((((( تحذير هام جدا للشباب اللي يدور بدل من أصحاب المكاتب )))))

[saalm]

((( كنا نعتقد أن المنتدى الملاذ الآمن لبيع وشراء العقارات ولكن أصحاب المكاتب ورانا ورانا )))
**** (((((( رساله وتحذير للي يدور بدل قسيمة بطلب )))))) ****​

[size="5"]الرسالة : يا أصحاب المكاتب وإلى كل من يقرأ هذا الموضوع من الذين يبحثون عن العقار والذين يعرضون في المنتدى يجب علينا أن نخاف الله ونعلم أنه سبحانه يراقبنا وأن وراءنا حساب وأن نعلم أن البركة في البيع أهم من السعر سواء نقص أو زاد
.[/size]
الصدق للأسف بدأنا نفقده في عرضنا للسلع فما يحصل والله يخوف فكثير من المكاتب بدأت برفع الأسعار فتقوم بالاتصال على أصحاب العقارات وتسوم دون وجود شراي يعني إذا السوم واصل 60 ألف صاحب المكتب يسوم من البياع ب 70 و80 و 90 وعادي يشقح ال 100 ويقوله بس كم تبي والناس الشرايه اللي داقه قروض مساكين من يدق على البايع ويسأل يقول أنا سايمها مني أحد المكاتب العقاريه وطيروا السوق علينا وحصل معي مواقف عديده كوني أبحث عن أرض للبدل مع طلب فهل يعقل البدل يتعدى 120 ألف أرض !!!!!!!!!!!!!!!!!!!!!
التحذير : خافو ربكم فسوف يحاسبكم الله ولا تأكلوا أموال الناس بالباطل ترا الشباب الكويتي فوق نطرته 15 سنة وياخذ قرض 70 ألف واللي محوشه 30 ألف يعني 100 هم ما يقدر يشتري وخير مثال شوفو أراضي شمال غرب الصليبخات والقيروان ألخ

شاركونا الرأي وجزاكم الله خير أنا إحترت

 

[خوي الطيب]

لايجوز

ما يجوز للمكاتب والافراد الزياده في السوم وهو لا يريد الشراء هذا يعتبر نجش والنجش حرام اللهم اغننا بحلالك عن حرامك وجزاكم الله خير

 

[aljoker]

انت في زمن الماده فتوقع منهم كل شي من اجل الدينار والربح السريع

 

[BMW750]

انا مره تكلمت عن مكتب بهذي المنتدي قاموا يتصلوا علي يهددون دير بالك منهم..................

 

[فريد احمد]

موضوع جميل
والتحذير وتنبيه لها فائدة عظيمة

بارك الله

 

[ماجد العلى]

لو اقتنعوا بالقليل لربحوا الكثير,,,,,ارتفاع الاسعار يؤدى الى العزوف عن الشراء والعكس صحيح فبنزول الاسعار وان تكون الاسعار عند القدره الشرائيه للشباب لاستفاد الجميع بما فيهم المكاتب

 

[سديم العقار]

السلام عليكم ورحمة الله وبركاته

كلامك صحيح بس مو الكل المكاتب ؟ بس انا اتكلم على مكتبي عمرى محد سام عندى وما عطيته رقم سوامة ؟ مثال واحد سام 40 الف ودق واحد غيرة اقول اخذ رقم الى سام 40 الف ؟
ابية يسمع بأذنة ؟

وثانيا : نشاء الله المكاتب فيهم خيير بس فئه قليلة الى اتكلمون عنها ؟


والله يوفقنى ويوفقكم

 

[سديم العقار]

والله كلام جميييل يارعي الموضوع والله اخ عزيز وغالى بس كلمة الحق تنقال

واحد يدق يقول ابي ارض راس ثلاث شوارع موقع ممتاز اووف مسكت مع طلب 2003 يقولك 50 الف ؟ لو عندك ارض مواصفات حلوة تبدلها با السعررر

لا تنظر لاهل المكاتب انظر لاهل الاراضي واذا توهق الواحد قال المكاتب المكاتب المكاتب ؟ ما عندك فلووووس لا تشترى ؟

 

[saalm]

ما يجوز للمكاتب والافراد الزياده في السوم وهو لا يريد الشراء هذا يعتبر نجش والنجش حرام اللهم اغننا بحلالك عن حرامك وجزاكم الله خير

كلامك عين الصواب بس يالطيب هذا بيخلص لان مايهمه بس بيرضي البياع لين يوافق بياخذ العموله والله كذا واحد من الربع متوهقين الحلو كنت عند صاحب مكتب دق على بياع ارض موقع حلو والله وانا صايم اسمعه يقول ماعرفتني انا اللي سمت ارضك 130 قال البياع ياخوي ارضي مانسامت ولا اعرفك !!!! حلحلني من هالشغله

 

[saalm]

السلام عليكم ورحمة الله وبركاته

كلامك صحيح بس مو الكل المكاتب ؟ بس انا اتكلم على مكتبي عمرى محد سام عندى وما عطيته رقم سوامة ؟ مثال واحد سام 40 الف ودق واحد غيرة اقول اخذ رقم الى سام 40 الف ؟
ابية يسمع بأذنة ؟

وثانيا : نشاء الله المكاتب فيهم خيير بس فئه قليلة الى اتكلمون عنها ؟


والله يوفقنى ويوفقكم

انا كلامي ما اعم ولكن اغلب المكاتب حاطله وافد بالمكتب ويمكن اهو اللي قاعد يلعب ويمكن ياخذ عموله اذا جاب سعر زين والعلم عند الله زين نبي حل لهالموضوووووع شرايك بما انك راعي مكتب مع التركيز على ان البياع صار ياخذ بالسومه من اي مكتب والله انا صار لي سنه وراصد مبلغ اللي قرض واللي مجمعه وفلوسي كاش وطلبي 2000 معقوله الاسعار اللي بالقيروان وشمال الصليبخات وصلت جنون راح نفلس الله يرحم الحال

 

[saalm]

انا مره تكلمت عن مكتب بهذي المنتدي قاموا يتصلوا علي يهددون دير بالك منهم..................

