موضوع للنقاش وأبداء الرأي

الموضوع في 'السوق الكويتي للأوراق الماليه' بواسطة nabeels8, بتاريخ ‏7 أكتوبر 2008.

  1. nabeels8

    nabeels8 موقوف

    التسجيل:
    ‏23 يونيو 2004
    المشاركات:
    5,436
    عدد الإعجابات:
    1
    مكان الإقامة:
    في البيت
    مساء الخير

    أولاا خاطكم السوء جميعاا يارب وعسى الله يفرجها على الجميع يارب

    ثانياا أتمنى من المراقبين عدم أغلاق الموضوع أو شطبه وأرجوو من الجميع

    عند أبداء الرأي يكون أحترام بين الجميع مع الشكر

    أخواني في ناس وشركات ومحافظ وكبار ملاك الشركات قامت تطالب علني

    بصورة مباشرة أو غير مباشرة وتطلب من الحكومة ضخ اموال في السوق

    من أحتياطي الدولة أو من الفوائض حتى ينقذون السوق وأغلب أللي قاعدين

    يطالبون كانووو من أشد المعارضين إلى شراء مديونيات المواطنين وكانت

    تقريبا 4 مليار دينار وكان السبب هدر لمال البلد وتعويد المواطن على الأتكاليه

    وأن أغلب أللي خذوو القروض كانت للسفر أو شراء سيارات وكانوو يقولون

    خل كل واحد يمد ريله على قد لحافه ولا تطالع فوق تنكسر رقبتك ماشي

    اليوم أغلبية تطالب بتدخل الحكومة وضخ مليارات ومنهم أعضاء من المجلس

    كانوو معارضين ومنهم أصحاب شركات وجهات حكومية وحتى أعضاء المنتدى

    وأنا أسأل هل أن في حال نزول وخسارة إللي قاعده تصير ما كانت في

    الحسبان يعني مثل ما تتوقع ربح 100% ممكن خسارة نفسها والسوق

    أساسااا سوق تجار يعني في حال الضخ المستفيد الأول والأخير كبار الملاك

    ليش ما قمنا نسمع الناس تقول مثل ما قالت عن القروض محد جابرك تدخل

    سوق منت قده

    عموماا الموضوع مجرد للنقاش وعسى الله يفرجها على جميع يارب​
     
  2. Madridi

    Madridi عضو جديد

    التسجيل:
    ‏28 يناير 2008
    المشاركات:
    1,691
    عدد الإعجابات:
    0
    أنا أعتقد ضخ السيولة ماهو حل

    مثل ما قلت المستفيد الأول والأخير كبار الملاك

    اذا استمرت الأزلمة العالمية على هالحال راح نشاهد الحالة نفسها دون حل

    لأنه السوق يتكون من سيولة محلية وخارجية، والسيولة الخارجية قاعده تنسحب، ولما تسمع بضخ سيولة راح ترجع اضارب وتنحاش مرة ثانية شنو الفايدة :)

    الي يطالب بتدخل الحكومة والي يبيع سجادة والي يقول سوق بو 100 فلس، على بالهم دايماً ربحانيين مايصير يخسرون ؟؟ ما يعرف انه هذا اسمه سوق

    والأزمة عالمية شلون تبي توقفها عندك بس ؟؟!
     
  3. الذهبي

    الذهبي عضو نشط

    التسجيل:
    ‏26 يونيو 2004
    المشاركات:
    1,109
    عدد الإعجابات:
    147
    السلام عليكم

    بو عادل
    كلام صحيح
    ولكن بو عادل شنو قصدك الحومة

    :confused::confused:
    :D
     
  4. UNIX

    UNIX موقوف

    التسجيل:
    ‏9 ابريل 2007
    المشاركات:
    7,556
    عدد الإعجابات:
    1
    تخيل اذا السوق استمر بالصعود من غير نزول.

