حسبه ابوفطيره وسعرها الحقيقي

[بوعبالله]

الارتداد في ابو فطيره 3.5 متر او4.5متر . اذا كانت شارع واحد
وكل 60 ارض لها مدخلين فقط
حسبه بسيطه اذا كل قسيمه لها 4سيارات ضرب60=240 سياره طبعا قابله للزياده اذا فيه شقق للايجار
ولاتنسى ان واجهه القسيمه 16 متر.

1- الشارع عرضه 8امتار
2- السياره طولها 5امتار اذا سوبربان او وانيت يزيد الطول او طراااد
3- اذا امام القسيمه منهول مطر بالوعه على طرف الرصيف اخصم 2متر من المواقف
4- الحسبه :الشارع8+4.5الارتداد الاول+4.5الارتداد المقابل=17مترمن باب القسيمه الى باب القسيمه المقابله
5- الباقي من الشارع 17متر -10 امتار طول سيارتين =7 متر عرض الشارع
تدرووون شلون ابو فطيره=الظهر

 

[شوبنق تايم]

نعوذ بالله من الضيق

 

[bu sale7]

ما عندكم غير هالسالفه ما قدرت تشتري ادع للي شرا بالتوفيق لا تقوم اتسوي ان المنطقه فيها عيوب ترا تنضيمها احسن من كثير من المناطق

 

[بــوعبدالله]

اخوي بوصالح صراحة مستغرب منك بأكثر من موضوع بالدفاع عن بوفطيرة رغم سوء التنظيم بعد كشف الخريطة الأخيرة

اذا كنت شريطي أو تاجر لهذي الأراضي فما نشره عليك مع كل احترامي لك يالغالي
لكن ان كنت من الأفراد العاديين فبالفعل شي مستغرب منك هالدفاع
والغريب انك تمدح تنظيمها !! انت متأكد شفت الخريطة اللي انعرضت قبل يومين بالمنتدى ؟

أتمنى تتقبل نقدي بصدر رحب

 

[bu sale7]

اخوي بوصالح صراحة مستغرب منك بأكثر من موضوع بالدفاع عن بوفطيرة رغم سوء التنظيم بعد كشف الخريطة الأخيرة

اذا كنت شريطي أو تاجر لهذي الأراضي فما نشره عليك مع كل احترامي لك يالغالي
لكن ان كنت من الأفراد العاديين فبالفعل شي مستغرب منك هالدفاع
والغريب انك تمدح تنظيمها !! انت متأكد شفت الخريطة اللي انعرضت قبل يومين بالمنتدى ؟

أتمنى تتقبل نقدي بصدر رحب

حياك الله يابو عبدالله انا املك ارض في الفنيطيس مو بو فطيره بالنسبه للتنضيم انا مستغرب من اللي يقول المنطقه تنظيمها سيء ثانيا اذا كان تنظيمها سيء مثل ما تقولون هل في مجال انهم يعيدون تنظيمها طبعا لا. زين اشرايك وين نشتري مكان ارخص ومناسب. اخيرا اتمنى نزول الاسعار لان عندي اخوان ودي يشترون عندي. تقبل مروري

 

[MUSAED77]

حوار راقي وعاقل
شكرا للرقي بالحديث لانكم وصلتوا النصيحه والفكره ببساطه

والسلام ختام

 

[بودانة]

اخوى بو عبدالله انا ودى اسألك سؤال اشوفك مندهش على ارتداد 4.5 متر كأن المنطقة الوحيدة اللى ارتدادها مثل ما تفضلت المثل يقول مد رجولك على قد الحافك واذا مو عاجبك 4.5 متر تره فيه ارتداد 50 متر بس 220000 تشترى اشتر منت شارى انت حر المسألة وايد معادلتها سهله ومو محتاجة حق عملياتك الحسابية اللى عقدتنى صراحة ومشكور على التذكير

 

[بودانة]

