جاد جدا
عضو نشط
- التسجيل
- 29 مايو 2006
- المشاركات
- 340
بدأت التعامل بالاسهم في منتصف العام 2002 كان المؤشر ايامها 2000 نقطه وطلعت من السوق في بداية العام الحالي والمؤشر 11 الف نقطه وطلعت من المولد بلا حمص
الحمدالله عالعافيه
كنت في البدايه اعتمد على واحد من الربع الله يسامحه مادري كان متعمد يخسرني او انه ما يعرف يشرح و ورطني
المهم صرت اعتمد على نفسي وتحليلات الجرايد ومراقبة السوق وكنت اربح واخسر وكل مره احاول اغير طريقتي في العمل ،
دخلت المنتديات واستفدت منها وربحت ورديت اخسر مره ثانية ،
استشرت ناس خبره وماكو فايده
وكل مره كنت اخسر ينقص راس مالي وادش براس مال جديد وتتكرر العملية الى ان طلعت مجبور من البورصة.
حاولت اعرف الاسباب ما قدرت جربت كل الطرق تنجح شوي وتفشل شوي
كنت ايامها مشغول ببناء البيت وهذا كان السبب الرئيسي لدخولي البورصة عشان اربح واكمل بنيان البيت لكن لا طبنا ولا غدا الشر ،
الفلوس راحت والبيت وقف
كنت ايامها مقصر وايد وايد مع الوالد والوالده
بسبب الدوام والعيال والبورصة والبنيان ما كنت الاقي وقت امرهم يمكن مره بالشهر ازورهم
لكني ما كنت ادري ان هذا سبب خسايري في البورصه
ما اطول عليكم السالفه لما فضيت ولما وقفت القسيمة وبطلت الاسهم صار عندي وقت فراغ صرت ازور الوالده والوالد كل يوم تقريبا ويسالوني عن البيت شخبار البنيان وكنت اقولهم ان فلوسي خلصت والبيت وقف وكل مره الوالده تدعولي بالتوفيق والسكن
يمكن ما تصدقون يا اخواني بفضل الله ثم بدعوات الوالده بعد تسع شهور بالضبط سكنت البيت لا تسألون شلون انا نفسي مو عارف من وين جات الفلوس وكملت البيت واثثته وسكنت ما ادري شلون ،
لكني لو كنت ادري حذي جان مداوم عندهم من اول يوم دخلت فيه البورصة
آسف اذا طولت عليكم
الحمدالله عالعافيه
كنت في البدايه اعتمد على واحد من الربع الله يسامحه مادري كان متعمد يخسرني او انه ما يعرف يشرح و ورطني
المهم صرت اعتمد على نفسي وتحليلات الجرايد ومراقبة السوق وكنت اربح واخسر وكل مره احاول اغير طريقتي في العمل ،
دخلت المنتديات واستفدت منها وربحت ورديت اخسر مره ثانية ،
استشرت ناس خبره وماكو فايده
وكل مره كنت اخسر ينقص راس مالي وادش براس مال جديد وتتكرر العملية الى ان طلعت مجبور من البورصة.
حاولت اعرف الاسباب ما قدرت جربت كل الطرق تنجح شوي وتفشل شوي
كنت ايامها مشغول ببناء البيت وهذا كان السبب الرئيسي لدخولي البورصة عشان اربح واكمل بنيان البيت لكن لا طبنا ولا غدا الشر ،
الفلوس راحت والبيت وقف
كنت ايامها مقصر وايد وايد مع الوالد والوالده
بسبب الدوام والعيال والبورصة والبنيان ما كنت الاقي وقت امرهم يمكن مره بالشهر ازورهم
لكني ما كنت ادري ان هذا سبب خسايري في البورصه
ما اطول عليكم السالفه لما فضيت ولما وقفت القسيمة وبطلت الاسهم صار عندي وقت فراغ صرت ازور الوالده والوالد كل يوم تقريبا ويسالوني عن البيت شخبار البنيان وكنت اقولهم ان فلوسي خلصت والبيت وقف وكل مره الوالده تدعولي بالتوفيق والسكن
يمكن ما تصدقون يا اخواني بفضل الله ثم بدعوات الوالده بعد تسع شهور بالضبط سكنت البيت لا تسألون شلون انا نفسي مو عارف من وين جات الفلوس وكملت البيت واثثته وسكنت ما ادري شلون ،
لكني لو كنت ادري حذي جان مداوم عندهم من اول يوم دخلت فيه البورصة
آسف اذا طولت عليكم