ِAmeriTrade :: كـل ما يتعلق بالوسيط الأمريكي (( أميريتريد ))

[لحظة]

اللي صار انهم اخذوا منك ضرائب على السنوات السابقة راسلهم وشوف شنو يقولولك

والاوبشن شفت احد الاخوان يقول ليفل 2

والله اعلم يا ليتك تتأكد خوي اكثر وبالتوفيق ان شاء الله

 

[احمد الانصاري]

مشكور اخوي لحظة ماقصرت وانا فعلا دزيت لهم مسج وناطر ردهم الله لايردهم
ودام انك شفت احد الاخوان يقول ليفل2 فنعلنها لبفل 2 هي خاربه خاربه معاهم بطوا جبدي .
وانشالله نبدي معاكم بالاوبشن عالاسبوع الجاي يمكن ينفك الحصار عن الحساب بدعواتكم وموفقين

 

[لحظة]

الله يوفقك خوي والشكر لله وحده

بلغنا لما يردوا وش راح يصير معاك

 

[صاعد نازل]

السلام عليكم

نفس ظروفى .. انقطعت عن التداول واطلبوا منى w-8ben ، عبيته ودزيته لهم ، وماتغير شى !! ولما استفسرت قالوا ما وصل ، رحت سويت نموذج ثانى ودزيته .. وماتغير شىء !! وهم قالوا ما وصل ، اهنى عصبت ::verymad:: فقلت لهم اذا ما فتحتوا حسابى خلال 24 ساعه راح احول لوسيط اخر ... ( دائما استخدم هالكلمه السحريه ) هى ال 24 ساعه ورجع كل شى تمام وما ادرى اذا وصل النموذج ول لا .. ورساله منهم كلها sorrrry

الشى الثانى وكونك انقطعت .. فالقوانين تشددت الان بالنسبه للتحويل .. اي يجب عليك انك تحول من حسابك بالبنك وماتحول من شركات الصرافه .. ول تنتدره على ما يفكون الحجز عن فلوسك .

بالنسبه للأوبشن ما اعرف عنه شىء

وموفق خير ان شاء الله .

 

[nassai19]

يا جماعه نصيحه اي واحد يبي يرسل اوراق رسميه يرسل عن طريق ups غالين شوي بس ما يقدر لا اميرتريد ولا غيره يقول ما وصلت لان كل شي موثق لا تقول بدور ارخص وترجع ترسل مرتين باكثر من قيمة ups

 

[احمد الانصاري]

السلام عليكم جميعا جزاكم الله خير الجزاء
اخوي لحظة الله يوفقك انشالله وبخبرك شنو يصير معاي احتمال احد من الاعضاء تصير معاه نفس شغلتي ويكون بالصورة

اخوي صاعد نازل مشكور على مرورك وبالنسبه لتحويل الفلوس من الصرافه للاميريتريد ماكانت مشكله بالعكس انا حولت من المزيني الصبح ونفس اليوم وصلت الفلوس تقريبا عالوحده الفجر بعد ماسكر السوق.. بخصوص كلمتك السحريه انا بستخدمها معاهم بعد 3 ايام اذا ماصار شي عالاقل انطر البريد يوصلهم ...

اخوي نساي19 الله يعطيك العافيه على النصيحة وانا بيني وبينك دزيت البريد عن طريق ارامكس ماكلفني 3 دنانير ونص الله يديم الرخص وقالي 3 ايام يوصل البريد ومسجل طبعا قبلها رحت حق الدي اتش ال قالي 32 دينار عاد كلها 3 اوراق لو بدز ثلاجه احتمال بياخذون مني 3200 دينار عاد هني يبيله اوبشن بو عشر عقود يالله يمدي معاك

 

[صاعد نازل]

اخوى احمد ... الان بطل العجب !!

مدام عن طريق " ارامكس " ابشر بالخير .. راح يوصل ان شاء الله لكن بعد مو اقل من عشرة ايام واسأل مجرب .

