‏"مدينه صباح الأحمد وابداع شركه الخرافي‏"‏

[النيشان]

اليوم تجولت في مدينه صباح وبصراحه
لفت نضري ابداع شركه الخرافي في
النماذج المقامه الآن لازال العمل بها
جاري ولكن واضح التميز في التصاميم
المختلفه وكلها روعه
وهذه دعوه لأصحاب القسائم ليكون
بنيانهم نموذجي ويبتعدوا عن البنيان
التقليدي لتكون ‏
منطقه مختلفه ‏
بختلاف
موقعها الجغرافي
ابدعوو ابدعووو ابدعووو لانامت اعين
الجبنا فالمساحه تساعدكم عل الأبداع

 

[ابواللطف]

المساحه تساعد علي الابداع بس السبعين الف ما تساعد

 

[كويت 2020]

يا اخى جان مصور جزاك الله خير

 

[q8_king1]

يريت انك صورت لنا شي عشان نقري مشاركتك ونشوف الصور

 

[النيشان]

صباح الخير للجميع
ياليت والله اعرف اضيف الصور
لكن ‏
والله ماعرف

 

[M.A.S]

اليوم تجولت في مدينه صباح وبصراحه
لفت نضري ابداع شركه الخرافي في
النماذج المقامه الآن لازال العمل بها
جاري ولكن واضح التميز في التصاميم
المختلفه وكلها روعه
وهذه دعوه لأصحاب القسائم ليكون
بنيانهم نموذجي ويبتعدوا عن البنيان
التقليدي لتكون ‏
منطقه مختلفه ‏
بختلاف
موقعها الجغرافي
ابدعوو ابدعووو ابدعووو لانامت اعين
الجبنا فالمساحه تساعدكم عل الأبداع

معلومة بسيطة،

التصاميم الي بتشوفونها في بيت الحكومة في مدينة صباح الاحمد مو من تصميم شركة الخرافي ولكن من جهود المهندسين العاملين في المؤسسة العامة للرعاية السكنية السنتين الماضيتين في دراسة هذي التصاميم و ابداء الراي والتعديل عليها
هذا ليس للانزال من قدر شركة الخرافي ولكن لعدم تجاهل من قام بالعمل من مهندسين

 

[النيشان]

مشكور على التوضيح والله
يحق لنا ان نفتخر بهذه العقول

 

[ابو سالم1]

انا تجولت داخل البيوت النماذج الدور الثاني صالة و يوجد به 4 غرف صغار تغريبا 3 منهم 4*4 واحد منم اكبر شوى الدور الارضي صالات صغيرة الداونية صغيرة والحمام الله يعزكم داخل الدوانية الى مايعرف بالبنيان راح يعجبة التصميم اما الى عندة خبرة بالبنيان ويعرف البيوت مستحيل يفكر فيها والبيت صاير بالنص والحوش دار مدارة يعنى بيت مساحة 600 متر والحووش صغير من كل الجهات ماتستفيد منه .

هذا رايي الشخصى بعد مادخلت البيوت وشفتها بعينى اما عن التصميم الخارجي ممتاز ولكن الداخلى ماينفع من تاخذ البيت راح تكسر وتهدم وتبني

 

[مشامس]

معلومة بسيطة،

التصاميم الي بتشوفونها في بيت الحكومة في مدينة صباح الاحمد مو من تصميم شركة الخرافي ولكن من جهود المهندسين العاملين في المؤسسة العامة للرعاية السكنية السنتين الماضيتين في دراسة هذي التصاميم و ابداء الراي والتعديل عليها
هذا ليس للانزال من قدر شركة الخرافي ولكن لعدم تجاهل من قام بالعمل من مهندسين

جزاك الله خير ... مهندسين الهيئة كفاءات ومثال مشرف للشباب الكويتي
والخرافي مقاول تنفيذ ماله علاقه بالتصميمات

 

[النيشان]

مساكم الله بالخير
ابوسالم ترا حنا نتكلم عن بيت حكومه
والي مايعجبك يمكن يعجب غيرك
ومن ناحيت التفكير فيها ابشرك
ياكثر الي يفكرون فيها
ياليت الي عنده فكره وشلون احط
الصور يقولي الخطوات

 

[أبو حصه]

ماشاءالله شركة الخرافي قامت تبني حق الكويتيين والله غريبه

بس كل شي بحقه مافي ولا مشروع حق الخرافي انتفعوا منه الكويتيين للأسف

بس شاطر الخرافي وشركته بالبنيان في مصر وجنوب لبنان وبورت غالب لا بعد بالمجان ههههه


واستاد جابر الأحمد اكله كبيره صارت 100 مليون دينار والله تكلمت شركة صينيه قالت بهالسعر كان حطيت 4 انديه بحجم هالنادي وأحسن منه لكن نقول حسبي الله ونعم الوكيل على هالنوعيات اللي اكلت الكويت وأموال الشعب الكويتي

انا كرهت هالمنطقه مدام شركة الخرافي حاطه ايدها عليها

 

[أبوعلي1]

انا رحت لمدينة صباح الاحمد النماذج بغض النظر عن الشركة المنشئة والمهندس المصمم الاهم عندنا المسساحه الروعه والبيت مبني بمساحة 400 والباجي 200 كحوش داير مدار البيت يعني تقدر بعدين تسوي اللي تبي للعلم وحسب ماعرفت ان النماذج بتكون جاهزه للجمهور شهر 11 عشان الكل يقدر يشوفها ...


