▀▄▀ مواليد السبعينات بس يدخلون ▀▄▀

[شجرة العود]

ضايق خلقي وطرا علي هالموضوع اللي كل ما أقراه أبتسم واضحك
أيااااام حلوة

 

[athbey]

http://www.youtube.com/watch?v=_fpd3swQA2U&feature=related

http://www.youtube.com/watch?v=_fpd3swQA2U&feature=related

http://www.youtube.com/watch?v=NCRLKyQBmEk​

اhttp://www.youtube.com/watch?v=onL7eeZvRio&feature=relatedدخلوا وشوفوا كل اللي انكتب بتعليقاتكم بالصوره

 

[عبدالله الحسينى]

مشكوووور على الذكريات الحلوووة

ومافيه شى يدوم والله الحين نشوفها بعيالنا ونضحك على الى سويناه قبل


مواليد 1971
مشكوور كويتى

 

[صاعد نازل]

اه ذكرتونى بالذى مضى

انا بتكلم على شى عام ... ومواليد الستينات و السبيعينات راح يتذكرون ويمكن يبجون .

انا اذكر يوم الخميس احلى الايام ننهد من المدرسه الساعه 11.30 خمس حصص طول الحصه 35 دقيقه .

اذكر نجلد الكتب اول ما يعطونه اياهم ... كان مجلد المفضل اللونه شفاف و اللى ماعنده فلوس يجلد بمجلد ورق لونه خشبى.

اذكر كشاكيل مرت على شكلها مبكر باللون الاسود وفى لون احمر فى الزوايا .

اذكر احلى الحصص فى الجدول تكون موسيقى و العاب ورسم رسم ( لازم حصتين ) واذا فى مدرس متأخر بالمنهج اخذ حصه منهم و طيّر الفرحه.

اذكر لون الشهاده صفره ولازم نحطها بغلاف شفاف .. واذكر البرايه المدوره الى فيها جام واذكر المحايه اللى عليها صوره و بالطرف لون اخضر ومحايه السحريه اللى فيها بطرف لون الادعم تمحى الرصاص واللون الازرق الخشن تمحى فيه الازرق .. و اذكر القلم بو محايه وقلم باركر واذكر الصمغ الشفاف بومغطه زرقه .

اذكر المدرسه تسوى دروس تقويه العصر فى الشتا نروووح ونتيمع مع الربع وسيييده للملعب نلعب كره .

اذكر لما نطلع من المدرسه الخميس نروح البيت نتابع برنامج " تيلى ماتش " وانا و اخوى كل واحد يختار فريق .. وبعد ما يخلص يحطون برنامج "رياضه فى رياضه" لمحمد المسند والعصر يحطون لقاء الخميس امينه الشراح ودولت شوقى وماجد الشطى .. والسهره فيلم عربي جديد ... بس اذكر لما ينتهى الارسال وصوت تشششش ( انقرضت الحين ) وقبل الارسال تطلع صوره دائره وفيها ساعه وننطر متى يبدا الارسال .

اذكر برامج تلفزيون الجمعه كانوا قبل صلاة الجمعه يحطون ماما انيسه وتذكرون السمره اللى معاها ابله ساميه وبعد الاذان يحطون مسلسل امريكى اسمه دخان البنادق و بعدين قاموا يحطون مستر ويست .. ومن الساعه 2 يحطون فيلم هندى يستمر الى اذان المغرب ومرات يعدى الاذان و بعدين يحطون الصيدليات المناوبه وراها برنامج الكويت فى اسبوع و الساعه 8 يحطون برنامج "من حياة الشعوب" وعقب الاخبار مصارعه حره واذكر من المذيعات رشا مجدى ورولا الفرا وهدى المهتدى واختها ندى ونجوى ( نسيت اسمها ) ومن المذيعين على حسين ومحمد الزامل ومبارك العمير وعبدالعال .

اذكر التلفزيونات قبل لما تشب او تطفيه لازم تطلع نقطه مدوره وسط الشاشه .


اذكر اول ماطب الفيديو الكويت كان سونى - شريط كبير مدته ساعه اجرنا اذكر مدرسة المشاغبين فى اول محل فى الكويت كان فى الديره مكان معهد القضاء حاليا .. المهم اذكر ان عطونا خمس اشرطه ! ( و تذكرت محل اسمه الحزام الازرق فى مجمع النقره الشمالى يحط اعلانات للمصريين - وصلت مباراة الزمالك والكروم ووركضه عليه اصحاب المقاهى ) .. اذكر من الفيديوات كان فيديو فيلبس شريطه مربع وفيديو سانيو نفس الاشرطه اللى الحين.. وبعدين نزل فيديو سونى باللمس اسمه بيتامكس .

