شركة اجوان الخليج العقارية ش.م.ك.م

[الزير 2020]

صبرا جميل وبالله نستعين
يا اخوان كثرة الكلام والتغابن بين بعضكم لا يسمن ولا يغني
بالعكس جذي انتم تقللون من قدر بعضكم والموقع لتبادل وجهات النظر والخبرات والآراء ف لا تخلونها صفحه سوده ونقطه بقلوبكم
عينوا خير ورب الخير موجود والأمل كبير
بخصوص أجوان اعتقد انه انتهض من معضله كانت كبيره في طريقه مع الهيئه والتخفيض صار جبرا لا حول لنا ولا قوة وباقي الامور تتسهل والصبر غنيمة وحيلة من لا حيلة له وبعد كل شدة يأتي الفرج إن شاءالله
تناصحوا وتهادوا بين بعضكم شووروا بعضكم واتصلوا وواصلوا وادارة اجوان تراهم يردون على الصغير قبل الكبير

والله يوفقنا ويوفقكم يارب

جزاك الله خير اخى الفاضل ابوعبدالعزيز وهذا الكلام الطيب وكلام العقل التخوين وتقليل من كلام الاخوان المجتهدين من اعضاء ادارة اجوان لعودت السهم كلام لايغنى ولايسمن من جوع

 

[Q8_POOS]

مجلس ادارة شغل تلفون كلمته وكلمني نبي اعلان رسمي لعموم المساهمين وبالبورصة وتوضيح بشأن زيادة رأس المال ومن هو المستثمر اللي بيدخل بيغطي الاسهم اللي ماراح نكتتب فيها ههههه

مسالخير للجميع
لله الحمد والمنه ومبروك عليكم عدم شطب الشركه من السوق والحمدلله اني صادق بكل كلمه قلتها تخفيض راس المال ماتعدا ٤٦% واللي كان يقول ان الخساره فوق ٧٥% وينه وينه
موضوع الرسوم وعوده السهم اصبحت علي الابواب بأذن الله باجر او اللي بعده وسيتم الدفع كامل المبلغ ومن صالحنا ان السهم ينزل بالفتره اللي طافت لان السوق كان تعبان عموما اتوقع رجوع السهم الخميس او الاحد القادم بأذن الله
معلومه: أشتراك ٢٠١٩ تخلفو عن دفعه المجلس السابق وكان ٤٠ الف دينار وقسطوها المجلس الحالي ولله الحمد سيتم دفعه
الفضل لله ومن ثم مجلس الاداره والرئيس التنفيذي وبعض المساهمين اللي ساعدو الاداره في بعض الامور

 

[Q8_POOS]

مجلس ادارة شغل تلفون كلمته وكلمني نبي اعلان رسمي لعموم المساهمين وبالبورصة وتوضيح بشأن زيادة رأس المال ومن هو المستثمر اللي بيدخل بيغطي الاسهم اللي ماراح نكتتب فيها

لايشكر الانسان على أداء عمله متى يشكر اذا تميز بعمله اللي يدش علي بالخاص واللي مايبينا ننتقد احد للعلم مجلس الادارة لم يقم بعمله بالشكل الصحيح تحرك بعد الانذار بالشطب اذا في كلام غير اللي اقوله يقولي بأدب لأن ردي سيكون على مستوى اسلوبه نحسب فترة الايقاف سنة وشهرين راحت سنة وهم نايمين صحوا اخر شهرين

كلامك غير صحيح بتاتا مجلس الاداره استلم شركه مسروقه من الشق لي الشق يعني اخذوو شركه متهالكه والمطاعم كلها مسكره وماقصرو شغلوو بعض المطاعم اللي مغلقه والديانه كثر وقامووو بدفع جميع المبالغ المستحقه حتي نسبتهم بشركه منتحعات لندن ماكانت موجوده وفوق هذا قاموو بدورهم واثبتو ملكيتهم بمنتجعات لندن وعينو موظفين علي طلب الهيئه واخذوو مخصصات وفوق هذا رفعوو قضايا بمطالبات ٧ مليون دينار علي المجلس السابق عدم شطب الشركه وأرجاعها للتداول هذا انجاز يحسب لمجلس الاداره وبالاخص المهندس/ منصور الكندري كلام الحق يقال نعم هناك عوائق واجهت الشركه وكانت مده الايقاف طويله بس صدقوني المجلس ماله ذنب المراسلات بالهيئه كانت بطيئه ولله الحمد لم يتم شطب الشركه وقريبا جدا ستعود للتداول

