Master-Leo توصيات + تحاليل + مضاربات

[Master-Leo]

أخوي ليو ما عليك أمر ... معادن و تعمير الكويت و الصفاة
يعطيك العافية

معادن : دعم 680-660 اذا نزل عنهم فالدعم التالي 610 أما المقاومه حاليا فهي 740-750 والمؤشرات سلبية وبدت تظهر المبالغه في البيع والله أعلم

الصفاة : تم تحليله موجود بنفس الصفحه

تعمير الكويت : شنو هالشركة عندنا شركة بهالاسم جم رقمها ؟

اذا تقصد تعمير ك تم تحليلها بنفس الصفحه

 

[Gray-Matter]

ماستر ...
المباراة الساعه 11

منقولة على الجزيرة 2+


تحياتي ....

 

[Master-Leo]

ماستر ...
المباراة الساعه 11

منقولة على الجزيرة 2+


تحياتي ....

الساعه 11 !!!!!! لا يبا الساعه 11 انا في ثالث نومه باجر بلغني بالنتيجه ولا أقولك...

انا عارفها من الحين بقولك اياها 2-1 حق الرياييل فلا اتعب نفسك وتشوفها

 

[Gray-Matter]

الله يسمع منك ...


مني لك اليوم الريال حد اعلى ...

4-1


تحياتي ....

 

[بوزييز]

لا لا لا مستحيل ماتقدرون على فالنسيا اتوقعها تعادل او خساره حق الريال 2/1
وباجر السوق خضر ان شاء الله على حسب توقعاتي مع ان باجر الخميس وجني ارباح

 

[Master-Leo]

لا لا لا مستحيل ماتقدرون على فالنسيا اتوقعها تعادل او خساره حق الريال 2/1
وباجر السوق خضر ان شاء الله على حسب توقعاتي مع ان باجر الخميس وجني ارباح

أنا اتوقع ان توقعك الأول وتوقعك الثاني ماراح يخلي بقية الأعضاء يتوقعون

نفس توقعاتك وحسب ما أتوقع ان كل هذي توقعات في توقعات يعني

مالها أي أساس من الصحه تبقى تصب في خانة التوقعات فأتوقع انك لازم

تسحب توقعاتك قبل لا أتوقع ان سهمك ينزل حد أدنى باجر

صدعت راسك بكلمة توقع كل هذا عشان اتحرم مره ثانيه تقول الرياييل بيخسرون

 

[الطير القطامي]

_ قوه شباب
ومادمنا بخانة التوقعات اتوقع السوق باجر احمر
والسؤال اللي بساله وين تتوقعون راح يكون القاع____ بالنسبه لي اتمنى يكون عند 12,540 مو اكثر,,, وينتهي اللي قاعد يصير سوء كان تصحيح او شي ثاني

 

[الفنان2006]

يعطيك العافية اخوي ماستر ليو

اذا امكن تحليل سهم الصخور السهم نازل من 540 هل هناك مبالغة في البيع وما هي وجهة نظرك بارك الله فيك

 

[kndor]

master leo مساء الخير
عطني تحليل المجموعة الدولية + التوقعات نزول اوصعود
وشكرا​

 

[ضحية بدون قضية]

السوق باكر إنشاءالله خضر بس الصعود راح يتم آخر السوق كالمعتاد والتداول قوي بإذن الله وصعب يكون جني أرباح بهالسرعة خصوصا إن السوق صاعد اليوم فقط من تصحيح استمر حوالي اسبوع

 

[Master-Leo]

_ قوه شباب
ومادمنا بخانة التوقعات اتوقع السوق باجر احمر
والسؤال اللي بساله وين تتوقعون راح يكون القاع____ بالنسبه لي اتمنى يكون عند 12,540 مو اكثر,,, وينتهي اللي قاعد يصير سوء كان تصحيح او شي ثاني

ياهلا بالطير القطامي

من وجهة نظري الشخصيه السوق اذا ما نزل عن 12400 فالأمور بخير

لكن اذا شفناه تحت هالرقم لازم نعيد حساباتنا وماعتقد التصحيح انتهى

اللي صار اليوم مجرد صعود طبيعي بعد نزول لأيام متتالية .

 

[ضحية بدون قضية]

ياهلا بالطير القطامي

من وجهة نظري الشخصيه السوق اذا ما نزل عن 12400 فالأمور بخير

لكن اذا شفناه تحت هالرقم لازم نعيد حساباتنا وماعتقد التصحيح انتهى

اللي صار اليوم مجرد صعود طبيعي بعد نزول لأيام متتالية .

