إن اصبت فمن الله وإن أخطأت فمني ومن الشيطان (توصيه مارس1)

[مارس1]

بسم الله الرحمن الرحيم​

إن اصبت فمن الله وإن أخطأت فمني ومن الشيطان
اخوانى اخواتى=

افتح هذى الصفحه للكثير من التساؤلات والاستفسارات والاستشارات التى قد تكون سببا فى عدم استعجالك وقد تكون توفر عليك الماده والمكان والاختيار نحن نعيش ازمه سكن وهى التى تكون احدى الازمات المستعصيه ويكون الحل على فترات طويله على العموم
اتمنى تصل المعلومات والاستنتاجات والافكار بكل صدق وامانه
لكن يااخوان المعلومات والافكار والاستنتاجات ووجه النظر التى اتكلم فيها قد تكون صحيحه وقد لاتكون ونحن لانعلم الغيب ولكن لنا استنتاجنا ونبنى على المعلومات والاخبار لذلك انصحكم انكم تسمعون الراى منى ومن الاخوان ومن اى شخص تعرفه لان بالاخير القرار قرارك ولاتحملنى ولاتحمل اى شخص قرار اتخذته انت بنفسك​

 

[مارس1]

اسمعوا منى هذه القصه ومن صديق عزيز على
هذا الشخص كان طلبه سنه 95شهر 5وكان متحمس حيل لمدينه جابر ويعلم الله انى نصحته بالصبر لكن هو كان متهور شوى راح وخذ بطن وظهر بجابر قطاعbودفع 25الف طبعا هذى السالفه قبل 3سنوات لانكم راح تقولون رخيص لان وقتها بس فاتحين البدل لسنه 96وكان العرض اكثر من الطلب
على العموم اول مانزل قرار بطلب سنه 94كلها دق عليه وقالى والله انى متندم لانى دفت هذا المبلغ والمشكله ان الى بدلت معاه خذه بسعدالعبدالله وبدل بعد وخذا بعد كم همشه فلوس
قلتله هذا قرارك وعسى ربى يوفق الى خذا طلبك لانه ذيب خذا منك فلوسك وطلبك ايضا لان الطلب بحد ذاته قيمته احسن من الفلوس
اصبروا اصبروا اصبروا لاتندفعون مره وحده لان الكثير منا لايعرف معنى الطلب الذى لديه

 

[faisel 2]

أخ مارس ..انت رايتك بيضاء ومقصرت.. دائما تنصحنا بعدم الاستعجال بشراء أو التبديل لانك تحب لنفسك ما تحبه لاخيك (أو كما قال رسول الله ) وأعتقد أنك لمست كما نحن جديه الحكومه(لو أنها متأخره)في حسم القضيه الاسكانيه والابتعاد عن الحلول الترقيعيه بأنشاء مدن أسكانيه متكامله للمواطنين ..لو أستمرت الحكومه في جديتها هذه المره سوف تكون القضيه الاسكانيه منسيه ان شاء الله ..وشكرا لك

 

[مارس1]

أخ مارس ..انت رايتك بيضاء ومقصرت.. دائما تنصحنا بعدم الاستعجال بشراء أو التبديل لانك تحب لنفسك ما تحبه لاخيك (أو كما قال رسول الله ) وأعتقد أنك لمست كما نحن جديه الحكومه(لو أنها متأخره)في حسم القضيه الاسكانيه والابتعاد عن الحلول الترقيعيه بأنشاء مدن أسكانيه متكامله للمواطنين ..لو أستمرت الحكومه في جديتها هذه المره سوف تكون القضيه الاسكانيه منسيه ان شاء الله ..وشكرا لك

تسلم على الرد الجميل وكلامك عين الصواب لو استمرت الحكومه فى جديتها سوف تكون القضيه الاسكانيه منسيه ان شاء الله

 

[ابو غانم]

أخ مارس

رايتك بيضا يالغالي ونصايحك لأخوانك طيبه

وفعلا الصبر دائما له إيجابيات كثيره والاستعجال مشكله والله .

