شركة الافكو لتمويل شراء وتاجير الطائرات ( الافكو ) ....3

[ADEL ALAZMI]

الله يعز شانك ويرفع مقدارك يالعازمي
دعوتك بالغيب افضل من المدح
انت مو كنت باسمنت
التزم بالتحليل مو ب 168
اخترق مكملين وياه
نزل استخدام الوقف
بالتوفيق

لك نصيب منها يابوفهد انت وكل شخص فيه خير ويخدم اخوانه

 

[السعد محمد]

اليوم تجاوز 168 وبكره نشوف يصمل ولا يرجع

 

[رشاش]

على جميع الركاب ربط الأحزمه

 

[السعد محمد]

على جميع الركاب ربط الأحزمه

ربط الاحزمة بالصعود وبالنزول

 

[رشاش]

ربط الاحزمة بالصعود وبالنزول

ههههههههههه بالصعود باذن الله

 

[السعد محمد]

ههههههههههه بالصعود باذن الله

التاخير بسب تاخر احد الركاب

 

[السعد محمد]

هل انت متوكد بان عبور 168 يودي الى 189
ما فيه محطات بالنص

180

هل مطول ؟؟؟ السهم

 

[mdd]

الاخوه الكرام
لانني احب انهي مابداته
واغلب الاسهم جابت اهدافها
ولكي ترتاح النفوس
راح اغيب اسبوعين مسافر ان شاء الله

بالنسبه لالافكو
موجه الصعود الثانيه من 156 وحددنا هدفها بين 168-172 ثم ظهر احد الاهداف 176
السهم يومين يلامس 171 وبالتالي جاب هدف الموجه

وكذلك نبهنا مسبقا وذكرنا ان منطقة 168 هي منطقه مهمه لفتح الاهداف العاليه وكلنا شفنا هذا الشي

ولانني لن اتابع او احدث التحليل

فكل شخص مسؤول عن قراره وهناك محللين بالمنتدى كثر ومشهود لهم بالعلم والنزاهه فاسئلوهم

الوقف سابقا كان 156
نصيحتي ارفع الوقف في حالة النزول للمحافظه على الارباح

في امان الله ونلتقيكم على خير

 

[السعد محمد]

الاخوه الكرام
لانني احب انهي مابداته
واغلب الاسهم جابت اهدافها
ولكي ترتاح النفوس
راح اغيب اسبوعين مسافر ان شاء الله

بالنسبه لالافكو
موجه الصعود الثانيه من 156 وحددنا هدفها بين 168-172 ثم ظهر احد الاهداف 176
السهم يومين يلامس 171 وبالتالي جاب هدف الموجه

وكذلك نبهنا مسبقا وذكرنا ان منطقة 168 هي منطقه مهمه لفتح الاهداف العاليه وكلنا شفنا هذا الشي

ولانني لن اتابع او احدث التحليل

فكل شخص مسؤول عن قراره وهناك محللين بالمنتدى كثر ومشهود لهم بالعلم والنزاهه فاسئلوهم

الوقف سابقا كان 156
نصيحتي ارفع الوقف في حالة النزول للمحافظه على الارباح

في امان الله ونلتقيكم على خير

الدولة اللي رايح لها ما فيها نت
ادخل اي وقت اكتب رايك
ولا ترد على احد ... متى ما شعرت بان الرد ليس له اهمية
ولا تدافع عن رايك
قول اللي خسر بسبب توصياتي
منو قاله يشتري
المهم لا تتوقف عن الكتابه ولا ترد على لباس العمامه

 

[ADEL ALAZMI]

بحفظ الله يابوفهد وترجع بالسلامه

 

[البحر الميت]

الله كريم

 

[حمـش]

تابعوا هالسيناريو
ولا داعي للهلع
تصحيح لملامسة الرقم 155
ومن ثم الإرتداد إن شاء الله

والله تعالى أعلم
​

هل هناك فخ يحاك ..؟
​

أنا لمحت لك بموجة صاعدة
ولمحت لك بفخ يحاك
حتى تنتبه ولا تنجرف وراء الخزعبلات
ولا يلعب عليكم ويغررك بالسهم
بوابة العبور وخرابيط
شوية منطق يا عالم
تعتقد بأني أناقض نفسي
وتعتقد بأني اكسر بالسهم
أنا عارف مسار السهم أكثر من أسمي
​

 

[حمـش]

وأنا أحب أنهي ما بدأته


أنا ملتزم معكم وما أغيّر تحليلي كل يوم حسب حركة السهم

أرجع وأذكركم بالتحدي وشوف المشاركات بعينك شلون يلحق السهم وغيّر تحليله 180 درجة بعد ارتداد السهم من منطقة 148 القريبة من منطقتي 146 واعترف بنفسه بأنه ما نجح (فشل) في تحليل السهم