اذكر من الاشرطه الصوتيه .. شريط كاترج وبعدين شريط ماكسل اللى نفس الحين ، ومن محلات التسجيلات الشهيره .. النظائر و رامكو - كلوباترا -صوت وصوره - ودن دون ... واذكر من الاغانى " بربك قولى ليش الجفا " حمد سنان ، " فايت على بابى " مشارى العريفان وهناك مطربين تركوا الساحه وكانوا مشهورين مثل محمد البناي و جمال المجيم و محمد الشعلان و راشد الحملى و عبدالعزيز السيب و فهد الماص وفاروق الفرحان .

اذكر فى الراديو يوم الخميس كانوا يحطون المحيلان الساعه 12 وكلمته المشهوره .. مخرج عطنا موسيقى .

اذكر من البرد ( الايس كريم ) برد ذهب وبرد الى على شكل مثلث وفيه ثلاث انواع توت وبرتقال وموز نرعصه من تحت علشان يتبطل ، وبرد بو قلاس فانيليا وفستق وبرد اللى على شكل مستطيل فانيليا مغلف بالكاكاو .. وفى كيكة برد مدوره لون كرتونها وردى بس نشتريها من الجمعيه.

ومن مشروبات الغازيه اذكر الكندراى وكراش و لايك و فانتا وميرندا و آرسي وشانى وتيم.

واذكر البفك وبطاط عيدان اللى غلافه ابيض وفى صورة نسر .

اذكر من المجلات - النهضه و اسرتى واليقظه و الرياضى و سعد و مرآة الامه و المجالس .

من الالعاب اذكر المقصى واللبيده وحى الميد و كرة العنبر الـــى ان جاءت الاتارى وانتقلنا الى عهد جديد .. واذكر محل الالعاب المشهور فى السالميه " محلات وليد " .. تذكرون الشاشه الكبيره اللى كانت عند مدخل سوق السالميه القديم.

انتهى .. والله العظيم حرام عليكم ليش ذكرتونى .

 

[hard]

تذكرون حليب كى دى دى البنى الى عليه صوره بقره ومغطى بقصدير والى يوزعونه بعد صلاه الفجر على البيوت ومن شطانتنا مانخلى ولابطل بلفريج* (حرام والله عليكم ذكرتونى احلى ايام العمر) ااااااااااااااااه وبس

 

[شجرة العود]

اه ذكرتونى بالذى مضى

انا بتكلم على شى عام ... ومواليد الستينات و السبيعينات راح يتذكرون ويمكن يبجون .

انا اذكر يوم الخميس احلى الايام ننهد من المدرسه الساعه 11.30 خمس حصص طول الحصه 35 دقيقه .

اذكر نجلد الكتب اول ما يعطونه اياهم ... كان مجلد المفضل اللونه شفاف و اللى ماعنده فلوس يجلد بمجلد ورق لونه خشبى.

اذكر كشاكيل مرت على شكلها مبكر باللون الاسود وفى لون احمر فى الزوايا .

اذكر احلى الحصص فى الجدول تكون موسيقى و العاب ورسم رسم ( لازم حصتين ) واذا فى مدرس متأخر بالمنهج اخذ حصه منهم و طيّر الفرحه.

اذكر لون الشهاده صفره ولازم نحطها بغلاف شفاف .. واذكر البرايه المدوره الى فيها جام واذكر المحايه اللى عليها صوره و بالطرف لون اخضر ومحايه السحريه اللى فيها بطرف لون الادعم تمحى الرصاص واللون الازرق الخشن تمحى فيه الازرق .. و اذكر القلم بو محايه وقلم باركر واذكر الصمغ الشفاف بومغطه زرقه .

اذكر المدرسه تسوى دروس تقويه العصر فى الشتا نروووح ونتيمع مع الربع وسيييده للملعب نلعب كره .

