صحــــــــــوة نــــــــزول !!!؟؟؟؟؟

التسجيل
24 يوليو 2006
المشاركات
3,046
الإعجابات
1
الإقامة
قلب امــــي
#1
السلام عليكم


ياجماعه اللي بقوله مجرد قصه او حادثه جرت ،، عاد ماابي كل من يجي يفتح ملفه ويحقق ،، ويستلمني حدّد اجابتك ،، ياابيض يااسود
واتعقد من بعد الموضوع انا
لا هذا كلّه ممنوع

وانا بقول السالفه عشان محد يقول ليش ماقلت ويتشره


المهم ماابي اطوّل عليكم

،،،،،،،

عندي صديق قاعد باحدى الدوانيات العريقه بالكويت
يقول كان يمّي شخص اعرفه صاحب مشاريع وتجاره
وقمت اسولف وياه عن البورصه وخسايرها وصراحه صرت اشكيله
فلوسي راحت ماراحت ..
قالي تروح باجر حق فلان ولد فلان بالبورصه ،، منصبه كذا تلقاه بالدور كذا
وتقوله انا دازني عليك فلان واهو يضبط كل امورك
يقول ،، قلت له اكيد
قال ولله اكيد انت روح وماعليك

،،
اليوم الثاني كشخ صاحبي وراح حق الشخص هذا
وصراحه ماقصّر وطبعا هذا الحجي يوم الاثنين اللي طاف
قاله روح طب وتخير واشتر ماتبي ولاتخاف الايام الجايه فيها ارتفاع
لكن ماهو ارتداد ،، مجرّد ايام معدوده
واذا في شي انا بنبهك قبلها
وعطاه توصيه على كم سهم ومشى صاحبنا
(( طبعا راح تقولون ليش ماقلت من زمان ،،؟
ترا صاحبي ماقالي السالفه إلا امس ،، يقول خفت لا يكون كلامه مو صحيح ،، قلت اجربه واتاكد واقولك ، لان يدري فيني انا ، ماابيت سهم ، وجدا حذر من السوق )))

الزبده

اليوم اتصل علي صاحبي ،، وتو الحين ولله
يقولي شاري شي قلت ايه
قالي خلّك حذر وضارب بس
الرجال اللي كلمتك عنّه يقول هذي يسمونها

((((( صحوة نزوووووووووول )))))

واحتمال كبير ينزل نزول قوي بأي وقت بالايام القادمه




عاد صج جذب سالفة صحوة نزوووول ،، ماادري صراحه
لكن انا اقولها للعلم واخذ الحذر ،،
وان الواحد مايطمع بالاجل الخ الخ الخ
من باجر يبدأ مايبيّت سهم عنده
ويشتغل مضاربه افضل

والسلام عليكم ورحمة الله وبركاته
 
التسجيل
17 سبتمبر 2006
المشاركات
46
الإعجابات
0
#2
جزاك الله خير على حرصك على إفادة اخوانك والعهدة على الراوي وأتمنى أن تكون صحوة صعود لا نزول والسلام ختام
 
التسجيل
24 يوليو 2006
المشاركات
3,046
الإعجابات
1
الإقامة
قلب امــــي
#3
واياك اخي الكريم

بارك الله فيك

وانا كذلك اتمنى ان تكون وتكون وتكون
 
التسجيل
30 نوفمبر 2005
المشاركات
536
الإعجابات
0
#4
و آنا بعد وياكم

نعم صحوة نزول

و الحذر واجب

و هذي ايام المضارب المحترف

يعني اللي ماعنده خبرة لا يغامر ثم يعض اصابع الندم
 
التسجيل
24 يوليو 2006
المشاركات
3,046
الإعجابات
1
الإقامة
قلب امــــي
#5
و آنا بعد وياكم

نعم صحوة نزول

و الحذر واجب

و هذي ايام المضارب المحترف

يعني اللي ماعنده خبرة لا يغامر ثم يعض اصابع الندم
صدقت اخوي وبالذات اللي صار اليوم
لعب وتصريف وتكفّخ
خلّو العالم ماتدري شتسوي


الله يستر من اللي جاي
 
التسجيل
17 يونيو 2006
المشاركات
451
الإعجابات
0
#6
صدقت اخوي وبالذات اللي صار اليوم
لعب وتصريف وتكفّخ
خلّو العالم ماتدري شتسوي


الله يستر من اللي جاي

اللي صار اليوم خض بطون و دفاشه.....ما عندهم وقت.

اسبوع وتلقى السوق غير.
 
أعلى