من قال أنه إذا خلوا السهم مو عاجبنا وإذا وقفوا السهم مو عاجبنا
أنا أقول و الدليل التحلطم اللي كان في الفتره اللي قبل الأيقاف و إرجع للصفحات اللي طافت و شوف و الحين التحلطم هم شوفت عيونك
في شي اسمه منطق وحد
السهم ماصعد 20 % أو 30% علشان الأمر يكون طبيعي
السهم صعد بنسبة تفوق ال400 %
دون أن تفسير أو أيصاح من البورصه ..
نحن نقول بأن الأيقاف تم متأخر جدا
الشركه تتحمل جزءكبير من عدم الأفصاح عن سبب صعود السهم إذا كان في شي مسبب ويستحق السهم هذه الأسعار ..
ولكن الدور الكبير لأدارة السوق وتأخرها عن أيقاف السهم وطلب أيضاح ..
من إدارة الشركة
أسمحلي اخالفك بهالنقطه لأن السهم صعوده المنطقي ما يعتمد على نسبة صعود تحددها أنت أو أنا
بل يعتمد على العرض والطلب
و العرض و الطلب يعتمد على رغبة الناس
و رغبة الناس تحددها أمور كثيره ( تحليل فني- تحليل أساسي - خبر - إشاعه - إستثمار - مضاربه -إستحواذ......... )
و كثير من الاسهم تصعد أو تنزل و الاسباب مو مقنعه لك بس مقنعه حق غيرك
أنا معاك إن السهم صعوده قوي بس صعود السهم أو نزوله بحد ذاته ما يسبب وقف تداوله
يعني ما يصير إدارة البورصة توقف سهم شركة لأنه صاعد و تطالب إدارته تعالوا إقنعوني ليش سهمكم قاعد يصعد و ليش الناس قاعد يشترونه
أنا أعتقد أن قرار البورصه لازم ينظر له بعين التقدير لأنها إتخذت قرار شجاع إستثنائى تخطت فيه الاستيضاحات و خرجت لمحاربة الاشاعات و كل هذا حمايه لصغار الملاك
ويا خوي موجنك ناقضت روحك بروحك
في كلامك الأخير
شلون السهم خاضع للطلب والعرض وإدارة البورصه لايحق لها أن تتدخل وتوقف السهم ..
والسهم اليوم موقف عن التداول ..!!!
لا أخوي سلامة عمرك ما في تناقض
أنا قلت : أمر الوقف مو عقابي كان فقط للاستفسار
أنا قلت : أن السهم خاضع للعرض و الطلب و إدارة البورصه ما يحق لها تتدخل في هالامر ( يعني البورصه ما توقف سهم بس لأنه إرتفع )
أنا قلت : كل اللي يقدرون يسوونه هو الاستيضاح و هذا اللي سووه
وين التناقض ؟
شنو تسميه اللي صار اليوم تداول خفي
لأ أسميه اللهو الخفي
