شباب شنو رايكم بالدوج دورانجو من موديل 2006 الى 2009؟؟؟

[q8free2009]

السلام عليكم
وعساكم من عواد هالشهر الفضيل وتقبل الله طاعتكم
اخواني ابي اعرف من اللي عنده خبره ومجرب هالسياره لا يبخل علينا ويعطينا رايه فيها من كل النواحي التكييف والحراره والخرابات والتصليحات والعزم والدبل قوي والا لا زكل شي يخص هالسياره ال8 سلندر وسلامتكم وكل عام وانتم بخير

 

[560SEL]

والله السياره جباره وقويه وفيها ميزه ترفعها من قدام وتنزلها اذا تطلع فيها بر عن طريق مسامير بالهيئه الاماميه تشد وترخي
ومريحه لكن الكلام بالصيانه واللي اعرفه صيانتها غاليه ومو مرغوبه بالبيع وتخسر فيها واجد
لكن تبي تستخدم كم سنه قدام مو مهم نزلت السعر كل السيارات تنزل اسعارها الا مسخرة الارض والياباني

 

[q8free2009]

مشكووور اخوي على المرووور وكلامك عدل ولا تنسى ترا السعر يعتبر ميزه من مميزات السياره اذا كانت ارخيصه مقارنة بفئتها من السيارات الخرى

 

[q8free2009]

الخرى اقصد يعني الاخرى اسف

 

[560SEL]

كلامك عدل وانا اشوف انه خيار مناسب مقرنه بالتاهو واليوكن والاكسبدشن من نفس الفئه لكن هو ارخصهم وهذا افضل للمستخدم اذا عرف ان الموتر كويس وكلام الناس ضده غلط
على العموم انت شوف السيرفس للقطع الاستهلاكيه اذا نفس اليوكن او ارخص هذا زين واسال كراجات متخصصه امريكي عنه وعن مشاكله انا اعرف ان في شركات تشتغل على المشاريع بالصحراء يستخدمونه وهذا يعني انه يتحمل وان سمعت كثير عنه انه كفو وقوي لان انا افكر فيه من فتره وقاعد اجمع معلومات عنه

 

[q8free2009]

هلا اخوي 560 مشكور على المرور مره ثانيه فعلا هالسياره غريب امرها لان ماركتها معروفه وصناعه امريكيه وعليها محرك جبار وفيها مواصفات يفترض اتخليها تتفوق على مثيلاتها من الموديلات الثانيه اتمنى احد يكون مستعملها ومجربها علشان يفيدنا بعيوبها ومحاسنها

 

[navy_seals]

صباح الخير ولد العم كل الي اقدر اقوله ابعد ونصيحه من اخو يبيلك الخير
صج محرك قوي لكن للأسف القطع والوكاله وانت ابكرامه
بس يشهد الله نصيحه من اخو وبصيامي ابعد عن الشر و........!!
بيت النازل مر على القراجات بشويخ ونشدهم عنها شوف كلامي صحيح ولا انا مخطي
والله يوفقك يارب

أسئل أمجرب ولا تسئل طبيب

 

[بوو علي]

اخوي انا عندي جراند شيروكي 2001 من الوكاله وبعته 6 سلندر (ايام البهبهاني)
موتر ممتاز و هو و الدوج نفس المصنع واحد
وبعته وشريت
جراند شيروكي 2008 لميتد فل اوبشن 8 سلندر (ايام الملا و البهبهاني)
الموتر ممتع و جبار لكن المشكلة بالصيانه
تخيل

تبيدل دهن و فلتر بالوكاله 5000كم بسعر 40 د.ك
تبديل دهن و فلتر بالوكاله 10.000كم بسعر 46 د.ك

البطارية سألت عنها ب 80 د.ك

هذا الكلام سنه 2009 الحين تخيل شنو الاسعار؟

فكر بالقطع عدل واحسبها يبيعون مواترهم رخيصة لكنهم يعوضون بالقطع

الموتر ممتع و قوي لكن وكالته مو شي و قطع غيره غاليه و القرار لك.