هذا هو التحدي

يصر على عدم وجود موجة صاعدة

يغير بالأرقام على كيفه حسب حركة السهم
152- 154-153

كل يوم رقم جديد

ولا زال يصر

ولا زال يصر

أنا عند كلمتي ..؟

ما عرفنا الخروج بكسر 154 ولا بكسر 151 ..؟
كل يوم رقم
وشلون يعني تحت 151 نفاذ لكسر 154 ..؟
متمسك بأمل وقاعد يتلاعب فيكم

ولا زال يصر

​

 

[حمـش]

ولا زال يصر

أوووووخ
خروج ودخول
احنا بنلعب

وأنا بعد كنت حاس
كسرت خاطري حطيت لك اعجاب
إلى هنا أنا الربحان في هذا التحدي

وهذه فوق البيعه
خلاص وخر عن السهم ولا تسوي فيها بطل

دخول وخروج
وخروج ودخول
ضايع



​

 

[حمـش]

أنا كنت ألفت نظرك للسهم قبل صعوده وأنبهك بتصحيح قادم لو حبيت الخروج وأقولك لا داعي للهلع

وحتى لا تعتقد بأن السهم راح يطير بخلاف على إللي قاعد يلمع لك ويغرّرك فيه في مناطق حرجة ويوهمك بأهداف عالية

لأني أدري بأن أغلبيتكم متداول عادي ليس بمضارب يومي أو حتى أسبوعي

السهم لازال في بطنه تصحيح قبل الإقلاع إن شاء الله

لا يقزرها عليكم ويسوي فيها فاهم اتجاه السهم ويصيدك فوق

يغشك ويقول لك أنا حطيت لك وقف خسارة بعد ما تخسر الربح ورأس مالك
​

 

[حمـش]

يعدي مع شوية تغرير بالطبخة ..؟

أقفل يوم الأربعاء الماضي على 170 والخميس على 168
عدى 168 وكملنا وياه
وين الأهداف العالية ..؟
أرفع وقف الخسارة في حالة النزول ..!
شلون والأهداف العالية ..؟
راحت أدراج الرياح

ما أنهيت الأهداف العالية ..؟

الرقم 168 منطقة ولا رقم ..؟
أي قطعة ..؟

قطكم على المحللين
المهم رفعتوا الوقف للمحافظة على الأرباح


يعني السهم ما منه فايدة خلاص
​

 

[mdd]

من ربوع الطبيعه والجمال
نرسل تحيات واشواق

مضحك يونس
يكذب الكذبه ويصدقها
ينيه عند 160 تصحيح والسهم يروح 171
ويلمح موجه 157 وخروج 160 هههه 3 فلوس خوش موجه صاعده

وكان بيفرم 168 في حين كنا ننبه عن اهمية هذي المنطقه كمقاومه وانها هي اللي تفتح الاهداف

زعلان اني اقول ارفع الوقف للمحافظه على الربح (متعود يدخلهم الطوفه )

بس مالومه
شكله توهق بموجة اعيان العملاقه ههههههه
والا بدبي رجع اليوم متحمس وعطاهم هدف 50 والسهم هف فيهم الى 38

توهق قال خل اجي احط الحره بالافكو وابعد الشبهه
خير وسيله للدفاع الهجوم ههههههه

لاتخاف محد يعتب عليك بدبي
السوق كله نازل وعارفين ليش نازل

 

[حمـش]

ههههه
المهم أنا الربحان

نبهت عشان مايصيدونهم ويصرفون عليهم
أهداف عالية وبوابة العبور هاااا ..؟
كبس


بعدين راح أفرمها لك إن شاء الله
انطر بس
الدخول يكون في مناطق صحيحة
ارفع ارفع الوقف وأنا خلني أشتري
​

 

[بيانو6]

الاخوان الغالين مو بس على وأجزم انكم غالين على أعضاء المنتدى جميعا
ابوفهد وابوأحمد
هدوا الرمى شوى بينكم أخوانكم بالمنتدى ما يبون يخسرون احد فيكم
بوفهد يكتب اللى شايفه وبواحمد يكتب اللى شايفه
واتركو الباقى للمتابع من يقتنع بتحليل اى أحد فيكم ياخذ فيه او يتركه
فطالبكم انكم لا تزيدون النار حطب
للعلم اول مره اطلب من اعضاء او اطلبهم هذا الطلب لو منتم غالين عندى ما كتبت هذى المشاركه

 

[mutadawil_22]

الاخوان الغالين مو بس على وأجزم انكم غالين على أعضاء المنتدى جميعا
ابوفهد وابوأحمد
هدوا الرمى شوى بينكم أخوانكم بالمنتدى ما يبون يخسرون احد فيكم
بوفهد يكتب اللى شايفه وبواحمد يكتب اللى شايفه
واتركو الباقى للمتابع من يقتنع بتحليل اى أحد فيكم ياخذ فيه او يتركه
فطالبكم انكم لا تزيدون النار حطب
للعلم اول مره اطلب من اعضاء او اطلبهم هذا الطلب لو منتم غالين عندى ما كتبت هذى المشاركه

وانا اضم صوتي لصوت بوعبدالعزيز ماله داعي اللي يصير بينكم وانتم اكبر من هالامور