مع احترامي لك ليش يعني خليتنا أمام أمرين لاثالث لها؟؟!! ... وليش دايم يكون التفاضل بين امرين كلاهما سئ ... اسقاط القروض على المواطنين بهالطريقه أمر سئ خاصة لما فئه تنظلم ... وعلى كلام كل اقتصادينا مضر جدا جدا ، وحتى لو سألت اقتصادي العالم كله راح يقولونلك نفس الشي
أما المساعدات فهي مصيبة المصايب وما تحتاج لتعليق
يبه لا هذي ولاذيك ... مشكلتنا ان ما نعرف نحل الامور نروح نتفرع بمشاكل ثانيه ونقول نبي نعالج الوضع
هذا رايي ولك تحياتي
اخي العزيز حبيت اعلق على كلامك ليش حطيت امرين لا ثالث
لهم والسبب انه هذا الواقع اللي عايشينه بديرتنا يعني موضوع
التبرعات هذه مستحيل توقف بالتالي ليش ما يكون لي ولك او لولد عمي
وولد عمك نصيب من هالتركه وبعدين اذا تبي رايي وراي العقل
انا عندي قرض بس والله اني مو حاب يصير لا الاختيار الاول ولا الثاني
انا ابي اختيار واحد وبس ولا ابي له اي بديل وشرط انه كل كويتي
يحب هالديره بيوافق عليه الا وهو .......
انه لا يطيحون قروض اهل الديره ولا يتبرعون لاي دولة ويقلبون ديرتنا
عالاقل نص دبي بالترتيب والسياحه والنظافه والقوانين اللي تطبق
عالصغير والكبير وغيره ماني شي ولكن الوضع الحالي يقول فلوس
ديرتنا بره وعيال الديره تحت رحمة البنوك وفوق هذا وذاك لا شوارع
مثل البشر كل يوم جامه مكسوره و بلاوي الفحص المصري والبنغالي
يوقعون سياراتهم موديلات تحت 1980 وحنا يناجرونا على اتفه الاسباب
واماكن سياحيه صفر وغيره وغيره وغيره ولعب التجار بالاسعار من دون رقابة