شبنج تايم عندى لك فيلا قريت اعلانها باحد الصحف التجارية بالنزهه 850000 دينار هدام وارتداد طيب تشترى انا عن نفسى ما عندى الا حق بوفطيرة وراضى بنصيبى وعسى اللة يرزقك الصبر الكبير كبر الارتداد اللى بخاطرك

 

[zidantheking]

عرض الشارع 7 متر

يعني لو نقول سيارتي عرضها 2.6 متر تقريبا (لا تسوون روحكم صايدين الحركة الموتر كلاسك )

يعني بقا من الشارع 4.4 يعني لو تصفط فورد بلجهة الثانية ما يبقا الى متر !!!

و اذا صفطها على ال4.5 يطلع منها نص متر يعني الشار ع6.5 متر

و على افتراض انه الواجهة 16 متر , يعني 5 سيارات مزحومة بلارتداد

انا سيارتين , المره سيارتين و عيالي بعد 4 سنين كلهم يسوقون يعني لو كل واحد سياره يصير المجوع 7 سيارات (غير العود الي حاط اباله سيارة حيب, سيارة صالون, سيارة سبورت حق القز ... خير ان شاء الله ) لو نقول حصل 2 يعني صار المجمع 8 سيارات

يعني ثلاثه علشارع (يصير حاره وحده )

غير اذا تزوجوا و بغوا يسكنون عندي

خلني بمكاني ابرك معني عندي القدره اخذ بس ابتلش بقرض و السعر ما يسوى , احرق فلوسي و انا مستانس احسن

 

[yasalam]

ارضى بالموجود واحمد ربك.
والا القعدة والحكرة بشقة اجار 400 اريح وانفا؟

 

[bu sale7]

اخ زيدان لا تنقص ياخوي عرض الشارع 8 احسب من جديد بعدين ليش عرض السياه 2.6 انا صراحه ما قستها لكن لما نقرا مواصفات السيارات ما يزيدون على المترين اذا مو اقل في سيارات اكبر اشوي رجاء اعد الحسبه عشان نضبط مسافطنا . اتعبناك ويانا

 

[zidantheking]

عدل كلامك ,دخلت النت و طلعتلي حسبتين 2.2 متر او 2.4 نقول 2.3 متر

السيارة موديل 1968 امريكي , نظام دبابات الي كانت تنباع ايام عز المواتر

و راح اتاكد اليوم من القياسات مره ثانية

 

[bu sale7]

شنو الموتر زيدان الله يبارك لك فيه

 

[bu sale7]

خذ راحتك

 

[zidantheking]

شارجر القديم 440 سيارة خالي سابقا و ولدي ان شاء الله مستقبلا

 

[Kaubar]

السياره طولها 5 متر اصفطها بينها وبين البيت نص متر يعني متر بالشارع

لاحول ولاقوة الابالله

 

[كيدي كاو]

كل جنوب السره الزهراء حطين السلام الشهداء من الداخل نفس الارتداد وشوف الصديق نفس تخطيط المسيله بضبط ارتداد 4 ونص من عند الباب لي الشارع وشوف اقل سعر فيها اليوم 210 الف
هذا التخطيط مو يديد بيوت الحكومه بيان صباح السالم الفردوس الاندلس وايد مناطق الارتداد 3 متر بس زين يعني بوفطيره والفنيطيس والمسيله 4 ونص

 

[كيدي كاو]

انا سكنت في عبدالله المبارك سنه وحده بس وبعدها خذيت قرار قرقور في المناطق الداخليه ولا قصر في المناطق البعيده :/

 

[bu sale7]

كيدي كاو اشلونك . اي قطعه بعبدالله المبارك

 

[bu sale7]

شارجر القديم 440 سيارة خالي سابقا و ولدي ان شاء الله مستقبلا

ما شاء الله السياره هذي عزيزه كانت عند ولد عمتي موديل 72 انا كنت صغير وقتها لما كبر الولد شرا جارجر 2006 اشرايك نجرب قومته