هل صحيح أن وكالة الغانم ما تدخل التاهو المشتري من الخليج

[P.Engineer]

هل صحيح أن وكالة الغانم ما تدخل التاهو المشتري من الخليج أذا صارت لوحاته كويتيه ؟؟؟؟


أقصد السرفيس وتغيير الزيت والفلتر 0000 والتصليح

أي صحيح ... لازم تييب موافقة من شركة Gm عن طريق الإيميل أو أنك تكلم عمر الغانم وتييب المواقة منه .. والسبب أنه ما يكفلونه معروف
أنا شريت تاهو من السعودية ويب موافقة الكفالة من Gm

 

[ابو سالم]

تدرون شنو المشكلة المشكلة فيكم انتم ليش تسكتون عن حقكم دايم انطول صوتنا ونقول ليش وبنسوي ونفعل وأخر شي نسكت ومانسوي شي
الشغلة هذي صارت مع أشخاص جابو جيوب من الخليج ولما دخلوها الكويت أعترض عليهم الساير ورفعوا قضية وكسبوها ضد الساير يا أخوان الي تصيرلة مشكلة مع أحد الشركات لا يتركهم ويقول هذي شركة مقدر عليها في قانون يكسر خشومهم

 

[P.Engineer]

تدرون شنو المشكلة المشكلة فيكم انتم ليش تسكتون عن حقكم دايم انطول صوتنا ونقول ليش وبنسوي ونفعل وأخر شي نسكت ومانسوي شي
الشغلة هذي صارت مع أشخاص جابو جيوب من الخليج ولما دخلوها الكويت أعترض عليهم الساير ورفعوا قضية وكسبوها ضد الساير يا أخوان الي تصيرلة مشكلة مع أحد الشركات لا يتركهم ويقول هذي شركة مقدر عليها في قانون يكسر خشومهم

الساير خصوصاً لازم يكفل سياراته إن شاء الله من القمر لأنه الساير أهو وكيل مو موزع مثل الغائم وبهبهاني وغيره وأنا أشوف أنه الساير أفضل خدمة عنده لهل سبب ...

 

[كيفاني]

أشتكوا عليهم أرفعوا قضايا لا تسكتون 00000000000000000000

 

[دلسكوب]

آنا أقول أحسن طريقة يتفقون مجموعة من الشباب ويسوون حملة على الغانم تحت عنوان

((حملة شباب الكويت ضد وكيل الشفرليت))


ويقسم العمل على شكل مجاميع

* مجموعة تقوم بعمل موقع الكتروني يفضح وكالة الغانم ويعري أساليبها الماكرة والاستغلالية

* مجموعة تقوم بتحفيز الأقارب والأصدقاء ممن يملكون سيارات الغانم بارسال فاكسات وايميلات استنكار وتذمر للشركة Gm

* مجموعة تقوم بإثارة الرأي العام عن طريق المنتديات المتخصصة بالسيارات وتحريضهم على مقاطعة وكالة الغانم تحت شعار ( بدو وحضر ضد الشفر)

* مجموعة تقعد تدعي للوكيل لمدة شهرين واذا ما هداه الله تبدي تدعي عليه بنفس المدة السابقة

* مجموعة تقوم بإنتظار نتائج أعمال المجاميع سابقة الذكر وانا اكون احد اعضاء هذه المجموعة

أتغشمر يا جماعة حسيت بخفة دم وقلت ماودي أكبت لأن الكبت يأثر على الجهاز الهضمي والجهاز الدوري


من كثر ما بهدلوني الغانم قعدت أكره شي اسمه سيارة فكرت اشتري حنطور بس قالولي ماتقدر تطلعله دفتر فشلت الفكرة من بالي


وبالأخير ما أقول الا

ودي أسوق البورش وودي على حوت

وودي على يوكن نوعه دنللي

وودي احصل رنج موديله اسبورت

موتر يصيد القلب صيد البنللي

صح لسانك وانا اخوك

تدرون شنو المشكلة المشكلة فيكم انتم ليش تسكتون عن حقكم دايم انطول صوتنا ونقول ليش وبنسوي ونفعل وأخر شي نسكت ومانسوي شي
الشغلة هذي صارت مع أشخاص جابو جيوب من الخليج ولما دخلوها الكويت أعترض عليهم الساير ورفعوا قضية وكسبوها ضد الساير يا أخوان الي تصيرلة مشكلة مع أحد الشركات لا يتركهم ويقول هذي شركة مقدر عليها في قانون يكسر خشومهم

منهو له خلق سين وجيم وروح وتعال هههههههههههههه ناقصين محاكم وقضايه

أشتكوا عليهم أرفعوا قضايا لا تسكتون 00000000000000000000

ياعمي والله لو تقدم مني لبكرا طيب بسئلك

لا تنازلو 3او 10 او 20 عن سياراتهم ومايبون شفر بااعتقادك انت خسرت الشركه ولا ضريتهم ؟؟؟

حبيبي شالي حادكم وكاله الله يعز صناعيه الشويخ كل شئ فيها هههههههههه صلح سيارتك واحصل علي بوسه مجانا ولا تقوله ساعتين وتخلص ماخلصت العن خامسك