والله بنقول الحق وهذا اللي صاير شوف العروض منتشره واللي بالمجلات الاعلانيه دق واسأل مع ان البياع كاتب ممنوع دخول المكاتب تسأله كم السوم ومن منهو يقول دق مكتب وعطاني سومه المكتب اللي عطاه من راسه والله يا حبيبي *

 

[I T C]

لو يمنعون المكاتب واجد احسن واللي يبي المكاتب يروحلهم بنفسه او يدخل موقعهم وفكونا ..

 

[فريد احمد]

يعني

المكاتب الرسمية والملاك والزبائن

المكاتب غير الرسمية والوسيط الوهمي والسومة من غير شراء

والإدارة إخواني بارك الله فيكم

كل ادارات المكاتب كويتية وعربية

 

[saalm]

كل عام وانتم بالف خير أعاده الله علينا وعليكم بالصحه والعافيه وادعو اخواني بهالمناسبه ان لا يتركوا العبادات والنوافل اجعلوا ايامكم كلها رمضان

 

[lightmoon]

انا مره تكلمت عن مكتب بهذي المنتدي قاموا يتصلوا علي يهددون دير بالك منهم..................

الساكت عن الحق شيطان اخرس 00 اخوى اى قناعه توصل لها تكلم عنها فصوت الحق اقوى وصوت الباطل ضعيف واللى يهدد اعرف انه ماعنده ما عند جدتى

 

[أبوعبدالرحمن1]

((( كنا نعتقد أن المنتدى الملاذ الآمن لبيع وشراء العقارات ولكن أصحاب المكاتب ورانا ورانا )))
**** (((((( رساله وتحذير للي يدور بدل قسيمة بطلب )))))) ****​

[size="5"]الرسالة : يا أصحاب المكاتب وإلى كل من يقرأ هذا الموضوع من الذين يبحثون عن العقار والذين يعرضون في المنتدى يجب علينا أن نخاف الله ونعلم أنه سبحانه يراقبنا وأن وراءنا حساب وأن نعلم أن البركة في البيع أهم من السعر سواء نقص أو زاد
.[/size]
الصدق للأسف بدأنا نفقده في عرضنا للسلع فما يحصل والله يخوف فكثير من المكاتب بدأت برفع الأسعار فتقوم بالاتصال على أصحاب العقارات وتسوم دون وجود شراي يعني إذا السوم واصل 60 ألف صاحب المكتب يسوم من البياع ب 70 و80 و 90 وعادي يشقح ال 100 ويقوله بس كم تبي والناس الشرايه اللي داقه قروض مساكين من يدق على البايع ويسأل يقول أنا سايمها مني أحد المكاتب العقاريه وطيروا السوق علينا وحصل معي مواقف عديده كوني أبحث عن أرض للبدل مع طلب فهل يعقل البدل يتعدى 120 ألف أرض !!!!!!!!!!!!!!!!!!!!!
التحذير : خافو ربكم فسوف يحاسبكم الله ولا تأكلوا أموال الناس بالباطل ترا الشباب الكويتي فوق نطرته 15 سنة وياخذ قرض 70 ألف واللي محوشه 30 ألف يعني 100 هم ما يقدر يشتري وخير مثال شوفو أراضي شمال غرب الصليبخات والقيروان ألخ

شاركونا الرأي وجزاكم الله خير أنا إحترت

والله كلامك عين الصواب

لو يصكرون المكاتب ابرك

الاسعار ماصارت خياليه الا بسبتهم الله المستعان

 

[saalm]

والله كلامك عين الصواب

لو يصكرون المكاتب ابرك

الاسعار ماصارت خياليه الا بسبتهم الله المستعان

تسلم يالغالي والله لو الاخوه المشرفين بالمنتدى ما يسمحون لأي احد بيعرض انه يكتب سومه من احد المكاتب بدون تحديد فيلغون موضوعه والطريقه السليمه انه يعرض والسوم علني كل واحد يحط سومته ونقاله ومني لكم تحيه

 

[فريد احمد]

عيدكم مبارك

 

[ضارب السوق]

تسلم يالغالي والله لو الاخوه المشرفين بالمنتدى ما يسمحون لأي احد بيعرض انه يكتب سومه من احد المكاتب بدون تحديد فيلغون موضوعه والطريقه السليمه انه يعرض والسوم علني كل واحد يحط سومته ونقاله ومني لكم تحيه

وانا معاك انا نفس الشي صار معاي موقف ولما سألت شنو هالمكتب وسومات المكاتب اي كلام لانه سؤال فقط للوصول الى السعر الذي يرغبه البائع هاجموني البياعه بالمنتدى خلها على الله كل واحد يفكر بمصلحته بس عاد مو بالحرام وفعلا اكثرهم وافدين بصراحه حطيت ايدك على الجرح وانا معاك وتسلم عالموضوع فوق الرائع

 

[deem77]

عزيزي الاخ سالم ..جعلك سالم

كلامك صحيح


الشريطية ومكاتبهم ( معظمهم 99%) ..!!

يلعبون في المالك والشراي ..::verymad::!!

نصب في نصب ..::verymad::!!​