لجميع استفساراتكم عن الرخص التجاريه

[general]

الله يعطيك العافيه أخوي جنرال وبارك الله فيك

اخوي جنرال كم تكلفت المؤسسه تجاره عامه مع العلم أن ماكو عندي رصيد

180 الى 230 والرصيد عليه

يعني كم المندوب ياخذ وهو يضبطلي الرصيد وخلال جم تخلص الشغله

تطول السالفه اسبوعين

اخوي جنرال تحملني بارك الله فيك لأني عليمي والله بهالشغلات
اولا انا الهدف الأول من فتح المؤسسه عشان زوجتي وراتب دعم العماله
انزين فتحت المؤسسه وخذينا مكتب ومشينا دعم العماله حق زوجتي وهي قاعده بالبيت وترززت انا بالمكتب كل يوم قاعد بس جذي من غير فايده

طيب نبي هم نستفيد شنو الشغلات اللي نقدر نستفيد منها مثلا انت قلت عمال
شنو استفيد منهم وبعدين شلون احولهم هل هو علي المؤسسه ولا شلون

طبعا على المؤسسه

طيب مثلا اقدر احول سيارات علي المؤسسه يعني ابيك تفيدني شوي بارك الله فيك

تقدر تحط سيارات باسم المؤسسه

انا فدتك بالاجراءات القانونيه والاداريه والفنيه اما بالنسبه للمشاريع ماقدر افيدك اهني, في قسم خاص انا مبطله باسم لجميع مشاريعكم التجاريه اتمنى تدخله وتقرا وصدقني راح تشوف ارشيف كامل للمشاريع

 

[بدر المنصور]

اخوي جنرال أنا سألت ناس وقالو ماكو مؤسسه تجاره عامه
يقولون لغوها وفيه ناس قالو لا بس الشركه اللي لقوها المؤسسه فيه
والله ضعنا يا جنرال ماندري منو الصاج فيهم ياليت تفيدنا ,,,


الله يعطيك العافيه أخوي جنرال
ممكن تعطيني رقم مندوب تثق فيه
واكون شاكرلك يالغالي ...​

 

[general]

اخوي جنرال أنا سألت ناس وقالو ماكو مؤسسه تجاره عامه
يقولون لغوها وفيه ناس قالو لا بس الشركه اللي لقوها المؤسسه فيه
والله ضعنا يا جنرال ماندري منو الصاج فيهم ياليت تفيدنا ,,,


الله يعطيك العافيه أخوي جنرال
ممكن تعطيني رقم مندوب تثق فيه
واكون شاكرلك يالغالي ...​

المندوب مسافر يرجع عقب العيد وانشالله ماراح يقصرون معاك مناديب الجرايد
مافي شي اسمه مؤسسه تجاره عامه او مؤسسه تجاره عامه ومقاولات لغوها
لا حبيبي اخذها مني كلمه مالغوها

 

[بدر المنصور]

اخوي جنرال معلش ترا فيه مناديب حراميه
والله العظيم كلمت 2 من المناديب قالولي لقوها التجاره العامه
وقلتهم طيب ابي مؤسسه والرصيد عليك قالي 900 دينار مع الرصيد بدون رصيد 300
والثاني قالي 650 دينار مع الرصيد شلون بالله فعشان جذي ابي من عندك مندوب ثقه ياخوك

والله يوفقك ويجزاك خير يالغالي ....​

 

[general]

اخوي جنرال معلش ترا فيه مناديب حراميه
والله العظيم كلمت 2 من المناديب قالولي لقوها التجاره العامه
وقلتهم طيب ابي مؤسسه والرصيد عليك قالي 900 دينار مع الرصيد بدون رصيد 300
والثاني قالي 650 دينار مع الرصيد شلون بالله فعشان جذي ابي من عندك مندوب ثقه ياخوك

والله يوفقك ويجزاك خير يالغالي ....​

هلا فيك مندوب الي اتعامل معاه مسافر يرجع عقب العيد ياريتك تنطر وعقبها تذكرني اعطيك ياه
حاول تتصل على اكثر من مندوب انت متصل فقط على 2

 

[بوعلي الشمري]

السلام عليكم

مساء الخير ان كنت في مساء اوصباح الخير ان قرأت الرساله صباحا
سؤال لو تكرمت اقدر احول رخصة 2008 باسمى سالت واحد من الربع يقول لازم شهادة رصيد جديدة غير الاولية ؟

 

[general]

مساء الخير ان كنت في مساء اوصباح الخير ان قرأت الرساله صباحا
سؤال لو تكرمت اقدر احول رخصة 2008 باسمى سالت واحد من الربع يقول لازم شهادة رصيد جديدة غير الاولية ؟