البيوت مثل ماقلت حلوه ولو ان البعض منها يفوق على البعض الاخر هناك بيت شكله مستدير يعني دائري تصميمه حلو لكن كثير فيه القواعد في بطن البيت يعني وانت بنص البيت تشوف الاعمدة لكن يبقي ان البيوت الحكوميه هناك حلوه

ربي يوفق الجميع

 

[ابوناصر35]

انا تجولت داخل البيوت النماذج الدور الثاني صالة و يوجد به 4 غرف صغار تغريبا 3 منهم 4*4 واحد منم اكبر شوى الدور الارضي صالات صغيرة الداونية صغيرة والحمام الله يعزكم داخل الدوانية الى مايعرف بالبنيان راح يعجبة التصميم اما الى عندة خبرة بالبنيان ويعرف البيوت مستحيل يفكر فيها والبيت صاير بالنص والحوش دار مدارة يعنى بيت مساحة 600 متر والحووش صغير من كل الجهات ماتستفيد منه .

هذا رايي الشخصى بعد مادخلت البيوت وشفتها بعينى اما عن التصميم الخارجي ممتاز ولكن الداخلى ماينفع من تاخذ البيت راح تكسر وتهدم وتبني

انا معاك يابو سالم .... الصراحه هذوووول المصممين والمهندسين اسميهم فاشلين ..... شلون بيت 600 متر باني المبني و 200 متر بالنص ؟؟ صج حقاره ؟؟ الحين باني بالنص لاتقدر تبني لا جدام ولا ورا .؟؟؟؟ قسم بالله حرام عليهم ؟؟ظ ياااااخي خل البنيان ورا وخل مساحه جدام ليش حاطينه بالنص ....؟؟؟ هذول فاشلين وحقاره بعد .... واللي يمدحهم مايعرف بالبنيان شي

 

[النيشان]

ابوناصر
بيوت الحكومه انا شفتها وعجبتني
وانت شفتها ولاعجبتك شي طبيعي
الأختلاف ‏
صحيح فيه بعض الملاحضات
لكن تبقى افضل بيوت حكومه
حتى ألأن بالكويت
وبعدين اعتقد انك غلطان البنيان
مو ٢٠٠‏ متر البنيان ٤٠٠
والحوش حول البيت يمكن
له اسبابه عندهم
مع اني افضل الحوش الكامل

 

[ابو سالم1]

مساكم الله بالخير
ابوسالم ترا حنا نتكلم عن بيت حكومه
والي مايعجبك يمكن يعجب غيرك
ومن ناحيت التفكير فيها ابشرك
ياكثر الي يفكرون فيها
ياليت الي عنده فكره وشلون احط
الصور يقولي الخطوات

النيشان يا الغالى اكييد الى مايعجبنى يعجب غير لان الناس اذواق طال عمرك وانا ان شاء الله باخذ قسيمة طلبي 2001 اذا ماحصلت قسيمة مستحيل اخذ بيت حكومة ومثل ماقلتلك يا الغالى الى مايعرف بالبنيان راح يعجب بالبيوت للعلم مساحة البنيان 200 تحت و 200 فوق المجموع 400 متر والحوش 200 متر وش فايدت الحوش البيت صاير بالنص حتى درايش داونيتك تفتح داخل البيت

بالتوفيق للجميع

 

[النيشان]

مساكم الله بالخير
ابوسالم اذا مساحت البنيان٢٠٠
ومساحه الحوش ٢٠٠‏ يعني المجموع
٤٠٠‏ والمفروض ٦٠٠‏ فيه شي غلط
وبعدين لازال العمل جاري والايام
الجايه يبين كل شي
وعسى الله يوفق الجميع

 

[مو طبيعي]

لكل شخص وجهة نظر ناس تصلحلها الحكومية
و ناس ودها تصمم بيتها بنفسها

 

[بوحظين]

بو سالم الاسكان مايهمهم اهم شيئ بيت بهذي المساحة وبهذا السعر بس غيرة مة مهم هذي مشكلة الاسكان من زمان من ايام بيوت صباح السالم شوف التصميم وشوف التصميم الحالي راح اتشوف الفرق لكن نفس الفكرة

 

[ابوناصر35]

مساكم الله بالخير
ابوسالم اذا مساحت البنيان٢٠٠
ومساحه الحوش ٢٠٠‏ يعني المجموع
٤٠٠‏ والمفروض ٦٠٠‏ فيه شي غلط
وبعدين لازال العمل جاري والايام
الجايه يبين كل شي
وعسى الله يوفق الجميع

حبيبي البنيان كله فوق وتحت 400 متر ... يعني الارضي 200 والحوش 400 متر فاضي لا والبنيان جاي بالنص ... وبعدين اقولكم ان بعض البيوت الأرضي 180 متر فقط !!! والله حرام اللي يمدح المصممين ... مايعرف شي ولاشاف شي ..... وروحو للأسكان واسألو

 

[النيشان]

ابوناصر مساك ‏
الله بالخير
انا يوميا اشوفها ولكن مايسمحون
بالتجول داخلها وأنا امدح الي
اشوفه تصاميم جميله افضل
من بعض القسائم والبنيان
على الي اشوفه لااعتقد انها مثل
ماقلت ٢٠٠‏ ولكن تبقى عندي
صادق حتى يثبت العكس