السلام عليكم
أخوي رحنا ملح شركة زين عاجبتني وزيادة رأس المال هم عاجبتني ولا ما كنت أضيع وقتي في متابعتها، بس إلي مو عاجبني إن الشركة تشتري أسهم خزينة وتوزع نقدي على المساهمين بأكثر من نصف قيمة زيادة رأس المال بدال ما فعلا توظف هذه الزيادة في تمويل قروضها وخططها التوسعية الخارجية عشان ألحين تكون في حاجة فعلية إنها تبيع أحد أصولها إلي هي زين أفريقيا، لحد يقول لي إن أفريقيا خسرانة ومش عارف إيش شوفوا السبب الرئيسي لإنخفاض هامش ربحية هذه الأسواق راح تشوفون إن تكاليف التمويل هي السبب الرئيسي يعني لو فعلا تم تمويل قروض زين أفريقيا خلال العام ونصف الماضي لكانت أرباح مجموعة زين حاليا أعلى مما تحقق
وحتى اليوم بعد إعلان الشركة في البورصة عن صفقة بيع زين إلي الأغلبية متوقعين أن تكون الربحية حوالي 5 بلايين دولار كان المفروض يكون الإعلان أوضح لأن على حسبتي تم خصم تكلفة شراء رخص زين أفريقيا دون خصم ما تم صرفه على هذه الأسواق، وحتى ديونها .. في حوار اليوم مع أحد الأخوان قال لي إن ممكن لأن الشركة لا تريد أن توضح حجم الربحية الحقيقي في حال ما إذا تمت الصفقة على السعر المعلن "10.7 بليون دولار" خشية أن يؤثر على مسار الصفقة، قلت له ماشي كلام مقبول بس من باب أولى أن أقول إن لا يمكن تحديد الربح حتى تتم الصفقة
ثاني شي بخصوص الغرامة ليش ما وضحوا إن كانت إلزامية على الإتفاقية الحالية أو بعد توقيع عقود البيع؟ لأن الدارج للشروط الجزائية عند إبرام العقود خصوصا أن الإتفاقية كما هو معلن مشروطة بنتيجة الفحص النافي للجهالة وأعطيك مثال بسيط إلي هو زين نيجيريا إلي عليها مشاكل قضائية حاليا إذا الطرف المشتري إكتشف إن فعلا هناك صعوبة في نقل ملكية رخصة هذا السوق إلي هو أكبر سوق أفريقي لزين من ناحية عدد العملاء وحجم الإرادات راح يوافق إن تتم الصفقة بنفس السعر؟
مشكلتي مع إدارة الشركة وليست الشركة خصوصا إنها قاعد تمشي في مسار ما راح يفرقها عن تمويل خليجي أو منا القابضة
اولا ماجاوبتني شنو الشركه المثاليه عندكّ!!! شركه يمدحها جعبر
ثانيا ماكو شركه ما انضربت بالازمه وماكو شركه ماتوسعت قبل الازمه بقوه وارهقتها الازمهبضعف قنوات التمويل وتشدد البنوك الشركه توسعت وايد بعهد سعدالبراك وفوق طاقتها والكل يدري
ثالثا الشركه ماكانت تبي تعلن الربح اللي راح يتحقق من البيعه لولا ضغوطات ادارة البورصه(انت تقول المفروض ماكانت تعلن!!)
رابعا الشرط الجزائي على بهاراتي ساري من الان كونها قدمت عرض سعر وساري على زين كونها وافقت....اي واحد اكنسل يدفع
ولعلمك في كذا عرض مقدم من شركات اخرى لشراء افريقيا بس زين وقفت كل شي عشان بهاراتي
خامسا انا من شهر 11 اللي طاف ارجع لمشاركاتي راح تشوف اني ذكرت ان احتمال بيعة46%ماتتم وذكرت ان افرقيا راح اتعوض كل مساهم
سادسا الربح اللي راح اتحقق للشركه ذكرتلك انت بالذات قبل 4 ايام ان300فلس وانت ماصدقت وقتها
لا وقولك الربح فوق 300 فلس
سادسا راح تشوف السهم 2دينار واكثر هالسنه وتذكر كلامي
سابعا راح تشوف خبر خلال 6 اشهر ايجابي راح تنصدم منه جد وتذكر كلامي
وفي الختاااااااااااااام
ماتوقعتك اتشبه زين بمنا قابضهّ!!!!!!!!
والله اني كنت احب تحليلاتك بس جد صدمنتي بمنا قابضه
المفروض تفتخر بهالشركه اللي وصلت العالميه باداره كويتيه
وذا عندها اصل بهالقيمه فبرافوا عليها
انت طبيت بافرقيا ونيجيريا طب والحين تقول انجح الاسواق
مشكور وتحمل كلامي؛)