وكاله انتظر من فضلك ساعتين ويزبنك 3 ساعات ياولد وين سيارتي ايه انتظر بالصيانه

والله جربتها ولعنت ابو الساعه الي شريت فيها سياره من الوكاله

4 ساعات عشان حذفيه وتغيير زيت لو مسويها بالصناعيه الصليبيه ولا الشويخ بساعه او اقل وارخص من الوكاله بشئ كبيييييييييييير

 

[bo^naser]

ياشباب ترا وكالات الكويت حدها قاعدة تربح بالملايين ومع احترامي حق تجار الكويت الاكابر كلهم قاعدين يربحون دبل دول الخليج .... لازم انسوي مقاطعة من شراء السيارات الكويت
اعطيكم مثال .................. انا رحت وكالة النيسان الكويت __ رحت اشوف سعر الالتيما الفل اوبشن (ES 3.5 v6) سعرها 7000 الاف دينار --- ولكن تفاجئت بسعرها بالبحرين والسعودية
يتراوح سعرها 6500 فل اوبش نفس المواصفات

 

[Q8i11]

اخوي الفهلوي
السيرفس عند الغانم كل 10 الاف
انا سويت لتاهو ال تي قبل اسبوع
لما قالي الموظف روح اشرب قهوة و ريح حتى تخلص السيارة قلت خوش خدمة
و لما طبت قهوة طلع بفلوس و كوب القهوة ب 1,750 فلس
البيبسي 600 فلس و الماي الصغير 250 فلس
كل هذا عند الساير ببلاش
و خدمات الساير افضل و ارخص و اسرع و تقدر تروح تشوف سيارتك بنفسك وقت السيرفس
و قتها قلت ليتني ماخذ لاندكروزر

لا تشترون اي سياره من الغانم


الله اكبر و السرفس عاد
اول سيرفس بعد 10 الاف طلع تبديل زيت و فلتر بس
روح سوه برا احسن لك
سوه عند الشايع زيت موبيل 1 احسن بكثير و يمشي 20 الف

 

[MaSMoO7]

السلام عليكم ورحمة الله جميعا ..........

ويعطيكم العافية ...

بغض النظر عن مشكلة إن السيارات اللي أصحابها كويتيين وشارينا من بره .. آنا أقول إن وكالة الغانم حشاكم أزفت سيرفس عندهم والخدمة بالحضيض .... هذا بإختصار

يقولك الحبيب طاب خاطره وشبع .. فسيارات هالأوادم بالطقااااااااااااااااااااااااااااق !!!!


ماأقول الا حسبي الله عليــــــــــــــــــــــــــــــــــــــهم .. ركضة ورا هالدنيا انزين لي متى !!

 

[BADR-1]

هاكم هالمشكلة الجديدة السعودية فيها كذا موزع التوكيلات العيسي الجميح .....الخ اختربت سيارة احد الاقرباء اللي سيارتة تاهو2008 اشتراها من الجميح وما تعدي العداد الا2000كيلو قبل الحفر ب40 كيلو اخذنا سطحة ووديناها لشركة التوكيلات رفضوا استقبالة علي الكفالة وقالوا ادفع ياحبيبي قلنا لهم ليش السيارة ما تعدت الا2000 وين كفالة شركة Gmقالوا ما لنا شغل الابسيارتنا اللي بيعت من خلالنا اما الجميح او غيره مالنا شغل بسياراتهم طلعنا السيارة واتجهنا للجميح بنص الطريق قلت ابي اوديها ميكانيكي فلتة فحص فحص بسيط الا وهو طقطق علي تانكي البانزين من تحت وهي علي السطحة رد عليه صوت من التانكي عطشاااااااااان ابي بانزين قال خيوووووووووووة عبي السيارة بانزين واتكل علي الله السيارة طلعت فاضية مافيها بانزين والعداد كان ربع يعني مخرف سمعت كلامة ورحت لاقرب بانزين وعبيت ومن اول دقه سلف اشتغلت السيارة حسافة التعب هذا كلة لكن الحمدلله...لكن السؤال ليه الشركات في السعودية ما تحملوا التصليح الا لسياراتهم عفية علي الغانم جيبلة سيارة سعودية يقولك حياك الله

 

[الفهلوي]

جئتكم من الغانم بخبر ليس غانم

رحت اليوم ابي ادخل التاهو عشان اسوي له اول سيرفس ابو 5000 كم

فرفضوا دخولي نهائيا

بل حتى الخدمة السريعه التي تبدل الزيت لأي سياره رفضوا دخولي

علما بأن لوحات السياره سعوديه

وقالوا لي انهم فقط يسمحون لها بالدخول اذا كان المالك سعودي


حسبنا الله ونعم الوكيل



الفهلوي​

يا اخوان

بعد الازمة المالية التي تواجهها شركة gm شرايكم نراسل الشركة مره اخرى

ياليت اذا واحد يضبط لنا رساله بالانجليزي والعربي شديدة اللهجه تجاه الشركة الام وتجاه الوكيل المحلي

ونرسلها لهم يمكن الله يهديهم ويرضخون للضغوط


بانتظار ردودكم




الفهلوي​

 

[offoff]

تبون الصراحه يا جماعة الخير شركات الام والتجار لدول الثمانية اتفقوا على ان يتم انزال من سعر السياره الربع يعني تشتري سياره يتم عمل خصم 25%


لكن اللى ملاحظه انه بالكويت عملوا خصم فقط 1000 دينار