دورة المؤشرنت للتحليل الفني
50 دينار كويتي
## مبروووووك رجوع لقب التميز.... للمميز unix ##
- بادئ الموضوع فيصل2
- تاريخ البدء
- الحالة
Legal
عضو نشط
- التسجيل
- 1 سبتمبر 2009
- المشاركات
- 2,369
فيصل2
عضو نشط
- التسجيل
- 21 مايو 2006
- المشاركات
- 1,633
UNIX
موقوف
- التسجيل
- 9 أبريل 2007
- المشاركات
- 7,556
نسيت أقول شي...
شفايدة التميز ؟ اذا نفس الشخص اللي عطاك التميز متى ما طق بمزاجه يشيله يقوم و يشيله و متى ما طق بمزاجه يرجعه يرجعه.
معناته هالشي يوحي لك الى حقيقتين:
1- اما ان الشخص اللي قيمك ما يعرف يقيم فتلقاه مره يعطيك اياها و مره ايشيلها منك.
2- أو ان المسؤولين هني يعطون الألقاب على و يشيلونها على حسب الافرازات النفسية لهم، يعني اضطراب التحكيم و القياس.
بس مع هذا و هذا، أقدم لهم شكري الساحق فرداً فرداً. و بالنهاية كلنا بشر نصيب و نخطأ.
شفايدة التميز ؟ اذا نفس الشخص اللي عطاك التميز متى ما طق بمزاجه يشيله يقوم و يشيله و متى ما طق بمزاجه يرجعه يرجعه.
معناته هالشي يوحي لك الى حقيقتين:
1- اما ان الشخص اللي قيمك ما يعرف يقيم فتلقاه مره يعطيك اياها و مره ايشيلها منك.
2- أو ان المسؤولين هني يعطون الألقاب على و يشيلونها على حسب الافرازات النفسية لهم، يعني اضطراب التحكيم و القياس.
بس مع هذا و هذا، أقدم لهم شكري الساحق فرداً فرداً. و بالنهاية كلنا بشر نصيب و نخطأ.
ابوعبدالله لابتوب
عضو محترف
ونذكرك بشي بوخالد
انت من ارسل لي شخصيا طلب ازالة لقب عضو مميز
وهذا القرار قرارك والمسؤولين لبو طلبك في ازالة اللقب
عيدك مبارك
وكل عام وانت بخير
مشكور يابو محمد (فيصل 2)ومشكور يابوعلي وهذا يسمونه التواضع والله سبحانه يقول لا تزكوا أنفسكم ومشكور أنت واخوانا جميع المشرفين وعلى راسكم المؤشر وهذي بادره طيبة ونشكر لكم سرعة التجاوب وهذا ما عودتونا عليه بارك الله فيكم والعيد عليكم مبارك ويابخالد يالله مالك عذر عطنا الشغل الطيب
ابوعبدالله لابتوب
عضو محترف
انا مو فاهم انت موقوف ورجعوك ولا مرفعينك
انا ال اعرفه انك موقوف لانك مشاغـــــــــــــــــــــــــــب
ههههههههه مشاغب حلوه هذي هذا المشاغب من كبار المحللين الاساسيين وأسلوبه مشاغب لأنه صريح للاسف ولا يلف ولا يدور ويطقها بوجه أكبر راس ولا يهمه وعلى فكره هو ليس محترف بل أختصاصي يعني راعي مهنه ودائما الكلمة الصجيه تعور وبعدين المطبلين مايحبونه لأنه دايس في بطونهم ومو معطيهم مجال وافضل من يقرى البيانات الماليه هو بوخالد
شوف عزيزي أنا ابي أسإلك
أنت تملك كميه في تمويل الخليج والسهم قيمته دينار جاك واحد قالك سهمك هذا بتشوفه 100 فلس شيصير فيك أقلها بتسبه أو بتقوله انت ماعندك سالفه وهذا اللي صار
- التسجيل
- 2 أبريل 2006
- المشاركات
- 323
انا مو فاهم انت موقوف ورجعوك ولا مرفعينك
انا ال اعرفه انك موقوف لانك مشاغـــــــــــــــــــــــــــب
وقف العضويه لجميع الموقوفين يعتبر مؤقت ومن يرغب بالعوده سيحصل على فرصه بشرط الإلتزام بقوانين الموقع التي سنحرص على تطبيقها بشده على الجميع بدون إستثناء ... حتى لو كانوا مميزين أو محترفين فلا خير في صاحب علم قليل أدب ووقح لا يعرف كيف يخاطب الأعضاء
أسد سليمان ملك
عضو مميز
جاكم بولسان
والله مشكله
لابتوب لاطبل حق يونكس ترى ازعل
والله مشكله
لابتوب لاطبل حق يونكس ترى ازعل
كنز المعرفه
عضو نشط
- التسجيل
- 21 نوفمبر 2009
- المشاركات
- 516
يا عزيزي 3/4 ارباع سوقك تحت 100 فلس ونصهم تحت 50 فلس مو بس واقفه على سهم بيت التمويل الخليجي خلها على الله
UNIX
موقوف
- التسجيل
- 9 أبريل 2007
- المشاركات
- 7,556
أولاً يا أستاذنا المراقب عيدك مبارك و كل عام و أنت بخير.