تقبل مروري

 

[السهم المجروح]

السلام عليكم
والله هالموضوع كان ابالي شفته بالصدفه مطروح منكم
شباب نبي ارائكم للاستفاده منكم وابي اعرف اشلون صرف البانزين ؟؟

 

[q8free2009]

اشكر كل من شارك وجزاكم الله خير يا شباب

 

[S c O r P i O n]

والله اللي يقولك اسعار ماسعار ماعندة سالفة وموشقردي
روح ياخوي عندك الشويخ متروسة كراجات والله ماكثر الامريكي
انا عندي كرايسلر وماعمري قربت من الوكالة اللهم الزيت اخذة اصلي الموبار من الوكالة بـ16 واغيرة بالرقعي وهذا اغلى شي ومرات ينزل بالاهلية شريتة ب11 دينار مكينة هيمي 5 لتر اما القطع تحصل كل شي بالاهلية وفيه غيرها برخص التراب ومتوفر التجاري درجات والاصلي وانت لاتسمع روح شوف بنفسك

 

[S c O r P i O n]

شريت من الاهلية بكرة كرنك اصلية حقت الغايشات اكبر وحدة بـ9 دنانير
احنا ماضيع سياراتنا الا الوكالات يستغلونك ويسون لك دعاية انة الوكالة مافية مثلها كلة كلام فاضي
في كراجات افضل من الوكالة بمليون مرة وهذا غير الاسعار المبالغ فيها نفس القطعة تلقاها برى الوكالة بنص السعر اذا مواقل

 

[q8free2009]

مشكور اخوي سكوربيون يعني فيه كراجات عندنا بالكويت متخصصين بالدوج ميكانيك وكهرباء وكل شي والقطع متوفره برا وبالوكاله ـــــ ! !!! خوش كلام يعني الدوج طلع مظلوم المسكين {:

 

[560SEL]

انا قايل لك اهم شي السيرفس والقطع والاهليه يوفر القطع باقل 30 الى 50 بالميه عن الوكاله ولا السياره ما عليها كلام وانا اشوف انها افضل من الفور اكسبديشن ومن اليوكن والتاهو لكن حنا صرنا نمشي على كلام الناس تويوتا وجمس وشفر وفورد ليش يقول لك سيارات شعبيه ومرغوبه طيب مافي شركات غيرها يعني
انت تدري ان الدوج تعتبر اقوى سياره بامريكا ومرغوبه وغاليه وعمليه
بعدين من 1998 الى 2009 ترى الدوج تقنية مرسيدس
الجراند شيروكي قيه مرسيدس واللي باوروبا الديزل قير وماكينه
الكرايسلر 300 هيئتة الاماميه فيها قطع من هيئة الحوت
والكروسفاير هي عباره عن مرسيدس slk من شاصي وقير
مجموعة كرايسلر جباره بمعنى الكلمه وما عمري سمعت ان فيها عيوب مصنعيه لكن الجمس 2007 من تغير شكله فيه مشكله بالقير يطق ولازم تجفته والماكينه ترفع حراره
التريل بليزر 2006 فيه مشكلة القير يطق عيب مصنعي بالترس الثالث
الفورد ان اشوف عيوبه واجد واهمه ما فيه ثبات ويحذف على الخط
يبه اللي يمشي على كلام الناس ما يركب الا تويوتا وفورد

 

[q8free2009]

الجمس انا كان عندي ابو ثمان براغي سوبرمان شريته جديد سنة 2008 قيره 6 غيار وسافرت فيه وكنت حاط عليه سله وفوقه اغراض واذا كان الهوى بوجهك ما يرح سادس ويبقى يحن بالخامس وترتفع حرارته الى ثلاث ارباع وخاصة
وكذلك بالبر ما يمشي بالمره بسبب التركشن خاصة اذا كان فيه غرازات واطعوس حتى لو فصلت زر التركشن يرد ويشتغل مره ثانيه وحتى غمارته ما تتحمل خفيفه ممكن تنزل عليك اذا كانت اغراضك ثقيله
وبعته بعد ثلاث اشهر وشريت جمس 8100 لا تركشن ولا بطيخ
والدوج عجبني شكله ومواصفاته وقوة مكينته بس ودي اعرف عنه معلومات عن استعماله يعني ما يخرب فيك بالشارع اهم شي ويوهقك

 

[heart]

