اخوي اولا انت ناوي تضارب (تبيع و تشتري) و لا تبي استثمار طويل الاجل ....
في حال الاولى ابعد وخلك بعيد ،،، على الاقل راقب السوق سنتين وبعدها اذا لا تزال ناوي ادخل ،،،
لكن تحتاج الى خلفية في الاسهم مبين انك تفتقدها ،، و لازم نوضح انه الهامور فلان كي يربح مليون دينار لازم الف واحد منا احنا الصغار يخسر الف دينار !!! يعني احتمال الخسارة كبير !!!
اذا تبي تحطهم و تنام عليهم ...ففي اكثر من شركة تستحق الاستثمار منها
1- بيتك -- بنوك
2- الارجان -- عقارية
3- سفن -- صناعة
4- الافكو -- خدمات
5- زين -- خدمات
6- كابلات -- صناعة (سهم ممتاز لكن فيه كلام انه احتمال ينزل في الفترة الياية ،، وهو من الاسهم الغالية)
7- اتصالات -- خدمات (السهم حلو لكن سعره السوقي مرتفع صحيح انه اغلى سهم في السوق لكنه افضل نسبة ارباح كذلك )
الدور عليك انت اخوي تفتر على صفحات هالشركات وفيه غيرهم وايد (لكن انا افضل هذول وما فيه اثنين يجتمعون على راي ) والشركة اللي ترتاح لها توكل على الله وادخل عليها و نصيحة اخيرة اذا حصلت على نصحية شخص اكثر خبر مني فخذها انا في السوق من سنتين بس و الخبرة لا تعوض