تقدر بكل سهوله لكن تحتاج شهاده رصيد
والافضل لك تسوي هل مناوره

تدخل شريك انت 1% و الي معاك 1% , من غير ماتسوون خروج الشركاء القدم فقط تسوي دخول انت والي معاك
وعقبها تسوون خروج شركاء (القدم) وتعدلون الحصص وانت تصير 99% والي معاك 1% (طبعا الحصص بكيفك تلعب فيها)
جذي انت والي معاك مطلوب منكم شهاده رصيد كل واحد فقط 1% من راس مال الشركه الي بتدخلون فيها

واعتقد 1% من راس المال لازم تدبره

 

[kalad63]

مطلوب رخصه تخليص معملات في الكويت

اذ فيه واحد يبي يبيع رخصته تخليص بسعر مغري 66355546

 

[ceo]

اخوي ممكن استفسار شنو الفرق بنسبه لرخصه تجاره عامه ومقاولات ذذم اللي من سنه 2006 وتحت؟

واذا ابي رخصه جديده كم تكلفتها تجاره عامه ومقاولات وهل سهله او صعبه ؟

 

[general]

اخوي ممكن استفسار شنو الفرق بنسبه لرخصه تجاره عامه ومقاولات ذذم اللي من سنه 2006 وتحت؟

واذا ابي رخصه جديده كم تكلفتها تجاره عامه ومقاولات وهل سهله او صعبه ؟

ماكو فرق بين سنوات تأسيس الرخص لان نفس الشي لكن من انت قريتي اعلاني اني طالب رخصه تأسيسها يكون من 2006 ونازل

لان اغلب الشركات الي كانت تأسيسها 2008 تعرضت لمشاكل

وتأسيس رخصه شركه حاليا جدا مكلفه (مو صعبه) واقتصر هل تأسيس من قبل مكاتب وايد صارت محدوده وبالنسبه للتكلفه ماتوقع اقل 2000 لان لو لقيت تاسيس رخصه شركه تجاره عامه ومقاولات ب 1800 ونازل قولي عشان انا ابي حق نفسي

 

[white soul]

يعطيك الف عافيه يابو عقيل
بس انت متأكد من اجابة هالسؤال

3_لدينا مؤسسه وانتهى ترخيص هذه المؤسسه ونملك محل هل نستطيع تغيير عنوان المؤسسه الى عنوان المحل الذي نملك؟؟

بكل يسر وسهوله سواء التجديد او تغيير العنوان , بس بشرط المحل الي تمتلكونه لايكون عليه رخصه اخرى

لاني سئلت وقالو لازم يكون عنوان المؤسسه غير عن عنوان المحل
واذا يصير شنو الاجراءات وهل يحتاج مندوب؟ظ
ومشكور ويعطيك الف عافيه وعسى ربي يسهلها عليك

 

[general]

يعطيك الف عافيه يابو عقيل
بس انت متأكد من اجابة هالسؤال



لاني سئلت وقالو لازم يكون عنوان المؤسسه غير عن عنوان المحل
واذا يصير شنو الاجراءات وهل يحتاج مندوب؟ظ
ومشكور ويعطيك الف عافيه وعسى ربي يسهلها عليك

اي نعم متأكد من الاجابات , والافضل المندوب يقوم بهل عمليه والمفروض ماتكلف اكثر من 20 بحد اقصى

 

[kalad63]

سلام عليكم ورحمة الله وبركته شباب ممكن رخصه تخلايص معملات اللبيع بسعر مناسب معقول جزاكم الله الخير التواصل في الموضوع تصال على الاقم (66355546)

 

[kuwaitson]

رخصة إنتاج فني + رخصة نشر وتوزيع

السلام عليكم
يعطيك ألف عافية
من فضلك عندي استفسار حول :
١) كيفية الحصول على رخصة خاصة لمؤسسة إنتاج فني + نسخة نشر وتوزيع الإنتاج الفني
٢) وهل يوجد فرق بين الإنتاج الفني وبين الدعاية والإعلان
٣ ) وهل يشترط وجود غطاء مالي مثل رخصة التجارة العامة ؟

يعني أبي فكرة عامة عن هالموضوع

وأخيرا يا جماعة ياليت تفيدوني إذا في مندوب ممكن يخلصلي هالمعاملة

وألف شكر للجميع

 

[general]