    سهم بيتك ب 15 دينار

    و الصناعات ب 4 دنانير

    و الكابلات ب 25 دينار

    و الوطني ب 12 دينار

    جيزان ب 6 دنانير

    جلوبل ب 4 دنانير


    من راح يشتري؟؟ محد، أتوقع التداول راح يصير مليون دينار موزعة على 100 صفقة. و أتوقع المتداولين بس 15 شخص :)

    ربع المجموعة الدولية لا تستانسون وايد :)

    اذا وصلت الاسعار لهذا الارتفاع، ترى أسهم المجموعة الدولية ما راح تتجاوز 20 فلس.
     
  5. Doc30

    Doc30 عضو نشط

    التسجيل:
    ‏13 ابريل 2008
    المشاركات:
    1,192
    عدد الإعجابات:
    1
    والله الطاسه ضايعه . ما ندري الحق وين .

    حتى الي ما يفهم بالبورصه قاعد يشوف انه في ضغط قوي على البورصه . قيمة التداول اليوم 100 مليون دينار ومع ذلك اغلي الاسهم حد ادنى .

    في السابق كنا نشوف المؤشر اخضر بقيمة تداول اقل من هالمبلغ بكثير .

    يعني ضغط على الاسهم وبيع وهمي بالحد الادنى ونقل للاسهم من محفظه الى اخرى بهدف ابقاء الرعب بقلوب المساهمين وتفسيخ الاجل .

    ومثل ما انت قلت . الان الشركات وملاكها يطالبون الحكومه باستخدام اموالها واموال الاجيال القادمه في البورصه لانقاذ صغار المساهمين مع العلم انهم يقدرون يوصلون اسهمهم اسعار خياليه اذا ارادو .يعني تدخل الحكومه شر لابد منه بما ان صناع السوق رافضين يدعمون اسهمهم. وتقبل مروري
     
  6. splendid

    splendid عضو نشط

    التسجيل:
    ‏15 أكتوبر 2005
    المشاركات:
    2,666
    عدد الإعجابات:
    2
    مساك الله بالخير يا بو عادل ,,

    سبحان الله ,,والله نفس الكلام كنت اقوله امس بالدوانيه ,, ان المعارضين

    لاسقاط القروض بحجه المحافظه على المال العام ,, هو الآن اكثر المطالبين

    بتدخل الحكومه لانقاذ البورصه وحمايه مصالح صغار المستثمرين ..

    والحكومه ما طيحت القروض ,, ولا راح تتدخل وتدعم البورصه في الوقت

    الحالي ,,

    وخطاك السوء يا بو عادل ..
     
  7. frozen

    frozen عضو نشط

    التسجيل:
    ‏21 يناير 2008
    المشاركات:
    2,214
    عدد الإعجابات:
    3
    الله يعطيك العافيه يا خوي نبيل...اللي قاعد يصير بالسوق طبيعي ولا انهيار؟ اذا جوابك انهيار فيجب ادخال سيوله تنقذ السوق حالنا حال كل العالم و انا اتفق معاك ان الواحد لازم يكون قد قراره بالدخول للسوق هذا اذا كان سهمه بس اللي نازل اما انه السوق كله يفقد اكثر من 3000 نقطه بفتره بسيطه هذا يدل علي ان في كارثه قادمه مثل افلاس المحافظ و تعثر السداد للبنوك و زيادة المشاكل الاجتماعيه بالنسبه للمقترضين و اهاليهم فالمشكله اتخص اقتصاد دوله و ليست مشكله فرديه
     
  8. Nasser pwc

    Nasser pwc عضو جديد

    التسجيل:
    ‏5 فبراير 2006
    المشاركات:
    1,198
    عدد الإعجابات:
    0
    مكان الإقامة:
    عمار ياكويت
    الله يعطيك العافيه اخوي بوعادل

    عدل كلامك اين اهدار المال العام من هالسالفه

    لكن هذا الي يبونه الكل ماعنده علم بهالسالفه وساكت​
     
  9. kuwaiti_zoom

    kuwaiti_zoom عضو مميز

    التسجيل:
    ‏16 ابريل 2007
    المشاركات:
    933
    عدد الإعجابات:
    0
    قويه والله قويه يابوعادل
    الحين قاعدين يطالبون الحكومه بالتدخل
    ينطبق عليهم المثل اللي يقول ((خبز خبزتيه يالرفله أكليه ))
     