ثانياً لما اتيي و تتعب و تحلل ميزانيات و هذا الشي ياخذ منك جهد أيام مو دقايق ترسم خطين و تحط دعم و مقاومة، و أي متخصص في التحليل المالي يعرف هالشي هذا، و اييك واحد بارده مبرده يقولك أنت ما تفهم و لا يقولك هالشركة بتحقق ربح غصباً عليك و لا يسفهك، من الطبيعي انك تشلخه.
ثالثا اللي يعرفني عن قرب و بره المنتدى ايعرف اني ريال و بالمواصفات المطلوبة.
رابعاً المنتديات عمرها ما كانت هي المعيار لتحديد أدب و خلق و علم الأشخاص، صدقني عندك بالمنتدى هني ناس تحسبهم رجال، بس لو أقولك سوالفهم و أحللك اياهم تحليل أساسي تعرف انهم ناس ورقيين و أقل من الورقيين "على وزن شركات ورقية"
خامساً يشهد الله على كلامي اني ما رجعت بنك ويكيد الا علشان الشباب واللي على راسهم بو عبدالله، و ما رجعت الحين بيونكس الا بعد ما حلفني بو عبدالله، و لا أنا و لله الحمد و لا فخر املك من العلم ما لا يملكه أغلبية أعضاء المنتديات من الشرق الساحق و من الغرب الماحق، و اللي يشهد لي بالشي هذا مسؤوليني و شهاداتي المهنية العالمية، انا شنو مستفيد اذا ييت و نبهت و تكلمت و فتحت دفاتر الشركات لكم؟؟ بتعطوني فلوس؟؟ ما راح أستفيد الا الدعاء من الناس الطيبة.
سادساً نعم تقدر تملئ منتداك بالمحللين الفنيين، فهناك الكثير من الدورات اللي تخرج محللين فنيين خلال 3 أيام أو أسبوع، و من بعدها يحلل لك شارت سواء صح أو غلط. بس بالتحليل المالي السالفة مو سالفة دراسة أو دورة، اهي سالفة خبرة و أصحاب الخبرة ما يفضون لكم من وقتهم بالمجان، لأنهم يشتغلون برواتب بالالاف و استشارات بالعشرات الالاف.
سابعاً أنا لما أغلط على الشخص أغلط عليه علشان مصلحته مابيه يصير امعه و يصدق كل شي يسمعه و يشوفه، و أنا لما أغلط على شخص ثق تماماً ان هذا الشخص يحاول يضربني من تحت الحزام و انا ريال و أعرف أصحاب العسل و أصحاب السم. لما تشوفني أغلط مني و الطريج هني قول عني لساني طويل و قليل الأدب.
ثامناً أحد الأخوة ذكر بأن الفترة القادمة هي فترة التحليل المالي و ليست التحليل الفني فقط، و الفترة القادمة سترى الانهيارات من كل حدب و ستبدأها القياديات قبل الورقيات! مما سيتزعزع حائط الثقة عند الجميع و لا يستطيع أحد أن يتكلم عن أسباب هذي الانهيارات الا المحلل المالي.
تاسعاً لما ايي واحد و يجحد بتعبي و بدراستي من الطبيعي اني أسحقه بكل قوة، بالنهاية انا مو قاعد أطلع لا فلوس و لا شي و لا عندي منتدى أعلن فيه و لا عندي خدمة الرسايل نفس الحبيب بزين و الجمان. طلبي هو اذا استفدت مني لا تدعيلي مابي دعاء من أحد و لا أبي أحد يغلط علشان لا أسحقه، كل اللي ابيه اذا قرأت و أقتنع أتبع أو طنش و أسكت.
عاشراً اذا انتوا حاسين انكم مجبورين لإعادتي للمنتدى و لا مرتاحين من وجودي و أنا أدري ان في أكثر من 3 مشرفين غير سعداء لوجودي، تقدرون تجتمعون بصفحة الاشراف و تقررون شطبي مرة ثانية، بس هالمرة مابيكم تشطبوني بس أبيكم تشطبون كل مشاركة أنا كتبتها بالمنتدى من عام 2007 الى الرسالة هذي.
أتمنى اني ما أزعجتك بس المثل يقول: اذا تبي صاحبك دوم حاسبه كل يوم و المثل يقول اللي اوله شرط أخره نور.
أسأل الله العظيم أن يبارك لكم في يوم العيد و في كل يوم و تقبل الله طاعتكم و كل عام و أنتم بخير.
بوشيخة ليمتد
عضو نشط
- التسجيل
- 29 نوفمبر 2006
- المشاركات
- 318
ونذكرك بشي بوخالد
انت من ارسل لي شخصيا طلب ازالة لقب عضو مميز
وهذا القرار قرارك والمسؤولين لبو طلبك في ازالة اللقب
عيدك مبارك
وكل عام وانت بخير
- الحالة
دورة المؤشرنت للتحليل الفني
50 دينار كويتي