السلام عليكم
يعطيك ألف عافية
من فضلك عندي استفسار حول :
١) كيفية الحصول على رخصة خاصة لمؤسسة إنتاج فني + نسخة نشر وتوزيع الإنتاج الفني
مافي اي مشكله لكن بالنسبه للنسخ والنشر تحتاج موافقه ورقابه وزاره الاعلام والمفروض يكون شغل المندوب .
٢) وهل يوجد فرق بين الإنتاج الفني وبين الدعاية والإعلان
اي نعم هناك فرق
٣ ) وهل يشترط وجود غطاء مالي مثل رخصة التجارة العامة ؟
مافهمت عليك لكن حاليا تم ايقاف تأسيس الرخص الي تكون تحت مسمى تجاره عامه ومقاولات واقتصر الموضوع على تحديد النشاط مسبقا , وبكل الحالات يجب عليك استشاره مندوبين الي بالجرايد الوسيط وغيرهم يفيدونك اكثر والمفروض يكون تدبير كل هل امور من عندهم
يعني أبي فكرة عامة عن هالموضوع

وأخيرا يا جماعة ياليت تفيدوني إذا في مندوب ممكن يخلصلي هالمعاملة

وألف شكر للجميع

للاسف الكثير طبلوا مني رقم مندوب امين ووعدتهم بعد العيد يرجع من السفر لكن الى الان ماوصل الكويت , اتصل على اي مندوب وقوله الي تبي ومن ثم اكتب لي رساله بالخاص شقالك وجم قالك وعلى ضوء هل شي اقولك بلش معاه ولالا

 

[قناص_السوق]

يعطيك العافيه اخوي على المجهود الطيب

وفي سؤال حقيقتا رغم خبرتي في مجال الرخص والتجاره ....

الا انني الى الان لم اعرف جواب ما اريد ان اسأل عنه


هناك شركات تتأسس برأس مال وقدره فرضا 50 الف دينار و لنفترض الرخصه تجاره عامه و مقاولات


و غيرها من الشركات ايضا بنفس النشاط و نفس الرخصه و لكن تتأسس بمبلغ 25 الف دينار

السؤال هو :-
شنو الفرق بين الشركتين و منو يحدد مبلغ تأسيس الشركه ؟

و كذلك هل الشركات المحدده رأس المال هي شركات ذات مسؤوليه محدوده ام يجوز ان تكون تضامنيه ...

 

[general]

يعطيك العافيه اخوي على المجهود الطيب

وفي سؤال حقيقتا رغم خبرتي في مجال الرخص والتجاره ....

الا انني الى الان لم اعرف جواب ما اريد ان اسأل عنه


هناك شركات تتأسس برأس مال وقدره فرضا 50 الف دينار و لنفترض الرخصه تجاره عامه و مقاولات


و غيرها من الشركات ايضا بنفس النشاط و نفس الرخصه و لكن تتأسس بمبلغ 25 الف دينار

السؤال هو :-
شنو الفرق بين الشركتين و منو يحدد مبلغ تأسيس الشركه ؟
ماكو فرق بينهم , ويتم تحديد راس مال الشركه من قبل الشركاء لكن هناك حد ادنى لرأس المال يتم تحديده من وزاره التجاره يعني مثلا
انا وياك حبينه ندخل مشروع مجال الالعاب وزاره التجاره راح تقول لي ولك حد الادنى لراس المال يجب ان يكون 40 الف ومن عقب هل تحديد ان وياك بامكانك نخلي راس المال 60 الف
النتيجه ان التجاره حددت لن راس مال محدد واحنه حر في زياده المبلغ عن المحدد الى مالا نهايه لكن لايحق لنه تأسيس شركه للالعاب براس مال 39,999 دينار بل يجب اقلها يكون 40 ألف

و كذلك هل الشركات المحدده رأس المال هي شركات ذات مسؤوليه محدوده ام يجوز ان تكون تضامنيه ...

يجب الالتزام بشروط راس المال الموضع من قبل وزاره التجاره في جميع انواع الشركات وليس هناك فرق في مسميات (انواع) الشركات الا في تعريف الهويه القانونيه


وبالنسبه لسؤالك فرق شركات تجاره عامه مقاولات ب 50 الف والاخرى ب 250 ألف

سؤالك هذا عجبني
والاجابه تكون على شقين

الشق الاول : ممكن راس مال الشركه تم تحديدها من قبل التجاره ب 50 ألف وانت وانا نتقيد بهل شرط ونحطه فقط 50 ألف لكن في غيرنه عنده راس مال اكبر من راس مالنا لذلك يحط 300 ألف مثلا