أشكرك يالغالي

 

[علي 2010]

السلام عليكم
جزاك الله خير أخوي مارس1 على هذه النصائح
بس أنا أبي منك و من الإخوان اللي يشاركون في الموضوع ، أبي منكم نصيحة
أنا عندي طلب سنة 1999 شهر 10
و قاعد أدور على أرض في جابر الأحمد ، بس الأسعار وايد أرتفعت و أسعار مبالغ فيها جدا
شنو رايكم يا إخواني أصبر ويمكن تطلع لي أرض طبعا غير مدينة صباح أو يمكن يسمحون لي الدخول بمزاد خيطان ، بس ما أدري جم راح تكون اسعار الأراضي بخيطان
أرجو منكم النصيحة ، وجزاكم الله خير​

 

[الجلمود]

اشهد الله على حبك اخوي مارس ولعدة اسباب من ضمنها اني كنت افتر ليل نهار بجابرالاحمد وكنت حاط اعلانات بالشوارع ادور بدل وكنت مجهز 30 الف للبدل ووقتها كانت مافي اي اخبار حلوة مثل اللي طلعت الحين وكنت اشوف نصايحك لي ولباقي الاعضاء بالصبر وكنت اقول انك حيل متفائل وناسي الواقع ولكن اثبتلي الوقت ان تفائلك كان بمحلة والدليل هالاخبار الحلوة اللي قاعدين نسمعها كل يوم----------------- ادري ان طلبي 98 واحتمال كبير ماتحوشني النسيم وجابر وابو حليفة والقيروان واللي بقا من سعد وطبعا خيطان ماراح اقدر لسعرها ولكن عالاقل كل هالمدن تبي تشيل من الطلبات اللي قدامي وراح يصفالنا الجو انا والطلبات اللي حولي ونختار اللي نبي وفلوسنا بجيبنا--------------------- لله الشكر ثم لك اخوي مارس 1 حفظت فليساتي والدور يمشي وبسرعة---------------------- واعتذر عن قلة مشاركاتي مؤخرا لظروف خاصة

 

[rakan_yes]

اشهد الله على حبك اخوي مارس ولعدة اسباب من ضمنها اني كنت افتر ليل نهار بجابرالاحمد وكنت حاط اعلانات بالشوارع ادور بدل وكنت مجهز 30 الف للبدل ووقتها كانت مافي اي اخبار حلوة مثل اللي طلعت الحين وكنت اشوف نصايحك لي ولباقي الاعضاء بالصبر وكنت اقول انك حيل متفائل وناسي الواقع ولكن اثبتلي الوقت ان تفائلك كان بمحلة والدليل هالاخبار الحلوة اللي قاعدين نسمعها كل يوم----------------- ادري ان طلبي 98 واحتمال كبير ماتحوشني النسيم وجابر وابو حليفة والقيروان واللي بقا من سعد وطبعا خيطان ماراح اقدر لسعرها ولكن عالاقل كل هالمدن تبي تشيل من الطلبات اللي قدامي وراح يصفالنا الجو انا والطلبات اللي حولي ونختار اللي نبي وفلوسنا بجيبنا--------------------- لله الشكر ثم لك اخوي مارس 1 حفظت فليساتي والدور يمشي وبسرعة---------------------- واعتذر عن قلة مشاركاتي مؤخرا لظروف خاصة

