أسعار العقار ومخصوص لأبو فطيره؟؟؟؟؟؟

الموضوع في 'اعلانات العقار' بواسطة خسران جداً, بتاريخ ‏23 مايو 2009.

حالة الموضوع:
مغلق
  1. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    بسم الله الرحمن الرحيم

    يا جماعه بخصوص الاسعار انا احب اوصل رساله للتجار
    يعني الواحد لما يبي يبيع سلعه يفكر هل الناس عندهم فلوس يشترون والا لا؟ او بمعنى اخر هل هالسعر مجدي او لا؟

    يعني مثلا اشتريلي ارض وانطرها سنتين وبعدين ابنيها ب120 الف...انزين يعني بيطلع علي البيت (بعد سنتين) بكم؟ 200 الف؟ اشتريلي الحين فيلا بهالسعر ولا انطر سنتين اذا كان عندي هالمبلغ.

    وبعدين هل بعد سنتين اذا بنيت بيكونون الناس وياي والا بس بيتي انا والباقي يا اراضي فاضيه او بيوت شركات يبون يبيعونهم؟ يعني بالعربي ما عندي جيران والمنطقه ميته.

    نرجع بخصوص اسعار البيوت قبل مده زادت الاسعار بشكل مو طبيعي و رهيب يعني بيت وصل 200و250 ليش؟ قالوا ان اسعار البنيان من حديد واسمنت زادت الى الاضعاف المضاعفه ...قلنا معاهم حق........انزين الحين اسعار الحديد والاسمنت نزلت...بس ما شفنا هالشي أثر على نزولهم؟ يعني في لعبه قاعد تنلعب من التجار الكبار.

    هذا وبغض النظر عن الخسائر الماليه اللي حدثت للناس والشركات بهالسنه.

    يعني الواحد اللي عنده مخ المفروض يقول ان اسعار البيوت والاراضي راح تنزل.......والاسعار الحاليه لا تزال في علم الخيال والاحلام.

    رساله لك اخي المواطن.....لا تشتري ارض بالسعر اللي اهم يبونه...اشتر بالسعر اللي انت تبيه.......ولا تنسىىىى ان المنطقه مطوله على ماتبني فيها ولا تنسى اذا بنيت بكم بتقط ولا تنسى اذا سكنت هل عندك جيران او منطقه فاضيه مافيها الا انت وبيوت مهجوره معروضه للبيع ....انصح اللي يبي يشتري يطق فره بالعقيله وخصوصاً قطعه 3 ويشوف الوضع وبعدين يفكر.

    الموضوع متروك للنقاش عن الاسعار بين الاخوه ونرحب بالحسودي و ربعه..بشرط المناقشه العقاريه وليس الشخصيه ولا يميلون لعاطفتهم لانهم يملكون ارض ويبون يربحون فيها غصب.

    القاعده اللي محطوطه عند بعض ملاك هذه الاراضي يقولك التاجر ماخذ اراضي بالدين وكل سنه البنك ياخذ فائده عليه وهذا اللي يخلي سعرهم يرتفع....اذا اهو غلط انا ادفع عنه ليش؟ يعني اهو يشتريها ب20 الف ويبي يبيعها ب100؟ على شان يغطي خسارته وبالاضافه الى ربحه؟.
     
  2. Bu-Sultan

    Bu-Sultan عضو نشط

    التسجيل:
    ‏17 أكتوبر 2005
    المشاركات:
    155
    عدد الإعجابات:
    0
    موضوع جميل , يستحق الرفع..

    بارك الله فيك اخوي خسران جدا ..
     
  3. bu sale7

    bu sale7 عضو نشط

    التسجيل:
    ‏13 أكتوبر 2008
    المشاركات:
    829
    عدد الإعجابات:
    0
    السلام عليكم

    احب اضيف ان عقد ما البنيه التحتيه سنتين

    للحين الشركه ما نزلت مكاتبها ولا لها اثر في المنطقه

    ناهيك عن الدفانات والانقاض ما راح تشتغل الشركه لان هالاشياء تعتبر موانع تعيق العمل

    طبعا راح تشيل البلديه بعد مماطله وكشف على المنطقه ومنو المقاول اللي تسبب بالمشكله

    تعال دور
     
  4. TCR3

    TCR3 عضو جديد

    التسجيل:
    ‏26 يناير 2009
    المشاركات:
    412
    عدد الإعجابات:
    0
    يا اخوان والله حرام عليكم ليش تكرهون الناس بالمنطقه اتمني من اخونا المراقب اقاف عضوية الاخوان بسرعه ورجاءا تكلمو عن اي منطقة ثانية غير بوفطيره والفنيطيس ترا ملاك هالمنطقة تعبو من كلامك حول علي الصديق واشبيليه رجاءا
     