الشق الثاني والاهم : الفرقيه الي قاعد تشوفها براس المال والي محيرك الاجابه هي انا شركات تجاره عامه والمقاولات كانت سنه 2004 راس مالها محدد ب 50 الف لكن في سنه 2006 و 2007 صار 150 ألف و 2008 و بدايه 2009 صارت 250 ألف
وهذا هو سبب الاختلاف
مثال توضيح اكثر مستحيل تشوف شركه تجاره عامه ومقاولات تأسست ب سنه 2006 ب 50 ألف دينار
وراح تشوف شركات القديمه يعني قبل 1990 في شركات راس مالها ماتتعدى ال 7 الاف لكن الحين مثلا لازم يصك ال 40 الف

ولاتتردد بالسؤال اكثر من مره

 

[قناص_السوق]

بارك الله فيك بردك علينا و ايفادنا بالعلم و انشالله تكون مأجور من الله سبحانه و تعالى ........



اخوي انا ابي افهم شنو هدف الشركاء من زياده رأس المال عن الحد الادنى المحدد من قبل التجارة

هل الهدف فقط للحصول على المصداقية من قبل عملاء الشركه ...... و كذلك زيادة الثقه في قدرة الشركه على ممارسة نشاطها

ام انه يوجد اهداف ثانيه ..

خصوصا ان العلاقه الطرديه و هي :- كل ما زاد راس المال كل ما تكون المشاكل اخطر في حال التسويه والافلاس ....

فشنو الهدف من زيادة راس المال


خصوصا لو كان عندي شركه ذات مسؤوليه محدوده :- القانون في هالحاله ما يقدر يوصل لاموالي الشخصيه فليش اقطها بالشركه و اخلي القانون يوصلها ليش ما احتفظ فيها مو احسن ؟؟


ممكن توضح لنا الله يجزاك خير ....

 

[general]

اخوي العزيز
بالنسبه ليش في ناس ترفع الراس مال زياده عن حد المطلوب فالاجابه هي اجابتان
الاجابه الاولى : ان فعلا هم عندهم راس مال كبير ويحطونه عشان كل شخص يضمن حقوقه .
مثال انا معاك عندنه مليون دينار نقدي وبندخل في مشروع عقارات فما الهدف اني اتقيد فقط بالحد الادنى لراس مال المحدد من قبل التجاره وخلي بالك تحديد راس المال من وراه هدفين الهدف الاول شرط وزاره التجاره وثانيا عشان حقوق كل واحد محفوظ في وزاره العدل .
ثانيا كل مازاد راس المال كل ما البنوك وشركات التمويل احترمت الشركه اكثر , ومن ناحيه الافلاس ومن ناحيه الخساره طبعا هذا مسأله بروحها , لكن مثل ماقلت لك كل ما زاد راس المال كلما احترمتك شركات التمويل والبنوك
وبعدين بالنسبه لقبل اخر سطر كتبته لي , كأنك متخيل كل الي يبي يفتح شركه ذات مسئوليه محدوده هدفه اختلاس الاموال سواء بالنصب او الخساره او اخذ تمويل وقروض ومن ثم يسكر الشركه .

 

[sasa911]

يعلم الله بانني استمتع واستفيد كما غيري من قراءة مواضيعك
فشكرا لك
وجزاك الله الف خير

ولو سمحتلي عندي استفسار ارجو الاجابه عليه والنصح لاخوك

فانا عندي شركة تجاره عامة ومقاولات ..والشركة تزاول نشاطها ولها مكتب ولا توجد لها فروع
وقبل ايام جاءتني احدى الاخوات من جنسة معينه فعرضت علي ان اقوم باستخراج ترخيص صالون نسائي واستئجار الترخيص مني سنويا .
فالسؤال اطال الله بعمرك ونفعنا بعلمك:
1- هل اذا اردت فتح فرع للشركه يجب استخراج شهاده رصيد جديده للفرع المراد فتحه ؟؟
2- هل اجراءات فتح الصالون النسائي صعبه ومعقده ام سهله ؟؟
3- كم تقريبا المتعارف عليه لايجار رخصة الصالون النسائي في السنه ؟؟
4- كم السعر المعقول الذي من الممكن ان ادفعه للمندوب لاستخراج فرع الصالون ؟؟
5- ان كان هناك نصيحه لاخوك فلا تبخل بها علي ؟؟

يالغالي ...ندري باننا اكثرنا عليك بالاسئله.. ولكن اللذي يشفع لنا هي سعة صدرك ...وحبك لنصح اخوانك ... وابتغاء الاجر من الله اولا واخيرا

اسف للاطاله ...واتمنى لك وللاخوان كل خير