في حل قانوني؟

[زهره]

ماشاالله عليك يا اخ حوت دمك خفيف0 ومع هذا ما تمني حق احد انه يسلط عليه شخص وكل يوم رافع عليه دعوي شكل لانه انا قاعده ادافع عن نفسي والمشكله انه المحاكم ما تحاسب المدعي اللي قاعد يدعي بالجذب والافتراء بس عشان اخرب حياةالناس0

 

[زهره]

بعدين انت متضايق من شقه ومن تكييف واذا طلع واحد ماخذ منك 13000 دينار نصب واحتيال جان شسويت؟ جان زين مشكلتي نفس مشكلتك البسيطه

 

[fayoona74]

الله يهون عليج اخت زهرة اللي ايده بالنار مو مثل اللي بالماي البارد واي شي احنا بالخدمة

 

[زهره]

مشكوره اختي فيونه0 كان عندي استفسار بسيط بما نني قاعده اكتب المذكره بوقائع الاحتيال كما طلب منني القاضي في الجلسه وقمت بالمطلبه الشفهيه بالتعويض المدني المؤقت ودفعت الرسوم بعد الجلسه0 الحين الجلسه القادمه بعد يومين بس حبيت استفسر هل اختم مذكرة الدعوي بالتعويض المدني المؤقت والا خلاص مدام دفعت الرسوم فمايحتاج اذكره بالمذكره؟

 

[fayoona74]

ماشالله عليج عيني عليج باردة والله كفو معتمدة على نفسج زين تسوين بس عاد ديري بالج ان ماشية صح يعني لو مستشار قانوني تعرفينه مني مناك يدقق على مدكراتج قبل ماتقدمينها يكون افضل
بالنسبة لسؤالج شنو تقصدين بختم المدكرة

اظن تقصدين انج تختمين المدكرة بطلب التعويض المدني المؤقت يعني تكتبين بنهايتها الطلب ادا كان هدا قصدج اي نعم الافضل تدكرينها بالمدكرة وهدي تاخد اجراءات الدعوى العادية اعلان وسداد رسم وغيرها اما ادا اثرتيها امام القاضي والخصم كان موجود فتسديد الرسم كافي وبرايي توثقينها مكتوبة بالمدكرة اكيد افضل لان القاضي وامين السر بشر ممكن ينسون او تسقط سهوا وماتندكر بمحضر الجلسة وبعدها بتدخلين بموال اغفال طلبات وانتي بغنى عن هالسوالف
بالتوفيق عاد بشرينا ادا كسبتي القضية انشالله

 

[زهره]

انشالله ابشرج الله كريم0 ومشكوره علي الرد السريع وانا استشرت استشاريين واتتو طبعا بعد ماقصرتوا

 

[rahaly]

اختي الفاضلة ..

قانونا وما استقر عليه القضاء وعبر عنه باللفظ .. ان طلبات المدعي يجب ان تكون صريحة
(( وتقرع سمع المحكمة))

يعني المسألة ليست خيارية .. ومو افضل او اسوء

لازم تقدمين طلب التعويض صراحة في نهاية مذكرتك
وتحددين سبب طلب التعويض وما هي الاضرار التي اصابتك ..
والمحكمة غير ملزمة بتتبع الخصوم في دفاعهم

يعني اذا ما قدمتي انت سبب التعويض وما هو الضرر .. فان المحكمة قد ترفض الدعوى

كتبي مذكرة بتفاصيل الوقائع وانتهي بطلب التعويض واذكري انه تعويض مؤقت

موفقه

والله اعلم

 

[زهره]

شكرا اخ رحالي0 هذا اللي سويته بينت الوقائع بالتواريخ والادله وبينت مدي الضرر وقدمت طلب بالمذكره بالتعويض المدني المؤقت الذي دفعت رسومه مسبقا0 وغدا انشالله الجلسه0 سؤالي متي يطلع الحكم عاده في مثل هذي الدعاوي؟

 

[rahaly]

شكرا اخ رحالي0 هذا اللي سويته بينت الوقائع بالتواريخ والادله وبينت مدي الضرر وقدمت طلب بالمذكره بالتعويض المدني المؤقت الذي دفعت رسومه مسبقا0 وغدا انشالله الجلسه0 سؤالي متي يطلع الحكم عاده في مثل هذي الدعاوي؟

ما في وقت معين .. يعتمد على القاضي
ويعتمد على الخصم اللي قد يطلب اكثر من اجل للدفاع والمستندات
بس مفروض جلستين ان شاء الله ويصدر الحكم

والله اعلم

 

[زهره]

الخصم ما حضر الجلسات0 واليوم كانت الجلسه وحضرتها والحين جيكت بالاستعلام القضائي لقيت اجل للاعلان0 اعلان شنو؟ القاضي قالي الحكم اخر الجلسه وباجر تعالي سئلي السكرتير0

 

[fayoona74]

يمكن اعلان طلب التعويض اللي تقدمتي فيه راجعي السكرتير احسن

 

[زهره]

يمكن اعلان طلب التعويض اللي تقدمتي فيه راجعي السكرتير احسن

وممكن توضحيلي شنو بعد الاعلان طلب التعويض؟ شنو دوري انا بعدين؟ والخصم يعلنونه ليش بحضور الجلسه؟ احضر الجلسه والا لا؟