  5. bu sale7

    bu sale7 عضو نشط

    التسجيل:
    ‏13 أكتوبر 2008
    المشاركات:
    829
    عدد الإعجابات:
    0
    طول بالك يالحبيب محد كره اهل المنطقه ليش بو فطيره مو اهلنا وجماعتنا راح يسكنونها ويمكن الله يرزقنا ونسكن فيها

    انت مريت المنطقه ولا لا شوفها زين ترا اشبيليه مرت عليها المشاكل مع ان اهلها بنو قبل البنيه التحتيه بس تاخرت الشركه بالتنفيذ بسبب الانقاض والدفان اللي نتج من عمليات بناء الفلل

    يعني عارفين المتسبب وهم مو قادرين عليهم البلديه فما بالك اذا قالو مجهوله
     
  6. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    الله واكبر تبي يوقفون العضويه مره وحده؟ ليش؟ على شان قاعد نقول كلام واقعي وعايشينه؟

    ياخوك اذا الملاك نايمين وقاعد يحلمون لابد يجيهم يوم احد يقعدهم......وهذا الكلام مو اشاعه هذا الواقع المر. يعني اللي شاري ارض في ابو فطيره شنو قاعد يفكر الحين؟(الله.. ياحظي.. عندي ارض وابي ابنيها واسوي واحط ........بس متى؟ بعد سنتين او اكثر).

    اكبر دليل ان الكلام صحيح و واقعي شوف اللي يدافعون عن العقار ويطبلون له ويطيرونه محد شارك فيهم.
    تدري ليش؟ لان ماعندهم حجه
     
  7. المتريث

    المتريث عضو جديد

    التسجيل:
    ‏3 يوليو 2008
    المشاركات:
    103
    عدد الإعجابات:
    1
    غير مفهوم ماهو المقصود من الموضوع ..
    عموما الأسعار سترتفع شئتم أم أبيتم يا الخسران جدا والمهندس و مهدي75 اللي أختفى بعد ما ضلل الناس..
    ندم كل من كان لديه ولم يشتري بأبوفطيره على 70 و 75 ألف فهذه الأسعار ولت الى غير رجعه .. وسيندم كل من يسمع كلام الخسران جدا
     
  8. بومصعب

    بومصعب عضو نشط

    التسجيل:
    ‏29 مارس 2009
    المشاركات:
    220
    عدد الإعجابات:
    0
    هدوا ياشباب الموضوع اصبح شماته الرجاء اي موضوع يطرح هل لابد نكون كلنا موافقين ام مخالفين ، كل له وجهت نظر المنتدى ليس حكرا على راي واحد والمنتدي مكان للتنفيس ولا اعتقد انه سيوجه سوق العقار ولكن يبين اراء العقاريين من باعه ومشترين ودمتم
     
  9. qa111qa

    qa111qa عضو جديد

    التسجيل:
    ‏3 أغسطس 2008
    المشاركات:
    160
    عدد الإعجابات:
    0
    واللة صح كلامك وهذا المفرووض اللي يصير جذي احنا ماذبحناا الا التجااار وطمعهم الغير كافي انا انصح اي واااحد يبي يشتري ينطر شوي او يشتري بسعر معقوول ولا يكوون من ربعناا اللي شرووا وبعدين ماقدرواا يسددوون وتوهقواااا
     
  10. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    والله يا جماعه اليوم دقيت على مكتب عقاري حاط اعلان بالجريده عنده ارض للبيع.

    والله والله والله ان الرجال انحرج ولا عرف شيقول...
    واليكم الملخص:

    انا: الو السلام عليكم
    اهو: وعليكم السلام يا هلا
    انا: لو سمحت اخوي حاطين اعلان بالجريده عندكم ارض للبيع جم وصل السوم؟
    اهو: اي والله لي الحين ما انسامت
    انا: انزين يعني تقريبا جم سعرها؟ حالها حال خواتها من اراضي
    اهو: والله في مثلها معروضه ب140
    انا: انا مابي معروضه ابي انباعت او لا؟
    اهو: همممم لا بيع ماكو بس في عرض
    انا: انزين انا اذا بشتري بقعد ثلاث اربع سنين على ما ابني بيتي ويعني لو بسوي هالطريقه بيكلفني البيت تقريبا 200 الف ..اشتريلي بيت جاهز الحين احسن.
    اهو: والله صح كلامك و اصلا ماكو شرايه كملاك بس اللي قاعد يشترون مضاربين كبار على الاراضيانا: اها يعني بس شغل مضاربه ماكو ملاك..يعطيك العافيه ومع السلامه