لالالالالا مع احترامي لك الاخ الجلمود

فكرتك غلط او ممكن اقول مو دقيقه
مارس 1 انطر برد على الاخ وعقب بقولك
شوف بارك الله فيك
انت قلت ان النسيم وسعد العبدالله وخيطان والقيروان وابوحليفه راح يخلصون لان طلبك 98 ماراح تلحق عليهم او ماتقدر على فلوسهم
مع العلم انك ناوي تبدل ومعاك 30 الف دينار
تقدر دش المزاد الي لحد الحين مو متاكيد منه هل اهو فعلا مزاد ولا يرفعون سعر الارض مثل النسيم صارت 6250 دينار واحتمال ينزلون بعد او يسون مثل غرب الجليب
على فكره
غرب الجليب كان سعرها اعتقد 6000 دينار وعقب مابلشو العالم بالبنيان رجعو لهم 2000 دينار على حسب معلوماتي والله اعلم
نقظه مهمه
اخذ في مدينة صباح الاحمد او المطلاع او الخيران
لان مافي غيرهم وان كان فيه غيرهم راح يكون بعد عمر طويل جدااااااااا


ارجع واقولك انا طلبي مثلك تقريبا وكنت ناوي اشتري لاكن قلت الصبر زين

والله كريم

اخوك بورااشد

 

[rakan_yes]

الاخ مارس 1

هلا فيك

بصراحه نشكرك على نصيحتة لصاحبك

وعلى جهودك في الموقع وخصوصا في هالمجال

انا مع رفيجك الي بدل اقول معاه حق
لعدة اسباب
1- احتمال يكون مؤجر بشقه او دور او بيت حكومه لايق الاجار عن 300 دينار كمنزل محترم يليق بالعيش فيه

عدل
3 سنوات يعني حسبه بسيطه عدد الاشهر بعدد السنين والناتيج يضرب ب 300 دينار
يطلع لكم الناتج 10800 دينار
رفيجك دفع 25 الف دينار
وسكن صارله 3 سنوات بالبيت وتلاقيه مأجر له دور ولا شقه في بيته ياخذ منها نفس الاجار الي كان يدفعه يعني 300 دينار اقل سعر انا اعطيج
الحين نقول
10800 دينار في 3 سنوات + 10800 الي دفها بالاول يطلع 21600 وفرها على نفسه حلوو
وعلى على ذللك ريح باله وريح ام عياله وعياله وسكن في بيت مافي احد يقوله اطلع ولا ادفع الاجار ولا غيره والكل يعرف اوضاع المستاجرين والمؤجرين
الله يعينهم

يعني رفيجك كسبان بنسبه 70% لان هم بعد قبل 3 سنوات ماكانت الرؤيه واضحه
ولحد الحين ممكن تكون مو واضحه لاكن مع الوقت تبي توضح الرؤيه والله اعلم

 

[بوعبدالله _ 66]

اسمعوا منى هذه القصه ومن صديق عزيز على
هذا الشخص كان طلبه سنه 95شهر 5وكان متحمس حيل لمدينه جابر ويعلم الله انى نصحته بالصبر لكن هو كان متهور شوى راح وخذ بطن وظهر بجابر قطاعbودفع 25الف طبعا هذى السالفه قبل 3سنوات لانكم راح تقولون رخيص لان وقتها بس فاتحين البدل لسنه 96وكان العرض اكثر من الطلب
على العموم اول مانزل قرار بطلب سنه 94كلها دق عليه وقالى والله انى متندم لانى دفت هذا المبلغ والمشكله ان الى بدلت معاه خذه بسعدالعبدالله وبدل بعد وخذا بعد كم همشه فلوس
قلتله هذا قرارك وعسى ربى يوفق الى خذا طلبك لانه ذيب خذا منك فلوسك وطلبك ايضا لان الطلب بحد ذاته قيمته احسن من الفلوس
اصبروا اصبروا اصبروا لاتندفعون مره وحده لان الكثير منا لايعرف معنى الطلب الذى لديه

