‏"مدينه صباح الأحمد وابداع شركه الخرافي‏"‏

[بـ مـبـارك ـو]

بو سالم ماقصرت اختصرت وكلامك مايثمنه الا اللي ياخذ بيته ويفتر فيه ويقعد يحك راسه شلون يوسع ويعدل.... ولاتنسون ان الواجهات الاربع للبيوت من طابوق اسود قبل لايكسونها ويلبسونها حجر انا اعتقد شغل مش حالك ولاتعطلنا

 

[النيشان]

ابوسالم‏!‏؟
ابوناصر‏!‏؟
ابومبارك‏!‏؟
وش وششفيكم ضربتو على المنطقه ترا فلصتو

 

[ابو سالم1]

ابوسالم‏!‏؟
ابوناصر‏!‏؟
ابومبارك‏!‏؟
وش وششفيكم ضربتو على المنطقه ترا فلصتو

اخوى النيشان انا طلبي 2001 شهر 4 ان شاء الله باخذ قسيمة بالمنطقة ولكن كلامنا عن بيوت الحكومة اقسم بالله لو ماتحصلى قسيمة مستحيل اخذ بيت حكومة فى صباح الاحمد ياخوى شووف العمدان شلون صايرة بوسط البيت شوف السلم شلون صاير شوف الغرف شلون صغيرة شوف البيت جاى بالنص صاير ماكو حوش الا صغير ياخوى هذا بيت العمر اخذ قسيمة ولاتفكر فى بيوت الحكومة اذا خذيت فيها الله يعينك على الهدم والتكسير والعمدان المعقدة بوسط البيت

انا ارغب قسيمة فى صباح الاحمد عشان ابنيها صح

 

[ابو سالم1]

ابوناصر مساك ‏
الله بالخير
انا يوميا اشوفها ولكن مايسمحون
بالتجول داخلها وأنا امدح الي
اشوفه تصاميم جميله افضل
من بعض القسائم والبنيان
على الي اشوفه لااعتقد انها مثل
ماقلت ٢٠٠‏ ولكن تبقى عندي
صادق حتى يثبت العكس

من قالك مايسمحون !!
النيشان انا متجول داخلها والمساحة200 متر الارضى و 200 متر الدور الثاني المجموع 400 افكر انك داخلها ومتجول فيها اثريك شايفها من بعيد الله يهداك دش البيوت من داخل انا داخلها ومتجول فيها كل البيوت انا متاكد انك راح تغير رايك عن بيوت الحكومة

 

[ابوناصر35]

ابوسالم‏!‏؟
ابوناصر‏!‏؟
ابومبارك‏!‏؟
وش وششفيكم ضربتو على المنطقه ترا فلصتو

ياخوي النيشان انت اللي مفلص ..... لأنك ماتدري يبا انا من الناس اللي اخذت قسيمه وادري قبل لا أأأاخذ شنو الحكوميه .... واخذت مسطح البنيان واخذت كل المعلومات عن الحكوميه ..... وانا مافلص على قولتك انا اقول الكلام اللي موثق .... وهذا شي معروف .... وانت على قولتك شايف من برا الشبك مما يعني انك توك تشوف المنطقه .... وانا داش وشايف والمخططات تقدر تااااخذهن من الاسكان .... ومساحة البنيان الدور الارضي 200
فيه 180 و 190 واقل بعد .........

 

[بـ مـبـارك ـو]

مدري وش تقصد بفلصتو!!!! بس اذا لك رآي ماتفرضه على غيرك

انا قلت شي شفته ولا عجبني بنيان الحكومه وقلت ملاحظتي.. واذا انت بتاخذ بيت حكومه بتذكر كلام الاخوان اللي بينو عيوب نماذج البنيان اللي انا استفدت منها ويشكورون عليها الصراحه .. وتراها نصيحه اذا منت قادر تاخذ قسيمه شوف واحد يبدلك بيت بقسيمه لانك بتقط اقل شي 15 الف اختصرها وبدل فيها بقسيمه ..... اذا عجبتك النصيحه اطيب وابرك واذا ماعجبتك قطها على طريق الوفره ..........و نسافات الخرافي تشيلها ..الله يوفقك ويرزقك بالحظ الطيب

 

[كويتي0]

لو بنيانها كلها 600 مو 400 يبقي انها باخر الدنيا

والبعد يلعب دور فرحانين بان البيت يديد !! يعني كل الاراضي خلصت باجي بسس اللي بالوفره

 

[بوحظين]

لو بنيانها كلها 600 مو 400 يبقي انها باخر الدنيا

والبعد يلعب دور فرحانين بان البيت يديد !! يعني كل الاراضي خلصت باجي بسس اللي بالوفره

اخوي كويتي0 اذا انت منت ماخذ بتروح عليك فرصة اللي بعدك بياخذونها و هذي الحقيقة

 

[مو طبيعي]

المهندسين الاسكان هم المصممين