغامها على تنزيل السعر؟ أو حتى مخالفتها بغرامات مالية كبيرة؟!!

لأني بصراحة شايف كل الشركات اللي تتحول للنيابة .. ترجع لنشاطها مرة ثانية و تقوم مجددا برفع الأسعار و كأنك يابو زيد ما غزيت!!

بالتالي شنو فايدة حماية المستهلك؟
 

مفتش تجاري

عضو نشط
التسجيل
30 يناير 2010
المشاركات
367
الإقامة
الكويت
هل الشركات اللي تتحول للنيابة .. تتوقف عن نشاطها أو الحد من المبالغة بأسعارها و ارغامها على تنزيل السعر؟ أو حتى مخالفتها بغرامات مالية كبيرة؟!!

لأني بصراحة شايف كل الشركات اللي تتحول للنيابة .. ترجع لنشاطها مرة ثانية و تقوم مجددا برفع الأسعار و كأنك يابو زيد ما غزيت!!

بالتالي شنو فايدة حماية المستهلك؟

هلا فيك يا الطيب
النشاط يوقف بصوره مؤقته لان الحكم بالنهايه للقاضي اما بالنسبه للاسعار طبعا نحد منها وذلك عن طريق محضر النيابه اما بالنسبه للغرامات الماليه على الشركه يحددها القاضي 10000 دينار او 3 سنوات سجن هذا بالنسبه لقانون ارتفاع الاسعار المصطنع لانه في قرار من مجلس الوزراء بهالعقوبه طبعا احدى هاتين العقوبتين اما بالنسبه لصلاحيات وزير التجاره هو المخول الوحيد بايقاف النشاط والغائه نهائيا مع عدم ممارسة النشاط مره ثانيه او حتى اي نشاط اخر واتمنى اني فدتك واي سؤال انا حاضر يالطيب واحنا اللي علينا نسويه لكن من بعد محاضرنا اللي نتخذها ضد اي شركه ونحولها النيابه فهي من مسؤلية القاضي ثم وزير التجاره او الوزير للحالات الاستثنائيه بالعربي يعني الواسطه وتقبل ردي بصدر رحب وشاكر لك اسألتك الموضوعيه والحلوه ومرورك العطر ايضا
 

بوفاطمة

عضو جديد
التسجيل
27 سبتمبر 2008
المشاركات
7
السلام عليكم ورحمة الله وبركاته..

يعطيك العافية اخوي بوعمر، وجزاك الله خير على هالموضوع الطيب.

بالنسبة للجمعيات التعاونية، هل لكم علاقة مباشرة فيهم وإلا أمرهم عند وزارة الشئون مثلاً؟

لأن في بعض الجمعيات (العمرية وخيطان على سبيل المثال) تبيع سلع معينة بضعف قيمة السلع نفسها الموجودة بجمعيات ثانية مثل اليرموك والخالدية!

يبيعون بالضعف يا بوعمر بدون مبالغة! (يعني شي بدينار تلقاه عندهم بدينارين إلا عشر فلوس!)

فما ادري بارك الله فيك شلون الطريقة ولمنو أروح وبالضبط؟! فيني شكاوي :)

.
 

مفتش تجاري

عضو نشط
التسجيل
30 يناير 2010
المشاركات
367
الإقامة
الكويت
حياك الله بو فاطمه وتعالي مركز الفروانيه ابرد لك جبدك فيهم وانا حاظر ومركزنا خلف مخفر الفروانيه وجيب معاك السلعتين اللي بدينار واللي بدينارين مع الفواتير والشئون مالها علاقه لانه من ضمن اختصاصنا وشاكر لك سؤالك ومرورك
 

al__3li

عضو نشط
التسجيل
24 أبريل 2010
المشاركات
32
الإقامة
kuwait
يعطيك العافيه اخوي بوعمر

السؤال: انا دقيت على مكتب تصليح وحدات وقلتله الوحده خربانه وصل البيت وقال الكمبريسر محترق وسعره 80 د.ك وماعجبني السعر قلتله مشكوره جان يقول لا عطني 5 دنانير حق الطلعه بس بقيت اعرف الشي هذا قانوني ولا لأ؟
وآآآآآآآآآآآآآآآآسف على الاطالـــــــــــــــــه
 

مفتش تجاري

عضو نشط
التسجيل
30 يناير 2010
المشاركات
367
الإقامة
الكويت
باختصار شديد مو قانوني لكن اذا فحص الوحده وشافها من داخل ومن بره وحط واشتغل بايده عشان يوصل للخلل ما يمنع انك تعطيه خمسه او تتفاوض معاه يعني هي مثل عملية الفحص على الشي وتكاليفه اذا كانت في تكاليف تذكر اما بالنظر الكمبريسور خربان مو من حقه يطلب خمسه او دينار سواء للنظر او للطلعه لانه هذا شغله الطبيعي
 

al__3li

عضو نشط
التسجيل
24 أبريل 2010
المشاركات
32
الإقامة
kuwait
الله يعطيك العافيه

[b]الله يعطيك العافيه ويكثر من أمثالك

مشكـــــــــــــــــــــــــور ماتقصــــــــــــــــــــــر
[/b]
 

ابوفهد2010

عضو نشط
التسجيل
24 مارس 2010
المشاركات
2,511
الإقامة
الكويت
بارك الله فيــــــــك أخــــــــوي ((ابو عمـــــر))وعساك على القوى

وجــــــــزاك الله خيـــــــر

تقبــــــــل تحيــــــــــاتي
 

مفتش تجاري

عضو نشط
التسجيل
30 يناير 2010
المشاركات
367
الإقامة
الكويت
بارك الله فيــــــــك أخــــــــوي ((ابو عمـــــر))وعساك على القوى

وجــــــــزاك الله خيـــــــر

تقبــــــــل تحيــــــــــاتي


الله يبارك فيك بوفهد والله يقويك ومشكور على الدعوه الحلوه وشاكر لك مرورك العطر
 

saad16

عضو نشط
التسجيل
7 يناير 2010
المشاركات
32
يعطيك العافيه
اناماكنت اعرف ان عندك موضوع والا ماكان دزيت رساله
اسمح لي اخوي
 

**fahad**

عضو نشط
التسجيل
20 مارس 2008
المشاركات
218
بصراحه موضوع شيق ويستاهل المتابعه

ولك اجر أن شاء الله
 

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
موضوع رائع اتمنى الأستجابه من المسؤولين
 

خالد العليان

عضو نشط
التسجيل
23 مارس 2010
المشاركات
530
مفتش تجاري...
جزاك الله خير على عمل الخير...والله يكثر من امثالك اللي يخدمون رواد المنتدى...من غير مقابل...
 

مفتش تجاري

عضو نشط
التسجيل
30 يناير 2010
المشاركات
367
الإقامة
الكويت
مفتش تجاري...
جزاك الله خير على عمل الخير...والله يكثر من امثالك اللي يخدمون رواد المنتدى...من غير مقابل...

حياك عزيزي وصديقي وياك انشاءالله على فعل الخير والله يقدرنا باللي نقدر عليه ومرورك للموضوع ومشاركتك فيه شئ افتخر فيه تقبل خالص الشكر
 
أعلى