شركة زين للاتصالات (زين)

[Cha3bar]

وسؤالي لك

هل برأيك الصفقة لها علاقة باستقالة البراك ؟
وهل ستنخفض نسبة الأرباح أم ستزيد نسبة الأرباح للشركة حيث
الشركة فقدت نسبة كبيرة من عملائها ومن سمعتها ؟
وهل الصفقة لصالح الشركة ؟

وشكرا

السلام عليكم أخوي بريف قلب! خوش إسم

بالنسبة إن كانت هناك علاقة بين إستقالة البراك في هذا التوقيت وبيع زين أفريقيا ما أدري

بالنسبة لنسبة الأرباح بعد البيعة فالنسبة ستزيد "هامش الربحية سيرتفع" لأن زين أفريقيا خلال الأرباع الخمسة الماضية كانت تأكل من إجمالي ربحية المجموعة .. الشهرة بعد البيعة ستنخفض بحوالي 700 مليون دينار

هل الصفقة لصالح الشركة؟ نعم في صالحها إذا تم توظيف الفوائض المالية في تطوير أسواقها في العراق "أفضل الأسواق أداءا في الشرق الأوسط وبعده السودان" وتمويل اعمالها في السعودية علما بأن نتائجها في الكويت ستستمر في التراجع نظرا لحدة المنافسة، والمحاولة في التوسع الخارجي مرة أخرى .. مو يوزعون الأرباح

المهم هو كم هي القيمة الدفترية لزين أفريقيا طالعه معاك؟

قبل لا أنسى، الحكومة الهندية مصرحة قبل شوي إن ما عندها أي مانع في تقديم الدعم لبهارتي لإتمام صفقة شراء زين أفريقيا في حال طلب الشركة

وشاكر لك المجاملة

 

[marvel]

ليش البيع ؟؟

 

[الوافي ابو محمد]

ليش البيع ؟؟

واضح السهم مرتفع من سعر 820 فلس إلي 1280 فلس

هذي صيدات الخرافي مايرحم أحد

 

[معشي الجن]

ليش البيع ؟؟

ماكو ثقه

 

[دينار صاعد نازل]

حركه تكتيكيه

الاقفال الاخير حركه تكتيكيه لارهاب حاملي الاسهم علشان يبيعون باسرع وقت.... ماكفاهم تصريح الاربعاء اللي فات لما قالوا ماكو صفقه.... الناس قطت على 1040 فلس.... والبورصه وقفت التداول لحين ورود الأخبار... يعني لو ماوقفوا جان اغمتوا الاخبار لحد مايوصلونه 800 فلس... بس الله حمى صغار المستثمرين من هالألاعيب اللي يسونها فلان وفلان ( مابي اذكر اسماء).

عموما... وجهة نظري باللي صار اليوم بالدقايق الأخيره هو محاوله لترهيبكم...يبونكم تقطون اسهمك وترضون بالقليل... سواء ربح قليل... او خساره قليله... هم راح يكملون طريجهم.... اعتقد راح يوصلونه دينارين او اكثر بشوي.... مو لانه السهم يسوى او مايسوى.... بس لان في ناس كبار تشمتت بالراس العود ( فلان الفلاني) عقب فيلم الهنود... مع العلم هو اللي مفترض يشمت فيهم... لانهم مو بخبثه... عفوا... أقصد ذكاءه!!!

اللي راح يصير انه قرر يطيره فوق... فوق... فوق... والناس ارقابها راح تنثني بزاوية 90 درجه وهي تطالع.... بس انصحهم يلبسون خوذه.... لان سقوط السهم راح يكون من ارتفاع عالي على روسهم.... بس مو الحين... عقب السعر اللي هو يحب يحدده... واللي اعتقد انه دينارين... او شوي زياده... ترى القهوه حلاتها سكر زياده.... يا سكر!!!!

 

[اساهيم]

ماكو ثقه

هذا الواقع للاسف ..

 

[rouzy]

حركة السهم اليوم ممتازة، حيث أن 1260 تعتبر حركة تأسيس ودعم قوي في رحلة الصعود،
وبسبب الصفقة الجديدة لبيع زين افريقيا، فمن المتوقع أن يصل السعر 1600 على أقل تقدير.. وفي بضعة أيام.

والله أعلم.

 

[مليون دينار]

الحذر اليوم البيع واضح

 

[rahaly]

والي لاحظته واشوفه انه الي من الأعضاء الي يسوى تقرا ردوده وملاحظاته في المنتدى الأخ جعبر
كوني باحث مالي وتخصص محاسبة ومساند تمويل .. يبين منو الي يفهم شقاعد يقول ومنو البغبغاء الي يردد حجي الدواوين او يتكلم بالعاطفه ..

بارك الله فيك ..

والله بدون اي مجاملة (والقريشات ما فيها مجاملة )

رجل تبارك الرحمن قمة الفهامية بالتحليل المالي ..

قد يكون متحفظ جدا عند التحليل .. وقد يكون متشدد في التحليل ويخالف نظرة المضاربين

لكن طريقته هي طريقة المستثمر الصحيحة .. وكون السهم يرتفع على خلاف تحليله .. فذلك لا يعني ان الارتفاع صحيح .. فمشكله السوق انه لا يعترف في كثير من الاحيان بالتحليل المالي الصحيح
(وذلك من اسباب الازمة العالمية)

نسأل الله التوفيق لاخونا جعبر .. ما قصرت ببذل هذه المجهودات المشكورة

واللي يبي يسايره بتحليلاته المبنية على اسس علمية .. فله ذلك

واللي يبي يضارب لمجرد المضاربة .. فله ان يلجأ الى تحليلات الاخوة الفنية والشارتات ..

ولكل مجتهد نصيب ..

عن نفسي جامع بين الاثنين .. اذا حبيت ادخل نظام فاز باللذات من كان جسورا اتبعت الشارت ..

واذا داخل لاستثمار امن .. اتبعت التحليل المالي

واذا داخل نظام يا خال يا بوثنتين .. دخلت باجتهاد شخصي ويا صابت يا خابت

يبقى ان نشكر اخونا جعبر بارك الله فيه .. وجميع الاخوة المحللين الماليين والفنيين ...


والرأي شخصي ... والله اعلم

 

[بو ضاري 2005]

منو الى يبيع دام فى صفقه

 

[الوافي ابو محمد]

تبادل بين المحفظه ونفسها ومنها يبيع ويصرف وراح يرفع السهم ومنها يبي يصرف مره أخري

الحذر من الغد هذا الخرافي ياكل الخضر واليابس

 

[Q8_123]

غدا مسلسل رعب جديد

والاحد يصير خير

نرى ما يؤول اليه الوضع

ما قلتل شمعنه الاحد ؟

 

[دينار صاعد نازل]

منو الى يبيع دام فى صفقه

اللي يبيع الحين ... ناس عندها اسهم كثييييييييييييييييره..... وتبي تبيع بعدين بسعر عاااااااااااالي.... وتبي تلم كثر ماتقدر... فشنو يسوون؟؟؟؟؟ يتنازلون عن بعض الأسماك الصغيره (شوية أسهم) بسعر منخفض..... الناس تبدا تبيع..... يلمون مره ثانيه..... الى ان يوصلون الهدف!!!!