    وانتهت المكالمه. يعني زبدة الكلام هالاسعار اللي قاعده نشوفها بوزارة العدل هذي قاعد يضاربون عليها الشركات والتجار...مو انا والمواطنين يا عالم. المشكله بالمستقبل هالشركه بتقول انا شاريه الاراضي بغالي ولا اقدر ابيع بسعر منخفض وبخساره كبيره...خلاص عوضوني يا حكومه واشتروها مني و وزعوها على المواطنين.......ومع واسطه من احد الهوامير...راح تخضع الحكومه لهم. اهو هامور واحد يشق ويخيط ..شلون اذا اجتمعت الهوامير والحيتان علينا؟:(((((
     
  11. signalindex

    signalindex موقوف

    التسجيل:
    ‏8 أكتوبر 2005
    المشاركات:
    325
    عدد الإعجابات:
    0
    استغفر الله العظيم من كل ذنب عظيم اللهم اني اعوذ بك من الخبث والخبائث .

    تكفون يا جماعة لحد يشتري في منطقة ابو فطيرة يقولون راح يبلشون البنية التحتية فيها بعد 10 سنوات المصدر مقاول اسمه مسي دروزو ايراني الجنسية طويل القامة ممتليء البنية حنطي اللون وانا ااكد على كلام اخواني انه المنطقه ما تسوى ليما تبني راح تسكن بروحك ما عندك جيران اما المناطق الثانية مثل صباح الاحمد وسعد العبدالله غير راح يحددون يوم واحد للجميع والكل يسكن بنفس اليوم راح يحملون اغراضهم مع بعض زينزلونها مع بعض وانا سمعت انه ممكن اتوافق الحكومة ويصير غداهم مع بعض بنفس اليوم والوقت وراح يكون عندك جيران بنفس اليوم اللي تسكن فيه هذي المناطق وهذا التنظيم خلو عنكم ابو فطيرة ما تسوى يا جماعة الاراضي على 20 الف وماكو شراية انا اعتقد الفكرة وصلت خوش عذروب بالمنطقة الكل فهم راح تسكنون بروحكم ما عندكم جيران انا نبهت وانتو كيفكم الحين لو سمحتو مشرفين اغلاق الموضوع لانه صوتهم وصل .
     
  12. ودي اربح

    ودي اربح عضو نشط

    التسجيل:
    ‏1 أكتوبر 2004
    المشاركات:
    3,728
    عدد الإعجابات:
    0
    مكان الإقامة:
    ديرة الخير
    تصدق بالله انى ودي املك بالمنطقة والمنطقة اكثر من رائعة بالنسبة لى بالوقت اللى كنت اقدر اشتري فيها بس بالوقت الحالى صار صعب والسبب ارتفاع الاسعار والله يسامح اللى كان السبب .

    والله يا المتريث صااحبنا هذاك راح بعد ما شري ارض وضحك على الكل وقالها بعضمت السانه والناس قبل طايره فيه السما والحين دور طقاقك وين واللى يراج المشاركات يعرف شنو الزبده .

    والله انه عدل كلامك والمفروض انه المنتدي يكون فيه كل الاراء بس ربعنا يبون راي واحد تقول قاعدين بالبصره .

    الله يعطيك العافية على النصيحة بس المشكله اكو من الشباب اللى كانوا يروعون الناس هم اللى شروا باسعار 70 75 الله كريم وان شاء الله تضبب وتنزل على الاقل الى اسعار اللى شرا فيها العضو المحترم راعى الاخبار الانهيارية ونركب القطار معاه .
    يقولون الاارضي وصلت على دينار ونص وخلها تضبب بيها بربع
     
  13. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    ادري ان انت و ربعك ودك يتصكر الموضوع,,,,بس حامض على بوزكم:)

    بعدين صدقني انا لما كتبت الموضوع مو هدفي ان صوتي يوصل لك انت و ربعك ...هدفي يوصل للناس اللي ما تدري ليش الاسعار غاليه..وانت و ربعك خلكم ماسكين الاراضي لما يصير فيكم امراض نفسيه بسبب عدم البيع... يا حرام محد يشتري منكم كاااااااااااااااااااااااااااااااااااااااااااك
     
  14. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    بالاقتصاد مافيه شي اسمه ارتفاع مستمر او انخفاض مستمر
    فيه دورات اقتصاديه تمر على المنطقه او على البلد حسب الضروف المحيطه فيه سواء من ضروف اقتصاديه او سياسيه خاصه اذا كان هذا البلد كثيره فيه التقلبات الاقتصاديه والسياسيه