الله يجزاك خير اخوي مارس1 على اجتهادك ونصحك

ولكن انا لي راي

صحيح يالغالي انه ظهر بالاونه الاخير بعض الانفراج بالازمه الاسكانيه

ولكن انفراج طفيف جداً

وانا راح اضربلك بعض الامثله

المناطق الجديده اللي طلعت كلها عدد قسايمها قليله جداً مقابل الطلب

الهائل على الاسكان اللي وصل تقريباً 88 الف طلب


والمناطق اللي طلعت هي

وانا اتكلم عن المناطق القريبه من العمران

اخر قطاع في جابر الاحمد 2600 قسيمه

القريروان 370 قسيمه

النسيم 600 قسمه

وقسايم خيطان طبعا بالمزاد وانا اعتقد راح يفتتح المزاد

ب 100 الف للقسميه السد

وطبعاً عدد القسايم 1094 قسيمه

يعني العدد ككل = 4064 قسميمه فقط مع مزاد خيطان

مقابل عدد طلبات 88 الف

يعني حوالي 5 % 100

مع العلم بأن عدد الطلبات لقاية سنه 1997 هي 9500 طلب

انا براي اللي تقديمه من 98 وفوق ويحصله قسمه ب 25 الف او 30 الف

وقريبه من العمران ( يعني مو بصباح الاحمد مثلا )

اتوقع انه فرصه يحط فلوسه فيها احسن ان يضيعها على اشياء ماتفيده


وصدقوني الفلوس بسكن لك انت وعيالك مو خسارة.. والقسيمه اللي

الحين 25 الف مثلا بمنطقة جابر الاحمد

بعد 5 سنين ماتاخذها حتى ب 80 الف

مثال : انا بسنة 2005 انعرضة على قسيمه ارض بطن وظهر بأحدنا المناطق

ب 21 الف ورفضت رفضاً قاطعاً

اقسم بالله الحين القسيمه 85


والله يوفق الجميع لما فيه الخير

 

[الجلمود]

لالالالالا مع احترامي لك الاخ الجلمود

فكرتك غلط او ممكن اقول مو دقيقه
مارس 1 انطر برد على الاخ وعقب بقولك
شوف بارك الله فيك
انت قلت ان النسيم وسعد العبدالله وخيطان والقيروان وابوحليفه راح يخلصون لان طلبك 98 ماراح تلحق عليهم او ماتقدر على فلوسهم
مع العلم انك ناوي تبدل ومعاك 30 الف دينار
تقدر دش المزاد الي لحد الحين مو متاكيد منه هل اهو فعلا مزاد ولا يرفعون سعر الارض مثل النسيم صارت 6250 دينار واحتمال ينزلون بعد او يسون مثل غرب الجليب
على فكره
غرب الجليب كان سعرها اعتقد 6000 دينار وعقب مابلشو العالم بالبنيان رجعو لهم 2000 دينار على حسب معلوماتي والله اعلم
نقظه مهمه
اخذ في مدينة صباح الاحمد او المطلاع او الخيران
لان مافي غيرهم وان كان فيه غيرهم راح يكون بعد عمر طويل جدااااااااا


ارجع واقولك انا طلبي مثلك تقريبا وكنت ناوي اشتري لاكن قلت الصبر زين

والله كريم

اخوك بورااشد

اولا اخوي ابو راشد انا ماقلت ماقدر على فلوسهم انا قلت خيطان ماقدر على فلوسها ورجع لمشاركتي عشان تتاكد اني قلت خيطان بس لان السد فيها ماراح احصلة ب30 الف وهذي توقعاتي ثانيا ياخي ليش ماتصير مثل اخوي مارس1 تحب لاخيك ماتحب لنفسك؟؟؟شلون تنصحني اخذ بصباح ونت نفس طلبي وتقول انك بتصبر؟ ليش ماتاخذ انت بصباح دامك تنصح الناس فيها؟ يشهد الله اني اتمنا كل الكويتين يسكنون قريب اهلهم ولاعمري نصحت احد بشي انا عايفه--------------------ماقول الا لله درك يامارس1 والله يعطي كل واحد على نيته

 

[بدون مجامله]

الله يرحم والديك اخوي مارس فعلا كثير من الشباب استفادوا من مشاركاتك وتتبعك اخبار الاسكان خاصه طلبات 97 ونازل والفال لطلبات 2000 ومافوق بس عسى ماتكون بعريفجان ياااااااو مانبيها