اذكر لما نطلع من المدرسه الخميس نروح البيت نتابع برنامج " تيلى ماتش " وانا و اخوى كل واحد يختار فريق .. وبعد ما يخلص يحطون برنامج "رياضه فى رياضه" لمحمد المسند والعصر يحطون لقاء الخميس امينه الشراح ودولت شوقى وماجد الشطى .. والسهره فيلم عربي جديد ... بس اذكر لما ينتهى الارسال وصوت تشششش ( انقرضت الحين ) وقبل الارسال تطلع صوره دائره وفيها ساعه وننطر متى يبدا الارسال .

اذكر برامج تلفزيون الجمعه كانوا قبل صلاة الجمعه يحطون ماما انيسه وتذكرون السمره اللى معاها ابله ساميه وبعد الاذان يحطون مسلسل امريكى اسمه دخان البنادق و بعدين قاموا يحطون مستر ويست .. ومن الساعه 2 يحطون فيلم هندى يستمر الى اذان المغرب ومرات يعدى الاذان و بعدين يحطون الصيدليات المناوبه وراها برنامج الكويت فى اسبوع و الساعه 8 يحطون برنامج "من حياة الشعوب" وعقب الاخبار مصارعه حره واذكر من المذيعات رشا مجدى ورولا الفرا وهدى المهتدى واختها ندى ونجوى ( نسيت اسمها ) ومن المذيعين على حسين ومحمد الزامل ومبارك العمير وعبدالعال .

اذكر التلفزيونات قبل لما تشب او تطفيه لازم تطلع نقطه مدوره وسط الشاشه .


اذكر اول ماطب الفيديو الكويت كان سونى - شريط كبير مدته ساعه اجرنا اذكر مدرسة المشاغبين فى اول محل فى الكويت كان فى الديره مكان معهد القضاء حاليا .. المهم اذكر ان عطونا خمس اشرطه ! ( و تذكرت محل اسمه الحزام الازرق فى مجمع النقره الشمالى يحط اعلانات للمصريين - وصلت مباراة الزمالك والكروم ووركضه عليه اصحاب المقاهى ) .. اذكر من الفيديوات كان فيديو فيلبس شريطه مربع وفيديو سانيو نفس الاشرطه اللى الحين.. وبعدين نزل فيديو سونى باللمس اسمه بيتامكس .

اذكر من الاشرطه الصوتيه .. شريط كاترج وبعدين شريط ماكسل اللى نفس الحين ، ومن محلات التسجيلات الشهيره .. النظائر و رامكو - كلوباترا -صوت وصوره - ودن دون ... واذكر من الاغانى " بربك قولى ليش الجفا " حمد سنان ، " فايت على بابى " مشارى العريفان وهناك مطربين تركوا الساحه وكانوا مشهورين مثل محمد البناي و جمال المجيم و محمد الشعلان و راشد الحملى و عبدالعزيز السيب و فهد الماص وفاروق الفرحان .

اذكر فى الراديو يوم الخميس كانوا يحطون المحيلان الساعه 12 وكلمته المشهوره .. مخرج عطنا موسيقى .

اذكر من البرد ( الايس كريم ) برد ذهب وبرد الى على شكل مثلث وفيه ثلاث انواع توت وبرتقال وموز نرعصه من تحت علشان يتبطل ، وبرد بو قلاس فانيليا وفستق وبرد اللى على شكل مستطيل فانيليا مغلف بالكاكاو .. وفى كيكة برد مدوره لون كرتونها وردى بس نشتريها من الجمعيه.

ومن مشروبات الغازيه اذكر الكندراى وكراش و لايك و فانتا وميرندا و آرسي وشانى وتيم.

واذكر البفك وبطاط عيدان اللى غلافه ابيض وفى صورة نسر .

اذكر من المجلات - النهضه و اسرتى واليقظه و الرياضى و سعد و مرآة الامه و المجالس .

من الالعاب اذكر المقصى واللبيده وحى الميد و كرة العنبر الـــى ان جاءت الاتارى وانتقلنا الى عهد جديد .. واذكر محل الالعاب المشهور فى السالميه " محلات وليد " .. تذكرون الشاشه الكبيره اللى كانت عند مدخل سوق السالميه القديم.

انتهى .. والله العظيم حرام عليكم ليش ذكرتونى .