    للعلم فقط ان اسعار الاراضي مرت بطفرات كبيره في بداية الثمانينات ثم بعد التحرير مرت بفترة ركاد وكساد واصبح العرض اكثر من الطلب ونزلت الاسعار
    ثم انتعشت وقبل الالفيه مرت بأنخفاض خاصه سنة 98 99 2000 واللي يذكر الاسعار في هذه السنوات راح يحس بالفارق الكبير بين الوضع الان وقبل
    ثم طفرة 2004 الى نهاية 2007 ثم بداية هبوط الى ان انخفض السعر الى النصف حسب دراسه رسميه
    طيب الان ماهو المتوقع 2009 وبالمستقبل القريب بالنسبه لأسعار الاراضي
    اقول والله اعلم
    ان الامر بيد الحكومه بعد الله فأن كانت جاده ومخلصه في جعل هناك توازن على الاقل بين العرض والطلب ان تضخ بالسوق خلال سنيتن من 20 الى 30 الف قطعة ارض سكنيه للمواطنين اصحاب الطلبات كبيع غير توزيع المؤسسه العامه لرعايه السكنيه ويكون ضخ الحكومه في الاماكن الحضريه واقصد هنا اراضي الدائري السابع التي سلمتها شركة النفط وهي صالحه لسكن
    الالتزام بالقرارات التي اتخذتها ومن اهمها عدم السماح للشركات بالمضاربه بالاراضي السكنيه
    وقرارت التشدد بالقروض
    ومن العوامل التي ساعدة على انخفاض الاراضي
    انهيار البورصه
    التشدد بالاقراض من قبل البنك المركزي
    منع دمج راتب الزوجين
    الدوره الاقتصاديه وهي نتاج طبيعي لتضخم الاسعار لاحظ ان القرارات صدرت بعد تصريف اكثر الاراضي بأسعار غاليه كما هو الحال بالبورصه وهنا مربط الفرس ولا راح اتوسع بهل الجزئيه لكن اترك للقارىء الفهم
    ومنها ايضآ ان كثير من المواطنين يعتبر مديون وغير قادر على ضبط مصروفاته في ضل غلاء الاسعار
    وفي النهايه اسئل الله التوفيق لي ولكم
    وان يرزقنا الله الجنه التي هي خير من الدنيا ومافيها
     
  15. المتريث

    المتريث عضو جديد

    التسجيل:
    ‏3 يوليو 2008
    المشاركات:
    103
    عدد الإعجابات:
    1
    ماني عارف ليش هالربربه اللي مالها داعي ، السوق موجود والأسعار معروفه - شارع واحد 90 ألف وأنت اللي ماشي - اللي يبي يشتري يشتري واللي يبي يصبر يصبر.

    انا واحد من الناس أنصح بالشراء لأني أعتقد أن الأسعار سترتفع ..

    الخسران ينصح بعدم الشراء لأنه متأكد أن الأسعار راح تنزل ..

    شلمشكللللللللللله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
     
  16. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    تعجبني الصراحه
    تعليق بسيط على ما ذكرت:)...السوق حاط على 90 الف لان يدري حتى لو يحط على 60 الف محد راح يشتري...فبدأ بالعالي ومن ثم سوف ينزل الى 60. والا المفروض تنعرض على 60 وتباع على 45 او 50....بس التاجر يقولك اعرضها لمدة من الزمن ب90 وبعدين انزل فيها الى 60 او 70 و راح يطيرون الناس عليها.:) الصبر مفتاح الفرج يا ناس
     
  17. المتريث

    المتريث عضو جديد

    التسجيل:
    ‏3 يوليو 2008
    المشاركات:
    103
    عدد الإعجابات:
    1

    الظاهر أنك تؤمن بنظرية المؤامره ... العمليه واضحه : عندك ، الشراي موجود على 90 ألف - العدد مفتوح
    فما هو سعر السوق ؟؟؟؟؟؟؟؟؟؟؟؟؟

     
  18. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    حدد اخوي قبل لا تذكر السعر...شنو مميزات هالارض ام 90؟ بعدين حدد لنا الشراي الموجود هل هو مواطن او تاجر مضاربات عقاريه؟

    وابيك تحلف بذمتك ان سعر الارض اللي تقول عنها ب90 الف.. بأن هالمبلغ يناسب الارض وسعرها فيها. وشكرا
     
  19. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    للرفع
     
  20. المتريث

    المتريث عضو جديد

    التسجيل:
    ‏3 يوليو 2008
    المشاركات:
    103
    عدد الإعجابات:
    1

    الأرض : شارع واحد 400م
    الشراي: يعلن وقت البيع فقط
    من وجهة نظري السعر مناسب خصوصا اذا كانت بالقطع القريبه - الشماليه - ولا داعي للحلف حيث أنه مكروه (ولا تجعلوا الله عرضة لأيمانكم)

     
حالة الموضوع:
مغلق