التداول اليومي لعام 2023 لجميع الأسهم ⛈☔️

[الزير 2020]

تو الناس ياراعي الهوا .... تو الناس

فيها سقوط من جبل

 

[شرفنطح]

يقول من عدا على راس عالي

رجمن طويلن يدهله كل قرناس


في راس مرجومن عسير المنال

تلعب به الارياح مع كل نسناس

 

[ساروق الحديد]

قال احد النجاده من القصيم في الأربعينات:

ثلث المكده حطها في بعارين
وثلث تخرج منه واضبط حسابه
والثلث الآخر صك دونه كوالين
يجري علي المخلوق شي ما هقا به

وسلامتك يا شرفنطح

 

[ساروق الحديد]

يقول من عدا على راس عالي

رجمن طويلن يدهله كل قرناس


في راس مرجومن عسير المنال

تلعب به الارياح مع كل نسناس

كأن الي قالها احمد السديري اذا ماني غلطان

 

[بيانو6]

هناك مثل ايطالي يقول:

BUY WHEN THEY CRY

شرينا اليوم بكامل المحفظة

حملنا اليوم باقي 6 دنانير بالمحفظه

 

[بيانو6]

متابعة موفقة يا بوعبدالعزيز ، والكاش ينتظر والله الموفق .​

الله يكتب اللي فيه خير بوراشد

 

[بيانو6]

فيه واحد قال لخويه بصير أسد شلون قاله خويه
غمض عيونك وتخيل انك اسد قاله هااا
وش شفت قال شفت نفسي اسد قاله افتح عيونك
والحين شنو تشوف قال هذا انا نفس الشيء لا اسد
ولا بطيخ هذا حال بعض المحللين لا صار السوق احمر
يختفون

صفحات المنتدي هاديه اليوم نامو بعد تغميضة
العيون

 

[بيانو6]

جي اف تمويل الخليج
دعم 78،7 مع اني ما احب احط الكسور 78 افضل
كسره يروح 76 مقاومه 84 هدف 94 دخوله
لخانة ال100 هدف ثاني 102 و112

كثر التطبيل علي السهم هذا وصل النقطه 78
والان 78،5 كسر 78 يروح 76 واكثر تحت

 

[Bursa2016]

تفكير بصوت عال ومبكر
بنك بوبيان واسدال الستار
مشاركه ب شهر 2 /2023 كان يتداول وقتها ب 750 فلس

بنك بوبيان (بنك بوبيان) ... 6

هيئة أسواق المال - إعلان عن صدور قرار مجلس تأديب رقم (2022/100 مجلس تأديب) (2022/119 هيئة) بتوقيع عقوبة الغرامة ضد: فراس عدنان توفيق قدومي – مساعد مدير عام بنك بوبيان لمخالفته قواعد الإفصاح والشفافية. للأسباب التالية: 1- حكم البند (1) من المادة (3– 4– 1) من الكتاب العاشر (الإفصاح والشفافية)...

www.indexsignal.com

والان والله اعلم الجوله الثانيه الى 520-550

الشريحه المستهدفه بالمشاركه : من يريد الاستثمار او التبريد بالاسعار الحاليه عليه ان يتحلى بالصبر ليغتنم البنك بسعر افضل

 

[Brook]

شنو صاير ردت كورونا؟

 

[بيانو6]

الساحل
بعد تحقيق الهدف الاول 82 يتداول الان 89،1
باقي 3 فلوس علي الهدف الثاني 92

الساحل
راكب طراد 24 قدم حقق الهدف الثاني 92
الهدف الثالث 102 يتداول علي 94 حاليا
دعم 91

 

[بوقاسم]

أرزان
اخترق المقاومه 170 بصاروخ ارض جو وحقق
الهدف 178

السلام عليكم بوعزوز شنو اهداف ارزان بعد ال178

 

[شرفنطح]

كأن الي قالها احمد السديري اذا ماني غلطان

حشاك الغلط يالغالي
نعم اللي قالها الشيخ محمد السديري

 

[بيانو6]

السلام عليكم بوعزوز شنو اهداف ارزان بعد ال178

وعليك السلام بوقاسم
ال178 صعبه جدا علي السهم لازم السهم ياخذ
استراحه ان طافها اتوقع بين 182 183

 

[شرفنطح]

قال احد النجاده من القصيم في الأربعينات:

ثلث المكده حطها في بعارين
وثلث تخرج منه واضبط حسابه
والثلث الآخر صك دونه كوالين
يجري علي المخلوق شي ما هقا به

وسلامتك يا شرفنطح

الله يسلمك ويسلم من قال هذه الدرر

كلام الاوليين كله حكم ومواعظ ونتاج خبرة وتعب سنين

 

[بيانو6]

الساحل
راكب طراد 24 قدم حقق الهدف الثاني 92
الهدف الثالث 102 يتداول علي 94 حاليا
دعم 91

هووووبا الساحل
حقق هدفين بجلسه وحده 92 و102

 

[شرفنطح]

حملنا اليوم باقي 6 دنانير بالمحفظه

موفق خير يا بو العز

الامور طبيعية ولكن ربعنا لهم اجندة خاصة بمشون عليها

 

[بيانو6]

هووووبا الساحل
حقق هدفين بجلسه وحده 92 و102

مقاومه 103 هدف رابع 123
الفرق 20 فلس

 

[شرفنطح]

انا من اشوف هذا المذيع اعرف ان السوق اليوم هابط

يخوي قبسه........ ما ارتاح له والله

 

[بيانو6]

موفق خير يا بو العز

الامور طبيعية ولكن ربعنا لهم اجندة خاصة بمشون عليها

الله يجزاك خير والله يكفينا شرهم
صارت الاسهم ميد مدهون بتمر هندي