كلام موزون لشخص متزن وفاهم عسى الله يزيدك من العلم لتنفع به اخوانك الله يوفقك يا أخوي ويكثر من أمثالك

 

[Master-Leo]

يعطيك العافية اخوي ماستر ليو

اذا امكن تحليل سهم الصخور السهم نازل من 540 هل هناك مبالغة في البيع وما هي وجهة نظرك بارك الله فيك

الله يعافيك اخوي الفنان اشوفك طالب تحليل الصخور من وين طحت على هالسهم شنو البحر صار صخر

أولا هالسهم أشوف تقريبا أغلب مؤشراته كما تفضلت وذكرت لنا ان في مناطق المبالغه في البيع
وحاليا الدعم 400 وبعده 380 والدعم الأخير 350

الغريب في السهم ان غالبا مايكون عليه تداول قوي لكن لو تلاحظ من بداية اكتوبر النشاط زايد على السهم لكن بصورة سلبيه بمعنى البيع زايد عليه

شنو السبب الله أعلم ممكن أحد الملاك الرئيسيين يقوم بالبيع وحاليا المقاومه بحدود 420-425 والمقاومه التاليه 450 والله أعلم

بالتوفيق لك وان شاءالله يطلع سهم صخر لك

 

[Master-Leo]

master leo مساء الخير
عطني تحليل المجموعة الدولية + التوقعات نزول اوصعود
وشكرا​

تفضل بالصفحه السابقه http://www.indexsignal.com/vb/showthread.php?t=85011&page=13

مشاركة 182 فيها تحليل المجموعه الدولية وتوقعاتي لباجر مو مهمة المهم انك تربح بسهمك توقعي انا مايقدم ولايأخر

السوق باكر إنشاءالله خضر بس الصعود راح يتم آخر السوق كالمعتاد والتداول قوي بإذن الله وصعب يكون جني أرباح بهالسرعة خصوصا إن السوق صاعد اليوم فقط من تصحيح استمر حوالي اسبوع

ممكن كلامك صح بس اذا كان أخضر وسهمك أحمر شنو استفدنا ؟ اليوم المؤشر صعد 170 نقطه لكن اسهم كثيره ما استفادت من هالصعود ومنها سهمي

المؤشر اذا صعد وصار أخضر ماراح أصور وياه لكن اذا سهمي صعد باجر وبعته بربح فإحتمال كبير أروح المصور وأصور بالبشت بعد

 

[الطير القطامي]

ياهلا بالطير القطامي

من وجهة نظري الشخصيه السوق اذا ما نزل عن 12400 فالأمور بخير

لكن اذا شفناه تحت هالرقم لازم نعيد حساباتنا وماعتقد التصحيح انتهى

اللي صار اليوم مجرد صعود طبيعي بعد نزول لأيام متتالية .

كلامك صحيح ياشيخ الاسود __ والمشكله بالسوق الكويتي ان النزول دائما

يكون شمولي... بمعنا ان التصحيح اذا حصل يكون لعموم الاسهم التضخمه

واللي مو متضخمه ,, مثلا سهم الدار ليش يتعرض للتصحيح وهو اصلا

ماارتفع مع موجة الارتفاعات الاخيره!!!!!!!

 

[Kuwaiti Stocki]

حبيبي ليووو
تنصح بالدخول على سهم عقارات المتحده ... السعر مغري

تحياتي ...

 

[Master-Leo]

كلامك صحيح ياشيخ الاسود __ والمشكله بالسوق الكويتي ان النزول دائما

يكون شمولي... بمعنا ان التصحيح اذا حصل يكون لعموم الاسهم التضخمه

واللي مو متضخمه ,, مثلا سهم الدار ليش يتعرض للتصحيح وهو اصلا

ماارتفع مع موجة الارتفاعات الاخيره!!!!!!!

سهم الدار وضعه خاص في شخص عنده السهم خل يبيع كميته وشوف السهم يصعد 3 أيام حد أعلى :d

 

[Master-Leo]

حبيبي ليووو
تنصح بالدخول على سهم عقارات المتحده ... السعر مغري

تحياتي ...

اذا انت مضارب فهذا التحليل :الدعم 186-184 ومقاومه 194 وأغلب المؤشرات اعطت اشارة دخول فاشتر قريب من الدعم وبيع قبل المقاومه

مستقبليا اذا انت مستثمر ذو بال طويل : الشركة حاليا أرباحها تفشل فلاتتوقع تاخذ منهم حق أو باطل لكن وحط خط تحت كلمة لكن

الشركة متوقع حصولها على أحد أهم المشاريع في الكويت وهو مشروع
جزيرة فيلكا أو مشروع مدينة الحرير فلك ان تتخيل شراح يصير بالسهم وقتها

يعني حط السهم بالتجوري ويوما ما اذا الله جعلنا من الأحياء راح تصحى
من النوم وتلقى طق عصي عليه وذاك من ذاك اللي يحصل له سهم ولا سهمين

 

[Gray-Matter]

انشالله اخضر لين اقط اللي عندي وينزل شوي اشتري وبعدين يرتفع وارد ابيع ... يعني ماكو سالفه بس انشالله الريال اليوم 4-1


تحياتي ....

 

[الانوار الخمسه]

لوسمحت مستر ليو :

شرايك تعمير ك + تجاره

واكون ممنون لك والتوفيق للجميع .