 

[xokx]

اسمعوا منى هذه القصه ومن صديق عزيز على
هذا الشخص كان طلبه سنه 95شهر 5وكان متحمس حيل لمدينه جابر ويعلم الله انى نصحته بالصبر لكن هو كان متهور شوى راح وخذ بطن وظهر بجابر قطاعbودفع 25الف طبعا هذى السالفه قبل 3سنوات لانكم راح تقولون رخيص لان وقتها بس فاتحين البدل لسنه 96وكان العرض اكثر من الطلب
على العموم اول مانزل قرار بطلب سنه 94كلها دق عليه وقالى والله انى متندم لانى دفت هذا المبلغ والمشكله ان الى بدلت معاه خذه بسعدالعبدالله وبدل بعد وخذا بعد كم همشه فلوس
قلتله هذا قرارك وعسى ربى يوفق الى خذا طلبك لانه ذيب خذا منك فلوسك وطلبك ايضا لان الطلب بحد ذاته قيمته احسن من الفلوس
اصبروا اصبروا اصبروا لاتندفعون مره وحده لان الكثير منا لايعرف معنى الطلب الذى لديه

الصراحه قصه صاحبك مؤثره واصحاب الطلبات يجب ان لايتعجلوا وشكرا لك اخ مارس على الموضوع

 

[سلمان222]

الله يعطيك العافية اخوي مارس 1
والله يجعلها في موازين اعمالك ماتقوم به لاخواك بالمنتدى
سؤال الله يرحم والدينك شنوا مصيرنا حنا طلبات 97 شهر 12

 

[rakan_yes]

اولا اخوي ابو راشد انا ماقلت ماقدر على فلوسهم انا قلت خيطان ماقدر على فلوسها ورجع لمشاركتي عشان تتاكد اني قلت خيطان بس لان السد فيها ماراح احصلة ب30 الف وهذي توقعاتي ثانيا ياخي ليش ماتصير مثل اخوي مارس1 تحب لاخيك ماتحب لنفسك؟؟؟شلون تنصحني اخذ بصباح ونت نفس طلبي وتقول انك بتصبر؟ ليش ماتاخذ انت بصباح دامك تنصح الناس فيها؟ يشهد الله اني اتمنا كل الكويتين يسكنون قريب اهلهم ولاعمري نصحت احد بشي انا عايفه--------------------ماقول الا لله درك يامارس1 والله يعطي كل واحد على نيته

للامانه فهمتني وانا اخوك غلط

ماكان قصدي
بس تعرف الصيام وانا شاركت بعد صلاة العصر بشويه يعني في قمة الصيام هههههههههههه
انا وانا اخوك كان قصدي ان مافي مشاريع غير الي الحين بس
وصباح والمطلاع والخيران هي مدن حدوديه الحكومه حاطتها عشان تثبت حدودها مع المملكه والعراق فقط لاغير
والمواطن الي اهو انا وانت احنا الي راح نتحمل

وازيدك من الشعر بيت
وربي وربي
اني استلمت شهادة القرعه بصباح وبقدرة قادر قدرت اتنازل عنها قبل القرعه بيومين

انا الحين بقولج
اصبر وانا مثلك راح اصبر وصدقني الله بيفرجها
مارس1 يقول طلبات لغاية 99 يعتبرون الطلبات الذهبيه
وراح نتدلع بعد ونتشرط في المناطق الي نبيهم
بس شد حيلك ورتب امورك وادخر فلوسك شهر بشهر عشان تقدر تبني قسيمتك والله يوفقك ويوفق الكل يارب

اخوك
بوراشد

 

[rakan_yes]

الله يعطيك العافية اخوي مارس 1
والله يجعلها في موازين اعمالك ماتقوم به لاخواك بالمنتدى
سؤال الله يرحم والدينك شنوا مصيرنا حنا طلبات 97 شهر 12