تذكرون حليب كى دى دى البنى الى عليه صوره بقره ومغطى بقصدير والى يوزعونه بعد صلاه الفجر على البيوت ومن شطانتنا مانخلى ولابطل بلفريج* (حرام والله عليكم ذكرتونى احلى ايام العمر) ااااااااااااااااه وبس

مشكورين عالإضافات الحلوة ياعمار والله كانت ذكريات حللللللللوة

 

[المتوفي]

متى تفتح موضوع عن مواليد الثمانينات

 

[Kuwait]

شكرا لتواجدكم


مواليد الثمانينات

بلاي ستيشن وبلوتوث وانترنت

 

[acton]

بتكلم عن ايام الحداق بالسبعينات
كنا نروح الحداق مع الوالد الله يرحمه في منطقه اسمها اطريثيث حاليا بنيدر نقط مشابك وانقمبر تالي الليل كنا نصيد هوامير على السيف من كثرهم ونقعد من الصبح انباري المشبك وانطلع من هالسبيطيه اللي ماتقدر تشيل الواحد من كبره
بعدها شرينه طراد المنيوم 14 قدم وجيب بوشنب اللي ينزله على الرمل ومايغرز ندش بحر بهالطراد الصغير واذكر مره رحنا قاروه ومن كثر الصيد الطراد بيطبع ونمشي اشوي اشوي
كانت بنيدر عباره عن ساحل ونحط خيمه حق الحداق بعدها حطينه شبره اصغيره نخش ماكينه الطراد وعده الحداق وتطورت الامور وسورنا الشبره كلش مووضع اليد بس بعدها اخذنا ترخيص عشان نبني شاليه وعطونا ورقه الى هاليوم موجوده هالورقه
بختصار بنيدر منطقه مشهوره بالحداق والسمج الهايض(كلمه قديمه عن كثره السمج)​

من كلمات اللي تعلمتها من الحداقه
البحر امصهي
البحر اخواهر
البحر مزبد
اذا صدت سمكه كبيره نقول وادعه
كلمات قديمه نعتز فيها لان ابائنا واجدادنا قالوها ​

 

[Navigator]

منو يترجم لي هالكلمات

بلعبة التيل

صليج

تيز

منو يذكر معناتهم

طبعا اذكر

اول مديم ( صج نذل )

واذا التيله قريب الخط نقول شارب (شكو)

وعاجبتني كلمة صدي راجع

هم اذا طلعت التيله ويا الروز برا الدائره لها مسمى منو يتذكره ؟

 

[bo fawaz]

.

ألا ليت الزمن يرجع ورى وإلا اليالي تدور

ويرجع وقتنا الأول وننعم في بساطتنا​

 

[شجرة العود]

.

ألا ليت الزمن يرجع ورى وإلا اليالي تدور

ويرجع وقتنا الأول وننعم في بساطتنا​

ياااااليت بس الحمد لله على نعمة الصحة والعافية وراحة البال
والله أنعم علينا بالذكريات هاذي تونسنا من فترة لي فترة لما نتذكرها
اخوي اكتن مشكور عالإضافة الحلوة كحلاوة ماضيها

 

[الصاحب الاول]

الظاهر الربع اكثرهم شياب

الظاهر بس acton مااعتقد من جيلهم ههههههههه

 

[acton]

الظاهر بس acton مااعتقد من جيلهم ههههههههه

صحيح امصلع بس توني اصغيرونو ​

 

[سارونا]

خووووووش موضوع

تسلم

 

[Kuwait]

الله يسلمج

 

[L.yan]

طيارة طارت في السما العالي فيها صباح السالم الغالي
مايعرفها الا الي عمره 38عالأقل

 

[ابوهايف]

الله اكبر

 

[NICK]

الله لو واحد او وحده يتبرع ويلخص اجمل مافي المشاركات من ويقسمها اقسام مثلا الربع التلفزيون ويحط مسلسلات قديمه ...والرسوم ...ويكمل منو يتبرع ...؟ يزاه الله الف خير
لانه الصراحه موضوع قممه ونشكر صاحب الموضوع

 

[q8royale]

ههههه
صاحب الموضوع ذكرتنا بما مضى

بنوا جدام بيتنا ( بيتنا كان بيت عربي ) عمارة فيها مصعد

بعد الغدا بالصيف ( طبعا ما كنا ننام الظهر ) نروح نلعب بالمصعد - صاعدين - نازلين

كنا نشرب الماي من الحنفية ( نسميها نل )

كواطي الروب نغسلها - نعبيها شربت فيمتو و نحطها بفريزر الثلاجة ونسميها برد

في احد مر عليه وانتوا بكرامة حذاء بوكعب خشب - كانوا يبيعونه بالسالمية ب 4 دنانير