 

[Q8_POOS]

وصلوا للي يبونه جمعية عمومية ودفاع مستميت عن مجلس الادارة لاقناع المساهمين ان مجلس الادارة شغال صح لين تخلص الجمعية العمومية وبعدها الشطب وبالاخير يسوون اللي يبونه بدون حسيب او رقيب

ردا علي كلامك وعشان شوف طالع كلامك تدخل بالنيات من غير دليل مايجوز والمجلس اللي تقول ان الناس ادفع عنه رد الشركه للتداول بفضل الله ومن ثم جهودهم وحضرتك تدخل بالنيات انتقد علي كيفك بس النوايا المفروض ماتجيب سيرتها لان الظلم ظلمات يوم القيامه

 

[Q8_POOS]

شراح يسوون الحين بيقولون بنرفع قضية على الهيئة اعرف سوالفهم بيطلع ون ربعهم يدافعون ويهاجمون اللي ينتقد الشركة

قاعد ارجع المشاركات وقاعد أضحك الصراحه مادري تقدر اترد نبي نشوف مشاركه مفيده منك كل مشاركاتك طعن بأعضاء مجلس الاداره والدخول بالنوايا المفروض تستغفر ربك ومن ثم تقدم كتاب أعتذار لمجلس الاداره

 

[فوزى بو احمد]

هل يحتاج استقطاع مخصصات وتخفيض راس المال 15 شهر؟؟؟؟؟

والله ياخوي ماندري عن شي اذا احد يقدر يجيب الخبر بالتلفون كل الاخبار توصلنا بالاتصال

 

[الزير 2020]

اليوم ولله الحمد تم دفع الاشتراك والان احتمال الرجوع الخميس او الاحد القادم

 

[بوعبدالعزيز العنزي]

اليوم ولله الحمد تم دفع الاشتراك والان احتمال الرجوع الخميس او الاحد القادم

الله يكتب لك الجنه انت ومن يقرأ
بشاره طيبه جزاك الله خير ⚘

 

[الزير 2020]

الله يكتب لك الجنه انت ومن يقرأ
بشاره طيبه جزاك الله خير ⚘

ومن يقول ويقرا

 

[الووان]

اليوم ولله الحمد تم دفع الاشتراك والان احتمال الرجوع الخميس او الاحد القادم

الله يجزاك خير يااخوي على الخبر
والله يعوض صبرنا خير للجميع

 

[الزير 2020]

الله يجزاك خير يااخوي على الخبر
والله يعوض صبرنا خير للجميع

ومن يقول

 

[الزير 2020]

مبروكين اعادت السهم بكره الخميس

 

[Bursa2016]

مبروكين والله يعوض صبرنا

 

[الزير 2020]

الاخوان الذين اتهمونا اننا نطبل لمجلس الاداره وانهم يخدعون الناس وان السهم لن يعود الان وبعد رجوع السهم هل يملكون الشجاعه والاعتذار ارجو ذلك

 

[al7boob_77]

 

[the general]

مبروك للمساهمين وان شاء الله نشوفها باسعار طيبه نتفائل بالخير ان شاء الله

 

[Q8_POOS]

مبروكين رجوع السهم ونبارك الي أخوي فوزي بو أحمد اللي دايم يظلم مجلس الاداره ويطعن في نيتهم بعدم أرجاع السهم من شيم الرجال الاعتذار الي مجلس ماهووو عيب الانسان يخطئ العيب الاستمرار بالخطأ

 

[فوزى بو احمد]

مجلس الادارة مع الأسف مايعرف عن الشفافية اي شي يجب ان تكون المعلومة متاحة للمساهمين على حد سواء وهذا احد قوانين هيئة اسواق المال ابعرف شلون عرف احد المساهمين متى ستدفع الرسوم والعودة وهذا يعتبر مخالفة صريحة للقوانين

 

[فوزى بو احمد]

نطالب جميع مجالس الادارات بغض التظر عن شركة أجوان ان تكون هناك شفافية مع أني اعرف لايوجد شركة مجلس ادارتها يطبق الحوكمة بشكل ممتاز الا شركة واحدة فقط حتى البنوك ماتطبقها وهي شركة البترولية مجلس ادارة محترم اعلان بيانات اولية اعلان اين سيتم صرف زيادة رأس المال دائما حبيبي اللي النقد يتعب احساسه ويزعله يقعد في بيته هذا سوق مال وشكرا

 

[الزير 2020]

كم توقعون يفتتح السهم 26 فلس