Eng-Omar
عضو نشط
- التسجيل
- 3 مايو 2008
- المشاركات
- 365
السلام عليكم اخواني جميعا
في البدايه لو لا ثقتي العاليه بثقافة ومعرفة اعضاء هذا المنتدى والصرح الراقي
لما طرحت هذا الموظوع وطلبت هذي الاستشاره
وكلي ثقه برقي الطرح اللي انشالله راح اجد فيه الاجابه الشافيه وكل الرضى......
موظوعي بارك الله فيكم :
انا طالب بكلية الهندسه والبترول بجامعة الكويت
وانشالله هالكورس اذا الله كتب بتخرج
والحمدلله معدلي جيد جدا ويعتبر ممتاز بكليتنا نظرا لمستواها الراقي وصعوبة الدراسه فيها
وكل ما قرب التخرج يبدا الواحد يفكر للمستقبل ويرسم خطة لحياته الوظيفيه الجديده
وانا الصراحه كنت شوي محبط من المستقبل لان ربعي اللي تخرجوا العام واول العام
وظايفهم الحمدلله زينه
بس مو على قد الطموح
يعني كنت اتوقع افضل من جذي
اللي قطوه بالبلديه مفتش
واللي بالاشغال هم جذي وظيفه عاديه
واللي بالكهربا بالمحطات مقطوع عن المجتمع
وهلم جره
حتى المعاشات مو قويه وايد
لين قبل فتره لقيت واحد من الربع تخرج من ظباط الداخليه العام
ومشالله وضعه ممتاز
واهو الصراحه محب ونصوح
ف نصحني قال ليش ما تدش ظباط اختصاص
معاش ممتاز
ومكان حلو
والاهم
فرصه كبيره انه تكمل دراستك
لان الجامعه عندنا صعبه وااايد البعثات
بخيلين علينا وكريمين مع الاجانب
متروس الدكاتره الاجانب عندنا
وما يبطلون الا كرسي واحد بالسنه
ف الفرصه صعبه واااايد
المهم من يومها وانا مشتت وحيل ظاااااااااااااااااااايع
ف نصيحتكم لي شنو
انا كان بخاطري العسكريه قبل الكليه
بس ما كتب الله
والحين
حاااز بخاطري اني تعبت واجتهدت بالكليه ومعدلي زين
واخرب كل جهدي وادش عسكريه
ف ابي نصيحتكم يا اخوان
شنو احسن اماكن للمهندس
وطبيعة عمل كل مكان
ابي معلومات دقيقه بارك الله فيكم
ولحد يبخل علي ترى اتقبل اي رأي بصدر رحب
ولحد يبخل بمشاركته ترى يمكن الله ينفعني فيها
وجزااااكم الله كل خير