المستحيل
عضو نشط
- التسجيل
- 19 نوفمبر 2005
- المشاركات
- 1,962
-------------------------------------------------------------------------------------------
السلام عليكم ورحمة الله وصبحكم الله بالخير جميعا
ويبارك فيك ان شاء الله
شوف أخوي المستحيل ، أنا فهمت الحين معنى تكرارك السؤال بأنه فنيا حده 53 !
انت طبعا تبي صانع السوق او المضاربين يكسرون هذا الكلام عناداً في أبو عمر وغير ابو عمر وفي التحليل الفني عموماً ويرفعون السهم علشان تستفيد
ما يخالف أسلوب مشروع وذكي ومن حقك وما ألومك عليه
اخواني الأعزاء
المحلل يمشي مع التحليل الفني من مؤشرات وترندات ونماذج فنيه ويبني نظرته للسهم هذا وغيره عليها ،، ولكن ..
لكن صانع سوق هذا السهم أو مجموعة المضاربين اللي داخلين على السهم يهمهم ضرب التحليل الفني علشان الناس تفقد الثقه فيه ، وهذا الأمر ليس بالشيء الصعب في سوقنا اللي يتحكم فيه مجموعة من المضاربين والتجار . مسأله ترند شهري واختراق ومؤشرات هذي ما تعني لهم شئ !
يعني شنو يشيل مثل هذولا أو حتى واحد منهم 10 ملايين سهم تمويل خليجي على سعر 50 فلس بتكلفه 500 الف دينار ! طبعا مبلغ تافه بالنسبه لهم أو لاي واحد منهم !
ولذلك أنا لا أستبعد أن يقوم هؤلاء برفع السهم واختراق الترند الشهري ( حاليا عند 53 ) ورفع السهم الى 54 ، 55 ، 57 ، 59 وبعدها يقومون بالتصريف ! ، لا اقول ان هذا سيتم ولكن هذا احتمال وارد ، ومثل ما قلت نصيحه لأحد الاخوان سابقا " اقضب سهمك ولا تبيع بخساره ، ان ما صعد الحين بيصعد بعدين ان شاء الله وان هبط لاحقاً ممكن تبرد عليه " .
ونأجل موضوع هبوطه الى الثلاثينات الحين في حال اخترق الترند الشهري الا اذا عاود النزول تحته مره ثانيه .
هذا السهم حاليا وهذا الترند الشهري وهذي المؤشرات على اليومي ،، والقرار بالبيع والشراء قرارك
، وانا أخلي مسؤوليتي من الموضوع هذا ، أنا فقط أحلل السهم فنيا ومن وجهة نظري .والله اعلم
مشاهدة المرفق 219856مشاهدة المرفق 219857[/quote]
يالله صباح خير
والله ماقصدت اللي تفضلت فيه ولا خطر في بالي
ولكن دام هذا تفسيرك يابو عمر انت عندك مشكله في فن التعامل مع الآخرين
شنو ابيهم يصعدونه غصب عنك شنو هالكلام !
ياخوي شفيك غيرت رايك الحين امس تقول راح تشوفونه بالثلاثينات والحين عطيت احتمال نوصل لل ٥٩
