حماية المستهلك

مفتش تجاري

عضو نشط
التسجيل
30 يناير 2010
المشاركات
367
الإقامة
الكويت
حياك الله أخونا ابو عمر مفتش تجاري

أسألك سؤال وأتمني الجواب الصريح :: وين هيبة مفتش حماية المستهلك ؟؟؟

حتي الاجانب والوافدين العرب مايخافون منكم ليش ؟؟؟؟

مثال بسيط :: قبل جم شهر المطاعم ارفعوا أسعار المشروبات الغازية 50%

من 100 فلس الى 150 فلس بدون مراجعة أحد على كيفهم ...

وينكم عنهم ليش ماسويتوا شيء

وشكرا لك ابو عمر


اخ يبتني على الجرح هيبة المفتش يا طويل العمر سالفتها سالفه وكل هذا بفضل المسؤلين اللي عندنا بالوزاره احنا نخالف ونحول النيابه ومسؤلين الوزاره الكبار
يسقطون اللي ما يتسقط من المحاضر وهذا الشي انت عارف انه مو بايدنا لكن من ناحيتنا والله نشتغل شغل ما يعلم فيه الا الله سبحانه والله كريم واتمنى اني كنت صريح بالاجابه مثل ما طلبت
 

بوخمسين

عضو نشط
التسجيل
27 فبراير 2005
المشاركات
1,170
والله أنك رجل أصيل

عجبتني بصراحتك بارك الله فيك

ولكن ودنا نسوي شيء حق ديرتنا وأهلنا الطيبين

هالاجانب لاعبين فينا لعب ومحنا قادرين نسوي شيء

واهما ماخذين راحتهم بكل شيء بديرتنا مو حرام

والله لو بديرتهم ما يقدرون يسوين شيء وعندهم يوكلونهم تبن

حاشاكم كلكم

والله عيب بديرتنا ومو قادرين نسوي شيء للأسف
 

بوخمسين

عضو نشط
التسجيل
27 فبراير 2005
المشاركات
1,170
أخوي ابو عمر

ممكن نعرف بند من قوانين التجارة بخصوص المطاعم والاغذية

وشكرا
 

herooking

عضو نشط
التسجيل
11 أغسطس 2009
المشاركات
59
السلام عليكم أخوي

عندي استفسار ودي ألقاله إجابه ..

ألحين أنا خذيت قرض التسليف 70 ألف وشريت قسيمة وما خذيت المدعوم نهائي في حين لي جار نفسي بالضبض خذا ال 70 ألف وشراله بيت حكومي وعطوه الدعم ممكن أعرف شنو المفروض أسوي لأني ألحين أبي أرمم من حسابي الخاص وما علي أي شي غير ال 70 ألف أقدر أطالب بالدعم اللي ماخذيته ؟؟
 

@مساعد@

عضو مميز
التسجيل
12 يوليو 2010
المشاركات
621
السلام عليكم
أبو عمر
الله لايهينك أبي تنصحني بحكم وظيفتك
مشكلتي ...
أشتركة انترنت فيفا واول شهر حلوه وبعدها صارى ماتوصل 500 كيلو بايت يعني نص ميقا
وكل ما اتصل عليهم يكون ردهم الأتي :-
1- ماعندكم بالمنطقة شبكه
2- اميل الدعم الفني يقول ماعندكم بقطعتكم تغطية
3- العيب منا احنا مو منك انت
4- الأبراج شالوهم بسبب الشكاوي من البيوت القريبه من البرج
كل هالمكاملات مسجله عندهم وأنا رجال بشتكي .. خدمه زفت وأدفع رسوم 18 دينار شهريا
شنو الأجراءات اللي اتبعها
والله يجزاك خير
 

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
جمعية ابوحليفه اسعارها نار ولا حسيب ولا رقيب وخصوصا الخضره والفواكه فاتوره من غير اصناف الى متى يا وزارة التجاره كيف نوصل صوتنا للتجاره هل عن طريف الفيس بوك وتويتر ام كيف لابد من وقفه جاده لضبط الأسعار
 