حياك الله اخوي
بعد اذن الاخ مارس1

شوف
طلبك مميز ويرحج الكفه
انطر بعد العيد راح يكون في توزيع على جابر الاحمد واصلين لغاية 94 اعتقد او 93 مو متذكر
بس دورك بيحوشه اما جابر او سعد العبدالله

اصبر شوي بس لاتستعجل والله كريم
اخوك
بوراشد

 

[عقارى ولهان]

الاخ مارس 1

هلا فيك

بصراحه نشكرك على نصيحتة لصاحبك

وعلى جهودك في الموقع وخصوصا في هالمجال

انا مع رفيجك الي بدل اقول معاه حق
لعدة اسباب
1- احتمال يكون مؤجر بشقه او دور او بيت حكومه لايق الاجار عن 300 دينار كمنزل محترم يليق بالعيش فيه

عدل
3 سنوات يعني حسبه بسيطه عدد الاشهر بعدد السنين والناتيج يضرب ب 300 دينار
يطلع لكم الناتج 10800 دينار
رفيجك دفع 25 الف دينار
وسكن صارله 3 سنوات بالبيت وتلاقيه مأجر له دور ولا شقه في بيته ياخذ منها نفس الاجار الي كان يدفعه يعني 300 دينار اقل سعر انا اعطيج
الحين نقول
10800 دينار في 3 سنوات + 10800 الي دفها بالاول يطلع 21600 وفرها على نفسه حلوو
وعلى على ذللك ريح باله وريح ام عياله وعياله وسكن في بيت مافي احد يقوله اطلع ولا ادفع الاجار ولا غيره والكل يعرف اوضاع المستاجرين والمؤجرين
الله يعينهم

يعني رفيجك كسبان بنسبه 70% لان هم بعد قبل 3 سنوات ماكانت الرؤيه واضحه
ولحد الحين ممكن تكون مو واضحه لاكن مع الوقت تبي توضح الرؤيه والله اعلم

عفوا اخوى مدينة جابر ما فية ولا شخص سكن فيها.....علشان ما فيها كهرباء

 

[صقر3]

الله يعطيك العافيه اخوي مارس1 كلمك صحيح 100% بس حاب اقول نقطه وحده طلبات من 1993 الي 1996 اعتبرها انتهت خلاص بس المشكله بطلبات 1997 الي يومنا هذا ماتدري وين القدر الدوله كل يوم قرار موعارفين بيوت خيطان كم في المزاد هو علني او ومحدد سعر عن نفس انا طلبي 1999 افكر ابدل بس ابي اصبر بعد العيد مصادر يقولون بعد العيد تتضح الرؤية

 

[مارس1]

أخ مارس

رايتك بيضا يالغالي ونصايحك لأخوانك طيبه

وفعلا الصبر دائما له إيجابيات كثيره والاستعجال مشكله والله .[/color]أشكرك يالغالي

بوغانم اشكرك على هذا الكلام نعم الصبر دائما له ايجابيات كثيره

 

[مارس1]

السلام عليكم
جزاك الله خير أخوي مارس1 على هذه النصائح
بس أنا أبي منك و من الإخوان اللي يشاركون في الموضوع ، أبي منكم نصيحة
أنا عندي طلب سنة 1999 شهر 10
و قاعد أدور على أرض في جابر الأحمد ، بس الأسعار وايد أرتفعت و أسعار مبالغ فيها جدا
شنو رايكم يا إخواني أصبر ويمكن تطلع لي أرض طبعا غير مدينة صباح أو يمكن يسمحون لي الدخول بمزاد خيطان ، بس ما أدري جم راح تكون اسعار الأراضي بخيطان
أرجو منكم النصيحة ، وجزاكم الله خير​

تسلم طال عمرك
شوف بما انك طلبك 1999شهر 10 انا اقولك ابيك تصبر بس سنه يعنى بعد مايخلصون من سعد العبدالله والقيروان وجابر وخيطان وقتها راح يكون لديك اختيارات كثير والاسعار راح تنزل والسبب راح يكون العرض اكثر من الطلب