  10. كلمتين

    كلمتين عضو جديد

    التسجيل:
    ‏5 سبتمبر 2008
    المشاركات:
    319
    عدد الإعجابات:
    0

    مشكور علي فتح هذا الموضوع للنقاش
    ولكن اختلف معاك انه الي يدش السوق و موحاط في باله انه ممكن بغلطه يخسر جزء كبير من راس ماله هذا مو راعي سوق ومن اول خساره راح يسب ويلعن بالسوق وادارات الشركات ويطلع.... الحقيقه انه الي يتداول بالاسهم قد يحقق هامش ربح كبير وهامش الخساره يتناسب تناسب طردي مع الربح..... نزول السوق الي عايشينه الحين كمثال انا خسران فيه تقريبا لحد الان 25 بالميه وخسارتي انا اتحملها لاني سبحان الله نصيب هالمره تاخرت في اتخاذ القرار مع انه متوقع النزول حسب المعطيات الي عندي.​
     
  11. بو_راشد

    بو_راشد عضو جديد

    التسجيل:
    ‏11 يوليو 2008
    المشاركات:
    917
    عدد الإعجابات:
    0
    مكان الإقامة:
    الكويت
    المفروووووض ان المساهم في الشركة ان يتحمل قرارت نفسه شكو كلما خسرت البورصة قالوا وينك ياحكومة اشوف وقت الارباح الكل يسكت هذي هزا عالميه شوفوا الاسواق الخليجيه والعربيه والعالميه شلون نازله موبس بروحنا عشان نتذمر وفي اسعار اسهم وصلت اسعار عالية كل بسب المضاربات والربح السريع لابد ان يراجع الواحد نفسه ويسال نفسه انا ليش اشتريت السهم عشان استثماراته وارباحه ولا عشان يتتبع الاشاعات ويشتري حسب الاشاعة وانا واحد من الناس اللحين لي خسارة بالسوق لكن الحمدالله مرة ايام وشهوور ربحت فيها وهذا السوق ربح وخسارة واخيرا الحمدالله والشكر على فضله ونعمته
     
  12. تفائلوا بالخير

    تفائلوا بالخير عضو جديد

    التسجيل:
    ‏29 أغسطس 2008
    المشاركات:
    639
    عدد الإعجابات:
    0
    مكان الإقامة:
    دولة الكويت
    انا لا اايد ضخ سيولة كبيره بالسوق لاكن المشكله ان حكومتنا الرشيده ضخت مليارات الدولارات في السوق الامريكي عندما شرت اسهم بنكين الكل يعلم انها على شفا جرف هاري ومع ذلك تحملت الخسائر مساهمه منها بدعم المساهمين بالبنكين وايضا مطلوب منها المساهمه بخطة(الانقاذ)المريكيه فانا اقول على الاقل ساوونا معاهم مانبي انصير افضل منهم عند حكومتنا
     
  13. نجم الراية

    نجم الراية عضو نشط

    التسجيل:
    ‏3 يوليو 2006
    المشاركات:
    708
    عدد الإعجابات:
    4
    مكان الإقامة:
    لندن-بريطانيا العظمي
    بصراحة دائما مميز يا بو عادل

    فعلا العملية طمع في شيئين
    1- اسهم صغار المستثمرين
    للعلم - بعض صناع السوق اللي يقدمون الاجل تملكوا اكثر من 5% نتيجة تفصيخ عقود الاجل
    2- حكومة طيبة واخلاق وطيبين وحلوين بس ---- وبس ثاني فاشلة إداريا وماليا -- ونسبة الحرمنة مرتفعه لدي المسؤولين الحكوميين والماليين وعارفين حجم الكاش لدي الحكومة قالوا خلنا ناخذ منها ما دام ماكوا مشاريع كبيرة حاليا يعرفون لهم
    --------------