الكويت2009

عضو نشط
التسجيل
30 يونيو 2009
المشاركات
3,985
السلام عليكم

ابوعمر

في محلات ملابس تحط اغاني بصوت عالي تزعج العالم والماره

شنو الاجراء نصحناهم لكن للاسف

اسال الله لنا ولهم الهدايه والتوفيق
 

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
وعليكم السلام
جان زين بس اغاني صاخبه تشاهد في اماكن عامه بالممرات مشاهد مخله كالمباربات والمصارعه وغيره من المشاهد المخله بالأداب ولا احترام للبشر ولا العائلات وحتى بعظهم مافي احتشام باللباس بالمجمعات والأسواق والمستشفيات والطائره والمطار وغيرها من الأماكن ولكن لا حكومه ولا حياة لمن تنادي
 

kuw13

عضو نشط
التسجيل
30 مارس 2006
المشاركات
269
السلام عليكم و رحمه الله و بركاته.
الي اخي العزيز مفتش تجاري.
ارجوا الاتصال للضروره القصوي
99574443
 
التسجيل
8 يونيو 2011
المشاركات
674
حياك الله أخونا ابو عمر مفتش تجاري

أسألك سؤال وأتمني الجواب الصريح :: وين هيبة مفتش حماية المستهلك ؟؟؟

حتي الاجانب والوافدين العرب مايخافون منكم ليش ؟؟؟؟

مثال بسيط :: قبل جم شهر المطاعم ارفعوا أسعار المشروبات الغازية 50%

من 100 فلس الى 150 فلس بدون مراجعة أحد على كيفهم ...

وينكم عنهم ليش ماسويتوا شيء

وشكرا لك ابو عمر
بعد اذن اخونا ابو عمر
اللى ذكرته ماله اى علاقه بهيبة مفتش ادارة الرقابة التجاره
ماذكرته بسبب قصور القوانين
رفع الاسعار ماله قانون يجرمه فى الكثير من السلعه باستثناء المدعوم من الدوله
و الرفع الفاحش بدون مبرر ماتسمى بالرفع المصطنع مافيه مبررات خارجيه ولاداخليه لرفعه
عدا ذاك يقع تحت التجارحره ؟؟؟
بالنسبه لهيبة المفتش هيبته جدا ممتازه وشوف هيبته عند التعامل المباشر
ولا تلتفت لكلام الناس
فمخالفات التجاره قاسيه جدا فى كثير من الاحيان
تقبل تحياتى
 

مضارب قديم7

عضو نشط
التسجيل
31 أكتوبر 2011
المشاركات
550
الإقامة
ارض الله الواسعه
ياريت وزارة التجاره اتشدد العقوبات علا بعض شركات الخرسانه الجاهزه الي اتغش بمواصفات الخرسانه وهشي اعتقد في ارواح ناس وعوايل والحمدلله الكويت مافيها زلالزل ولا جان صارت كوارث من غش بعض شركات الخرسانه الجاهزه --- المطلوب تغليض العقوبات لتكون عبره لمن يعتبر
 

النــاقــد

عضو نشط
التسجيل
8 مايو 2006
المشاركات
993
السلام عليكم

انا جاي اليوم ابي اكتب شكوى لكم وابيكم تعلموني شسوي لكن بعد ما قريت ردودكم ومشاكلكم حسيت ان شكوتي بتكون تافهه ويمكن مو مهمة !

على العموم انا بذكر لكم شكواي واتمنى الاقي منكم الرد عليها حتى وان كانت مشكلتي صغيرة,

انا بصراحة توني اجرت دور وحبيت اركب خط تليفون ارضي, المهم عملت كل الاجراءات ووصلت الحرارة لكن لان البيت جديد وماتركب فيه تليفون من قبل فالموضوع يحتاج لفني يبطل "نقطة" التليفون اللي بالطوفة ويوصل كم واير ويسكر النقطة.

انا اعرف هالشغلة لاني سويتها قبل لما سكنت شقة واخذ مني العامل على 3 نقط 3 دنانير. اليوم دقيت على نفس المحل الكهربائي وجاني البيت وقام يسوي استعراض ويسحب وايرات ويشيل ويحط ويتمتم ويقول "والله باباا هذا مشكلة واجد !!" , "هذا شغل ممكن 6 دينار او 7 دينار" واخرتها لما شافني مطنشة طلب مني 12 دينار !!!!!!!!!

طبعا لكل نقطة طلب 4 دنانير وانا ابي اركب 3 فكان المجموع 12 دينار !!

قلت له باستخفاف "مافي خصم ؟"

قالي " بلى بابا انا سوي خصم, اول كان نقطة 4 دينار الحين مشان انت انا سوي 3 دينار !!!! "

قلت له اطلع بره خلاص ما ابيك لكني بشتكي عليكم لحماية المستهلك !!

السؤال:

هل هناك حماية المستهلك في عبدالله المبارك تقدر تحاسب هذول الغشاشين والاستغلاليين وتوقفهم عند حدهم ؟
والا هذا ما يندرج تحت الغش ؟

وسلامتكم
 
أعلى