السلام عليكم

اخوي ماني قايلك وكاله وقطع غالي دق سلف وروح السكراب اسال عن المكينه موديل2005 الي ب650 واستعمال الكويت وانت وحظك تطلع نظيفه ولا لا ولا القير الي تجفيت قير موديل2000 دورانقو اقل شي ب180 ولا عند واحد خواره اسال عن البككس يطلعلك افغاني اللهم اني صائم يكرهك بام الموتر جربت القراند شيروكي ثمانيه سلندر والدورانقو قطع نار وكهربا فاشله والي بيشتغلك فيها يبي يستغلك على الاخر لانه ميكانيكيه الكويت مع احترامي للناس الشريفه الي فيهم لا يفهمون ويتعلمون بسيارات العالم واكبر استغلاليه نصيحه خلك مع الخيل ياشقرا تاهو يوكن اكسبدشن وعيش حياتك واشرب سفن اب

 

[B-A-1983-A-B]

كان عندي دورانجو موديل 2006 ممشاة حلو وحرارتة ثابتة وتكييف ثلج بس مارتحت له عقب اسبوع بعتة بـ 2650 مع العلم صبغ وكالة وماشي 130 ألف وراد الملا ومكينتة هيمي 8 سلندر

 

[_fhd]

اخوي صبحك الله بالخير توكل على الله و اخذه من اقوى المواتر الامريكيه.....
جدي الله يرحمه سياراته كانت كله دودج و لا اشتكى منهم ابد و ايامه ما كان يودي وكاله و لا شي
كان كل اسبوعين ورا صلاة الجمعه يروح محطة البانزين يبدل دهن فقط لا غير و بالنسبه للتصفيه كان يودي السياره بالسنه مره واحده بغض النظر عن المسافه المقطوعه و تتم السياره معاه عمر

الحين احنا مدلعين سياييرنا .. ما نودي إلا وكاله و طايحينله شفط بفلوسنا و بس على غير معنى ... ولا يعرفون يشتغلون بالسياره ... و تدخلها حق شي ،،، يخربون شي ثاني

 

[S c O r P i O n]

السلام عليكم

اخوي ماني قايلك وكاله وقطع غالي دق سلف وروح السكراب اسال عن المكينه موديل2005 الي ب650 واستعمال الكويت وانت وحظك تطلع نظيفه ولا لا ولا القير الي تجفيت قير موديل2000 دورانقو اقل شي ب180 ولا عند واحد خواره اسال عن البككس يطلعلك افغاني اللهم اني صائم يكرهك بام الموتر جربت القراند شيروكي ثمانيه سلندر والدورانقو قطع نار وكهربا فاشله والي بيشتغلك فيها يبي يستغلك على الاخر لانه ميكانيكيه الكويت مع احترامي للناس الشريفه الي فيهم لا يفهمون ويتعلمون بسيارات العالم واكبر استغلاليه نصيحه خلك مع الخيل ياشقرا تاهو يوكن اكسبدشن وعيش حياتك واشرب سفن اب

حبيبي هو ماسأل عن تجفيت مكينة ولا عن تجفيت قير بياخذ سيارة مديل السنة مو جراند شروكي مديل 99 وبعدين اذا تبي تعرف ليش تجفيت المكينة غالي لأنة المكينة هيمي وكبيرة وروح اسأل الكراجات اللي بالشويخ بيقولك افضل واجود مكاين امريكية الهيمي بشرط تحافظ على الزيت وتهتم فيها وتعمر معاك وبالنسبة للفحص فية حركة بسيارات دودج اطلعلك اي خطأ بسيارة ومايحتاج تروح كراجات ويفتون على راسك واقولها موتعصب الدودج بدي قوي مكينة قوية سياقتة مريحة وحلوة واللي مايعرفلة يشتري لومينا ولاكابرس اطق مطبة يطق القير والقطع روح اسأل عنها بالاهلية يرخص التراب

 

[q8free2009]

يا جماعة الخير ترا السعر لما يكون ارخيص تراه يحسب من مميزات السياره خاصة لما تكون سياره صناعه امريكيه مو كوريه ولا صينيه ولا تايلنديه
واخوي سكوربيون اشلون طريقة الحركه اللي تسويها بالسياره ويطلعلك شنو الخراب ترا خوش ميزه هذي