    بالنسبة لموضوع القرووووض ---------- يبون المواطن مطلوب لهم احسن عشان ما يشم نفس ويرفع راسة ---- لانهم عارفين سياسة الاقراض الربوية والالية الي تودي بداهية واللي احد مشاكلها تخليك مطلوب حتي لو مت ولان التظخم مرتفع والفايدة مرتفعة ليش نسدد ونعيد الحياة للناس خلهم ميتين ومطلوبين ومتمشكلين وملخبطين ماليا وفكريا
    وهم خذوا الحل القانوني لاخطائهم السابقة بالاقراض من ظهر الحكومة بإقرار صندووووق المتعثرين
    والزيادات السابقة علي الرواتب حسب اراءهم

    وما نقول ألا حسبي الله ونعم الوكيل
    وحوووووووووووووووووووبة الشي هذا يبون يشووووفونة
    يمهل ولا يهمل ------------------------------- سبحانة






    تحياتي -------------- نجم الراية
     
  14. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    نعم للتدخل المدروس من اجل انقاذ الاقتصاد

    امريكا واغلب الدول تدخلت من اجل انقاذ اقتصادها

    لكن لا للتدخل من اجل مصلحة مجاميع معينه لارضائها سياسيا
     
  15. boursachi

    boursachi عضو نشط

    التسجيل:
    ‏22 أغسطس 2007
    المشاركات:
    554
    عدد الإعجابات:
    0
    والي ضد اسقاط القروض.. وضد التدخل "الحكومي"؟ :\
     
  16. nabeels8

    nabeels8 موقوف

    التسجيل:
    ‏23 يونيو 2004
    المشاركات:
    5,436
    عدد الإعجابات:
    1
    مكان الإقامة:
    في البيت
    مساء الخير

    أولاا للأمانه كل إللي شاركووو أقول لهم مشكورين وأرائكم كلها على راسي

    وأنا ما أتمنى إلا كل خير للصغار المستثمرين فقط

    وأتمنى قبل أي إجراء من الحكومة يجب أن يسون مؤتمر صحفي ومباشر

    على تلفزيون الكويت مثل ما عملووو من قبل يوم مشكلة أدارة السوق مع

    قروب البحر وأن يعلنووو أولاا قبل كل شيء منو إللي كان وراء النزول والبيع

    والضغط على الصغار وأن أعلان رسمي من أغلب البنوك والشركات إللي

    في البورصة وبقانون أجباري ليعلنووو أذا أهم متأثرين من رهن العقاري

    رسمي

    وسامحوني على الأطاله ولا في كلام في قلبي كثير ولكن ما أبي أكتب

    وأخلي الكيبورد ينحاش مني ;)

    ومرة ثانية أقول عسى الله يعوضكم جميعااا خير يارب بس الصغار

    المستثمرين​
     
  17. aliii

    aliii موقوف

    التسجيل:
    ‏14 سبتمبر 2005
    المشاركات:
    3,377
    عدد الإعجابات:
    458
    ابناخي ... خلك مع الفقراء والمساكين (ملاك المجموعة الدولية)

    الله يرضى عليك

    :)

    .
     
  18. nabeels8

    nabeels8 موقوف

    التسجيل:
    ‏23 يونيو 2004
    المشاركات:
    5,436
    عدد الإعجابات:
    1
    مكان الإقامة:
    في البيت

    مساء الخير

    مشكورين جميعاا على أبداء الرأي​
     
  19. shapely08

    shapely08 عضو جديد

    التسجيل:
    ‏7 مايو 2008
    المشاركات:
    422
    عدد الإعجابات:
    0
    القاعدة تقول

    كسبان البورصة ما تسمع له صوت
    وخسران البورصة ما تسمع منه الا العويل .

    لذلك ما نسمع الاقتراحات باللوم ولا الانتقادات إلا بعد فوات الاوان

    وين البورصة لما كانت فوق 15000 الكل ملهى
    والحين كل يغنى على ليلاه

    والله المستعان
     
  20. دايــم

    دايــم بوتركي

    التسجيل:
    ‏1 يوليو 2008
    المشاركات:
    10,791
    عدد الإعجابات:
    27,749
    مكان الإقامة:
    قريه العليا
    نبيل
    اول شئ ياخوي بدلياتك واجد

    ثاني شئ يجب على الحكومه التدخل في اسعار معينه شائت او ابت
    ولا قسمآ بالله راح يجي انهيار ما مر على الديره قبل ​