تدرى احسن بريد مقارنة بالتكلفه وما هو بالعين شى ؟!!
اهو بريد الحكومه .. روح وسو شغلك عندهم واطلب ان يرسل بالبريد الممتاز .. يومين ثلاثه الا اهو واصل .. و على حسب ما اذكر ان يكلفك بحدود سته او سبعه دنانير .

 

[رغد]

انا حصل معي نفس المشكله وارسلت لهم ايميل من موقعهم وقلت لهم انا اجنبيه واعيش خارج امريكا فكيف تحسبون علي ضريبه ؟ بعد كم يوم لقيتهم مرجعين الضريبه اللي اخذوها لحسابي .

 

[aliii]

بالنسبة للفل حط لفل 2 بس اهم راح يعطونك لفل 1

صارت معاي قبل يوم

.

 

[AboSaleh]

السلام عليكم ورحمة الله وبركاته

اخي العزيز احمد الانصاري

ارسل نموذج الـ W-8BEN فقط وبدون صور الجواز عن طريق البريد وليس الفاكس ، وعندك الـ Fedex او الفيداكس تقريبا 16 دينار وتقدر تتابع رسالتك حتى وصولها وتحصل على توقيع الشخص اللى استلم الرساله وعموما يتم تجديد هذا النموذج كل ثلاث سنوات تقريبا ،

اما الاوبشن فاختار Level 2 واعتقد ان هناك نموذج لازم تعبيه على ما اعتقد وليس متأكد , وارجو ان لا اكون قد تأخرت عليك بالاجابه

 

[احمد الانصاري]

السلاك عليكم
مشكور اخوي علي على اهتمامك وانا كنت طالب لفل1 من كم يوم ووافقوا بس غيرته امس الى لفل2 وخنشوف شنو يحصل ويانا

الاخ بو صالح اشكرك على معلومتك وفعلا انا صارلنا كم سنه مادري عنهم والظاهر ان على دخلتي معاهم هالسنة انتهى كل شي معاهم شكلهم قالوا من وين طلعنا هذا مايتوب من الخساير

 

[aboyousef]

عندي معلق من امس هل السبب عندي ام عام لعملاء امرتريد
وشكرا

 

[رغد]

شغاله يابويوسف

 

[صاعد نازل]

اخوى ما ادرى شتقصد فى الشاشه

لكن ليش ما تستخدم برنامج ميدفيد وتحصل فيه كل شى ؟!

 

[aboyousef]

شكرا رغد
شكرا صاعد نازل
الله يعطيكم العافيه
اشتغلت عندي
اعدت النظام لنقطه سابقه
صار الخلل عندي
شكرااااااااااااااااااا

 

[استثماري2000]

عندي معلق من امس هل السبب عندي ام عام لعملاء امرتريد
وشكرا

تحتاج الى اعادة تنصيب برنامج الجافا

والله اعلم

 

[aboyousef]

تحتاج الى اعادة تنصيب برنامج الجافا

والله اعلم

الله يعطيك العافيه ويحفظك

 

[nasdaq96]

اخواني الاعضاء وبالاخص عملاء etrade and TD AMERITRADE يستطيعون الاجابة . من ناحية العمولة والسرعة والمعاملة وضمانة تحويل المبلغ وسحبه . ايهم صاحب ستريمر افضل وشكرااااااااااااااااااا

 

[aliii]

Td ameritrade يمتاز من ناحيه قيمة سهمه مرتفع في السوق وليس قريب الدولار

E*Trade يمتاز بوجود مكتب لهم في دبي وموظفين عرب ... ممتاز عند الازمات والاستفسارات

اما بالنسبة للامور الاخرى التي ذكرتها فهما متشابهان مع الشركتين لا فرق


.





.

 

[fesalll]

الاميتريد عموله الاوبشن اقل وعموله الشراء 9.99 والبيع 9.99
الايتريد اشوي مرنين ومتساهلين اكثر من الاميتريد ولهم فرع بدبي لعملاء الشرق الاوسط والعموله نفس الاميتريد